Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Bertil Alliaj, autori i vrasjes së kushëririt të tij 36-vjeçar Dalan Alliaj është arrestuar ditën e sotme. • Ngjarja e rëndë ka ndodhur mbrëmjen e djeshme në fshatin Gjorm, të Vlorës ku pasi vrau kushëririn Alliaj u largua nga kodrat e zonës. • Bertil Alliaj është person i njohur për autoritetet policore, pasi ka qenë i dënuar me 35 vite burg për vrasje. • Pas kontrolleve të shumta gjatë natës dhe me ndihmën e dronëve është bërë e mundur gjetja dhe kapja e tij. • Gjatë kontrollit fizik policia gjeti dhe sekuestroi armën e zjarrit, e cila dyshohet që është përdorur për këtë ngjarje, së bashku me 10 fishekë. • Teksa është marrë në pyetje për më shumë se një orë nga hetuesit pas arrestimit të tij gjatë natës, Alliaj ka pohuar se e ka kryer krimin për një “arsye të fortë”, të cilën ka refuzuar ta zbulojë.
4 artikuj për këtë temë.
VLORË- Personi që po shikoni në këtë foto është Dalan Alliaj, i cili u qëllua me gjatë plumba nga kushëririi tij Bertil Alliaj. 36-vjeçari mbeti i vrarë mbrëmjen e djeshme, në fshatin Gjorm të Vlorës. Ai humbi jetën gjatë rrugës për në spital, si pasojë e plagëve të marra.
Viktima rezulton administrator i kompanisë Allidagu në Fier. Kjo kompani meret me aktivitet në fushën e prodhimit, përpunimit dhe shpërndarjes së ushqimeve, mbarështimi i kafshëve në fermat agroblegtorale të mëdha, tregti kafshësh të gjalla si dhe servis e tregti automjetesh. Policia ka arrestuar sot autorin e ngjarjes së rëndë Bertil Alliajn, ndërsa po heton më shumë mbi ngjarjen e rëndë./Dosja.al
VLORA- Autori i dyshuar i vrasjes në Gjorm të Selenicës, Bertil Alliaj, është marrë në pyetje për më shumë se një orë nga hetuesit pas arrestimit të tij gjatë natës. Gjatë dëshmisë së dhënë në prani të oficerëve të policisë, Alliaj ka pohuar se e ka kryer krimin për një “arsye të fortë”, të cilën ka refuzuar ta zbulojë në këtë fazë të hetimit.
“E vrava për një arsye të fortë që s’mund ta them, pasi i kisha thënë disa herë që duhet të reagonte,” – mësohet të ketë deklaruar ai gjatë marrjes në pyetje.
Sipas burimeve të hetimit, Alliaj nuk ka dhënë detaje të tjera mbi motivin konkret të konfliktit, por ka shtuar se “në një moment tjetër do të jetë gati të tregojë arsyen e vërtetë” që e shtyu të qëllonte kushëririn e tij, Dala Alliaj.
VLORA- Pamjet e operacionit të zhvilluar gjatë natës në zonën malore të Gjormit tregojnë momentet kur forcat e policisë lokalizuan dhe arrestuan 32-vjeçarin Bertil Alliaj, i cili akuzohet për vrasjen e kushëririt të tij, Dalan Alliaj. Operacioni, që zgjati rreth pesë orë, u zhvillua me intensitet të lartë dhe me përdorimin e dronëve për krehjen e terrenit të vështirë.
Sipas njoftimit zyrtar të Policisë së Vlorës, arrestimi u krye rreth orës 01:05 të mëngjesit, pasi i dyshuari ishte fshehur në një zonë të pyllëzuar pranë vendit të ngjarjes. Mbrëmjen e djeshme, rreth orës 20:00, Bertil Alliaj dyshohet se qëlloi me armë zjarri kushëririn e tij, pas një konflikti për motive të dobëta, përpara banesës së tyre.
Gjatë kontrollit fizik, efektivët i gjetën dhe sekuestruan një pistoletë tip “Beretta FS92”, një krehër dhe 10 fishekë, që dyshohen se janë përdorur në krim.
