Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Në komisionin e Ekonomisë grupet e interesit kanë diskutuar për projektligjin për rikthimin e basteve online. •Përfaqësuesit e Shoqatës së Basteve kërkojnë rikthimin e kompanive që i kanë menaxhuar para 2018. •Ish-kreu i Shoqatës së Basteve, Artan Shyrti tha se ligji ka probleme, si dhe paralajmëroi se do të dështojë nëse nuk do të jenë në lojë kompanitë e vjetra. •Për deputetin Erion Braçen, kjo është shantazh dhe të përfaqësosh krimin në Komision. •Ai akuzoi për shantazh kreun e shoqatës së basteve, ndërsa tha se ai dhe kolëgë të tjerë kishin marrë telefonata nga burgu me qëllim kthimin në biznes te kompanive që ishin para vitit 2018. •Deputeti Dashamir Shehi ka shprehur kritika për këtë ligj, ku theksoi se qeveria po legalizon me ligj një ves, ndërsa shtoi se të paktën në këtë rast kjo nismë duhet të sjellë lekë për buxhetin e shtetit. •Tabaku tha se ky projektligj ul konkurrencën dhe përqendron aktivitetin në pak kompani siç ka ndodhur me kompanitë e karburanteve dhe në sektorë të tjerë dhe shtoi se kjo tendencë ku me ligje ngushtohet tregu dhe eliminohet konkurrenca është e dëmshme. •Deputeti demokrat, Edmond Spaho u shpreh se shumë deputetë kanë aktivitete të lojërave të fatit, ndërsa akuzoi dhe policinë se është e implikuar.
5 artikuj për këtë temë.
TIRANË- Deputeti demokrat, Edmond Spaho ka folur ashpër në Komisionin e Ekonomisë, ku tha se lojërat e fatit janë aktivitet i kapur nga mafia.
Spaho gjithashtu u shpreh se shumë deputetë kanë aktivitete të lojërave të fatit, ndërsa akuzoi dhe policinë se është e implikuar.
“Më pëlqeu fjala juaj zoti kryetar (ironizon Shalsin), por po luajmë një teatër të madh këtu. I vetmi element që lidh gjendjen këtu në Shqipëri me jashtë, është se edhe andej organizohen lojëra fati. Këdo të marrësh shembull, por andej ka shtet dhe shteti i kontrollon. Edhe andej ka rrjedhje, por këtu nuk i kontrollon, se është palo shtet. Nuk po diskutoj ‘koha juaj, koha jonë’. Ju i mbyllët dhe nuk jeni në gjendje që t’i kontrolloni. Po pranoni se keni falimentuar me kontrollin e lojërave të fatit. Ju mburreni dhe e thoni vetë atë të Enverit. Ai i linte 200 veta atje të luanin, se e dini vetë se si i bënte. Ligj kishim dhe para 2018-ës, nuk ka qenë aktivitet pa ligj.
Duke pasur ligj arritëm në konkluzionin se duhen mbyllur. Sporti është preteksti. Në kushtet e Shqipërisë është aktivitet kriminal. Kush thotë të kundërtën, gënjen, ose është pro mafias. Ky aktivitet është i kapur nga mafia. Politikanë shqiptarë merren me lojëra fati, një numër i konsiderueshëm i deputetëve kanë aktivitet të lojërave të fatit. Ju e dini se cili koleg ka lojëra fati. Ju duhet t’i ndaloni, por nuk ngriheni. Këtu është e bashkuar dhe policia. Me lojëra fati blihet policia, drejtorë policie. I ka nxjerrë media. Lexo se sa komisarë policie janë kapur duke u blerë nga pronarë të lojërave të fatit. Kapi ti se je në krye të qeverisë, unë ngre zërin.”, tha Spaho.
TIRANË- Në mbledhjen e Komisionit të Ekonomisë, deputetja demokrate, Jorida Tabaku tha se ligji i basteve online është marrëzi me rregullat e qeverisë.
Tabaku theksoi se edhe pse aktiviteti i lojërave të fatit u ndalua me ligj ky aktivitet u kanalizua në mënyrë informale. Deputetja tha se ky projektligj ul konkurrencën dhe përqendron aktivitetin në pak kompani siç ka ndodhur me kompanitë e karburanteve dhe në sektorë të tjerë dhe shtoi se kjo tendencë ku me ligje ngushtohet tregu dhe eliminohet konkurrenca është e dëmshme.
