"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Reshjet e dendura të shiut kanë përfshirë një pjesë të vendit ditën e sotme. • Nga disa qytete raportohet për problematika. • Në Tiranë reshjet kanë ndikuar në krijimin e trafikut të rënduar, pasi makinat qarkullojnë me vështirësi. • Gjithashtu mësohet se ka pasur përmbytje në disa zona ku duket se niveli i lartë i reshjeve ka bërë që të bllokohen tubacionet dhe uji të shkaktojë përmbytje në disa rrugë kryesore. • Moti i keq ka përfshirë edhe qytetin e Durrësit ku stuhia me erëra të forta dhe reshje të shumta shiu kanë krijuar probleme jo vetëm te kalimtarët, por edhe në qarkullimin e automjeteve. • Nga ana tjetër mësohet se lundrimi detar është ndërprerë për anijet e peshkimit, ndërsa tragetet nga Durrësi drejt Barit u nisën me 8 orë vonesë për shkak të dallgeve që shkonin 6 deri 7 ballë në detin Adriatik. • Nga ana tjetër situata pritet të përmirësohet pas 24 orësh në Adriatik për lundrimet e mjeteve. • Lezha është përfshirë po ashtu nga reshje të dendura shiu ditën e sotme të cilat kanë krijuar përmbytje në disa zona në qytet. • Niveli i ujit ka arritur në disa cm, duke vështirësuar lëvizjen e qytetarëve dhe automjeteve. • Në disa lagje të qytetit sistemi i kanalizimeve nuk e përballoi nivelin e prurjeve, duke bërë që uji të dalë në sipërfaqe dhe të vërshojë nëpër rrugë. • Situata paraqitet kritike në Vlorë, ku kryebashkiaku Ermal Dredha ka lajmëruar se ka kërkuar ndihmën e ushtrisë për të përballuar gjendjen. • Ai njoftoi gjithashtu se janë evakuar 22 familje.
12 artikuj për këtë temë.
FIER- Qyteti i Fierit ashtu si shumë qytete të tjera në vend është prekur nga moti i keq. Reshjet e dendura të shiut kanë sjellë një rritje të ndjeshme të nivelit të ujit në lumin Gjanica, si dhe një ndotje alarmante të shoqëruar me një aromë të rëndë.
Sipas raportimeve, disa kompani nafte shfrytëzojnë ditët që ka reshje të dendura shiu për të derdhur hidrokarbure në lumin që kalon përmes qytetit.
VLORË- Në qytetin e Vlorës situata paraqitet kritike pas motit të keq dhe reshjeve të dendura të shiut që kanë të pandërprera për disa orë rresht. Kryebashkiaku i Vlorës, Ermal Dredha tha se situata paqitet e vështirë dhe se janë evakuar mbi 30 familje.
Lidhur me gjendjne në Vlorë, ministri i Mbrojtjes, Pirro Vengu ka lajmëruar në Facebook, përmes një postimi se Agjencia e Kombëtare e Mbrojtjes Civile dhe Forcat e Armatosura, pas thirrjes për mbështetje nga pushteti vendor, dhanë mbështetjen me 2 moto varka, 2 ekipe të pajisur me 2 motopompa, 8 mjete të kalueshmërisë së lartë dhe 30 forca ushtarake.
POSTIMI I PLOTË:
Moti i keq i shoqëruar me intensitet reshjesh të pazakontë në disa zona të vendit ka shkaktuar problematika të ndryshme.
Në Vlorë, situata u rëndua si pasojë e prurjeve të mëdha, ndërsa problematika janë regjistruar në stacionet e pompimit. Në këto kushte, Agjencia e Kombëtare e Mbrojtjes Civile dhe Forcat e Armatosura, pas thirrjes për mbështetje nga pushteti vendor, dhanë mbështetjen me 2 moto varka, 2 ekipe të pajisur me 2 motopompa, 8 mjete të kalueshmërisë së lartë dhe 30 forca ushtarake.
Gjithashtu, për t’i ardhur në ndihmë komunitetit pranë Bashkisë Vlorë, Agjencia Kombëtare e Mbrojtjes Civile po koordinon dhe organizon strukturat operacionale ne nivel vendor dhe qendror, ku nga Forcat e Armatosura janë nisur edhe 6 forca e 2 mjete nga Reparti i Këmbësorisë së Jugut. Mbetemi në monitorim të situatës gjatë orëve në vazhdim.
POGRADEC- Përveç ndryshimit të motit dhe reshjeve të shiut Pogradeci po përballet edhe me një tjetër problematike, energjinë elektrike. Bëhet me dije se në Pogradec ka pasur shkëputje të energjisë nga linja e tensionit të lartë 110 KV e OST.
