Satelitët, Rama: Kryeinspektoriat që s'korruptohet, u jep fund ndërtimeve pa leje e krimeve

Investitori në takim me Ramën

TIRANË- Personi që po modernte takimin e zhvilluar mes kryeministrit Edi Rama dhe anëtarëve të kabinetit të tij, ka bërë një gabim gjatë prezantimit të emrave.

Në momentin që në podium u ngjit një prej investitorëve të huaj, pjesë e kompanisë me të cilën u nënshkrua kontrata për satelitët Alibania1 & Alibania2, vajza në fjalë thirri emrin e Haki Çakos, i cili është dhe Drejtori i Përgjithshëm të Agjencisë Kombëtare të Emergjencave Civile.

“Ftojmë drejtorin e Përgjithshëm të Agjencisë Kombëtare të Emergjencave Civile, Haki Çako…oh,”- tha ajo, kur kuptoi që në fakt personi që kishte radhën të fliste nuk ishte Çako.

Edi Rama

TIRANË- Kryeministri Edi Rama është shprehur se pas satelitëve, Shqipëria do të marrë edhe dronë të armatosur. Në takimin e tij me ministrat e përfaqësuesit e kompanisë së satelitëve, Rama tha se dronët do të shërbejnë për sulmet terroriste e për rastet ektreme. 

"Satelitët do të pasohen nga dronët. Do t'i kompeltojmë dhe do të marrim dornë të armatosur. Natyrisht dronët e armatosur janë për rastet ekstreme, kundër terrorizmit apo ndonjë sulmi potencial. Por kanë një tërësi funksionësh në përputhje me satelitët. Duke qenë në dinamikë të vazhdueshme apo duke bërë thellim të të tdhënave. Shumë shpejt do të jenë në dispozicion, proceset janë të tilla që jo gjithmonë i mbyll atëherë kur ti do. Ka procedura burokratike. Nuk ka qenë një proces i lehtë, është diçka që bëhet për herë të parë. Sot jemi me një rezultat pozitiv që na jep mundësinë që ta shikojmë të lehtësuar që prej vitit që vjen, pozicionin tonë në luftën e plotë për kontrollin e territorit,"- tha Rama. 

Edi Rama

TIRANË- Kryeministri Edi Rama ka akuzuar inspektorët se mbyllin 'sytë' e marrin para për të mos denoncuar ndërtimet pa leje. Në fjalën e tij që u mbajt në takimin me ministrat e përfaqësuesit e kompanisë së satelitëve, Rama tha se tashmë nuk do të jetë nevoja për inpsektorë. Ai u shpreh se prerjet e pyjeve do të monitorohen gjithashtu nga satelitët. 

"Kanë një perimetër prej 70 cm. Në rast se ne do të kishim mbi kokë qiellin e hapur dhe jo tavanin, ky do të ishte një perimetër që do të kapej nga satelitët. Kjo gjë nuk do të varej më nga ata efektivë që shkojnë dhe i bëjnë letrat asaj plakës për kotecin. Por nuk kanë sy për katet pa leje sepse sytë ua mbyll paraja. Teknologjia është bekimi i vendeve në zhvillim sepse u jep mundësinë të bëjnë kapërcime në harkun e një viti. Me satelitët kemi mundësi të monitorojmë të gjitha të mbjellat. Do të jetë shumë e lehtë për Ministrinë e Bujqësisë që të identifikojë vërtetësinë e të gjitha deklarimeve për subvencionimin e naftës. Nuk vjen dot më me një titull pronësie për një tokë që s’e punuar kurrë. Dhe kjo gjë nuk do të mbetet më në dorë të një inspektori. Edhe prerjet e pyjeve apo zjarret do t’i kemi në monitorim. Do të ketë shumë sy mbi territory dhe do të jetë e pamundur që sytë ekskluzivë t’i shesin shtetit letra false. Nuk do të kemi më flasitete për ndërtesa që s’janë fare aty. Bëhen aplikimi për legalizime për gjëra që nuk janë ndërtuar fare. Ia shisje tokën dikutj bashkë me leje dhe i thoje merr e ndërto se e ke dhe me leje,"- tha Rama ndër të tjera. 

