Të shtëna me armë në Shkodër, qëllohet me pistoletë drejt makinës së parkuar me targa angleze, autori shpallet në kërkim

Vendi i ngjarjes

SHKODËR- David Kiri, është arrestuar nga Policia në Shkodër, pasi u përfshi në konfliktin që la pas të shtëna armësh. Davidi, së bashku me vëllain e tij Ardjan Kirin, u konfliktuan mbrëmjen e kaluar me Kristian Fermosin.

Gjatë debatit mes Ardjanit dhe Kristianit, ndërhyri Davidi i cili erdhi me mjet, duke goditur shtetasin Kristian Fermosi. Ky i fundit nxorri armën duke qëlluar në drejtim të mjetit por dy vëllezërit kanë arritur t’i shpëtojnë plumbave.

Në pranga është vënë vetëm David Kiri ndërsa është duke punuar për gjetjen dhe kapjen e vëllait të tij Ardjan Kiri dhe Kristian Fermosi. Ende nuk është zbardhur arsyeja e konfliktit mes tyre. 

Pamjet nga vendngjarja

SHKODËR- Pamjet e mëposhtme janë nga vendi ku u gjuajt me armë mbrëmjen e sotme në Shkodër. Siç shihet dhe nga fotot, vendi është rrethuar nga policia, ndërkohë që janë gjetur deri më tani dy gëzhoja plumbash pistolete. 

Ende nuk dihet se e kujt është makina Volkswagen me targa angleze që po i çohet një mesazh. Burime bëjnë me dije se autori është identifikuar dhe se po punohet për kapjen e tij.

pamje nga vendngjarja

SHKODËR- Nga të shtënat me armë në Shkodër nuk ka asnjë të plagosur. Burime për Dosja.al, bëjnë me dije se autori ka qëlluar drejt një makine të parkuar me targa angleze me një pistoletë.

Autori i ngjarjes është identifikuar nga policia dhe po punohet për kapjen e tij. Ende nuk dihen shkaqet e ngjarjes, ndërkohë që në makinën që është qëlluar janë gjetur dy gëzhoja plumbash.

Pamje nga vendngjarja

SHKODËR- Të shtëna me armë zjarri kanë tronditur Shkodrën mbrëmjen e sotme. Mësohet se është qëlluar drejt një mjeti të parkuar në lagjen ‘Prek Cali’.

Një makinë në lëvizje ka qëlluar drejt mjetit të parkuar, ndërkohë që nuk dihen detajet në lidhje me shkaqet e ngjarjes. Në vendngjarje ka shkuar policia për të bërë të mundur zbardhjen e ngjarjes.