Ultimatumet e Ramës/ Vijojnë shkarkimet e drejtorëve dhe administratorëve të njësive administrative në bashkitë e vendit

Foto ilustruese

MALIQ- 4 administratorë të bashkisë Maliq kanë dhënë dorëheqjen. Këto lëvizje në qarkun Korçë vijnë pikërisht pas dorëheqjeve edhe në Bashkitë e tjera Korçë, Devoll dhe Kolonjë.

Sipas informacioneve, për nënkryetarët e Bashkisë Maliq ende nuk ka filluar asnjë procedurë e ngjashme dhe mbetet në pikpyetje, sa i përket drejtorëve nuk ka lëvizje momentalisht.

Këto largime vijnë pas ultimatumeve dhe kërkesave të kryeministrit Edi Rama, i cili disa ditë më parë në takimin me kryebashkiakët në Durrës, tha se duhet të shkarkohen të gjithë kryetarët e Njësive Administrative në të gjithë Republikën e Shqipërisë.

foto ilustruese

KRUJË- Administratorët e njësive administrative Fushë Krujë, Cudhi, Thumanë, Bubq dhe Nikël, dy nënkryetarët dhe drejtuesit e drejtorive, kanë paraqitur dorëheqjet e tyre tek kryetari i Bashkisë Krujë, Artur Bushi. Përmes këtij proçesi do të vlerësohet performanca në punë e secilit, nga një grup pune që kryesohet nga Kryetari i Bashkisë.

Këto largime vijnë pas ultimatumeve dhe kërkesave të kryeministrit Edi Rama, i cili disa ditë më parë në takimin me kryebashkiakët në Durrës, tha se duhet të shkarkohen të gjithë kryetarët e Njësive Administrative në të gjithë Republikën e Shqipërisë.

Edi Rama

FINIQ- Ultimatumi i kryeministrit Edi Rama ka nisur që të zbatohet në të gjitha Bashkitë e vendit, por ndryshe nga gjithë të tjerët kryebashkiaku i Finiqit, Romeo Çakuli duket se ka gjetur kohën për të bërë batuta. 

Kur Rama kërkoi dorëheqjen kolektive të të gjithë drejtorëve vendorë Çakuli, ia ktheu me humor duke i thënë që do i shkarkoj dhe do i rikthej pas një jave. 

"Do i shkarkoj dhe do i rikthej pas një jave!" tha Çakuli. 

Përveç Çakulit edhe kryetari i Bashkisë së Konispolit, Ergest Dule, ka refuzuar të shkarkojë drejtorët në varësi të tij, pas urdhërit të Ramës. Sipas Report TV, Dule ka patur dhe debat me kryeministrin Rama gjatë takimit me kryebashkiakët në Durrës. 

Dule është shprehur se drejtorët janë të rinj dhe të aftë në punë. Nga ana tjetër, kryeministri i është përgjigjur duke thënë që të japë vetë Dule dorëheqjen nëse nuk i shkarkon. 

Këto largime vijnë pas ultimatumeve dhe kërkesave të kryeministrit Edi Rama, i cili disa ditë më parë në takimin me kryebashkiakët në Durrës, tha se duhet të shkarkohen të gjithë kryetarët e Njësive Administrative në të gjithë Republikën e Shqipërisë.

foto ilustruese

DIBËR- 35 administrator të njësive administrative të katër bashkive të Qarkut Dibër kanë paraqitur dorëheqjen këtë të martë. Mësohet se një ditë më parë kryetarët e bashkive Dibër, Bulqizë, Mat e Klos kanë zhvilluar mbledhje me të gjithë adminstratorët ku u kanë komunikuar atyre urdhërin e kryeministrit Rama për shkakrimin e të gjithë admnistratorëve që kanë mbi 3 vite në këtë detyrë.

