6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Forcat RENEA kanë ekzekutuar 62-vjeçarin Ramiz Muçollari, i cili nuk pranoi t’i dorëzohej Policisë pas plagosjes së gruas dhe djalit të tij. • Ngjarja e rëndë ka ndodhur në Qesarakë të Maliqit, ku pas disa orësh tentativë për negociata, Ramiz Muçollari, nuk ka pranuar që të dorëzohej duke vazhduar të qëllonte ndaj efektivëve të Policisë. • Ndaj dhe pas shumë paralajmërimeve, RENEA ndërhyri dhe e qëlloi duke e lënë të vdekur në vend. • Policia kishte shkuar mbrëmjen e djeshme në banesën e 62-vjeçarit pasi kishte marrë informacion se burri kishte plagosur me mjet prerës në këmbë bashkëshorten e tij dhe me mjet të fortë në kokë djalin e tij, Kamber Muçollari, 27 vjeç. • Fatmirësisht të dy janë në spital, jashtë rrezikut për jetën. • Sipas deklarimeve paraprake të marra familjarëve të tij, dyshohet se Muçollari vuante nga probleme të shëndetit mendor. Ndërsa të tjerë pretendojnë se i ndjeri e qëlloi djalin sepse ishte "problematik", konsumonte drogë dhe luante kumar.
8 artikuj për këtë temë.
TIRANË- Ish-kryeministri Sali Berisha ka reaguar për aksionin e Policisë dhe forcave speciale RENEA, i cili çoi në vrasjen e Ramiz Muçollarit, mëngjesin e kësaj të shtune në Maliq. Përmes një postimi në Facebook, Berisha hedh akuza të rënda ndaj ministrit të Brendshëm Taulant Balla, i cili sipas tij “nxit vrasjet nga policia”. Berisha e cilëson si cinike dhe kriminale përgëzimin që Balla u bëri efektivëve të policisë, ndaj edhe kërkon ndërhyrjen nga Avokati i Shtetit.
POSTIMI I BERISHËS:
Vrasja e personit me probleme me shëndetin mendor duhej të shmangej. Taulant Bego etj… etj…, nxit vrasjet nga policia. Të dashur miq, policia ekzekuton Ramiz Muçollarin në papafingon e shtëpisë së tij. Ajo flet për shkëmbim zjarrin në papafingo, pretendim jo bindës!
Muçollari i cili vuante nga shëndeti mendor kishte plagosur më parë gruan dhe djalin me thikë e sende të forta dhe sigurisht ai duhet të dorëzohej. Ai nuk mund të kërcënonte në asnjë rrethanë jetën e policëve. Por cinike dhe kriminale është përgëzimi i Ballës i policëve për vrasjen e tij. Ai plagosi, por nuk mori jetë njeriu. Duke ditur dhe problemet me shëndetin mendor të viktimës durimi më i madh në rrethim duhej treguar, para se të hynin në papafingo dhe të shkrehnin breshëritë mbi trupin e tij. Ju uroj shërim të shpejtë gruas dhe djalit të plagosur, dënoj ekzekutimin e tij në rrethana të dyshimta dhe dënoj fort, përgëzimin e Taulant Bego etj., etj., për vrasjen nga policia të një të sëmuri të strukur në papafingon e shtëpisë së tij. I bëj thirrje Avokatit të Popullit të nisë menjëherë hetimin për këtë vrasje të parandalueshme dhe ndaj Ballës ëe me përgëzimin e tij cinik ekstrem, inkurajon dhe nxit vrasjet nga policia.
MALIQ- Policia ka zbardhur detaje të reja rreth Ramiz Muçollarit, i cili u ekzekutua nga forcat RENEA mëngjesin e së shtunës, pas disa orëve rezistencë dhe shkëmbimi zjarri me policinë.
Përmes një informacioni zyrtar policia bëri me dije se 62-vjeçari vuante nga probleme të shëndetit mendor dhe gjatë ditës së djeshme ka qenë për vizitë me familjarët në spitalin psikiatrik, por nuk është shtruar në spital, dhe në mbrëmje kur janë kthyer në banesë ka nisur konfliktin me familjarët.
vijon...
