Shtyhet seanca e radhës në 27 Mars/ Mediu refuzon të dëshmojë para dëshmitarëve, Prokurorët e GJKKO kërkojnë të pyeten 5 amerikanët e "Meico"

TIRANË-Debate në sallën e gjyqit për çështjen “Gërdeci”. Prokurorët e SPAK-ut kërkuan që pyetja e tyre të bëhej përmes letërporosive, pasi sipas tyre pyetja përmes video-konferencës ishte e vështirë, për arsye teknike, por edhe për shkak të diferencës orare mes dy vendeve. Nga ana tjetër avokatët e Mediut, por edhe avokati i familjarëve të viktimave, kërkuan pyetje përmes video konferencës. Sipas avokatëve, vetëm në këtë mënyrë pyetja e dëshmitarëve do të ishte shteruese.

Dëshmitari i vetëm i paraqitur në seancë, si i bashkëpandehur në një procedim të lidhur, ishte Dashnor Caushi, i fajësuar në gjyqin e parë të dosjes “Gërdeci”. Ish-anëtari i komisionit të kategorizimit të municioneve nuk dha pëlqim të jepte dëshmi. Ndërsa në një dëshmi të dhënë gjatë hetimit në vitin 2008, që u administrua nga gjykata, Caushi ishte shprehur: “Më ka marrë në telefon edhe ministri i Mbrojtjes për të më pyetur çfarë ka ndodhur me urdhrin për kalimin e municioneve ndërmarrjes Meico”.

TIRANË- Ka zgjatur rreth një orës seanca për masakrën e Gërdecit. Seanca tjetër është thirrur me datë 17 mars. Ish-ministri Fatmir Mediu, i pandehur për këtë çështjë, nuk ka pranuar që të pyetet, nga prokurorët e SPAK, duke nënvizuar se do të përgjigjet në fund të procesit, pasi janë dëgjuar të gjitha palët e dëshmitarët.

"Po Znj.Gjyqtare pranoj tu përgjigjem çdo pyetje të prokurorëve  apo pyetjeve tuaja, por do ta bëj këtë në fund të këtij procesi, mbasi të jenë dëgjuar gjithë dëshmitarët e palëve dhe të jenë shqyrtuar të gjitha aktet dhe provat  shkresore."- ka thënë Mediu në gjykatë.

Mediu u shpreh se nuk ka bëjë asnjë veprim të paligjshëm e se nuk ka asnjë provë që ta implikojë. Nga ana tjetër Mediu ka thënë për mediat pas mbarimit të seancës se me këtë gjyq po luhet me ndjenjat e familjarëve. 

"Po luhet me ndjenjat e familjarëve në këto gjyqe dhe më bën përshtypje që hapen sa herë ka fushatë dhe nuk përfundojnë."- tha ish-ministri. 

TIRANË-Mbahet sot seanca gjyqësore për ish-ministrin e Mbrojtjes, Fatmir Mediu. Në këtë seancë gjyqësore në GJKKO, Mediu do të pëlqimin apo jo për të folur apo jo para prokurorëve.

Mediu po hetohet për rastin e tragjedisë së Gërdecit që ndodhi më 15 mars të vitit 2008, ndërsa ish-ministri po hetohet për shpërdorim detyre.