Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Një vit ikën sot. Kur akrepat të trokasin 00.00, vjen edhe Viti i Ri 2023. Tashmë ka trokitur në disa pjesë të globit. • Zelanda e Re ka qene shteti i parë që ka mirëpritur Vitin e Ri 2023. Ky vend u ndoq nga Australia. Të dy dhanë spektakël fishekzjarresh në qiell. • Në rend pas tyre ishte Koreja e Jugut dhe Seuli që i dhanë lamtumirën vitit 2022 dhe mirëpritën atë 2023. • Festimi më i vjetër dhe i shënuar universalisht është Viti i Ri! Qyteti i Babilonisë në Mesopotaminë e lashtë ishte vendi ku u regjistruan festimet e para të Vitit të Ri rreth 4000 vjet më parë. Bota përkujton një fillim të ri të një viti kalendarik çdo vit duke ndarë përshëndetje, duke ngrënë, kërcyer dhe duke u argëtuar.
7 artikuj për këtë temë.
ITALI- Mbrëmja e ndërrimit të viteve është shoqëruar me hedhje fishekzjarresh edhe në Itali, ku nuk kanë munguar të shtënat me armë e ngjarjet e rënda. Nga festimet, 180 persona u plagosën, nga të cilën 11 raste jane më të rënda. Aktualisht janë 48 persona të shtruar në spitale.
Rasti më i rëndë është në Taranto, një fëmije 10 vjeç i është prerë dora nga shpërthimi i një fishekzjarre. Ai është dërguar me urgjencë në spital, ku iu nënshtrua një operacioni.
Në Lecce, një 80-vjeçar nga Ruffano u shtrua me urgjencë në spital pasi u plagos nga shpërthimi i një fishekzjarre pranë kokës. Edhe ai iu nënshtrua operacionit sepse gjendja e tij shëndetësore ishte e rëndë. Policia po punon për të rindërtuar dinamikën e ngjarjes.
Në Milano, një 25-vjeçar me origjinë marokene mbeti i plagosur pasi u qëllua me armë zjarri. Ngjarja ndodhi në via Giambelino. Për këtë ngjarje u arrestua në 43-vjecar. Po ashtu, nga hedhja e fishekzjarrëve në sheshin e famshëm Piazza Duomo, ku ishin 20 mijë njerëz, 14 u plagosën. Mes tyre një 21-vjeçar që pësoi prerjen e tre gishtave të dorës së majtë.
Edhe në Vercelli, shpërthimi i një fishekzjarri shkaktoi plagosjen e një 30-vjeçareje, e cila rrezikonte të humbte dorën e saj. Po ashtu një 16-vjeçar u dërgua në spital. Ai shoqërohej nga prindërit kur një fishekzjarrë e madhe shpërtheu poshtë makinës.
Ngjarje të rënda ka edhe në Napoli ku në të gjithë krahinën numri i të plagosurve është 16 persona. Rasti më i rëndë ka të bëjë me një 16-vjeçar i cili u qëllua në fytyrë nga një armë zjarri. Ai po festonte vitin e ri me familjen e tij në ballkonin e banesës së xhaxhait kur ndjeu goditjen në fytyrë. Edhe në Reggio Calabria një 40-vjeçar mbeti i plagosur rëndë gjatë festimeve.
Natën e Vitit të Ri në Romë u shkatërruan 59 makina që u dëmtuan nga flakët pas shpërthimit të fishekzjarrëve nga mesnata deri në 5 të mëngjesit në zona të ndryshme të kryeqytetit.
Burimi: Tgcom
GJERMANI- Një djalë 17-vjeçar u vra kur shpërthyen fishekzjarrët që po përdorte dhe dy burra u gjymtuan në aksidente në festimin e parë të pakufizuar të Vitit të Ri në dy vjet. Incidente të vogla kanë ndodhur në zona të ndryshme të vendit.
Ndryshimi i orës u festua kryesisht i pakufizuar këtë vit për herë të parë pas dy vitesh masash kundër koronavirusit, me policinë që raportoi një "rritje të ndjeshme" të numrit të operacioneve gjatë natës.
Një 17-vjeçar në Leipzig mbeti i plagosur teksa përdorte fishekzjarr dhe u nënshtrua plagëve të marra pak kohë më vonë në spital. Policia përjashton mundësinë e aktivitetit kriminal. Në Turingi, dy burra u plagosën rëndë nga fishekzjarrët në natën e Vitit të Ri. Një 42-vjeçari iu desh t'i prenë të dy krahët pasi u plagos rëndë gjatë perdorimit të fishekzjarreve që kishte porositur në internet, dhe një 21-vjeçari humbi krahun.