MALIQ- Fqinjët e 62-vjeçarit, Ramiz Muçollari, i cili u ekzekutua në banesë nga forcat RENEA, kanë treguar detaje nga ngjarja. Sipas fqinjit 62-vjeçari kishte goditur gruan me thikë dhe djalin me tytën e armës rreth orës 10 të mbrëmjes së të premtes (11 gusht) dhe më pas, rreth orës 11:00 kanë dëgjuar të shtënat me armë.
“Rreth orës 11 të natës filloi që të qëllonte. Siç më thanë persona të afër të tyre, kishte goditur bashkëshorten me thikë ndërsa të birin me tytën e armës që kishte. Pastaj filluan të shtënat. Ka qenë njeri i qetë, ka pasur shqetësime mendore 6-7 vite më përpara. Por i filluan sërish me vonë. Shqetësimet i ka pasur nga i biri, lozte kumar, drogë. Nuk ka pasur probleme me ne në fshat. Në lagjen tonë s’ka pasur kurrë probleme të tilla”,- tha një nga fqinjët.
Fqinji gjithashtu ka pranuar se Ramiz Muçollari, ishte një person që vuante nga problem të shëndetit mendor por ishte i qetë, vetëm këto ditë.
“U bë mirë kohët e fundit. U bë mirë, ishte i qetë. Mbrëmë në darkë nga ora 21:00, morëm vesh që kishte goditur të shoqen dhe të birin. Gjatë natës qëlloi me armë. Sot gjer tani bam.. bam .. bam…
MALIQ- Pasi rezistoi për rreth tetë orë duke iu kundërvënë me armë forcat e RENEA-s dhe Policisë së Shtetit, 62-vjeçari Ramiz Muçollari nga Maliq u ekzekutua mëngjesin e së shtunës. Siç duket edhe nga pamjet, viktima është qëlluar nga RENEA ndërsa në dorë ka ende armën e zjarrit dhe municione, të cilat i ka në një thes.
Mbrëmjen e djeshme, Muçollari plagosi me thikë bashkëshorten tij Pëllumbeshë Muçallori dhe goditi me tytën e armës djalin e tij, Kamber Muçollari. 62-vjeçari Muçollari vuante prej kohësh nga probleme të shëndetit mendor, ndërsa një ditë më parë familjarët kanë tentuar ta shtrojnë në spital, gjë që mendohet të ketë qenë zanafilla e konfliktit.
MALIQ- Polica njofton se në momentin e përballjes me RENEA-n, autori ka hapur sërish zjarr, ku si pasojë e shkëmbimit, ka mbetur i vrarë.
Njoftimi i policisë:
Shkëmbeu zjarr me Policinë lokale dhe më pas me forcat Speciale “Renea”, por si pasojë e shkëmbimit të zjarrit 62- vjeçari humbi jetën.
Forcat Speciale “Renea”, në bashkëpunim me Policinë lokale të Komisariatit të Policisë Maliq dhe shërbimet e Drejtorisë Vendore të Policisë Korcë, prej më shumë se 8-orësh mbajtën të rrethuar në fshatin Qesarakë, Maliq, banesën e shtetasit Ramiz Muçollari, i cili mbrëmjen e djeshme plagosi me thikë bashkëshorten dhe djalin e tij.
Shtetasi Ramiz Muçollari, pas plagosjes së dyfishtë u mbyll në banesë dhe nuk i’u përgjigj thirrjes së Policisë Vendore për t’u dorëzuar, por ka qëlluar me armë zjarri (mitraloz të lehtë) në drejtim të tyre.
Ndodhur në këto kushte janë dërguar me urgjencë në vendngjarje, Forcat Speciale “Renea”, të cilat kanë marrë nën kontroll perimetrin e afërt të sigurisë, ndërsa policia lokale është pozicionuar në perimetrin e largët të sigurisë. Përgjatë natës, Forcat Speciale “Renea”, i kanë bërë thirrje të pandërprera për t’u dorëzuar, por 62-vjeçari nuk i është bindur thirrjeve të Policisë për t’u dorëzuar dhe ka vijuar të qëllojë me armë zjarri drejt Policisë.
Në mëngjesin e sotëm, Forcat Speciale “Renea”, kanë mundur të hyjnë deri në katin e dytë të banesës së shtetasit Ramiz Muçollari, i cili ishte ngjitur në papafingon e banesës dhe ka hapur zjarr në drejtim të Forcave Speciale “Renea”, duke rrezikuar seriozisht jetën e tyre. Forcat Speciale “Renea”, në zbatim të plotë të procedurave standarte janë kundërpërgjigjur me zjarr dhe përreth një orë ka vijuar shkëmbimi i zjarrit. Si pasojë e shkëmbimit të zjarrit, 62- vjeçari ka humbur jetën.