Momentalisht nuk dihet shkaku i stakimit, grupet e punës janë nisur për të evidentuar arsyet e ndërprerjes dhe për të kthyer energjinë. Shkak dyshohet se mund të jenë bërë kushtet e vështira atmosferike ose rrufetë. Pogradeci dhe disa fshatra momentalisht janë pa energjin elektrike ndërkohë që nuk dihet kur do të kthehet furnizimi.
TIRANË- Moti i keq ka mbërthyer disa qytetet të vendit, përfshirë edhe kryeqytetin, ku si pasojë është rrëzuar një pemë duke bllokuar kështu qarkullimin.
Ngjarja ka ndodhur në rrugën “Sami Frashëri” në kryeqytet, pranë shkollës “Edit Durham”. Sipas raportimeve, pema ka rënë në një moment kur ka pasur edhe shumë kalimtarë, por për fat të mirë nuk raportohet për persona të lënduar.
VLORË- Situata kritike nga përmbytjet dhe moti i keq paraqitet në qytetin e Vlorës. Kryetari i Bashkisë së Vlorës, Ermal Dredha tha për mediat se janë evakuar 22 familje, ndërsa 3 personave u është dhënë ndihmë pasi kishin mbetur të bllokuar.
Po ashtu ai ka bërë me dije se është çarë kanali i ujrave të larta të qytetit, dhe se ka kërkuar ndihmën e ushtrisë për përballimin e situatës.
Nga pamjet e publikuara më herët nga qyteti i Vlorës duket se uji ka marrë në "dorë" vendin ndërsa rrugët janë mbushur plot me uji. Rruga Abano, Rominna, Bulevardi Vlorë-Skelë dhe disa rrugë të tjera në qytet janë prekur nga vërshimi i ujit. Rruga te “Omonia” dhe te Kisha Ortodokse janë të pakalueshme. Drejtuesit e automjeteve dhe kalimtaret po hasin vështirësi për shkak të përmbytjes.
LUSHNJE- Moti i keq që në orët e para të mëngjesit ka mbërthyer vendin. Probleme me qarkullimin janë raportuar gati në çdo qytet.
Lushnja po ashtu është prekur nga përmbytjet e rrugëve, ku niveli i ujit ka arritur në disa pika deri në 40 cm. Si pasojë e kësaj janë krijuar probleme dhe vështirësi në qarkullimin e automjeteve.
Gjithashtu dhjetëra automjete kanë mbetur të dëmtuara, pasi kanë djegur motor, kryesisht mjetet me benzinë.
VLORË- Ditën e sotme vendi është "pushtuar" nga ndryshimi i motit teksa reshjet e shiut prej disa orësh kanë rënë me intesitet të lartë. Kjo ka sjellë që situata në disa qytete të jetë më e agravuar ku ka edhe përmbytje. Nga pamjet e publikuara nga qyteti i Vlorës duket se uji ka marrë në "dorë" vendin ndërsa rrugët janë mbushur plot me uji.
Rruga Abano, Rominna, Bulevardi Vlorë-Skelë dhe disa rrugë të tjera në qytet janë prekur nga vërshimi i ujit. Rruga te “Omonia” dhe te Kisha Ortodokse janë të pakalueshme. Drejuesit e automjeteve dhe kalimtaret po hasin vështirësi për shkakë të përmbytjes.
Në një tjetër video të publikuar nga JOQalbania duken makinat e bllokuara në rrugë ndërsa niveli i ujit është rritur shumë. Siç shihet edhe në videon e më poshtë uji ka arritur deri tek trafikndarëset.
Vieë this post on Instagram
TIRANË- Policia Rrugore ka bërë një reagim së fundmi në lidhje me përkeqësimin e motit ndërsa u ka bërë apel shoferëve dhe këmbësorëve, që të kenë kujdes në rrugë. Në njoftimin policia thekson që shoferët duhet të respektojnë rregullat e qarkullimit rrugor, duke treguar kujdes të shtuar.
Më tej policia ka bërë apel edhe për këmbësorët ku gjatë lëvizjes të kontrollojnë nga njëri kah i rrugës në tjetrin, të tregojnë kujdes të shtuar, duke respektuar me rigorozitet rregullat e qarkullimit rrugor, pasi rreziku për t’u përfshirë në aksidente rrugore është i madh.
