Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Fushata elektorale po mbyllet me tensione dhe incidente të shumta në Maliq. • Sot deputeti demokrak Edmond Spaho ka denoncuar me video një takim të kryebashkiakut të Maliqit Gëzim Topçiu me banorë në Maliq, ku sipas Spahos po shiteshin votat. • Deputeti ka filmuar një pjesë të takimit me celular, ndërkohë që ka vazhduar akuzat ndaj Topçut dhe deputetit socialist Ilir Pendavinji. • Nga ana tjetër Topçiu ka theksuar se takimi ishte për të biseduar mbi problemet e traktoristëve në vend dhe jo për të vjedhur vota. • Mbështetësit e Topçiut në një moment kanë shtyrë Spahon dhe i kanë rrëzuar telefonin.
4 artikuj për këtë temë.
MALIQ- Deputeti demokrat Edmond Spaho ka kallëzuar në Prokurori, kryetarin e Bashkisë së Maliqit, Gëzim Topçiu për shit-blerje votash. Mësohet se Spaho para Prokurorisë ka deklaruar se Topçiu u ka premtuar fermerëve regjistrimin e traktorëve në këmbim të votës.
"Rrugës për në Vreshtas takova një traktorist të cilin nuk e njihja se kush ishte dhe si e kishte emrin dhe e pyeta përse iu kanë mbledhur. Ai mu përgjigj se na kanë njoftuar nga pushteti vendor që të vijmë megjithë traktorët në Vreshtas se do të bëhet regjistrimi i tyre dhe pajisja me targa i traktorëve tanë. Unë e pyeta se si do tjua bëjnë me lek apo falas dhe kush do tua bëjë. Ai mu përgjigj nuk e di se si do të bëhet me lek apo pa lek. Më pas e kam pyetur përsëri nëse kjo gjë kishte lidhje me zgjedhjet e të dielës? Ai mu përgjigj “sigurisht që kjo për këtë punë bëhet”, thuhet në kallëzimin e Spahos.
Spaho po ashtu ka treguar edhe përplasjen me kryebashkiakun Topçiu si dhe me deputetin socialist Ilir Pendavinji gjatë fushatës elektorale ditën e sotme.
“Te fusha kam hasur në një reagim fyes dhe ofendues nga personat të cilët shoqëronin kryetarin (Topçiun), të cilët mesa kuptova ishin funksionarë të ndryshëm, përfshirë edhe deputetin Ilir Pendavinji. Në këto kushte e kam quajtur hajdut votash dhe mashtrues. Në këtë kohë disa nga mbështetësit e tij më kanë goditur me dorën e djathtë dhe më kanë rrëzuar telefonin me të cilin po filmoja. Pavarësisht kësaj jam ulur në tokë dhe kam marrë përsëri telefonin dhe kam vazhduar të filmoj”, ka treguar Spaho.
MALIQ- Një incident është regjistruar në fshatin Vreshtas në Maliq, ku kryebashkiaku i kësaj bashkie, Gëzim Topçiu është konfliktuar me deputetin e PD-së, Edmond Spaho. Ky i fundit tregoi për News24 se në takimin me traktoristët, po flitej për vota dhe shtoi se i ishin turrur punonjësit e bashkisë së Maliqit dhe e kishin larguar prej aty me forcë.
“Janë larguar që të mblidhen të gjithë traktoristët në bashkinë e Maliqit, me gjoja regjistrimin që do të bëjmë, për t’u marrë targat. I mblodhi dhe iu kërkoi që të votojnë për të. Ky është aktivitet që nuk ka lidhje me bashkinë. Nuk ka lidhje me deputetin e PS që e shoqëronte, Është aktivitet i palejuar që zhvillohet në kuadër të fushatë elektorale. E regjistrova. Ata më sulën të gjithë punonjësit e bashkisë dhe më rrëzuan telëzonin dhe më akuzuan se po fusja përçarje mes njerëzve, Unë dokumentova një aktivitet të paligjshëm të Topçiut, se tha që të hënën do të regjistrohen këto mjete. Dmth më votoni mua dhe unë do ju regjistroj. Se ç’punë ka ai? E ka drejtoria e Transporteve. Janë mësuar këta që të vjedhin votat. Stafi i Topçiut u përpoq që të më intimidonte”, tha ai.
Nga ana tjetër Topçiu ka rrëzuar këtë version, duke pohuar se takimi nuk kishte lidhje me fushatën, por me problematika të traktoristëve, të cilët kishin probleme me targimin e mjeteve të tyre bujqësore.