Theksojmë faktin se shtetasi Ramiz Muçollari, vuante nga probleme të shëndetit mendor dhe gjatë ditës së djeshme ka qenë për vizitë me familjarët në spitalin psikaitrik, por nuk është shtruar në spital, dhe në mbrëmje kur janë kthyer në banesë ka nisur konfliktin me familjarët.
Grupi hetimor ndodhet në vendngjarje dhe nën drejtimin e Prokurorisë vijon kqyrja e vendit të ngjarjes për dokumentimin e plotë ligjor të këtij rasti.
MALIQ- Pas rreth një ore negociata dhe pasi nuk pranoi t’i dorëzohej policisë, forcat RENEA kanë ekzekutuar 62-vjeçarin, Ramiz Muçllari në Maliq.
vijon...
MALIQ- Pas rreth një ore, forcat RENEA kanë mundur të hyjnë në banesë, në katin e dytë, ndersa autori Ramiz Muçollari eshte zhvendosur ne papafingo.
62-vjeçari hapi zjarr ndaj policisë dhe nuk pranon të dorëzohet, pasi plagosi me thikë në këmbë bashkëshorten e tij Pëllumbesha Muçollari, 58 vjeçe dhe goditi me sende të forta në kokë djalin e tij Kamber Muçollari, 27 vjeç.
MALIQ- Një ngjarje e rëndë ka ndodhur në fshatin Qesarakë të Maliqit, ku Ramiz Muçollari, 62 vjeç, ka plagosur me thikë në këmbë bashkëshorten e tij Pëllumbesha Muçollari, 58 vjeçe dhe ka goditur me sende të forta në kokë djalin e tij Kamber Muçollari, 27 vjeç. Nënë e bir aktualisht ndodhen në spitalin e Korçës, në kujdesin e mjekëve.
Në momentin që policia mbëriti në vendngjarje, 62-vjeçari ishte mbyllur në shtëpi, i armatosur. Shërbimet e Policisë kanë mbajtur të rrethuar banesën dhe kanë marrë masa sigurie, pasi 62-vjeçari ka hapur zjarr në drejtim të Policisë lokale dhe nuk pranon të dorëzohet.
Në vendngjarje, kanë mbërritur edhe Forcat Speciale “Renea”, të cilët në bashkëpunim me strukturat e Korçës, si dhe shërbimet e Komisariatit të Policisë Maliq, po mbajnë të rrethuar zonën dhe po negociojnë me Ramiz Muçollarit ai të dorëzohet.
Njoftimi i policisë:
Shërbimet e Policisë, janë njoftuar se në fshatin Qesarakë, Maliq, shtetasi R. M., 62 vjeç, kishte dëmtuar me mjet prerës në këmbë bashkëshorten e tij P. M., 58 vjeçe dhe me mjet të fortë në kokë djalin e tij K. M., 27 vjeç, të cilët aktualisht ndodhen në spitalin e Korçës, në kujdesin e mjekëve.
Pas marrjes së këtij njoftimi, menjëherë shërbimet e Policisë kanë shkuar drejt adresës së dhënë, ku kanë konstatuar të mbyllur në banesën e tij autorin e dyshuar R. M., i cili është i armatosur me armë zjarri.
Shërbimet e Policisë kanë mbajtur të rrethuar banesën dhe kanë marrë masa sigurie, pasi 62-vjeçari ka hapur zjarr në drejtim të Policisë lokale.
Në vendngjarje, kanë mbërritur Forcat Speciale “Renea”, të cilët në bashkëpunim me strukturat e DVP Korçë, si dhe shërbimet e Komisariatit të Policisë Maliq, po mbajnë të rrethuar zonën dhe po negociojnë me shtetasin R. M., që ai të dorëzohet, por 62-vjeçari nuk ka pranuar dhe vijon të qëllojë në drejtim të forcave të Policisë.
Sipas deklarimeve paraprake të marra familjarëve të tij, dyshohet se shtetasi R. M., vuan nga probleme të shëndetit mendor.
Operacioni për kapjen e tij, po vijon.
