Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Ditën e sotme në Gjykatën e Lartë është zhvilluar seanca për çështjen e 21 janarit, ku u shqyrtua kërkesa e familjarëve të Aleks Nikës që dosja t’i kalojë SPAK. • Vendimi i gjykatës ishte në favor të familjarëve pasi dosja do t'i kalojë Prokurorisë së Posaçme. • Gjykata e Lartë urdhëroi, që SPAK të regjistrojë procedim penal për Sali Berishën, Lulzim Bashën dhe Ndrea Prendit për "21 janarin". • Kjo çështje është cilësur nga Gjykata e Strasburgut si krim shtetëror. • Në seancë ishin të pranishëm pjesëtarë të familjes Nikës dhe përfaqësues të SPAK-ut. • Pas përfundimit të seancës dhe dhënies së vendimit familjarët e Aleks Nikës dhanë edhe një deklaratë për mediat. • Mark Nika, xhaxhai i Aleksit, u shpreh se Gjykata e Larta në mënyrë profesionale vendosi që hetimet t’i kalojnë SPAK. • Ai tha se kjo ka qenë kërkesa e tyre, ndërsa shpresojnë që SPAK t’i shkojë çështjes deri në fund.
7 artikuj për këtë temë.
TIRANË-Gjykata e Lartë urdhëroi, që SPAK të regjistrojë procedim penal për Sali Berishën, Lulzim Bashën dhe Ndrea Prendit për 21 janarin. Pas vendimit, familjarët e Aleks Nikës folën për mediat. Mark Nika, xhaxhai i Aleksit, u shpreh se Gjykata e Larta në mënyrë profesionale vendosi që hetimet t’i kalojnë SPAK.
Ai tha se kjo ka qenë kërkesa e tyre, ndërsa shpresojnë që SPAK t’i shkojë çështjes deri në fund.
Xhaxhai i Aleks Nikës: Vendimi ishte i pritshëm. SPAK ta hetojë çështjen me objektivitet.
E veja e Aleks Nikës: E prisnim, sepse e drejta fiton. Ajo që kemi besuar tani po shpërblehet.
Idajet Beqiri: Prokuroria e Tiranës e bëri punën e vet, hetoi disa persona. Por Prokuroria e Tiranës nuk e heton dot ish-kryeministrin dhe ish-ministrin e Brendshëm. GJL vendosi që të bëhen edhe hetime. SPAK është detyruar që të bëjë hetime për këtë çështje deri në fund.
TIRANA- Gjykata e Lartë ka marrë vendimin në lidhje me rekursin e bërë nga Rajmonda Nika, e veja e të ndjerit Aleks Nika, i cili mbeti i vrarë në protestën 21 janarit në Bulevardin “Dëshmorët e Kombit”. Kolegji penal i Gjykatës së Lartë pasi dëgjoi relatimet duke pasur parasysh vendimin e Strasburgut lidhur me zgjidhjen efektive vendosi ndryshimin e vendimit të gjykatës së Apelit dhe urdhëroi SPAK që të regjistrojë hetimet për çështjen e “21 Janarit”.
Rajmonda Nika, e veja e Aleks Nikës ka bërë kallëzim në SPAK për këtë çështje, por Prokuroria e ka dërguar kallëzimin për kompetence lëndore në prokurorinë e Tiranës. Ndaj vendimit të SPAK, kanë paraqitur ankim familjaret e viktimave, duke e kundërshtuar atë, por GJKKO e rrëzoi.
TIRANË- Detaje të reja janë zbardhur në lidhje me seancën gjyqësore që po zhvillohet në lidhje me çështjen e “21 janarit” në Gjykatën e Lartë. Në seancë janë të pranishëm familjarë të Aleks Nikës të cilët kanë kërkuar nga gjykata shqyrtimin e kërkesës që dosja ti kalojë SPAK.
Gjyqtarët Ilir Panda, Sokol Binaj dhe Sandër Simoni po zhqyrtojnë kërkesën e familjarëve ndërsa janë publikuar disa nga debatet në seancë. I pranishëm në seancë është edhe prokurori i SPAK, Alfred Shehu i cili është përfshirë në diskutime.