Policia bën me dije se me qëllim parandalimin e aksidenteve rrugore janë rritur prezencae tyre në të gjithë vendin dhe po përdorin mjetet inteligjente për të parandaluar, konstatuar dhe ndëshkuar shkelësit e rregullave të qarkullimit rrugor, të cilët janë burim rreziku për përfshirje në ngjarje rrugore.
Njoftimi i plotë:
APEL PËR MË SHUMË KUJDES! Nisur nga moti i keq me reshje të dendura shiu, Policia e Shtetit APELON për drejtuesit e automjeteve, motomjeteve dhe biçikletave, por edhe gjatë lëvizjes si këmbësorë duke kaluar nga njëri kah i rrugës në tjetrin, të tregojnë kujdes të shtuar, duke respektuar me rigorozitet rregullat e qarkullimit rrugor, pasi rreziku për t’u përfshirë në aksidente rrugore është i madh.
Si pasojë e reshjeve të dendura dhe erës së fortë, në disa akse rrugore ka prezencë të ujit dhe inerteve në rrugë, dhe për këto arsye përdoruesit e rrugës duhet të rrisin vigjilencën sidomos kur janë duke drejtuar automjetet apo motomjetet në kushtet e errësirës ku pamja është e kufizuar.
Me qëllim parandalimin e aksidenteve rrugore, strukturat e Policisë Rrugore kanë rritur prezencën në të gjithë vendin dhe po përdorin mjetet inteligjente për të parandaluar, konstatuar dhe ndëshkuar shkelësit e rregullave të qarkullimit rrugor, të cilët janë burim rreziku për përfshirje në ngjarje rrugore.
Policia Rrugore apelon për modelim të shpejtësisë, mos përdorim të aparatit celular dhe për mos kryerje të parakalimeve të gabuara. Përdoruesit e rrugës, në rast nevoje, të telefonojnë në numrin pa pagesë 112 dhe shërbimet e Policisë do t’ju vijnë në ndihmë menjëherë.
TIRANA- Reshjet e dendura të shiut kanë përfshirë edhe kryeqytetin ditën e sotme ku në disa zona është krijuar trafik i rënduar, pasi makinat qarkullojnë me vështirësi nga reshjet e dendura të shiut.
Sipas parashikimeve, prej orëve të mesditës dhe deri në orët e mbrëmjes reshjet e shiut pritet të jenë me intensitet mesatar dhe të lartë në formën e rrebesheve dhe stuhive shoqëruar me shkarkesa të forta elektrike.
Në orët e vona të mbrëmjes, pritet që në pjesën më të madhe të vendit, intensiteti i reshjeve bie duke mbetur prezente të herëpashershme me intensitet të ulët deri mesatar.
TIRANË – Moti i keq ka përfshirë gjithë vendin dhe reshjet e mëdha të shiut ditën e sotme kanë shkaktuar përmbytje në shumë qytete të vendit. Tirana ka pasur përmbytje në disa zona ku duket se niveli i lartë i reshjeve ka bërë që të bllokohen tubacionet dhe uji të shkaktojë përmbytje në disa rrugë kryesore.
Ne video shihet se niveli i ujit është ngritur aq sa për ta vështirësuar kalimin e automjeteve. Kjo gjë ka bërë që edhe trafiku të jetë i rënduar pasi makinat mezi arrijnë të qarkullojnë.
DURRËS- Moti i keq ka përfshirë edhe qytetin e Durrësit ku stuhia me erëra të forta dhe reshje të shumta shiu kanë krijuar probleme jo vetëm te kalimtarët, por edhe në qarkullimin e automjeteve.
Nga ana tjetër mësohet se lundrimi detar është ndërprerë për anijet e peshkimit, ndërsa tragetet nga Durrësi drejt Barit u nisën me 8 orë vonesë për shkak të dallgeve që shkonin 6 deri 7 ballë në detin Adriatik. Nga ana tjetër situata pritet të përmirësohet pas 24 orësh në Adriatik për lundrimet e mjeteve.
LEZHA- Lezha është përfshirë nga reshje të dendura shiu ditën e sotme të cilat kanë krijuar përmbytje në disa zona në qytet. Niveli i ujit ka arritur në disa cm, duke vështirësuar lëvizjen e qytetarëve dhe automjeteve.
Në disa lagje të qytetit sistemi i kanalizimeve nuk e përballoi nivelin e prurjeve, duke bërë që uji të dalë në sipërfaqe dhe të vërshojë nëpër rrugë. Situata më problematike paraqitet në bulevardin ‘Gjergj Fishta’ dhe në bllokun e banimit ’11 Janari’ në lagjen 'Besëlidhja'.