Edi Rama

TIRANË- Kryeministri Edi Rama ka deklaruar se problematikës së ndërtimeve pa leje do t'i vijë fundit me ngritjen e satelitëve Albania1&Albania2. Në fjalën e tij në takimin me ministrat e përfaqësuesit e kompanisë së satelitëve, kreu i qeverisë tha se satelitët do të jenë një kryeinspketor në qiell që nuk korruptohet, që nuk ka nevojë t'i fushësh miq apo kushërinj. Sipas Ramës, satelitët do të monitorojnë prerjen e pyjeve, kullave e parandalimin e akteve kriminale. Kreu i qeverisë shtoi se detyra e tij nuk është të shohë katet pa leje, por tani nuk do të jetë as e insoektorëve më.

Pjesë nga fjala e Ramës: 

Në aktualitetin e ditëve të sotme, ndër të tjera besoj të gjithë ju e ma ha mendja i gjithë opinion public në tërësi po ndjekin një debat që ka nisur pasi qeveria mori një vendim ekstrem si rezultat i domosdoshmërisë për të shkruar edhe kapitullin e fundit të një lufte të gjatë për kontrollin e territorit, për ndërtimin e metrave katrorë pa leje për qëllim fitimi, duke abuzuar me lejet e ndërtimit. Debate, natyrisht i ushqyer me shumë urrejtje dhe mllef dhe për fat të keq me karakteristikën e debateve në përgjithësi që janë të dominuar nga urrejtja e një lufte politike, është një debat që niset nga një pyetje në dukje e thjeshtë, si ka mundësi që ju i patë vetëm tani. Ku i kishit sytë ju, madje deri në pikën që mua vetë më drejtohen, ndoshta ngaqë jam i gjatë. Më thonë, si nuk e pe ti këtë kullë. Ky debat ka një natyrë që lidhet me konkretësinë e ngrehinave të larta, porn ë fakt lidhet dhe me një marrëdhënie të shtetit në terren me ligjin dhe qytetarët. Me interesin public dhe korrupsionin. Me zbatimin e detyrave dhe me ryshfetin. Bveteja më e madhe dhe më e gjatë në një process shtet ndërtimi, është beteja për të ndërtuar një sërë institucionesh që funksionojnë si pjesë e një makinerie dhe që nuk varen nga subjektiviteti i personave të veçantë. Ne kemi bërë një transformim të veçantë duke kaluar 95% të shërbimeve në portalin e-albania dhe duke iu dhënë mundësi të gjithëve që këto shërbime t’i marrin pa pasur kontakt me asnjë person të përveçëm. Në vend të radhëve, pritjeve e kohëve të harxhuar pa fund për arsye nga më të ndryshmet, por edhe për arsyen e korrupsionit, njerëzit sot janë absolutisht të çliruar sepse kanë një rrugë të hapur mes tyre dhe nevojës për të marrë shërbimin përkatës. Në terren, ne kemi një problematikë që rëndon, shqetëson biznese e qytetarë. Problematika e individëve të përveçëm, në funskion të një detyre shtetëore që përkthehet në një presion mbi biznesin apo qytetarin për të marrë ryshfet. Këto ngrehina janë rezultat i mosfunksionimit si duhet, të një zinxhiri kontrolli, që hallkën e vet kryesore ka drejtësinë dhe që funksionon me të dobëtit, por jo me të fortit. Sa raste kemi dëgjuar që për një çati, avlli apo dritaret e Bojken Lakos, ky zinxhir ka funksionuar, deri në momentin që një person pa pushtetin e parasë ka përfunduar… Më thoni një rast të një abuzuesi të madh që ka përfunduar përpara gjykatës me një akuzë të ngritur nga prokurorët? Vetëm një. I kanë munguar prokurorisë rastet? Jo. E kam thënë dhe e them edhe sot, Policisë së Shtetit i vëmë mbi supe kritika sat ë duam, por nëse prokuroritë dhe gjykatat në këto vite të transfomrimit të Policisë së Shtetit do t’i ishin përgjigjur për të gjitha rastet ne sot do të kishim rezultate spektakolare në raport me rezultatet domethënëse po jo spektakolare që kemi. Sa raste ka të personave që kanë kryer krime të rënda që Policia e Shtetit i ka ekspozuar, por çështja ka dështuar për shkak të prokurorëve e gjykatësve, duket sikur biseda për gjykatësit e prokurorët është e kotë sepse ka një reform, por jo. Vettingu vazhdon. Ka një numër që vazhdon të kryejë krime. Për tuk thyer tek rasti. Qeveria ka marrë një vendim ekstrem për luftën që nisa kur hyra në politikë. Abuzimi i ndërtimeve pa leje. Pa parë të dobët dhe të fortë. Të fortët e asaj kohe ishin ata që kishin pushtuar Lanën e parkun Rinia. Sot ke akoma raste që mbahen peng procese penale për ndërtues të caktuar. Nuk lejohet inspektoriati të bëjë shembje të caktuara. I kemi vënë me shpatulla për muri të gjithë këta. Zgjidhja që vjen nga ky vendim kjo kontratë, i jep përgjigje pyetjes, por si nuk i patë. Nuk është detyra ime të shoh kate. Satelitët janë kryeinspektoriati ynë në qiell. Pa kushërinj e pa miq!

