Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Disa vatra zjarri kanë përfshirë ditën e sotme vendin. Flakët kanë përfshirë kurorën e Dardhës në Pukë, Fushë-Arrëzin dhe Parkun Natyror të Gërmenjit. • Zjarri është përhapur masivisht, pasi është favorizuar edhe nga tenperaturat e larta dhe era e fortë. • Krahas forcave nga toka, në Pukë po vepron edhe një helikopter për shuarjen e flakëve. • Zjarret në ekonominë pyjore Sakat-Lak-Hidhi janë aktive prej 10 ditësh. • Ndërkohë Bashkia Fushë-Arrëz bën thirrje për ndërhyrje të menjëhershme nga ajri dhe u bën apel banorëve të mobilizohen për vënien nën kontroll të flakëve. • Gjithashtu vatra të tjera aktive janë konstatuar edhe pranë piramidave kufitare 13-14, në kufi me Greqinë. • Pavarësisht përpjekjeve të vazhdueshme dhe të koordinuara nga shërbimi zjarrfikës i bashkisë Kolonjë, Forcat e Armatosura, Shërbimi Pyjor, dhe Agjencia e Zonave të Mbrojtura (ADZM), situata mbetet e vështirë për shkak të terrenit të thepisur dhe erërave që favorizojnë përhapjen e flakëve. • Gjithashtu lidhur me zjarret janë shoqëruar disa persona, pasi dyshohet për zjarrvënie të qëllimshme. • Sakaq, Bashkia Kolonjë ka reaguar, duke kërkuar angazhim qytetar për mbrojtjen e zonave të mbrojtura.
4 artikuj për këtë temë.
SELENICË- Një vatër zjarri ka përfshirë një sipërfaqe toke në një kodër pranë fshatit Drashovicë të Bashkisë së Selenicës. Bëhet me dije se flakët janë përhapur masivisht nga era e fortë, por dhe ndërhyrja është e vështirë për shkak të terrenit të vështirë.
Flakët gjithashtu rrezikojnë edhe një stan që ndodhet pranë vatrës së zjarrit. Gjithashtu edhe një vatër zjarri ka përfshirë mbrëmjen e sotme fshatin Dukat.
KOLONJË- Një tjetër vatër zjarri ka përfshirë pasditen e sotme Parkut Natyror të Gërmenjit, në afërsi të fshatit Shelegur në bashkinë Kolonjë. Flakët janë përhapur masivisht, duke rrezikuar zonat e mbrojtura dhe bizneset përreth. Gjithashtu vatra të tjera aktive janë konstatuar edhe pranë piramidave kufitare 13-14, në kufi me Greqinë.
Pavarësisht përpjekjeve të vazhdueshme dhe të koordinuara nga shërbimi zjarrfikës i bashkisë Kolonjë, Forcat e Armatosura, Shërbimi Pyjor, dhe Agjencia e Zonave të Mbrojtura (ADZM), situata mbetet e vështirë për shkak të terrenit të thepisur dhe erërave që favorizojnë përhapjen e flakëve.
Gjithashtu lidhur me zjarret janë shoqëruar disa persona, pasi dyshohet për zjarrvënie të qëllimshme. Sakaq, Bashkia Kolonjë ka reaguar, duke kërkuar angazhim qytetar për mbrojtjen e zonave të mbrojtura.
FUSHË- ARRËZ- Një vatër zjarri ka rënë edhe në Fushë-Arrëz në pyjet pranë Fshatit Kryezi në Podinat. Flakët janë përhapur me shpejtësi në pyjet e pishës së zezë, pasi janë favorizuar nga erërat e forta.
Ndërkohë shërbimi zjarrfikës dhe shërbimi pyjor janë nisur drejt vendit ku ka rënë zjarri. Gjithashtu Bashkia Fushë-Arrëz bën thirrje për ndërhyrje të menjëhershme nga ajri dhe u bën apel banorëve të mobilizohen për vënien nën kontroll të flakëve.
PUKË- Dy vatra zjarrit vijojn të jenë aktive pranë kurorës së Dardhës në Pukë. Bëhet me dije se flakët kanë dalë jashtë kontrollit, pasi janë favorizuar edhe nga tenperaturat e larta dhe era e fortë. Konkretisht flakët janë pranë lumit të Trunit dhe pranë Kulumrisë.
Sakaq, krahas forcave nga toka, po vepron edhe një helikopter për shuarjen e flakëve. Zjarret në ekonominë pyjore Sakat-Lak-Hidhi janë aktive prej 10 ditësh.