Happy New Year from Germany ???????????????????? #germany #NewYear2023 pic.twitter.com/SknX11S8Ww
— Alexander_Sibert.phtml (@alexandersibert) January 1, 2023
Në Frankfurt, një fishekzjarre shkaktoi zjarr në një ballkon, i cili më pas u përhap në brendësi të një apartamenti, duke shkaktuar probleme serioze.
Dy burra u plagosën kur fishekzjarrët shpërthyen në bodrumin e një pallati në Brandenburg. Në një incident të ngjashëm në Rheinland-Pfalz, tre 11-vjeçarë pësuan djegie dhe një 39-vjeçar në Baden-Württemberg u plagos rëndë në fytyrë nga një fishekzjarre dhe u desh të transportohej me helikopter.
Në epiqendrën e protestave në Berlin, Porta e Brandenburgut, "shumë arrestime" u bënë gjatë natës, kryesisht duke përfshirë përdorimin e armëve trullosëse dhe policia i kërkoi turmës të largohej nga zona rreth një orë pas mesnate.
DUBAI- Fishekzjarret shpërthejnë nga Burj Khalifa, ndërtesa më e lartë në botë, gjatë festimeve të Vitit të Ri në Dubai, Emiratet e Bashkuara Arabe.
Vendet anembanë botës po e presin me festa dhe fishekzjarre Vitin e Ri të parë pa kufizime për COVID-19 që kur filloi pandemia. Zelanda e Re dhe Australia ishin të parat që pritën vitin 2023.
Më shumë se një milion vetë u mblodhën në portin e Sidneit, një nga qytetet e para të mëdha që pret Vitin e Ri, për të ndjekur një shfaqje spektakolare me fishekzjarre.
PAKISTAN- Ora vazhdon të lëvizë dhe tani viti i ri ka ardhur në pjesë të Azisë Jugore. India ka mirëpritur vitin 2023. Festimet janë zhvilliar edhe në Islamabad, Lahore dhe Karaçi ndërsa viti 2023 mbërrin në Pakistan.
Zelanda e Re ka qene shteti i parë që ka mirëpritur Vitin e Ri 2023. Ky vend u ndoq nga Australia. Të dy dhanë spektakël fishekzjarresh në qiell.
AUSTRALI- Australia ka mirëpritur Vitin 2023 me një spektakël fishekzjarresh në qiell. Pamjet e publikuara në media tregojnë se Sydney ka trokitur gotat në 00:00, kur në vendin tonë ora shënoi 14:00.
"Frymëzuar nga toka, deti dhe qielli, shfaqja nderoi kujdestarët e tokës në të cilën ne festojmë natën e Vitit të Ri të Sydney. Shfaqja u kurua nga Carmen Glynn-Braun dhe Dennis Golding nga Re-Right Collective me artisten Gadigal Nadeena Dixon,"- shkruhet në postimin ë berë në rrjetet sociale.
Më herët, Zelanda e Re ishte vendi i parë që priti Vitin e Ri. Tashmë Azia dhe Lindja e Mesme janë vendet e radhës ku akrepat do të shënojnë 00:00. Më pas, radhën e ka dhe Evropa.
ZELANDA E RE- Zelanda e Re është shteti i parë që pret Vitin e Ri 2023. Qielli është “pushtuar” nga spektakli i fishekzjarrëve. Fishekzjarret u hodhën mbi Urën e Portit të Auckland si dhe nga Kulla Sky Auckland. Azia dhe Lindja e Mesme janë vendet e radhës ku akrepat do të shënojnë 00:00. Më pas, radhën e ka dhe Evropa.
TIRANË- Bashkia e Tiranës ka zgjedhur që festën e ndërrimit të viteve ta presë së bashku me qytetarët në sheshin “Skënderbej”, me një koncert festiv dhe spektakël fishekzjarrësh.
Në njoftimin e Bashkisë, krahas muzikës nga DJ më të mirë në kryeqytet, mbrëmja do të elektrizohet nga muzika e Getoar Selimit dhe Ardit Çunit.
Koncerti i organizuar nga Bashkia pritet të zgjasë deri në orët e para të mëngjesit.
