Rihapet konflikti/ Digjet 'Ferrari' i Noizyt! Deklarata e autorit: Cllevio Serbiano më pagoi 2 mijë euro

Stresi

TIRANË- Reperi Arkimed Lushaj, i njohur gjithashtu Stresi ka reaguar në lidhje me djegien e makinës së Noizyt, për të cilin dyshohet se porositës është Kleviol Ahmeti, ish-miku i ngushtë i reperit nga Tropoja. Në një prononcim për JOQ, ai është shprehur për JOQ se nuk ka asnjë makinë të djegur, por vetëm është tentuar, teksa thotë se Klevioli ka dashur t’i djegë edhe atij makinën, por personi i porositur nuk e ka gjetur dot.

"Ky ka ardh me më djeg makinën mua, por nuk ma ka gjetur,"-tha Stresi. 

Stresi dhe Klevio kanë qenë miq të ngushtë, por konflikti i tyre ka nisur, kur Stresi bëri paqe me kundërshtarin e tij në muzikë, Noizyn, i cili sot është “armik” i reperit nga Lushnja.

Cllevio Serbiano dhe Noizy

DURRËS- Reperi Cllevio Serbiano, i cili dyshohet se fshihet pas djegies së Ferrarit të Noizyt ka bërë një reagim në rrjetet sociale. Reperi ka bërë publikuar në rrjete sociale lajmin me mbishkrimin e fragmentit të një kënge.

Gjithashtu në një video live të fundit në rrjetin social 'TikTok' Cllevio thotë: ‘I është vendosur tritol makinës "Maybach”. Duke treguar se është djegur tjetër makinë dhe jo Ferrari. Gjithashtu ai e ka mohuar akuzën dhe ka treguar se ndodhet në Itali.

Ngjarja ka ndodhur më 6 gusht rreth orës 05:10, në lagjen numër 1, e njohur si zona e Currilave.

DURRËS-  Personi në foto është, Siar Konti, i cili akuzohet për zjarrvënie të Ferrarit, makinës luksoze të reperit të njohur Rigels Rajku, i njohur me emrin e artit, Noizy.

Siar Konti

Noizy

DURRËS- Siar Kontit, autori që tashmë ndodhet pas hekurave, deklaroi se porosinë për djegien e Ferrarit e ka marrë nga kundërshtari i Noizyt, reperi Cllevio Serbiano, i cili emrin e vërtetë e ka Kleviol Ahmetaj.

“Mora një shokun tim për të më ndihmuar. Flakën ja vura me benzinë në pjesën e përparme”,- ka thënë autori i ngjarjes.

Ndërkohë, Kleviol Ahmetaj, ka deklaruar për policinë se nuk ka asnjë lidhje me këtë ngjarje dhe se problemet me Noizyn i ka sheshuar kohë parë. Edhe pse ka dhënë këtë dëshmi, Cllevio rrezikon burgun për të disatën herë pas dëshmisë së vlonjatit nëse do të verifikohet se porosia është bërë pikërisht nga ai.

Kujtojmë se dy reperët janë konfliktuar me njëri-tjetrin, madje sherri mes tyre ka degjeneruar në forma përplasjesh, si fizike po ashtu dhe në rrjete sociale. Më pas nga të dy palët u fol për një moment paqeje dhe mbyllje të problemeve, por si duket asgjë nuk është mbyllur.

Noizy

DURRËS- Reperi Rigels Rajku është sërish në telashe. Pas zjarreve të qëllimshme në biznesin e tij, këtë herë Noizy-t i është djegur në Durrës ferrari i tij me vlerë 300 mijë euro. Makina e kuqe, të cilën reperi e ka quajtur 'Shakira', është djegur për arsye konflikti me një tjetër këngëtar.

Autori, një i ri nga Vlora është kapur nga kamerat e sigurisë duke ecur i qetë pranë vendit të ngjarjes, dhe pas sigurimit të provave të nevojshme, ai ka pranuar autorësinë e zjarrit. 

Në dëshminë e tij, vlonjati ka deklaruar se është paguar 2000 euro nga një tjetër këngëtar me të cilin Noizy ka patur konflikt më parë, i cili figuron të jetë jashtë Shqipërisë. 

Mësohet se pas arrestimit të autorit, është kërkuar të merret në pyetje dhe këngëtari, i cili nuk ka ardhur ende në Shqipëri ku dhe rrezikon arrestimin.