RTSH nis zyrtarisht reformën institucionale nën udhëheqjen e Unionit Europian të Transmetuesve Publikë, Rama mbështet reformën

TIRANË- Drejtori i Përgjithshëm i Unionit Evropian të Transmetuesve Publikë (EBU), Noel Curran, zhvilloi një vizitë në Radio Televizionin Shqiptar, ku u prit nga Drejtoresha e Përgjithshme, Eni Vasili. Gjatë takimit, Curran u njoh nga afër me sfidat dhe situatën komplekse që po kalon media publike në vend.

Në kuadër të kësaj vizite, Drejtori i EBU-së, i shoqëruar nga Drejtoresha e Përgjithshme e RTSH-së, Eni Vasili dhe Drejtoresha e Marrëdhënieve me Jashtë, pati një takim edhe me Kryeministrin Edi Rama.

Kryeministrit iu prezantua dhe raporti 60 faqesh i përgatitur nga grupi i ekspertëve të EBU dedikuar RTSH. Pas njohjes me gjetjet e këtij raporti dhe planit të veprimit, Kryeministri shprehu mbështetjen e tij për nisjen e reformës institucionale të RTSH dhe për procesin e transformimit të transmetuesit publik në një institucion modern, të qëndrueshëm dhe në shërbim të publikut.

Gjatë vizitës në RTSH, Curran shprehu angazhimin e EBU-së për të ofruar mbështetje maksimale në procesin e transformimit të RTSH-së./Dosja.al

Noel Curran

TIRANË- Drejtori i Përgjithshëm i EBU, Noel Curran, tha pas takimeve sot në Tiranë se rrjeti evropian i transmetuesve publikë do të mbështesë reformimin e Radio Televizionit Shqiptar. EBU mbështet Drejtoreshën e Përgjithshme, Eni Vasili, punën e saj duke vlerësuar bashkëpunimin me Këshillin Drejtues. Noel Curran e bëri këtë deklaratë gjatë një interviste në ambientet e RTSH pasi kishte përfunduar një sërë takimesh në Tiranë.

Drejtori i Përgjithshëm i EBU u takua me drejtuesit e RTSH-së në këtë fillim marsi, me anëtarët e Këshillit Drejtues, me Kryeministrin Edi Rama, me ambasadorin e OSBE-së dhe me të gjithë faktorët që, siç ai tha në intervistë, e kanë kuptuar nevojën për reformimin e RTSH-së.

Zoti Curran zhvilloi një vizitë të plotë në zyrat dhe studiot qendrore të RTSH dhe u njoh më afër me situatën komplekse që po kalon media.

Drejtori Curran ka sjellë një paketë të gjerë rekomandimesh që lidhen me hartën që duhet ndjekur për të kryer një reformë të suksesshme në median publike. Gjatë takimit me drejtuesit e departamenteve ai tha se ishte njohur me raportin e grupit të punës së ekspertëve të EBU, ku pasqyrohej me detaje gjendja aktuale e institucionit, duke treguar edhe në intervistën para largimit se sfidat që ka sot televizioni publik janë të njëjta me ato që kalojnë mediat e tjera publike evropiane.

Duke kujtuar se RTSH ka buxhetin më të ulët sesa të gjithë televizionet publike të rrjetit evropian dhe se teknologjia është tejet e prapambetur, ai theksoi në të gjitha takimet e zhvilluara në Tiranë, edhe në atë me Kryeministrin Rama, nevojën për investime thelbësore që televizioni publik të rrisë përmbajtjen cilësore programative, infrastrukturën teknologjike dhe të jetë në të njëjtin hap me mediat moderne publike. Noel Curran garantoi se si drejtues i EBU do të kërkojë angazhimin e faktorëve politikë të brendshëm, por edhe të Bashkimit Europian, në përmirësimin e situatës financiare, transformimin dhe rimëkëmbjen e RTSH.

“Në këtë rrugëtim të vështirë RTSH nuk është vetëm, EBU do të jetë krah jush në çdo hap,” deklaroi drejtori i përgjithshëm i EBU gjatë vizitës në Shqipëri.

Përveç teknologjisë së vjetruar dhe buxhetit shumë të ulët, Noel Curran nënvizoi se RTSH duhet të forcojë marrëdhënien me audiencën në mënyrë që të mbijetojë në këtë treg shumë të vështirë mediatik. Ai tha se mungesa e një matësi të pavarur të audiencës penalizon RTSH, por edhe për këtë çështje ai u shpreh se do të diskutojë për një zgjidhje me drejtuesit e EBU-së. Gjatë takimit me Këshillin Drejtues, anëtarët u njohën me bashkëpunimin e nisur mes EBU-së dhe RTSH për reformimin e institucionit, zbatimin e reformës, rritjen teknologjike, atë programative si edhe digjitalizimin e arkivës./Dosja.al

TIRANË- Ditën e sotme, Drejtori i Përgjithshëm i Unionit Europian të Transmetuesve Publik, EBU, Noel Curran, vizitoi Radio Televizionin Shqiptar duke shënuar një moment të rëndësishëm për fillimin zyrtar të reformës institucionale. Curran u prit nga Drejtoresha e Përgjithshme, Eni Vasili, ndërsa vizita e tij u shoqërua me një takim të rëndësishëm me Kryeministrin e Shqipërisë, z. Edi Rama.

Gjatë këtij takimi, Kryeministrit i’u prezantua dhe raporti 60 faqesh i përgatitur nga grupi i ekspertëve të EBU dedikuar RTSH.

Pas njohjes me gjetjet e këtij raporti dhe planit të veprimit, Kryeministri shprehu mbështetjen e tij për nisjen e reformës institucionale të RTSH dhe për procesin e transformimit të transmetuesit publik në një institucion modern, të qëndrueshëm dhe në shërbim të publikut.

Kjo vizitë përbën një moment të rëndësishëm për RTSH dhe një mesazh të qartë të mbështetjes së EBU për procesin e reformës në RTSH dhe vjen pas misionit të Shërbimeve Transformuese në datat 18-20 nëntor 2025, ku përgjatë 3 ditëve pune grupi i ekspertëve punoi ngushtësisht me stafin e RTSH për të hartuar një raport diagnozë të institucionit.

Bashkëpunimi i ngushtë me EBU shënon fillimin e një faze të re reforme për Radio Televizionin Shqiptar, me synimin për të forcuar rolin e tij si një transmetues publik i besueshëm, i pavarur dhe në shërbim të qytetarëve./Dosja.al