Në Bashkinë Dibër janë 15 adminstrator që kanë dhënë dorëheqjen, në Bulqizë 8 adminstrator, në Mat 8 adminstrator dhe në Klos 4 administrator. Po ashtu, këtë të Martë kanë paraqitur dorëheqjen edhe zv/kryetarët e bashkive.

Në Bashkinë Mat është paraqitur dorëheqja e 1 zv/kryetari, po aq edhe në Klos. Ndërsa në Bulqizë e Dibër janë dorëhequr katër zv/kryetar respektivisht nga dy për secilën bashki.

Largimi nga detyra nëpërmjet detyrimit të dhënies së dorëheqjes bëhet për të shmangur pasojat ekonomike që mund të vijnë nëse administratorët padisin në gjykatë pushtetin vendor. Sakaq, dorëheqje ju është kërkuar edhe drejtorëve të drejtorive të cilët pritet t'i paraqesin në një moment të dytë.

foto ilustruese

KONISPOL- Nënkryetarët, administratorët dhe të gjithë drejtorët kanë paraqitur zyrtarisht largimin e tyre nga detyra në Bashkinë e Delvinës, pas urdhërit të kryeministrit Edi Rama për “vetëpastrimin” e Bashkive.

Ndërkohë, në Bashkinë e Konispolit, kanë dhënë dorëheqjen vetëm administratorët, ndërsa pjesa tjetër e strukturës mbetet në detyrë. Ndërsa në Bashkinë e Finiqit, nuk është kërkuar asnjë dorëheqje.

Këto largime vijnë pas ultimatumeve dhe kërkesave të kryeministrit Edi Rama, i cili disa ditë më parë në takimin me kryebashkiakët në Durrës, tha se duhet të shkarkohen të gjithë kryetarët e Njësive Administrative në të gjithë Republikën e Shqipërisë.

Bashkia e Vaut të Dejës

VUA i DEJËS- Kryebashkiaku i Vaut të Dejës Kristian Shkreli, ka thirrur një  mbledhje paraditen e sotme. Bëhet me dije se pas përfundimit të mbledhjes tre zëvendëskryetarët e bashkisë, pesë administratorët dhe të gjithë drejtorët kanë paraqitur dorëheqjen pranë Bashkisë së Vaut të Dejës.

Këto largime vijnë pas ultimatumeve dhe kërkesave të kryeministrit Edi Rama, i cili disa ditë më parë në takimin me kryebashkiakët në Durrës, tha se duhet të shkarkohen të gjithë kryetarët e Njësive Administrative në të gjithë Republikën e Shqipërisë.

Foto

SARANDË- Vala e dorëheqjeve dhe shkarkimeve në pushtetin vendor vijon edhe ditën e sotme. Mësohet se sot kanë dhënë dorëheqjen të gjithë drejtorët e Bashkisë së Sarandës. Dorëheqjet vijnë pas urdhrit të kryeministrit Edi Rama. 

Kryetari i Bashkisë së Konispolit, Ergest Dule ka refuzuar të shkarkojë drejtorët në varësi të tij. Dule është shprehur se drejtorët janë të rinj dhe të aftë në punë. Kryeministri i është përgjigjur duke thënë “jepe ti dorëheqjen nëse nuk i shkarkon”.

Foto

ELBASAN- Urdhri i kryeministrit Edi Rama për “vetëpastrimin” e Bashkive ka vijuar edhe ditën e sotme ku paraditen e sotme kanë dhënë dorëheqje një sërë administratorësh dhe drejtorësh lokalë në Bashkinë Belsh.

Në Bashkinë Prrenjas, tre administratorë kanë dhënë dorëheqjen që ditën e djeshme, ndërsa aktualisht po kryhet një vlerësim i performancës për drejtorët që vijojnë detyrën. Edhe në bashkitë Peqin, Cërrik dhe Gramsh, po vijon procesi i dorëheqjeve dhe vlerësimeve për drejtorët e rinj. Në disa bashki të Qarkut Elbasan ka ende disa drejtorë që nuk e kanë paraqitur dorëheqjen.