Debati i plotë:
Ilir Panda: Prokuror kam dy pyetje. Siç duket nga aktet ju keni kryer dy veprime. Cilat janë ato?
Shehu: Kemi kërkur informacion nga prokuroria e Tiranës.
Ilir Panda: Nën prizmin e vendimit të Gjykatës së Strasburgut, ju e shikoni ndryshe aktin e prokurorisë së posaçme.
Shehu: Organet duhet të bëjnë hetim të plotë. Ky procedim po kryhet nga prokuroria.
Sokol Binaj: EDdhe për drejtuesit, edhe për zinxhirin drejtues kush do ta hetojë, kujt i takon.
Alfred shehu: Po heton Tirana.
Sokol Binaj me zë të lartë: Flitet për zinxhirin drejtues , a keni përgjegjësi?!
Shehu; S’kanë dalë subjekte të posaçme.
Gjyqtari i Lartë Sokol Binaj: S’po flas për subjekte të zakonshme, zinxhirin?
Shehu: Në rast se ata gjejnë shpallin mos kompetencën dhe e sjellin.
Sokol Binaj: KPP parashikon dy mënyra disponimi të prokurorit. Ke detyrimin para një kallzimi t’i përgjgjesh me të gjitha rekuizitat. Nuk ka rrëzohet. Nuk pranohet jep argumentat. Kjo hap rrugën që palët të shkojnë ats ku duhet të shkojnë në lidhje me kërkesat e tyre.
Shehu: Në kodin e procedurës penale nuk parashikohet
Gjyqtari Binaj: Jepi përgjigjje. Kallzimi vjen dhe rregjistrrohet.
Shehu: Ky disponim i prokurprisë është vlerëszar edhe nga gjykata
Sokol Binaj: Është kjo shkresë
Shehu: Ky kallzim nuk është rregjustruar. Ai kallzim është vleësuar nga një prokurori tjetër
Binaj: ska asnjë pengesë që për një cështje penale të hetojnë disa prokurori, një dy tre katër pesë
Gjyqtari Binaj: por mbi bazën e rregjistrimit pebal dhe jo me shkresa dërgo shlresa sa andej këtej. Jo pa patur asnjë mjet procedurial në dorë.
Prokurori i Spak Alfred Shehu: I qëndrijmë argumentave tona. Shkresa jonë është një shërbesë administrative, nuk ka ankim ndaj shkresave. Gjithashtu dy vendine i shkallës së oarë dhe apelit na japin të drejtë, për këto arsye kërkojmë mos pranimin e rekursit.
Sot po mbahet seanca në lidhje me “21 janarin” ku të pranishëm do të jenë pjestarë të familjes Nikës dhe të përfaqësues të SPAK, ku më pas do të caktohet nëse çështja do të kalojë në dorën e Prokurorisë së Posaçme, duke prishur vendimin e dy shkallëve të mëparshme. Do jetë Gjykata e Lartë që me një vendim urdhërues do të vendosë nëse hetimet do t’i vijojë Prokuroria e Tiranës apo do i kalojnë SPAK, për të hapur hetimin e asaj që Gjykata e Strasburgut e quajti krim shtetëror.
TIRANË- Alfred Shehu prokurori që përfaqëson SPAK në gjyqin e çështjes së 21 Janarit, ka thënë sot në sallën e gjyqit që dosja nuk mund t'i përkas atij kolegji.
Sipas tij nuk ka të dhëna për ekzistencën e faktit penal. Shehu tha se nuk ka shkak që të pranohet ky rekurs.
"Çmojmë se nuk ka shkaqe që të pranohet nga ky kolegj rekursi i bërë nga ankuesja. Nuk ka të dhëna për ekzistencën e faktit penal. Në SPAK nuk është regjistuar kallëzim penal të shtetases Rajmonda Nika. Nga verifikimi na rezultoi se Prokuroria e Tiranës kishte nisur hetimet për vrasjen e Aleks Nikës dhe Hekuran Dedës dhe plagosjen e disa personave të tjerë. Për të njëjtat vepra ishte duke hetuar edhe Prokuroria e Tiranës. Po ashtu organi i akuzës në kryeqytet në bazë të hetimit nuk ka identifikuar persona konkretë, që të konstatojë se janë kompetencë e SPAK. Të gjendur përballë këtyre fakteve në kemi vendosur që aktet e procedimit penal të dërgoheshin në prokurorin e Tiranës"-tha Shehu.