Niko Peleshi

TIRANË- Ministri i Mbrojtjes Niko Peleshi ka deklaruar se sot do të nënshkruhet kontrata për satelitët që do të minotorojnë Shqipërinë. Në fjalën e tij në takimin me kryeministrin Edi Rama dhe përfaqësuesit e kompanisë së satelitëve, Peleshi tha se satelitët do të dërgojnë imazhe në kohë reale. Ai shtoi se do të bëhet monitorimi i të gjithë vendit. Në prezantimin e këtij shërbimi të ri që do të marrin institucionet shqiptare, Ministri i Mbrojtjes Niko Peleshi tha se kjo kontratë përfaqëson një kapërcim teknologjik për Shqipërinë dhe për institucionet.

"Kjo kontratë ka vlerën 6 milionë dollarë. Kjo kontratë konsiston në përdorimin ekskluziv të 2 satelitëve, për një periudhë 3 vjeçare, për monitorimin e territorit të Republikës së Shqipërisë, zhvillimin e kapaciteteve teknike e profesionale të Republikës së Shqipërisë për përdorimin e shërbimit satelitor, përpunimin e Informacionit Gjeohapësinor si dhe ofrimin e produkteve të imazherisë dhe komponentëve të tjerë të saj. Shqipëria do të ketë akses prioritar në dy nga satelitët që pritet t'i bashkohen flotës së Satellogic në lëshimin e saj të ardhshëm satelitor me SpaceX, i cili do të quhet "Albania-1" dhe "Albania-2". Së pari Agjencia Kombëtare e Mbrojtjes Civile do të marrë informacion mbi rrëshqitjet e tokës, lëvizjen e strukturave të rëndësisë së veçantë si: diga, ura, nivelin e ujit në liqene, basene, lumenj, numrin e godinave të shembura, sipërfaqen e zonave të përmbytura, sipërfaqen e zonave të djegura, densitetin e popullsisë, rrugët e bllokuara, sipërfaqet e mbuluara nga bora, trashësia e borës. Do të marrë informacion mbi peshkimin detar, kontrollin e ujërave ku në raste që konstatohen shkelje të kërkesave ligjore do të marrë masa administrative nga sektori i inspektimit dhe kontrolli i peshkimit. Do të monitorohet rrjeti i kanaleve ujitëse, kulluese, kanalet e ujërave specifikisht në situata me reshje intensive, në mënyrë që të analizohet sipërfaqja e prekur në tokat bujqësore apo në zonat e banuara. Këtë vit ne përdorëm dronët “Puma” për kontrollin e zjarreve dhe pamë një ndryshim shumë të madh, por sa i përket menaxhimit të situatave të tilla, kursim dhe eficiencë të burimeve financiare për shkak se deri dje na duhej helikopteri për të bërë fotografime e sipërfaqeve me zjarre që kushtonte, dhe me dronet “Puma” ishte minimal. Një bazë të dhënash është një pasuri e madhe sepse duke instaluar aty inteligjencën artificiale dalin aty informacione të jashtëzakonshme që mund të na ndihmojnë në vendimmarrjen në të ardhme. Nuk e fillojmë nga zero, duhet thënë se është bërë një punë shumë e madhe në kuadrin institucional, ligjor,"- tha Peleshi ndër të tjera.