Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Ka përfunduar ceremonia e funeralit të shkrimtarit më të madh shqiptar dhe kolosit të letërsisë shqipe, Ismail Kadaresë. • Arkëmorti me trupin e tij është nxjerrë nga ambientet e TKOB i shoqëruar me duartrokitje dhe hedhjen e karafilave të bardhë gjatë përcjelljes. • Trupi i tij do të niset drejt banesës së fundit, ku do të varroset në Tufinë, vetëm nga familjarët. • Kjo ishte kërkesa e bashkëshortes së tij Helenës dhe amaneti i të ndjerit Ismail Kadaresë. • Krerët më të lartë të Shqipërisë dhe të Kosovës, politikanë shqiptarë të Maqedonisë së Veriut, personalitete të artit, skenës,letërsisë shqipe dhe diplomatë të huaj morën pjesë në homazhet që zgjatën rreth 3 orë. • Shkrimtari i mirënjohur jo vetëm në trevat shqiptare, por në mbarë botën u nda nga jeta mëngjesin e 1 korrikut në moshën 88-vjeçare. • Ai konsiderohet si një ndër shkrimtarët më të mëdhenj bashkëkohorë, ku shquhet kryesisht për prozë, por kontributi i tij është shtrirë edhe në dramaturgji, poezi dhe përkthime. • Deri më sot veprat e tij janë përkthyer në rreth 45 gjuhë të ndryshme, duke qenë kështu përfaqësues kryesor i letërsisë shqipe nëpër botë. • Kadare është nominuar 15 herë për çmimin Nobel në Letërsi, ndërsa është nderuar me disa çmime kombëtare dhe ndërkombëtare. • Ai konsiderohet nga disa si një nga shkrimtarët dhe intelektualët më të mëdhenj të shekujve 20 dhe 21, dhe si një zë universal kundër totalitarizmit.
16 artikuj për këtë temë.
TIRANË- Ka përfunduar ceremonia e funeralit të shkrimtarit më të madh shqiptar dhe kolosit të letërsisë shqipe, Ismail Kadaresë. Arkëmorti me trupin e tij është nxjerrë nga ambientet e TKOB i shoqëruar me duartrokitje dhe hedhjen e karafilave të bardhë gjatë përcjelljes. Trupi i tij do të niset drejt banesës së fundit, ku do të varroset në Tufinë, vetëm nga familjarët. Kjo ishte kërkesa e bashkëshortes së tij Helenës dhe amaneti i të ndjerit Ismail Kadaresë.
Shkrimtari i mirënjohur jo vetëm në trevat shqiptare, por në mbarë botën u nda nga jeta mëngjesin e 1 korrikut në moshën 88-vjeçare. Ai konsiderohet si një ndër shkrimtarët më të mëdhenj bashkëkohorë, ku shquhet kryesisht për prozë, por kontributi i tij është shtrirë edhe në dramaturgji, poezi dhe përkthime. Deri më sot veprat e tij janë përkthyer në rreth 45 gjuhë të ndryshme, duke qenë kështu përfaqësues kryesor i letërsisë shqipe nëpër botë. Kadare është nominuar 15 herë për çmimin Nobel në Letërsi, ndërsa është nderuar me disa çmime kombëtare dhe ndërkombëtare. Kadare konsiderohet nga disa si një nga shkrimtarët dhe intelektualët më të mëdhenj të shekujve 20 dhe 21, dhe si një zë universal kundër totalitarizmit.
TIRANË- Kryeministri Edi Rama në ceremoninë e funeralit të shkrimtarit më të madh shqiptar Ismail Kadaresë komentoi gjatë fjalimit edhe polemikat dhe sugjerimet për vendin e prehjes.
Rama tha se Kadare meriton të prehet në një banesë të fundit që do të jetë vetëm e tija dhe jo pranë Dëshmorëve të Kombit apo Vëllezërve Frashëri.