“Së pari, të gabosh është njerëzore dhe siç qeveria pranoi dështoi me mbylljen e lojërave të fatit ashtu siç e ka pranuar dhe në relacionin që ka sjellë këtu ku thuhet “edhe pse aktiviteti i lojërave të fatit u ndalua me ligj ky aktivitet u kanalizua në mënyrë informale” gjithmonë aktivitetet që kufizohen rrisin informalitetin dhe krijojnë ilegalitet. Diçka që e kemi thënë edhe në 2018 ku patëm diskutime për këtë çështje. Kërkesa jonë atëherë ka qenë që ta rregullojmë tregun me këto operatorë që janë këtu dhe që të mos përpiqemi që ta përqendrojmë pra eliminojmë konkurrencën, të japim pak licenca dhe ta ulim ushtrimin e tregut në këto katër pesë licenca që jepen dhe faktikisht kjo ndodhi. Aktiviteti u shtua në mënyrë informale dhe qeveria a ishte e paaftë, e pa zonja apo e korruptuar këtë e dini si ju edhe qytetarët që e lejoi të lulëzonte në terren.
Rikthehemi në një moment ku ligji ka ardhur për bastet sportive online. Nga ky rikthim mua më lindin disa shqetësime duke parë ligjin. Na rezulton se nga raporti i konsultimeve publike të gjithë ato grupe apo kompani që janë konsultuar nuk na rezulton të ketë ushtruar aktivitetin e basteve sportive. Pra janë konsultuar, FSHF, KOKSH, Sepcial Olympics in Albania dhe më pas katër apo pesë kazino apo resorte që i shikoj nga emrat sepse e pyeta ministrinë e financave dhe akoma nuk kemi një informacion. A jeni konsultuar dhe ju?
Së dyti, në lidhje me Këshillin Shqiptar që trajton problemet e lojërave të Fatit. Një nga problemet që unë kundërshtova me MFE ishte reklamimi me mediat online. Si është në vendet e reja kjo praktikë? Duke pasur parasysh dhe teknologjitë e reja dhe algoritmet që përdoren që ta risjellin në vëmendje.
Në relacionin dhe projektligj argumentohen disa kritere, specifikisht në nenin 11 të tij, ku parashikohen këto kritere në lidhje për ato që do ushtrojnë këtë aktivitet dhe do licencohen; Kapitali themeltar jo më pak se 40 mln lekë, një nga aksionerët duhet të ketë eksperiencë në vendet e BE dhe OECD. Që këtu janë katër kompani që kanë këto kritere. Pra po ndodh pak a shumë si tek inceneratorët. Fiton kompania që ka disa aksione një kompani e huaj sa fitohet licenca kompania e huaj ikën dhe e merr licencën vetëm kompania shqiptare. Këto kritere bien në sekondë të gjitha dhe licencat do të jipen vetëm për këto kompani që kanë marrë leje.
E para rritja e informalitetit dhe e dyta përqendrimi në pak duar. Çfarë bën përqendrimi në pak duar? Nuk shqetësohem për kompanitë që ofrojnë aktivitetin e lojërave të fatit por për të mirën publike dhe ky projektligj ul konkurrencën dhe përqendron aktivitetin në pak kompani siç ka ndodhur me kompanitë e karburanteve dhe në sektorë të tjerë. Kjo tendencë ku me ligje ngushtohet tregu dhe eliminohet konkurrenca është e dëmshme. Është e dëmshme sepse prishet struktura e tregut dhe konkurrenca dhe për këtë ka folur Transparency International kur tregon kapjen e shtetit. Se këto ligje këto bëjnë dhe orientojnë kur këto kompani ushtrojnë aktivitetin.”, tha Tabaku.
TIRANË- Në mbledhjen e Komisionit të Ekonomisë po diskutohet ligji për bastet online. Gjatë fjalës së tij në mbledhje, deputeti Dashamir Shehi ka shprehur kritika për këtë ligj, ku theksoi se qeveria po legalizon me ligj një ves, ndërsa shtoi se të paktën në këtë rast kjo nismë duhet të sjellë lekë për buxhetin e shtetit.
