Sulmi i Veliajt ndaj mediave, sekretari i Federatës Europiane të gazetarëve: Jemi të indinjuar! Shkelje e rëndë e ...
PAMJE TË FRIKSHME- Aksidenti në Durrës, makina në kanal, 4 të plagosurit qëndrojnë të shtrirë n&eum...
Vrasja e shqiptares nga bashkëshorti në Itali, shoqja e saj: Ka jetuar me frikë, e kemi parë edhe me sy të nxirë ...
Berisha: Balla ka bërë orgjira në suitën presidenciale të 'Prestige Resort', qëndroi dy muaj e s'pagoi asnjë ...
• Skandal në Serbi. • Deputeti Zvonimir Steviç zuri faqet e para të lajmeve, pasi u kap duke parë video porno në seancën plenare ku po diskutohej çështja e Kosovës. • Disa orë më pas, pasi bëri bujë në rrjet njoftoi dorëheqjen nga mandati. • Por duket se nuk kishte vullnetin e tij të plotë. • Kreu i SPS-së, Ivica Daçiç, i kërkoi Steviçit lënien e mandatit. • Pas shumë diskutimeve, ai iu drejtua Daçiç me fjalët: Unë jam ushtar partie. Unë do të bëj atë që ju kërkoni. • Steviç ka qenë anëtar i Komisionit Parlamentar për Kosovën , si dhe zëvendës anëtar i Komisionit për Çështje Kushtetuese dhe Legjislacion dhe zëvendës anëtar i Komisionit për Çështje Administrativo-Buxhetore dhe Mandat-Imuniteti. • Në të njëjtën kohë, ai është kryetar i komitetit krahinor të socialistëve për Kosovën.
4 artikuj për këtë temë.
SERBI- Seanca e posaçme e Kuvendit për deputetët e Daçiç u përdor për shpërqendrim, pazar dhe porno. Deputeti i Kuvendit të Serbisë nga Partia Socialiste e Serbisë, Zvonimir Steviç nga Graçanica, ka parë filma për të rritur gjatë një seance speciale të Kuvendit të Serbisë për Kosovën dhe Metohinë.
Derisa deputetët flisnin për situatën në Kosovë e Metohi, deputetet po argëtoheshin me gjëra të tjera. Në anën tjetër, deputetja e Daçiç, Marija Jevđić nga Kraljeva, e cila ishte nënkryetare e Kuvendit në mbledhjen e kaluar, merret me blerje online, patriotikisht, asgjë.
“E kuqe apo e zezë”, pyet ajo veten, “cila ngjyrë më shkon më shumë”.
Sjellja e turpshme e deputetëve të Daçiç do të shënohet përgjithmonë si një nga episodet më të mjerueshme të parlamentarizmit serb.
BEOGRAD- Zvonimir Steviç nuk ka dhënë dorëheqjen nga mandati i tij në Kuvendin e Serbisë me iniciativë të tij, por është dashur t'i kërkohet një gjë e tillë. Mediat serbe raportojnë se kreu i SPS-së, Ivica Daçiç, pyeti Steviçin, duke e gjykuar se përse shihte në Kuvend filma për të rritur.
"Ky është një skandal dhe një fatkeqësi. Duhet do të jepni dorëheqjen. Nuk mund të jesh më deputet sepse nuk e përballon dot këtë. Së dyti, kudo që të paraqiteni, çfarëdo që të thoni, gjithmonë do të mbeteni si një deputet që sheh porno. Ku ju lindi ideja për të parë porno në Kuvend?,”-mësohet se i ka thënë Daçiç.
Në vend që të shpjegonte aktin e tij jashtëzakonisht të papërshtatshëm, Steviç filloi të fliste se si sigurimi i Kuvendit e kishte informuar se po filmohej. Në fillim, Stevçqi u përpoq të mbrohej duke treguar historinë e xhirimeve të të gjithë deputetëve, por atij iu tha qartë se ky nuk ishte justifikim për atë që bëri. Pas kërkesës së Daçiçit, i gjithë grupi parlamentar i socialistëve ra dakord që “Steviçi duhet të largohet nga Kuvendi”.
"Unë jam ushtar partie. Unë do të bëj atë që ju kërkoni,"-tha deputeti i dorëhequr.
Steviç ka qenë anëtar i Komisionit Parlamentar për Kosovën, si dhe zëvendës anëtar i Komisionit për Çështje Kushtetuese dhe Legjislacion dhe zëvendës anëtar i Komisionit për Çështje Administrativo-Buxhetore dhe Mandat-Imuniteti. Në të njëjtën kohë, ai është kryetar i komitetit krahinor të socialistëve për Kosovën.
SERBI- Deputeti i Partisë Socialiste të Serbisë, Zvonimir Steviç ka dhënë dorëheqje ditën e sotme, pasi në media dhe rrjete sociale u akuzua se ka shikuar “filma për të rritur” gjatë seancës për Kosovën, raporton 'Kurir'.
Deputeti Zvonimir Steviq, 66-vjeçar është anëtar i Komisionit Parlamentar për Kosovën, dhe zëvendës anëtar i Komisionit për Çështje Kushtetuese dhe Legjislacion dhe zëvendës anëtar i Komisionit për Çështje Administrativo-Buxhetore dhe Mandat-Imuniteti.
'Kam dhënë dorëheqjen nga posti i deputetit gjysmë ore më parë. Nuk mund të flas më, më telefononi sërish pas dy orësh'- tha shkurt Stevic per mediat.
Në fillim të seancës së sotme në sallën e kuvendit nuk kishte deputetë të SPS-së.
SERBI- Media serbe 'Blic.rs' ka bërë publike disa foto të një deputeti në sallën e Kuvendit. Ai shihet duke qëndruar në telefon e duke parë filma për të rritur, teksa Kuvendi ishte në mes të debatit për planin evropian për Kosovën.
Në foto shihet qartë se si deputeti i ulur në stolin e parlamentit shikon në celular videon, duke mos i kushtuar vëmendje kolegëve të ulur pranë tij.
Edhe pse fytyra e tij nuk duket në video dhe identiteti i tij nuk mund të përcaktohet me siguri, media serbe thotë se në Twitter thuhet se ai është Zvonimir Stević, deputet nga Partia Socialiste e Serbisë.
Debati për Kosovën në Kuvendin Kombëtar u zhvillua ditën e enjte dhe të premten, më 3 dhe 4 shkurt.