Ai tha se detyrimi i vetëm i tyre ishte t'i respektonin ikjen e tij duke i dhënë një banesë që sipas tij "nuk do ndihet i kërcënuar as nga dashuria e pakërkuar, as nga fqinjësia asnjëherë e padëshiruar, as nga jo e jo nga tubimet e nderimet që i kishte llahtari."
Pjesë nga fjalimi i Ramës:
Kadare i tha të tëra, skam asnjë dyshim se ky vend s’do ta zhgënjejë kurrë, se ky vend kurrë s’do resht së përsëritur me vete gjithçka Ismail Kadare tha për të. Kadare e meriton të prehet në një banesë të fundit që të jetë vetëm e tij, jo bashkë me dëshmorët, sepse ai as ishte dëshmor dhe as nuk ishte gjëkundi në asnjë qelizë të tij dëshirën apo gatishmërinë për të rënë dëshmor, jo bashkë me vëllezërit Frashëri të cilët ishin ndër fare të paktët që i donte sinqerisht, as nuk ia kanë borxh ti bëjnë vend në varret e tyre.
Jo te parku përballë Rognerit as te fusha e gjelbër para kryeministrisë, jo vetëm se një vend i qytetëruar nuk i mban bashkë të gjallët me të vdekurit, pa i ndarë të paktën me distancë për të mos parë përditë me njëri tjetrin, por edhe se kur mendon se Ismaili u ikte sa munde vendeve ku mblidheshin njerëzit. Kadare jetoi si dëshmitar i një fjale për të cilën mori të tërë lëvdatat dhe nderimet e mundshme të botës dhe të tërë smirën dhe sharjet e mundshme të vendit që e lindi.
Nuk e mori çmimin Nobel, por mbeti i vetmi kandidat për të cilin ka një dosje letrash anonime nga bashkatdhetarët e tij. Ai erdhi, shkroi dhe iku. Ne i kemi vetëm një detyrim, t’ia respektojmë ikjen duke i dhënë në kohën dhe vendin e duhur një banesë të fundit ku të mos ndihet i kërcënuar as nga dashuria e pakërkuar, as nga fqinjësia asnjëherë e padëshiruar, as nga jo e jo nga tubimet e nderimet që i kishte llahtari.
TIRANË- Në ceremoninë e funeralit të kolosit të letërsisë shqipe, kryeministri Edi Rama ka mbajtur një fjalim në nderim të tij. Rama tha se salla ku u mbajtën homazhet ishte e montuar për një shfaqje sonte në darkë, ndërsa pasi mori lajmin e vdekjes së tij dhe përgatitjen e ceremonisë funerale, u vendos që skena bashke me imazhin e ndërtuar të Nënë Terezës të mos hiqej. Kjo sepse sipas kryeministrit, Kadare "nën hijen e shenjtores së tij të dashur, do të ndihej i marrë në mbrojtje nga të tërë ata që s’e donin."
Edi Rama: Këtë hije të Nënë Terezës mbi trupin e Ismailit nuk e solli kush, as kush e përgatiti këtë ceremoni, ishte këtu, kishte ardhur më parë. Njoftimi që salla ishte e zënë dhe Nënë Tereza nuk lëvizte dot më erdhi bashkë me foton që po montohej për një shfaqje sot në darkë. “Lëreni aty ju thashë, nuk ka më mirë”. Askujt nuk do i thoshte mendja çka rastësia e solli këtu enkas për Ismailin dhe më mirë se sa nën hijen e saj, shqiptares që i takon botës, as se si tjetër nuk mund të bëhej ceremonia e përcjelljes nga jeta të shqiptarit që i takon botës dhe duke e njohur e dija në çast që nën hijen e shenjtores së tij, Ismaili do të ndihej i marrë nën mbrojtje nga të tërë ata që nuk e donin, përgjatë kalimit të tij nga kjo botë në tjetrën.