VLORË- Policia ka arrestuar pas pesë orësh kërkime Bertil Alliaj, i cili dyshohet si autori i vrasjes së kushëririt të tij 36-vjeçar. Ngjarja e rëndë ka ndodhur mbrëmjen e djeshme në fshatin Gjorm, të Vlorës. Bertil Alliaj është një person në kërkim me rrezikshmëri të lartë shoqërore, i dënuar me 35 vite burg për vrasje.
Pasi qëlloi kushëririn e tij me gjashtë plumba, ai u larguar drejt terrenit malor për ti shpëtuar policisë. Gjatë kontrollit fizik policia gjeti dhe sekuestroi armën e zjarrit, e cila dyshohet që është përdorur për këtë ngjarje, së bashku me 10 fishekë. Policia po heton më shumë mbi ngjarjen e rëndë.
Njoftimi i policisë
Pas rreth 5 orësh kërkimesh intensive, me përdorimin edhe të dronit, Policia e Vlorës bëri të mundur arrestimin e autorit të dyshuar të vrasjes së ndodhur mbrëmjen e djeshme. Zbardhet dhe dokumentohet ngjarja e ndodhur në fshatin Gjorm, ku mbeti i vrarë me armë zjarri, nga kushëriri i tij, një 36-vjeçar. Ekuestrohet arma e zjarrit pistoletë, e dyshuar si e përdorur në këtë ngjarje, së bashku me 10 fishekë. 32-vjeçari i vënë në pranga, person në kërkim me rrezikshmëri të lartë shoqërore, i dënuar me 35 vite burg për vrasje.
Pas marrjes së njoftimit nga familjarët se në fshatin Gjorm ishte gjetur pa shenja jete shtetasi D. A., 36 vjeç, banues në Fier, të cilit gjatë këqyrjes i janë konstatuar plagë të shkaktuara me armë zjarri, nga strukturat e Drejtorisë Vendore të Policisë Vlorë, nën drejtimin e Prokurorisë Vlorë, u ngrit një grup hetimor me qëllim zbardhjen dhe dokumentimin e ngjarjes, i përbërë nga specialistë të Seksionit për Hetimin e Krimeve ndaj Personit dhe ekspertë kriminalistikë. Falë veprimeve hetimore të shpejta dhe profesionale, u bë e mundur identifikimi dhe shpallja në kërkim e autorit të dyshuar, shtetasit Bertil Alliaj, 32 vjeç, banues në fshatin Gjorm, Selenicë, i cili pas ngjarjes ishte larguar në zonën malore përreth. Menjëherë shërbimet e DVP Vlorë u organizuan dhe nisën kërkimet për kapjen e tij.
Falë kontrolleve intensive të shtrira gjatë gjithë natës dhe përdorimit të dronit për krehjen e zonës, rreth orës 01:05 të mëngjesit, u bë arrestimi në flagrancë i shtetasit Bertil Alliaj, pasi mbrëmjen e djeshme, rreth orës 20:00, në rrugën përpara banesës së tij, gjatë një konflikti për motive të dobëta, dyshohet se ka vrarë me armë zjarri kushëririn e tij, shtetasin D. A. Gjatë kontrollit fizik të autorit, iu sekuestrua në cilësinë e provës materiale një armë zjarri pistoletë “Beretta FS92”, e dyshuar si arma e përdorur në këtë ngjarje, së bashku me një krehër dhe 10 fishekë.
Gjatë këqyrjes së vendit të ngjarjes u gjetën dhe u sekuestruan si prova materiale 6 gëzhoja dhe 1 predhë arme zjarri. Shtetasi Bertil Alliaj rezulton gjithashtu person në kërkim, menjëherë pas kapjes së tij, u ekzekutua edhe vendimi i datës 20.01.2016, i Gjykatës së Shkallës së Parë Vlorë, e cila e ka dënuar me 35 vite burg për veprat penale “Vrasje në rrethana cilësuese, kryer në bashkëpunim” dhe “Armëmbajtje pa leje”. Materialet iu referuan Prokurorisë për veprime të mëtejshme procedurale./Dosja.al
