Mbledhja e KLGJ, zgjidhen 3 anëtarët për vendet vakante

TIRANË- Gentiana Muçaj është shpallur fituese për vendin vakant në Gjykatën e Shkallës së Parë, me 114 vota përballë Alma Kodraliut me 112 vota.

Komisioni i Pavarur i Kualifikimit, KPK shpalli më 9 mars vendimin për konfirmimin në detyrë të Muçajt në Gjykatën Administrative të Shkallës së Parë Tiranë.

Gentiana Muçaj i përfundoi studimet në Shkollën e Magjistraturës në vitin 2002 dhe punoi për më shumë se një dekadë në Gjykatën e Lezhës. Prej vitit 2013, Muçaj e ushtron funksionin në Gjykatën Administrative të Shkallës së Parë Tiranë.

Gjyqtarja Emona Muçi

TIRANË-Emona Muçi, fitoi paraditen e sotme me 133 vota vendin vakant si anëtare e Këshillit të Lartë Gjyqësor. Anëtarja e re e KLGJ-së do të ushtrojë detyrën me një mandat 5-vjeçar. Sipas raportimeve në media gjyqtarja Emona Muçi zëvëndëson në postin e saj Brikena Ukperaj.

Gjyqtarët e Republikës së Shqipërisë janë duke zhvilluar mbledhjen e emërimeve dhe për dy anëtarë të tjerë të KLGJ-së, të cilëve u ka mbaruar mandati. KLGJ ka në total 240 gjyqtarë, teksa kanë nënshkruar sot praninë në mbledhje 236 gjyqtarë, të cilët morën pjesë në votim.

Nureda Llagami

TIRANË- Kryetarja e Këshillit të Lartë Gjyqësor, Nureda Llagami u shpreh se ndonëse në hapa të para, tashmë është krijuar një model të ri sa i përket gjyësorit. Ajo theksoi se gjyqësori sot nuk është më një ‘llogore’ si në të kaluarën, duke shtuar kandidatët e rinj do të duhet të përballen me sfidat e radhës”.

“Ajo ç’ka ishte dje një sfidë, sot është një realitet që funksionon siç funksionojnë institucionet e sistemit të drejtësisë. Sot Këshilli nuk ka më sfidat e para 5 viteve, por është shtëpia jonë e përbashkët. Ne arritëm të ndërtojmë themele të forta me standadet më të fundit dhe me partnerët më të mirë. Sfida jonë ishte për të vendosur një model, një standard të ri. E them me siguri se disa tabu i thyem. Sot shoqëria civile, Avokatia, Gjyqësori nuk janë më në llogore. Por sot sfida e atyre që kandidojnë është që duhet të kënë aftësinë për tu përballur me sfida të reja, me sfidën e qëndrueshmërisë dhe vazhdimisisë, cilësisë dhe shërbimit që kërkohet dhe pritet nga të gjithë. Anëtarët që vijnë nga ju nga forumi gjyqqësor kanë një përgjegjësi më të madhe,. Kjo eksperiencë për mua ishte e papërsëritshme, por për ju është për të përmirësuar imazhin tuaj, shtëpinë tuaj. Kushdo që vjen do të gjykohet jo vetëm për atë çka bëri, por edhe atë që kishte mundësinë të bëntë”, tha ndër të tjera Llagami.

Këshilli i Lartë Gjyqësor do të zgjedhë këtë të hënë 3 gjyqtarë që do të jenë për 5 vite anëtarë të KLGJ-së./Dosja.al

Sokol Sadushi

TIRANË- Ka nisur mbledhja e Gjyqtarëve për zgjedhjen e 3 përfaqësuesëve të Këshillit të Lartë Gjyqësor që do të jenë për 5 vite anëtar të KLGJ-së. Anëtarëve që u përfundon mandati në dhjetor janë dy gjyqtarë në radhët e Gjykatës së Shkallës së Parë, Marçela Shehu dhe Brikena Ukperaj dhe nga radhët e Apelit largohet Dritan Hallunaj.

 Në garë për zëvendësimin e tyre janë 5 gjyqtarë, përkatësisht dy nga gjykatat e Apelit, Emona Muçi dhe Irida Kaçerja dhe 2 nga Shkallët e Para të Jurdiksionit të Përgjithshëm, Alma Kodraliu dhe Gentjana Muçaj, ndërsa Markeljan Koça vjen në garë nga Shkalla e Parë Administrative.

Kreu i Gjykatës së Lartë, Sokol Sadushi tha se duhet reaguar me forcë ndaj sulmeve të padrejta mbi gjyqtarët.

"Kërkohet të reagohet në mënyrë koherente ndaj sulmeve të padrejta, të shumta e të vazhdueshme deri edhe në kërcënime që u bëhen gjyqtarëve për shkak të funksionit", tha Sadushi.