Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Ministri i Jashtëm turk, Hakan Fidan ka nisur ditën e sotme turin e tij në Ballkan ku vizitën e parë e ka zhvilluar në Tiranë dhe më pas pritet të udhëtojë drejt Bullgarisë dhe Rumanisë. • Fidan sapo ka mbërritur në Tiranë ka nisur vizitat e para duke shkuar në xhaminë e Namazgjasë. • Kryediplomati turk është pritur nga homologu i tij, Igli Hasani ku kanë mbajtur edhe një konferencë të përbashkët për mediat. • Hasani vlerësoi mbështetjen e Turqisë për njohjen e Kosovës, ndërsa shtoi se pritet hyrja në fuqi e marrëveshjes për njohjen reciproke të lejeve të drejtimit. • Fidan gjithashtu vlerësoi marrëdhëniet mes dy vendeve ku shtoi se duhet të kalojnë në një stad më lart në shkëmbimet ekonomike. • Ai theksoi se ndër prioritetet kryesore është rritja e bilancit tregtar mes dy vendeve tona dhe për të vlerësuar kapacitetin e bashkëpunimit. • Fidan i bëri thirrje komunitetit ndërkombëtar që ti japë fund luftës në Rripin e Gazës. • Ministri turk ka lajmëruar gjithashtu se do të zhvillojë edhe një takim me kryeministrin, Edi Rama.
4 artikuj për këtë temë.
TIRANË- Ministri i Jashtëm turk, Hakan Fidan, nënvizoi në konferencën për media se ndër prioritetet kryesore është rritja e bilancit tregtar mes dy vendeve tona dhe për të vlerësuar kapacitetin e bashkëpunimit mes vendeve.
"Shqipëria dhe Turqia janë vende me lidhje historike. Bashkëpunimi në fusha të tilla si turizmi, tregëtia, diplomacia, çështjet rajonale, kultura, edukimi.., ka shumë fusha ku ne punojmë për të bashkëpunuar. Shpresojmë që vëllimi tregtar mes dy vendeve të arrijnë 2-miliardë dollar në vit"- u shpreh Fidan gjatë konferencës me ministrin e Jashtëm të Shqipërisë.
Fidan ka lajmëruar se do të zhvillojë edhe një takim me kryeministrin Edi Rama.
Gjatë fjalës së tij, ai i bëri thirrje komunitetit ndërkombëtar që ti jepet fund luftës në Rripin e Gazës. Sipas tij njerëzit po vdesin jo vetëm nga bombardimet por edhe nga uria.
‘Komuniteti ndërkombëtar nuk po bën sa duhet të ndalë luftën në Rripin e Gazës. Komuniteti ndërkombëtar të marrë masa anë të kundërt do të jetë shumë vonë. Shumë njerëz po vdesin për shkak të urisë në Palestinë. Duam që atje të bëhet e mundur dërgimi i ndihmave.’- tha Fidan.
Kujtojmë se ai ndodhet në Shqipëri në kuadër të vizitës 4 ditore në disa nga vendet e Ballkanit.
TIRANË- Hakan Fidan, ministri i Jashtëm i Turqisë e ka nisur me Shqipërinë turin e tij 4 ditor në disa vende të Ballkanit. Ai zhvilloi sot një takim me ministrin e Jashtëm, Igli Hasani, ku më pas mbajtën edhe një konferencë të përbashkët për mediat.
Hakan vlerësoi marrëdhëniet mes dy vendeve, të cilat tha se duhet të kalojnë në një stad më lart në shkëmbimet ekonomike.
Ai theksoi ndër të tjera kishte biseduar me homologun e tij për hapat që duhen ndjekur për të pastruar ato që i cilësoi mbetjet e fundit në Shqipëri, të FETO-s, organizatës së klerikut Fetullah Gulen, i akuzuar nga Ankaraja si përgjegjës për përpjekjet për grusht shteti në 2016.
"Diskutuam me kolegun dhe për tema të tjera si lufta kundër terrorit apo cështje të tjera rajonale. Diskutuam në lidhje me pastrimin e mbetjeve të fundit të FETO-s që kanë mbetur në Shqipëri prandaj treguam ndjeshmërinë që ka Turqia ndaj kësaj çështjeje. Diskutuam çfarë hapash mund të hidhen konkretisht për këtë" tha Hakan Fidan.
TIRANË- Ministri i Jashtëm Igli Hasani në një konferencë të përbashkët për mediat me homologun turk Hakan Fidan tha se marrëdhëniet mes dy vendeve në të gjitha fushatë, janë të shkëlqyera.
Hasani ka vlerësua në veçanti mbështetjen e Turqisë për njohjen e Kosovës, ndërsa ka shtuar se pritet hyrja në fuqi e marrëveshjes për njohjen reciproke të lejeve të drejtimit.
“Turqia mike na është gjendur gjithmonë pranë në ditët tona më të vështira. Marrëdhëniet mes vendeve tona kanë njohur vetëm rritje e konsolidim. Intensifikimi i dialogut politik mes nesh, ka sjellë një rritje të bashkëpunimit dypalësh. Diskutuam për bashkëpunimin në fushën ekonomike dhe tregtare. Presim hyrjen në fuqi të marrëveshjes për Njohjen Reciproke të Lejeve të Drejtimit. Përmbushja me sukses e angazhimeve tona për 2024, do të kërkojë dhe bashkëpunimin me Turqinë. Vlerësoj Turqinë për mbështetjen në njohjen e Kosovës në arenën ndërkombëtar”, tha ministri Hasani.
TIRANË- Ministri i Jashtëm turk, Hakan Fidan ndodhet në Tiranë në kuadër të turneut të tij zyrtar katërditor të cilin e nisi në Shqipëri. Pas mbërritjes së tij në kryeqytet Ministra e Jashmte turke ka ndarë në faqen zyrtare pamje nga vizita e Fidan në Xhamia e Namazgjasë.
“Ministri ynë Hakan Fidan vizitoi Xhaminë e Namazgjahut, e cila është në ndërtim e sipër me të mbërritur në Tiranë, kryeqytetin e Shqipërisë”, shkruan ministria ka ndarë disa foto të Fidan nga xhamia.
Ministri turk nisi sot turneun e tij zyrtar katërditor në Shqipëri, Bullgari dhe Rumani, sipas burimeve diplomatike. Fidan do të takohet me homologët e tij për të diskutuar marrëdhëniet dypalëshe si dhe zhvillimet aktuale rajonale dhe globale. Gjatë vizitës së tij, ministri i Jashtëm do të takohet edhe me biznesmenë turq dhe përfaqësues të komuniteteve turke në këto vende.
