'Shqipëria Bëhet' protestë para Kryeministrisë/ Lapaj ngre çadër, policia ndërhyn dhe e heq me forcë! Qytetarët të revoltuar: Shtet që vret (VIDEO)

Adriatik Lapaj

TIRANË- Kreu i “Shqipëria Bëhet”, Adriatik Lapaj pas përplasjes me policinë, është shprehur i vendosur se nuk do të heqin dorë nga protesta. Lapaj kërkoi mbështetjen e qytetarëve për t’ju Bashkuar protestës dhe theksoi se është i vendosur se nuk do të heqin dorë nga protesta. Ndër të tjera, Lapaj tha se Edi Rama e humbi durimin me gjyqtarët, ndërsa policia me protestuesit para kryeministrisë.

“Urojmë që qytetarët të bashkohen masivisht. Ata që më ndjekin e dinë që sa herë i kam hyrë një proteste ka zgjatur. Nuk ka kthim pas, do të rrimë këtu. Kjo e dëmton autokracinë e Ramës që është kthyer në të pangopur. Sot jemi pak, por po u bëmë 10 mijë a do vijnë të marrin çadrat prapë… Të dashur ndjekës na dërgoni batanije, kemi nevojë, çfarë të keni na i dërgoni të kalojmë natën. Ftohtë është por nuk ka kthim pas. Shefi i tyre Rama e humbi durimin me gjyqtarët, punonjësit e policisë e humbën durimin me ne”, tha Lapaj./Dosja.al

pamje nga vendngjarja

TIRANË- Situata është tensionuar përpara kryeministrisëm, ku Adriatik Lapaj dhe disa qytetarë po protestojnë. Agravimi i situatës ka ardhur, pasi Lapaj me qytetarët ka ngritur çadër para Kryeministrisë, por policia i ka kërkuar që të largohen dhe të largojnë edhe çadrat e vendosura. Kjo ka sjellë tension mes qytetarëve dhe disa dëgjohen, duke thënë “shtet që vret”.

Pavarësisht thirrjeve të policisë, Lapaj dhe mbështetësit e tij deklarojnë se protesta do të vazhdojë. Lapaj deklaroi se forcat e policisë bënë një sjellje barbar. Gjatë fjalës së tij, Lapaj theksoi se Edi Rama duhet të japë dorëheqjen, pasi është kapur në flagrancë për vjedhjen e parave të shqiptarëve.

“Erdhën forcat e policisë dhe bënë një sjellje barbare. Brenda policisë së Shtetit ka segmente banditësh. Dallkaukë që nuk kanë konceptin e ligjit. Edi Rama t’i do japësh dorëheqjen se je kapur në flagrancë për vjedhjen e parave të shqiptarëve. T’i je në Pazar se je s’kuth në politik.  Ne do të vëmë jo një çadër, por qindra. Nuk ja del dot ti Rama, sepse ke kapur në flagrancë”, deklaroi Lapaj./Dosja.al

Adriatik Lapaj

TIRANË- Kryetari i Partisë Shqipëria Bëhet, Adriatik Lapaj ka deklaruar se vendosi të protestojë para Kryeministrisë, pasi rina është në kufijtë e një dëmtimi të pakthyeshëm. Gjatë një prononcimi për mediat, Lapaj u shpreh se nuk ka asgjë për të festuar në këtë fundvit, në një vend ku qeveria i është turrur GJK për ta imponuar dhe shoqërisë për të detyruar të gjithë që të mbajë në funksion Ballukun.

Ai tha se kjo të bën qartë të mendosh, se vendi nuk ka një kryeministër të lirë, që nuk vendos vetë dhe për këtë duhet të hapi krahun. Lapaj u shpreh se protestës së tij do ti bashkohen dhe 9 të tjerë sot dhe do ta vazhdojnë pa ndalim, ndërsa shtoi se protestën e nisi për të parë mundësinë sesi qytetarët reagojnë.

"Jam mirë dhe jam për rrugë të gjatë këtu në shesh dhe sigurisht unë vij nga protestat, e njoh mirë protestën dhe besoj se do e menaxhoj në mënyrën e duhur për të pasur sa më shumë jetëgjatësi. Dje në 10 të darkës, pasi pashë që nuk kishte reagim për 8 dhjetorin përballë një gjendje që është dramatike për rininë tonë dhe që është jo frymëzuese, përkundrazi. Jemi në kufijtë e një dëmtimi të pakthyeshëm të rinisë tonë, vendosa të dal dhe të protestoj. Nuk asgjë për të festuar këtë fundit në një vend ku qeveria i është turrur GJK për ta imponuar dhe shoqërisë për të detyruar të gjithë që të mbajë në funksione Ballukun. Një qasje ndryshe kjo që ka bërë Rama me të tjerët.

Kjo të bën qartë të mendosh që nuk është një kryeministër i lirë, që nuk vendos vetë dhe për këtë duhet të hapi krahun. Jemi në kushtet ku shoqëria kërkon impuls që ka një reagim ndaj një mbipushteti të një njeriu që si kanceri në tru ka vrarë çdo qelizë të lirë të këtij vendi. Ky pushtet çdo gjë e ka vendosur në funksion të mbajtjes së vetes në drejtimin e vendit, këta e vjedhin republikën me një mesazh 53 milionë euro, më një të rënë të lapsit 100 milionë euro dhe i përdorur këto para për të deformuar vullnetin politik të vendit. Unë e nisa vetëm për të parë mundësinë sesi qytetarët reagojnë. Protestës time do ti bashkohen dhe 9 të tjerë sot dhe do ta vazhdojmë pa ndalim. Uroj që çdo qytetar të mund të ndjejë nevojën të ballafaqohet”, tha Lapaj./Dosja.al

pamje nga protesta

TIRANË- Disa qytetarë i janë bashkuar protestës së Kreut të “Shqipëria Bëhet”, Adriatik Lapaj, përpara Kryeministrisë. Lapaj e ka nisur protestën i vetëm që mbrëm, ndërsa sot i janë bashkuar edhe qytetarët dhe do të qëndrojnë para kryeministrisë të gjithë si grup.

Ata thonë se nuk kanë dalë në emër të partisë për të protestuar por si aktivistë edhe qytetarë të thjeshtë. Gjithashtu qytetarët janë shprehur se po presin edhe të tjerë që t'i bashkohen kësaj proteste.

Lapaj mbrëm postoi një video në rrjetet sociale, ku tregoi se ka nisur protestë para kryeministrisë. Reagimi i tij ishte, pasi Kryeministri Edi Rama sulmoi Gjykatën Kushtetuese.

Në videon që Lapaj publikoi mbrëmë thotë se pas 3 vitesh protesta në shesh për rritjen e çmimeve, do të qëndrojë në karrike para zyrës së Ramës dhe sot ka dorëzuar edhe kërkesën për protestën në polici. Në fund të videos, Lapaj shpresoi që në ditët në vazhdim para kryeministrisë të ketë qindra e mijëra qytetarë./Dosja.al