“Kjo do të jetë një e keqe me ligj. Kjo është një e keqe, një ves. Më mirë që të jetë një ves që ka ça rregulla, se sa pa rregulla. Por që të na e shesin si avancim i shoqërisë, kjo është gënjeshtër. Jemi të pazotë për ta kontrolluar dhe për ta mbyllur. Jemi të pazotë. Le t’i vemë me ligj. Po justifikojmë një ves, shteti do marrë ca para. Po sa luhet në Shqipëri? Unë se kam idenë, por thuhet se luhet pare e madhe. Por që të merret shteti, të marrë ca lekë. Sikur nga këto 200 milionë që luhen, merr ca para, dhe ia jep atletikës. Bastet në Itali viheshin për futbollin, por paratë i merrte atletika. I vetmi justifikim që kemi për këtë punë, është që të marrim ca pare për sportin, se nuk kemi lekë. A marrim aq lekë sa merrnin para ‘Fundit të marrëzisë’? Të paktën të merret dyfishi i kësaj pune. Se i bie që po bëjmë me ligj disa biznesmenë të rinj”, tha Shehi.
TIRANË- Deputeti i Partisë Socialiste, Erion Braçe është shprehur kritik për lojërat e fatit. Gjatë komisionit të Ekonomisë, ai u shpreh se bashkë me kolegët e tij kanë marrë mesazhe kërcënuese nga zgëqet e burgut.
Po ashtu, ai akuzoi ish-kreun e Shoqatës së Basteve, Artan Shyrtit, duke i thënë se po përfaqëson krimin.
“Ajo që më bën habi në këtë komision, është se dhe një pjesë e jona dhe një pjesë e atyre që ftohen se dinë se ça ka ndodhur me këtë fenomen. T’i themi gjërat siç janë. Në 2018 për vite të tëra me radhë këtë aktivitet e ka pasur në dorë krimi. Mund të mos pëlqej, pasi nuk je i lidhur me krimin, por më vjen habi, por t’i nuk duhet të përfaqësosh krimin në këtë institucion. Ajo fjalia juaj që ‘po s’u kthyen ato kompani që ishin, do të jetë shumë keq’ është përkthyer si shantazh. Me përjashtim të një kompanie që rezistoi deri në fund, të tjerët u detyruan që t’i linin pikat e basteve. Ajo kompani refuzoi që të shiste aktivitetin, biznesin. U detyruan përmes dhunës dhe krimit. Ju mund të vazhdoni të thoni jo; por unë dhe ca njerëz që janë në këtë komision, e dini se ça kemi hequr nga burgu unë dhe kolegët, nga zgëqet e burgut përmes telefonave (kërcënime). Tani po luhet, por dini gjë se kush e organizon këtë aktivitet që ne t’i marrin dhe t’i nxjerrim nga errësira sot. Nëse jemi në këtë pikë që jemi sot, po jua them unë se policë të korruptuar, gjyqtarë dhe prokurorë, ishin pjesë e lojërave të tilla, nga kazinotë dhe bastet. U bënë pjesë e atij procesi ilegal, atje poshtë në territor. Por kush po luan tani dhe kush po e bën tani?”, tha Braçe.
TIRANË- Ditën e sotme, në komisionin e Ekonomisë po zhvillohet seanca dëgjimore me grupet e interesit për bastet online. Ish -kreu i Shoqatës së Basteve, Artan Shyrti tha se ligji ka problematika e shtoi se me këtë ligj lojtarët e kanë më mirë të vijojnë në paligjshmëri.
‘Ligji ka problematika që nuk janë marrë parasysh. Me këtë ligj lojtarët e kanë më mirë të vijojnë në paligjshmëri. Në botë ka edhe pika fizike jo vetëm online. Ligji kërkon të deklarohen edhe shumat e vogla, kjo do pengojë edhe turistët të luajnë. Pse të jenë vetëm kompani të huaja, ato do i dërgojnë paratë jashtë. Nëse nuk rikthehen kompanitë që ishin, kjo nismë do të dështojë!’- tha Shyti.
'Duhet një situatë win-win për të gjitha palët, për shtetin dhe për individët'- shtoi në fund ai./Dosja.al