Kur edhe Helena do më sillte fjalë se donte veç fjalën time, duke i qëndruar besnike Isit të saj, i cili kishte një alergji të rëndë nderimet e sidomos fjalimet, zgjodhi të keqen më të vogël. Një fjalim të pashmangshëm, të paktën nga dikush që nuk flet thjesht se e kërkon detyra, por edhe si dikush që Ismailin e lidh te kënaqësia e bisedave jo të shpeshta. Ky nder kaq i posaçëm, përveçse një barrë e rëndë përgjegjësia, mu pranë arkëmortit të njeriut që ngjiti gjuhën shqipe në majën më të paarritur, ndërsa letërsinë shqipe në panteonin e mbarë botës, mu bë një siklet i ububushëm. Po aq i rrallë sa dalje në një provim para fytyrës tallëse të Ismailit, me tubimet nderimet, fjalimet. Në fakt sa e mora vesh që vdiq, dhe mendova pashmangshmërinë e përgatitjes ceremoniale, më është bërë si një pullë poste që s’më ndahet nga sytë pamja e tij e sëkëlldisur gjatë ceremonisë së gradimit nga vetë presidenti i Francës.
TIRANË- Botuesi dhe miku i shkrimtarit Ismail Kadare, Bujar Hudhri ka folur pas homazheve për shkrimtarin e ndjerë. Duke folur për mediat, Bujar Hudhri tha se ambulanca që erdhi për të marrë shkrimtarin e njohur nuk kishte asnjë kusht brenda.
Hudhri theksoi se edhe pse ambulanca ishte me sirena ndezur, trafiku i tmerrshëm në Tiranë, bëri që Kadareja të dërgohej me vonesë në urgjencë.
“Nuk e dija çfarë kishte ndodhur. Kur e pashë të shtrirë në korridor. Gjithmonë e shikoja në këmbë, të qeshur, solid, dukej sikur kurrë nuk do ikte nga kjo botë. E morëm në ashensor e vendosëm, sikur të ishte në karrige, ishte në gjendje gati të ngrirë. Hipëm në ambulancë, një ambulancë shumë e thjeshtë, pa asnjë impiant që mund t’i vijë në ndihmë të sëmurit. Me zor kemi çarë rrugët e Tiranës, edhe pse ulërinte sirena, njerëzit nuk hapnin rrugën gjersa mbërritëm në urgjencën e QSUT. Pamë mobilizimin e mjekëve, derisa kuptuam se diçka e keqe po ndodhte. Më pas heshtje,” tha Hudhri.
TIRANË- Shkrimtari, Fatos Kongoli ka mbërritur në ambientet e Teatrit Kombëtar të Operas dhe Baletit, për të kryer homazhe në nderim të shkrimtarit më të madh shqiptar njëkohësisht dhe koleg dhe mik i tij, Ismail Kadare.
Kongoli gjatë fjalës së tij e quajti një shkollë letrare, Ismail Kadarenë dhe tregoi bisedat e fundit me të.
“Kadare është shkrimtar i madh i përmasave botërore. E kam adhuruar gjithmonë si autor Kadarenë dhe atëherë kur nuk më shkonte mendja të bëhesha unë shkrimtar. Vitet e fundit u miqësuam me njëri-tjetrin. Kishim një mik të përbashkët dhe vila e Kadaresë në Qerret takoheshim shpesh. Më ndodhte të takohesha dhe në raste festash. Ismaili nuk është shkrimtar i zakonshëm. Është shkollë letrare,” tha ai.
TIRANË- Presidentja e Kosovës, Vjosa Osmani e shoqëruar nga bashkëshorti i saj, Prindon Sadriu ka kryer homazhe në nderim të gjeniut të letërsisë shqipe, Ismail Kadaresë.
Pak më herët në TKOB për të kryer homazhe ishte edhe kryeministri Albin Kurti dhe kryeparlamentari Glauk Konjufca.
TIRANË- Kreu i BDI-së në Maqedoninë e Veriut, Ali Ahmeti dhe kryebashkiaku i Tetovës, Bilall Kasami kanë kryer homazhe në nder të shkrimtarit Ismail Kadare.
