Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Një banesë është përfshirë nga flakët në fshatin Nikoliq të Hasit ku si pasojë kanë humbur jetën nënë e bir. • Në shtëpi jetonte Rexhë Lushi me bashkëshorten dhe nëna e tij Fatime Lushi. • Ngjarja e rëndë ka ndodhur rreth orës 02:00 të mëngjesit. • Një bashkëfshatar i 57-vjeçarit ka thënë se nuk kishte asnjë lloj mundësie për t'i ndihmuar. • Madje tregon momentet kur bashkëshortja pasi ka dalë e ka thirrur Rexh Lushin të dalë nga banesa në flakë, por nuk ka dëgjuar zë. • Lushi pasi ka shpëtuar bashkëshorten e tij është futur në shtëpi për të nxjerrë nënën e bllokuar mes flakëve, por nuk ka mundur dot të dalë prej andej. • Ata besojnë se zjarri mund të jetë shkaktuar si pasojë e problemi me energjinë elektrike. • Kushëriri i dy viktimave mes dhimbjes dhe dëshpërimit thotë se Rexha sakrifikoi jetën për të shpëtuar nënën.
3 artikuj për këtë temë.
HAS- Familja Lushi në Nikiloq të Hasit kanë hapur sot dyert e mortit, për 57 vjeçarin Rexh Lushi dhe Fatime Lushi që humbë jetën si pasojë e zjarrit që ra në banesën mëngjesin e sotëm. Një bashkëfshatar i tyre u shpreh se nuk kishte asnjë lloj mundësie për t'i ndihmuar. Gjithashtu ai tregon momentet kur bashkëshortja pasi ka dalë e ka thirrur Rexh Lushin të dalë nga banesa në flakë, por nuk ka dëgjuar zë.
"Rexha ka jetuar këtu, ndërsa fëmijët i ka në emigrim. Edhe vëllezërit i ka në emigrim në Angli. Vetë jetonte me nusen dhe me të ëmën. Në orën 1 të natës ka dalë jashtë dhe ka lajmëruar policinë. Ka hyrë për të nxjerrë nënën nga shtëpia dhe ka ngel. Bashkëshortja ka dalë jashtë dhe e ka thirrur: Hajde dil jashtë por nuk ka dalë, ka ngelur brenda" tregon Shkozet Bebexhia një tjetër bashkëfshatar.
Ndërsa një tjetër thotë se kur Rexhën e kemi nxjerrë jashtë ai ishte i dëmtuar fare. Por fqinjët besojnë se zjarri mund të jetë shkaktuar si pasojë e problemi me energjinë elekrike.
“Rexhën e kemi gjet tu u kall akoma në kuzhinë. E kemi nxjerrë jashtë. Ishte i dëmtuar fare, i shkrirë komplet. Zjarri ka ardhur nga energjia, se nuk ka probleme me asnjë. Fatimja ishte 82 vjeçe, kurse Rexha ishte 57 për 58", thotë Neritan Koka, një i banor i fshatit.
Ndërkohë kushëriri i dy viktimave mes dhimbjes dhe dëshpërimit thotë, se Rexha sakkrifikoi jetën për të shpëtuar nënën.
“Në orën dy e kur e kemi marrë vesh, kur erdhëm, gruaja tregoi se ka hyrë për të shpëtuar nënën dhe ka ngelur brenda. Ata me zor e kanë ndaluar edhe gruan (që të mos hynte në banesë). Ishin tre anëtarë brenda, djali, nëna dhe e reja. Ka 3 fëmijë në emigrim, dy i ka Londër, një e ka në Francë. Nuk e di si ndodhi ngjarja, as shkaku. Më të dëshpëruar nuk ka. Ka vdekur për nënën”, thotë Kadri Lushi kushëriri i viktimave.
HAS- Detaje të reja janë zbardhur në lidhje me ngjarjen e rëndë që ndodhi në fshatin Nikoliq të Hasit, ku humbën jetën dy persona si pasojë e zjarrit të rënë në një banesë.
Ndërkohë një nga bashkëfshatarët, Neritan Koka, tha se e gjetën Rexhën duke u djegur. Ndërsa bashkëshortja e Rexhës ka arritur të shpëtojë. Gjithashtu bashkëfshatarët dyshojnë se shkak i zjarrit është bërë energjia elektrike. Më tej ai u shpreh se Rexha vdiq për nënën, sakrifikoi jetën e tij.
“Në orën dy e kemi marrë vesh për ngjarjen, kaq informacion kemi. Ka qenë me nënën e me gruan. Djali ka qenë këtu, tre të tjerët jetonin në emigrim. Jemi të dëshpëruar, ka vdekur për nënën, ka sakrifikuar jetën. Po ndihmonte nënën ta nxirrte nga shtëpia, ne shkuam në orën 2 pa çerek. Ishin të gjithë, I gjithë fshati, policia zjarrfikëse, por nuk mundëm. U mundua I shkreti të nxirrte nënën. Kur ka lajmëroi policinë, hyri Brenda të nxirrte nënën por nuk doli dot më jashtë. E kemi gjetur në kuzhinë, Rexhin e kemi gjetur duke u djegur akoma duke u djegur, ishte i shkrirë komplet”, tha fqinji.
HAS- Një banesë është përfshirë nga flakët në fshatin Nikoliq të Hasit, ku si pasojë kanë humbur jetën nënë e bir. Mësohet se Rexh Lushi pasi ka shpëtuar bashkëshorten e tij është futur në shtëpi për të nxjerrë nënën e bllokuar mes flakëve, por nuk ka mundur dot të dalë prej andej. Konkretisht ngjarja ka nodhur rreth orës 02:00 të mëngjesit.
Gjithashtu Lushi kishte lajmëruar edhe zjarrëfiksen. Ndërkohë që zjarrfikësit kane gjetur vetëm trupin e nënës së tij, Fatime Lushi dhe po punohet për gjetjen e Rexh Lushi. Po ashtu dyshohet se shkak për ngjarjen është një pakujdesi e familjarëve, të cilët mendohet se kanë harruar një ngrohëse ndezur. Megjithatë një ekip ekspertësh po kryejnë veprimet për identifikimin e shkakut të zjarrit.
Njoftimi i Policisë:
Rreth orës 02:00, në fshatin Nikoliq, dyshohet se aksidentalisht ka rënë zjarr në banesën e shtetasit R. L. Si pasojë e zjarrit, kanë humbur jetën shtetasi R. L. dhe nëna e tij, shtetasja F. L., ndërsa bashkëshortja e shtetasit R. L., shtetasja A. L., ka mundur të dalë nga banesa. Grupi hetimor, në drejtimin e prokurorit, po punon për përcaktimin e shkakut të rënies së zjarrit.