TIRANË- Seanca gjyqësore publike në lidhje me “21 janarin” e cila do të mbahej sot ka nisur. Në lidhje me seancën avokati mbrojtës i familjarëve të viktimave, Idajet Beqiri ka deklaruar se Prokuroria e Tiranës nuk është kompetente për hetimin e subjekteve ndaj të cilëve është bërë kallëzim.
Avokati më tej ka shtuar se ata kanë rekurs që çeshtja ti kalohet SPAK. Beqiri shtoi se përveç rekursit ata i kanë dërguar si shtesë edhe vendimin e Gjykatës Ndërkombëtar të Strasburgut.
“Ne kemi paraqitur rekurs para jush dhe kërkojmë që në përfundim të këtij gjykimi të vendoset kalimi i çështjes pranë SPAK. Personat konkretë që u atribuohet vepra penale janë persona që kanë në kompetencë për të gjykuar nga GJKKO për korrupsion dhe krim të organizuar.
Ajo që është e rëndësishme ne I dërguam organit të akuzës një kallëzim penal me emra mbiemra dhe funksionet që kanë patur. Ne nuk prisnim nga SPAK një shkresë, e cila dhe gjykata, në ankimin e bërë nga kjo shkresë, një here e quan shkrese, një herë vendim kompetence. Organi i akuzës nuk operon me shkresa, por me vendime.
SPAK ka bërë rolin e një të padituri të madh, në një kohë që e ditura është në mes të dites dhe në diell. Ai është një krim që ka ndodhur në mes të dites, në prani të mediave boterore, me figure, me ze me të gjitha. Eshte krim i dukshëm. Përveç rekursit iu dërguam si shtesë edhe vendimin e Gjykatës Ndërkombëtar të Strasburgut. Në atë vendim, dalin elementet se kush është i përzjerë në atë krim shteteror. Vendimi thotë që është vrasje shterore.
Nuk është gardisti ushtari që organizoi një krim shtetëror, prandak hetimin duhat ta kishte bërë SPAK. SPAK ka kirjuar një precedent të rrezikshëm. Ky organ mund të veprojë edhe me arbitraritetin e vet. Kërkojmë që të na pranoni rekursin dhe të prishni të dyja vendimet e shkallës së parë dhe të Apelit të urdhërohet prokurori që të regjistrojë procedimin penal. Duhet domosdoshmërisht," u shpreh Beqiri.
Sot po mbahet seanca në lidhje me “21 janarin” ku të pranishëm do të jenë pjestarë të familjes Nikës dhe të përfaqësues të SPAK, ku më pas do të caktohet nëse çështja do të kalojë në dorën e Prokurorisë së Posaçme, duke prishur vendimin e dy shkallëve të mëparshme. Do jetë Gjykata e Lartë që me një vendim urdhërues do të vendosë nëse hetimet do t’i vijojë Prokuroria e Tiranës apo do i kalojnë SPAK, për të hapur hetimin e asaj që Gjykata e Strasburgut e quajti krim shtetëror.
TIRANË- Ditën e sotme do të mbahet seanca gjyqësore publike në lidhje me “21 janarin”. Seanca mësohet se do të mbahet në orën 13:00 ndërsa Gjykata e Lartë do të vendosë se cila prokurori do ta hetojë çështjen.
Në seancë do të jenë të pranishëm pjsetarë të familjes Nikës dhe të përfaqësues të SPAK, ku edhe më pas do të caktohet nëse çështja do të kalojë në dorën e Prokurorisë së Posaçme, duke prishur vendimin e dy shkallëve të mëparshme.
Do jetë Gjykata e Lartë që me një vendim urdhërues do të vendosë nëse hetimet do t’i vijojë Prokuroria e Tiranës apo do i kalojnë SPAK, për të hapur hetimin e asaj që Gjykata e Strasburgut e quajti krim shtetëror.