Ahmeti në një deklaratë jashtë TKOB, përcolli mesazhin për të gjithë të rinjtë që duan të ndjekin artin ecin në gjurmët e Kadaresë. Pak kohë më parë Tetova i dha Kadaresë titullin “Qytetar Nderi’
Ali Ahmeti: Atyre që krijojnë prozë e poezi të vijojnë vazhdimisësinë e Kadaresë dhe Agollit”
Bilal Kasemi: Sot Tetova humb një qytetarë të saj. Ismail Kadare mbetet shkrimtari që padrejtësisht iu mohua cmimi Nobel për letërsinë, por besoj se cmimin ia dhanë lexuesit.
TIRANË- Kryeministri Edi Rama i shoqëruar nga bashkëshortja e tij Linda Rama ka mbërritur në Teatrin Kombëtar të Operas dhe Baletit ku po kryhen homazhet në nderim të kolosit të letërsisë shqiptare, Ismail Kadaresë.
Ministrat e kabinetit qeveritar po ashtu kanë kryer homazhet e tyre më herët. Po ashtu tek TKOB kanë ardhur edhe figura të politikës në Kosovë, diplomatë të huaj dhe personalitete të shquara të artit dhe letërsisë shqiptare.
Ismail Kadare, shkrimtari i mirënjohur është ndarë nga jeta mëngjesin e 1 korrikut në moshën 88-vjeçare, ndërsa trupi i tij do të prehet në varrezat e Tufinës. Kadare konsiderohet si një ndër shkrimtarët më të mëdhenj bashkëkohorë, ku shquhet kryesisht për prozë, por kontributi i tij është shtrirë edhe në dramaturgji, poezi dhe përkthime.
TIRANË- Ish-Presidentët Alfred Moisiu e Rexhep Meidani kanë marrë pjesë në homazhet për ndër të shkrimtarit Ismail Kadare. Homazhet në nder të tij po kryhen në ambientet e Teatrit Kombëtar të Operas dhe Baletit, ndërsa në orën 11:30 nis ceremonia shtetërore dhe në orën 12:30 nis kortezhi për përcjelljen në varreza.
Ismail Kadare, shkrimtari i mirënjohur është ndarë nga jeta mëngjesin e 1 korrikut në moshën 88-vjeçare. Ai konsiderohet si një ndër shkrimtarët më të mëdhenj bashkëkohorë, ku shquhet kryesisht për prozë, por kontributi i tij është shtrirë edhe në dramaturgji, poezi dhe përkthime.
TIRANË- Kryeministri i Kosovës, Albin Kurti ka mbërritur në ambientet e Teatrit Kombëtar të Operas dhe Baletit, për të kryer homazhe në nderim të shkrimtarit më të madh shqiptar, Ismail Kadare.
Kurti shihet i shoqëruar nga ministrat e kabinetit qeveritar të Kosovës dhe nga disa deputetë. Para tij ka kryer homazhe edhe kryetari i Kuvendit të Kosovës, Glauk Konjufca. Gjithashtu pritet të vijë edhe presidentja, Vjosa Osmani.
TIRANË- Kreu i Kuvendit të Kosovës Glauk Konjufca ka arritur sot në ambientet e TKOB, për të marrë pjesë në homazhet për shkrimtarin e ndjerë Ismail Kadare. Homazhet në nder të tij po kryhen në ambientet e Teatrit Kombëtar të Operas dhe Baletit, ndërsa në orën 11:30 nis ceremonia shtetërore dhe në orën 12:30 nis kortezhi për përcjelljen në varreza.
Ismail Kadare, shkrimtari i mirënjohur është ndarë nga jeta mëngjesin e 1 korrikut në moshën 88-vjeçare. Ai konsiderohet si një ndër shkrimtarët më të mëdhenj bashkëkohorë, ku shquhet kryesisht për prozë, por kontributi i tij është shtrirë edhe në dramaturgji, poezi dhe përkthime.
