"Shëndetësia"/ Garda ndalon opozitën të futet në mbledhje, "Po bëni sjellje rrugaçësh", Vokshi përplaset ashpër me Ndrecën: Ëndërron të jesh kryetar

komisionoi

TIRANË- Vijon debati i ashpër në Komisionin Hetimor për Koncesionet në Shëndetësi, mes kryetares Albana Vokshit dhe nënkryetarit, Plarent Ndrecës. 

Përplasja mes tyre ka nisur që në nisje të mbledhjes, pasi anëtarët socialistë kanë nisur seancën pa opozitën. Ndreca i ka përmendur Vokshit vdekjet e 21 janarit dhe shpërthimin e Gërdecit. Deputetja demokrate i është përgjigjur duke i kujtuar vdekjet te spitali Onkologjik. 

PJESË NGA DEBATI: 

Ndreca: Ti ke ardhur për ta prishur mbledhjen, kërkon ta bësh mbi vendime politike. Unë ika se ti zotrote i bie tavolinës kështu.

Vokshi: Ti punon duke vjedhur?

Ndreca: Atë për të vjedhur hajde shihe në gjykatë. Hajde në gjykatë po kë këllqe, se je e zonja ti.

Vokshi: Do na keni përballë, do hetohen deri në fund

Ndreca: Të ishte fati jonë në dorën tuaj ne do ishin të gjithë në burg, do ishim të vrarë si në bulevard

Vokshi: 4 vetat i vrau Edi Rama

Ndreca: Fatmirësisht fati nuk është në darën tuaj. Ne mund të bëjmë shumë gjera, por nuk vrasim njeri

Vokshi: Shko te Onkologjiku, keni vrare njerëz aty.

Ndreca: Keni ardhur për të prishur komisionin?

Vokshi: Mbledhja nuk nis nëse nuk del dëshmitari

Ndreca: Fol fol ti, bashkë e paditur me shokun Gazi do jesh shumë shpejt. Pyetje shokun Gazi ke padia që ka edhe ai do ta provojë sa jam marrë unë me kapalet

pamje nga komisioni

TIRANË- Vijojnë prej rreth 30 minutash përplasjet në Komisionin Hetimor për Koncesionet në Shëndetësi. Kryetarja e Komisionit, Albana Vokshi ka debatuar ashpër me nënkryetarin Plarent Ndrecës.

Ky i fundit e ka cilësuar sjelljen e saj dhe të deputetëve të opozitës, si sjellje "rrugaçërore", ndërsa Vokshi i ka hedhur mikrofonin në tokë disa herë. Vokshi ka kërkuar vazhdimisht që dëshmitari i thirrur të dalë jashtë dhe mbledhja të nisë sipas saj, siç duhet.

Shkak i debateve ka qenë ndalimi i opozitës nga Garda të futet në mbledhje dhe nisja e seancës vetëm me anëtarët socialistë. 

Pjesë nga debati: 

Ndreca: Unë nuk punoj me njerëz që sillen si rrugaç.

Vokshi: Kujt i thua rrugaç ti, të të vijë turp. Ju jeni rrugaç që bëni këto veprime. Hedhja e molotovit ishte mesazh i parë.

Ndreca: Jeni të mbaruar totalisht.

Ilir Metaj: Sillni ambulancën se kjo ka nevojë për ndihmë mjekësore

komisioni

TIRANË- Kryetarja e Komisionit, Albana Vokshi ka arritur të futet në sallë dhe i ka fikur mikrofonin Plarent Ndrecës, që kishte nisur mbledhjen pa deputetët e opozitës.

Vokshi me tone të ashpra ka kërkuar që dëshmitari i thirrur në seancën e sotme të dalë jashtë. Ajo ka kërkuar edhe ndihmën e Gardës që të ndërpritet mbledhja.

"Si guxon ti të nisësh mbledhjen. Ëndërron që një ditë të jesh kryetar. Do bërtas sa të dua… zoti Opre dil përjashta se jemi për procedurë, o Garda nxirre përjashta dëshmitarin.", ka thënë Vokshi ndër të tjera. 

Pjesë nga debati: 

Vokshi: Ka mundësi të dalësh përjashta ti ( I drejtohet një deputeti në sall).

Ndreca: Kujdes me gjuhën

Vokshi: Kush je ti mo?

Ndreca: A mo ulu aty

Vokshi: Unë aty tek dera ti…Kush je ti mo? Nuk je kryetar këtu dhe nuk e drejton këtë komision

Ndreca: Pse bërtet

Vokshi: Unë tek dera ti guxon nis mbledhjen

Ndreca: Pse klith

Vokshi: A je normal apo jo? Nuk i bën këto një njeri normal

Ndreca: Do të ulesh ta drejtosh apo do të bërtasësh

Vokshi: Mbylle atë mikrofon. Të të vijë turp

Ndreca: Turp tim se përcakton ti, ulu dhe qetësohu

Vokshi: Të të vijë turp po të them dhe të gjithë këtyre deputetëve, kolegët tek dera

Ndreca: Nuk e kam idenë ku rrinë kolegët, Nuk e di fare, s’merrem me këtë pjesë. Do të ulesh të drejtosh mbledhjen

Vokshi: Ça bën unë nuk të duhet ty fare

Ndreca: Mos u sill si e fortë. Do të sillesh si kryetare, apo si e fortë. Pse bërtet, mendon se bërtet dhe na bën presion

Vokshi: Kush je ti, unë tek dera ti nis mbledhjen

Ndreca: Çfarë do të tregosh

Vokshi: Pse ju përdorin kështu

Ndreca: Ti je e përdorur

Vokshi: Në vend të mbroni kolegët

Ndreca: Nuk mbrojmë kolegët që hedhin molotov. Ulu. nuk je pronare e komisionit, vendos komisioni këtu.

Vokshi: Ka mundësi të dalësh këtu ti ( I drejtohet dëshmitarit Gentian Opre)

Ndreca: Nuk lëviz nga aty zotëri, merret vendim nga Komisioni

Vokshi: Jeni injorancë juridike

Ndreca: Kujdes me gjuhën

perplasja ne kuvend

TIRANË- Ka nisur me përplasje dhe tensione seanca e sotme e Komisionit Hetimor për Koncesionet e Check-Up dhe Sterilizimit në Shëndetësi. 

Garda nuk ka lejuar deputetë e opozitës të futën në sallën ku po zhvillohej mbledhja e komisionit vetëm me anëtarët e Partisë Socialiste dhe dëshmitarët. 

Edhe seanca e djeshme u shoqërua me tensione dhe debate, derisa mazhoranca braktisi sallën e mbledhjes.