“Është absurde që të vijë një deputet këtu ku ne po punojmë e njerëz. Ne kemi një problem nga traktoristët, që kërkojnë të regjistrojnë mjetet. Morëm shkas nga takimi që zv/kryeministrja pati, që do të regjistrohen të gjitha mjetet. Qe apel për të gjithë për ata që kanë probleme. Aty nuk u fol për vota. Vota është e fshehtë, aty erdhi deputeti, që se kuptoj se si mund të jetë ashtu një ligjvënës. Kemi pasur një ndërhyrje nga drejtoria e Transportit dhe u deklarua se çfarë problemesh kishte secili prej këtyre drejtuesve të mjeteve. Nuk erdhi mirë kur zetoristët e morën me ‘hyyyy’ atë deputetit. Dua të ftoj të gjithë qytetarët që të ruajnë qetësinë, dhe të jenë zgjedhje të qeta”, tha ai.
MALIQ- Deputeti demokrat Edmond Spaho është përplasur sot me kryebashkiakun e Maliqit Gëzim Topçiu dhe me deputetin socialist Ilir Pendavinji. Përplasja mes tyre ka ndodhur, pasi Spaho po filmonte një aktivitet elektoral të PS-së, por sipas deputetit demokrat, ky takim ishte për blerje votash. Spaho në këtë moment ka filmuar me telefon, traktorët e mbledhur, ndërkohë që thotë se kryebashkiaku u premton qytetarvë që tu regjistrojë traktorët. Nga ana tjetër të pranishmit kanë bërë thirrje që Spaho të largohet nga vendi.
Dialogu mes tyre:
Spaho: Ku është Gëzimi (Topçiu) ma tregoni pak?
Fermeri: Gëzimi është aty, te ai zetori atje.
Spaho: Ku është ai Gëzimi?
Fermeri: Ja andej tutje.
Spaho: Ky që shikoni është kryetari i bashkisë i cili ka mbledhur të gjithë traktorët me premtimin dhe gënjeshtrën që do tu japë targat.
Ilir Pendavinji (deputet i PS): Ca ke o Mondi, nuk është gënjeshtër.
Topçiu: Po ik se nuk ka lezet kështu.
Spaho: Shikojeni këtë mashtrues në fushatë elektorale.
Pendavinji: Po mjaft u bëre si adoleshent mjaft.
Spaho: Ja edhe deputeti tjetër që ka ardhur për tu vënë targat traktorëve.
Pendavinji: Ik o Mondi, ik tani.
Spaho: Shikoni kryetarin e Bashkisë si mbledh vota.
KORÇË- Sërish incident në fushatë. Kryetari i Bashkisë Maliq Gëzim Topçiu dhe deputeti socialist Ilir Përndavinji kanë dhunuar deputetin demokrat Edmon Spaho në momentin që ky i fundit po i rregjistronte gjatë një aktiviteti të paligjshëm elektoral. Spaho ishte duke filmuar traktoristët që ishin mbledhur për të rregjistruar mjetet e tyre, që sipas tij ishte një blerje votash nga Topçiu. Ai iu drejtua Topçiut dhe socialistëve të tjerë me termin 'mashtrues' e më pas situata u përshkallëzua.
'Shikojeni kryetarin e Bashkië që merr vota. Ja shikojeni'- thotë Spaho në video, teksa më pas i afrohen disa persona që i hedhin në tokë telefonin e më pas e shtyjnë me forcë.
Pas ngjarjes, Spaho thotë se iu sulën të gjithë, që nga kryetari e deri tek stafi i Bashkisë.
RRËFIMI i Edmond Spaho:
Në fushën e sportit të Vreshtasit janë lajmëruar të mblidhen gjithë traktoristët e Bashkisë Maliq me gjoja regjistrimin që do t’ju bëhet për tu bërë targat. Të gjithë traktrorët u mblodhën këtu, i mblodhi Gëzim Topçiu dhe u kërkoi të votojnë për të. Ky është një aktivitet që ska lidhje fare me bashkinë as me deputetin Ilir Përndavinji apo kryetarët NJ. AD. Është një aktivitet i palejuar që zhvillohet në kuadër të fushatës elektorale.
Unë e regjistrova edhe kryetarin e bashkisë dhe deputetin dhe më sulën nga mbrapa gjithë stafin e bashkisë për të më ofenduar, më rrëzuan telefonin nga dora që po filmoja dhe më akuzonin se po fus përçarje mes njerëzve kur në unë dokumentova një aktivitet të paligjshëm elektoral që bën gënjeshtari Gëzim Topçiu sepse në fund u tha që të hënë do filllojnë regjistrimet.
Nuk i takon bashkisë të merret me këtë punë, i takon Drejtorisë së Transportit. Janë mësuar të vjedhin votat, edhe në 2021 kryetari i Nj. Adm Vreshtas e kam kapur duke blerë vota në Podgorie. Këta kërkojnë të mashtrojnë qytetarët, fermerët, traktoristët. Konflikti u shmang por stafi i Topçiut më erdhën nga mbrapa duke më intimiduar dhe ofenduar.