TIRANË- Presidenti i Partisë së Lirisë, Ilir Meta dhe nëkryetarët e PL, Erisa Xhixho dhe Tedi Blushi kanë bërë homazhe në nderim të shkrimtarit, Ismail Kadare,
Homazhet mbahet tek Teatri Kombëtar i Operas dhe Baletit, ndërsa në orën 11:30 nis ceremonia shtetërore dhe në orën 12:30 nis kortezhi për përcjelljen në varreza.
Ismail Kadare, shkrimtari i mirënjohur është ndarë nga jeta mëngjesin e 1 korrikut në moshën 88-vjeçare. Ai konsiderohet si një ndër shkrimtarët më të mëdhenj bashkëkohorë, ku shquhet kryesisht për prozë, por kontributi i tij është shtrirë edhe në dramaturgji, poezi dhe përkthime.
TIRANË- Sot i jepet lamtumira dhe përcillet për në banesëm e fundit gjeniu i letërsisë shqipe Ismail Kadare.
Homazhet në nder të tij po kryhen në ambientet e Teatrit Kombëtar të Operas dhe Baletit, ndërsa në orën 11:30 nis ceremonia shtetërore dhe në orën 12:30 nis kortezhi për përcjelljen në varreza.
Në fotot e siguruara nga LSA, shihet edhe bashkëshortja e tij, Helena Kadare dhe vajzat e saj, Besiana dhe Gresa, veshur në të zeza e me lot në sy.
TIRANË- Ditën e sotme përcillet për në banesën e fundit shkrimtari më i madh shqiptar, Ismail Kadare.
Në ceremoninë e lamtumirës pritet të marrin pjesë edhe presidentja e Kosovës Vjosa Osmani, kryeministri Albin Kurti dhe kryetari i Kuvendit Glauk Konjufca.
Të pranishëm do të jenë edhe disa ministra e deputetë. Ashtu si Shqipëria edhe Kosova e ka shpallur ditën e sotme ditë zie.
Ceremonia shtetërore e lamtumirës nis në orën 11:30. Ndërsa në orën 12:30 do të bëhet nisja e kortezhit në drejtim të varrezave të Tufinës.
TIRANË- Në Teatrin Kombëtar të Operas dhe Baletit, kanë nisur të mbahen homazhet për shkrimtarin më të madh shqiptar Ismail Kadarenë.
Arkëmorti ka mbërritur në ambientet e TKOB, ndërsa vajza e tij, Besiana Kadare shihet e përlotur. Krerët më të lartë të shtetit, politikës e personalitete të artit do të marrin pjesë në homazhe.
Ismail Kadare u nda nga jeta mëngjesin e 1 korrikut në moshën 88-vjeçare.
TIRANË- Ditën e sotme do të përcillet për në banesën e fundit trupi i gjeniut të ndjerë të letërsisë shqipe, Ismail Kadare. Mësohet se Kadare do të nderohet me ceremoni shtetërore. Homazhet publike për të do të mbahen në ambientet e Teatrit të Operas dhe Baletit në orën 09:00. Ndërkohë bëhet me dije se ceremonia shtetërore e lamtumirës nis në orën 11:30. Ndërsa në orën 12:30 do të bëhet nisja e kortezhit në drejtim të varrezave të Tufinës.
Ismail Kadare, shkrimtari i mirënjohur është ndarë nga jeta mëngjesin e 1 korrikut në moshën 88-vjeçare. Ai konsiderohet si një ndër shkrimtarët më të mëdhenj bashkëkohorë, ku shquhet kryesisht për prozë, por kontributi i tij është shtrirë edhe në dramaturgji, poezi dhe përkthime.
Deri më sot veprat e tij janë përkthyer në rreth 45 gjuhë të ndryshme, duke qenë kështu përfaqësues kryesor i letërsisë shqipe nëpër botë. Kadare është nominuar 15 herë për çmimin Nobel në Letërsi, ndërsa është nderuar me disa çmime kombëtare dhe ndërkombëtare. Kadare konsiderohet nga disa si një nga shkrimtarët dhe intelektualët më të mëdhenj të shekujve 20 dhe 21, dhe si një zë universal kundër totalitarizmit.
