Tragjedi në Elbasan, 34-vjeçari asfiksohet në llixha, vdes rrugës për spital, shoku: Ishim të dehur

Pushuesja

ELBASAN- Një tjetër pushuese tregon se miku i 34-vjeçarit Alban Pashollari që ndërroi jetë në llixhat e Elbasanit, ka ulëritur e kërkuar ndihmë. Në një prononcim për mediat, ajo thotë se pavarësisht britmave, nuk kanë zbritur poshtë për tu dhënë ndihmë, por kanë pritur mbërritjen e Urgjencës.

“Kemi hyrë në dhomë e kemi dëgjuar ulërimën. Thonte tjetri ndihmë, ndihmë. Pastaj kemi dal në ballkon, skemi zbrit poshtë. Kemi pritur derisa erdhi ndihma. Na vjen shumë keq,”- tha ajo.

34-vjeçari, banues në Tiranë është gjetur pa ndjenja pranë vaskës së mbushur me ujë termal. Ai ka ndërruar jetë rrugë për një spital, pasi sipas policisë së Elbasanit, ka pësuar arrest kardiak.

Ambulanca

ELBASAN- Policia e Elbasanit ka dalë me një njoftim zyrtar në lidhje me tragjedinë e ndodhur në llixhat e këtij qyteti. Në njoftim, Policia e Elbasanit bën me dije se 34-vjeçari Alban Pashollari ka ndërruar jetë pasi ka pësuar arrest kardiak.

Njoftimi nga Policia e Elbasanit:

Në fshatin Llixhë, Elbasan, pranë një rezervuari të mbushur me ujë termal, është gjetur në gjendje të rëndë shëndetësore, pa shenja dhune, shtetasi A. P., 34 vjeç, banues në Tiranë, i cili ka humbur jetën gjatë transportimit me autoambulancë, për në spital. Paraprakisht dyshohet se ky shtetas ka humbur jetën për shkak të arrestit kardiak. Grupi hetimor po punon për dokumentimin e plotë të rrethanave të ngjarjes.

Pashollari ka mbërritur një natë më parë me një shokun e tij në Elbasan, në një hotel që ka llixha. Dyshja janë future në vaksa që i kanë mbushur vetë me ujë, pasi sporteli ka qenë i mbyllur.

Llixha

ELBASAN- Një nga klientet që frekuentonte llixhan ku ndërroi jetë 34-vjeçari Alban Pashollari ka treguar se e kishte dëgjuar shokun e të riut të bërtiste e të kërkonte ndihmë. Në një prononcim për mediat, ajo thotë se Pashollari dhe shoku i tij kishin hyrë pa leje në llixha dhe se kishin pirë e ishin në gjendje të dehur.

“Nuk i dëgjuam se ishte vonë shumë, nuk ishin këtu. Kanë hyrë pa leje, ishin të pirë. Shoku tha nuk kemi pirë shumë, 4-5 birra. Kanë hyrë pa leje dhe nuk ishin pushues,”- thotë ajo.

Alban Pashollari ka pasur përkeqësim të gjendjes shëndetësore në momentin që është future në vaskë. Ai është nisur drejt spitalit, por rrugës ka ndërruar jetë.

Alban Pashollari

ELBASAN- Personi që po shikoni në foto është Alban Pashollari, 34-vjeçari i cili ka ndërruar jetë në llixhat e Elbasanit. I riu kishte shkuar bashkë me shokun e tij në ujërat termal të këtij qyteti. Dy të rinjtë kanë konsumuar birra dhe janë dehur e më pas kanë mbushur vaskat vetë me rubinet.

Pashollari është asfiksuar në ujërat termalë dhe është nisur në spital, por rrugës ka ndërruar jetë. Pritet të merret dëshmia e shokut që ishte me të dhe e frekuentuesve të tjerë në llixha.

ELBASAN- Një ngjarje e rëndë ka ndodhur gjatë mbrëmjes së djeshme te llixhat e Elbasanit ku 34 vjeçari Alban Pashollari ka ndërruar jetë i asfiksuar në ujërat termale.

Pashollari ka qenë në shoqërinë e shokut të tij të cilët kishin udhëtuar nga Tirana drej Elbasanit ku vendpushimi ku shkuan ishte i mbyllur. Ata kanë lënë makinën në rrugë dhe janë futur për tu larë në pishinat jashtë duke hapur vetë rubinetat kur në një moment të caktuar shoku ka vërejtur se 34-vjeçari ishte pa ndjenja.

Menjëherë në vendngjarje ka mbërritur ambulanca për ti dhënë ndihmën e parë por fatkeqvsisht i riu u deklarua i vdekur në spital. Ndërkohë policia ka nisur hetimet për të zbardhur rrethanat e ngjarjes.