U dhuna së bashku me gruan, Skënder Nika: U prezantuan si RENEA. Kishin automatikë dhe shkopinj 17 Qershor, 12:59 ...
Mesazhi i ish-deputetes së PS për kërcënim nga Bajrat, reagon Policia: Nuk ka asnjë kallëzim 17 Qershor, 12:35 ...
Ceremonia e procesit të Vettingut/ Gonzato: LDKPI duhet të forcojë punën me deklarimet e pasurive të magjistrat&eu...
“Sulmet kibernetike janë një problem madhor, me të cilat është përballur vendi"/ Rama: Dezinformimi krijoi m...
• Një ngjarje e rëndë ndodhi ditën e sotme në fshatin Arst, bashkia Fushë Arrëz, ku një çift bashkëshortësh u dhunuan brutalisht nga persona të paidentifikuar. • Ata kanë hyrë në banesën e tyre të maskuar dhe të armatosur dhe kanë dhunura fizikisht çiftin, duke iu shkaktuar dëmtime në këmbë dhe duar. • Përmes një njoftimi zyrtar, policia bëri me dije se ata janë dërguar në ambientet e spitalit për të marrë ndihmën e specializuar mjekësore dhe se ndodhen jashtë rrezikut për jetën. • Në një prononcim për mediat, Skënder Nika së bashku me bashkëshorten e tij Bardha Nika kanë rrëfyer momentin e tmerrit.• Nika ka rrëfyer se në fillim personat e paidentifikuar i janë prezantuar si policë dhe i kanë kërkuar të shtrihej përtokë. • Sipas dëshmisë së tij, njëri prej tyre kishte një automatikë ndërsa 3-4 të tjerë prej tyre mbanin në duar shkopinj druri. • Dyshohet se kjo ngjarje ka ndodhur pasi çifti ka sinjalizuar policinë për operacion antidrogë pak javë më parë. • Grupi hetimor po punon për zbardhjen e rrethanave të ngjarjes, identifikimin dhe kapjen e autorëve.
4 artikuj për këtë temë.
FUSHË-ARRËZ- Ngjarja e ndodhur ditën e sotme në Fushë-Arrëz duket se ka ka pasur detaje të tjera dhe arsye më absurde për të përfunduar në dhunë fizike ndaj çiftit të bashkëshortëve. Detaje të reja tregojnë se ndërsa 55-vjeçari Skënder Nika, po kthehej nga puna në Hidrocentralin e Fierzës është përballur me personat e paidentifikuar të cilët i kanë zënë pritë duke ushtruar dhunë me sende të forta.
Mësohet se Bardha Nika, bashkëshortja e tij pasi ka dëgjuar zhurmat dhe britmën e të shoqit ka dalë në rrugë me qëllim për ta shpëtuar por edhe ajo ra pre e dhunës. Zonja Nika ka deklaruar se e gjithë rrjedha e ngjarjes ka nisur para tri ditësh, ku autori i dyshuar nga ajo ka pasur një përplasje me djalin e saj.
“Para tre ditësh Kristian Bala më ka sharë djalin. I ka dalë djalit me automatik. Ka ardhur edhe policia, shefi i policisë së Pukës ka dalë në bjeshkë”, u shpreh 51-vjeçarja.
Çifti i bashkëshortëve përfunduan në urgjencën e Spitalit të Pukës të cilët bëjnë me dije se 55-vjeçari ka dëmtime të shumta në brinjë dhe hematoma të tjera. Sipas dëshmisë së çiftit Nika, në fillim agresorët janë prezantuar si policë teksa njëri prej tyre ishte i pajisur me armë zjarri.
Policia pas denoncimit të ngjarjes ka arritur në zonën e fshatit Ars, ndërsa mendohet se autorët e ngjarjes janë larguar në drejtim të zonës së pyllëzuar Arst-Miliska. Sipas raportimeve, në fillim u dyshua se arsyeja e sulmit ndaj çiftit Nika ka qënë zbulimi i parcelave të drogës nga policia në tokat e fqinjëve të tyre ku këta të fundit mund të kishin njoftuar forcat policore./Dosja.al
FUSHË ARRËZ- Skënder Nika së bashku me bashkëshorten e tij Bardha Nika kanë rrëfyer momentin e tmerrit kur disa persona të paidentifikuar i kane zënë pritë dhe i kanë dhunuar. Ngjarja e ndodhur ditën e sotme në fshatin Arst të Fushë Arrëzit ka tronditur komunitetin.
Nika ka rrëfyer se në fillim personat e paidentifikuar i janë prezantuar si policë dhe i kanë kërkuar të shtrihej përtokë. Sipas dëshmisë së tij, njëri prej tyre kishte një automatikë ndërsa 3-4 të tjerë prej tyre mbanin në duar shkopinj druri.
“Më thanë ndalo policia u ula në tokë. Njeri kishte automatikë, 3-4 të tjerë kishin shkop druri. Ikën nga unë dhe më pas në rrugë gjetën gruan time. Ajo kuptoi se çfarë më ndodhi edhe erdhi të më ndihmojë, por e kapën në rrugë”, tha ai./Dosja.al
FUSHË-ARRËZ- Një ngjarje e rëndë ndodhi sot në fshatin Arst, bashkia Fushë Arrëz, ku një çift bashkëshortësh u dhunuan brutalisht nga persona të paidentifikuar. Ata kanë hyrë në banesën e tyre dhe i kanë dhunar fizikisht duke iu shkaktuar dëmtime në këmbë dhe duar.
Përmes një njoftimi zyrtar, policia bën me dije se ata ndodhen jashtë rrezikut për jetën. Grupi hetimor po punon për zbardhjen e rrethanave të ngjarjes, identifikimin dhe kapjen e autorëve.
“Më datë 17.06.2026, rreth orës 08:00, në fshatin Arst, në rrugë, dyshohet se 2 shtetas ende të paidentifikuar kanë goditur me sende të forta, shtetasit S. N., 55 vjeç dhe B. N., 51 vjeçe, të dy banues në fshatin Arst. Si pasojë, dy shtetasit kanë pësuar dëmtime të lehta dhe janë jashtë rrezikut për jetën. Grupi hetimor po punon për zbardhjen e rrethanave të ngjarjes, identifikimin dhe kapjen e autorëve”, thuhet në njoftimin e policisë./Dosja.al
FUSHË-ARRËZ- Një ngjarje e rëndë ka ndodhur në fshatin Arst, bashkia Fushë Arrëz, ku një çift bashkëshortësh janë dhunuar brutalisht nga persona të paidentifikuar. Ata kanë hyrë në banesën e tyre dhe i kanë dhunar fizikisht duke iu shkaktuar dëmtime në këmbë dhe duar.
Dyshohet se kjo ngjarje ka ndodhur pasi çifti ka sinjalizuar policinë për operacion antidrogë pak javë më parë. Policia ka shkuar në vendngjarje dhe po heton më shumë mbi shkaqet dhe rrethanat e rastit./Dosja.al
