Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Ministria e Mbrojtjes ka njoftuar se pas 5 ditësh është vënë nën kontroll vatra e zjarrit në Finiq, ndërsa bëhet me dije se në ndihmë për stabilizimin e situatës kanë ardhur edhe dy avionë zjarrfikës nga Greqia. • Me ndërhyrjen nga ajri u vu nën kontroll dhe vatra e zjarrit në Poliçan, ku flakët rrezikonin zona të pyllëzuara të paarritshme nga toka. • Ndërkohë në landfillin e Elbasanit duket se situata kritike ka marrë fund. • Pas gjashtë ditësh zjarri masiv dhe shtëllungash tymi toksik të dëndura, flakët në landfillin e Elbasanit janë vënë në kontroll. • Raportohet se ditën e sotme në zonën e vendngrumbullimit të mbetjeve nuk ka pasur më flakë. • Në operacionin për fikjen e zjarrit të dyshuar të qëllimishëm u angazhuan forcat zjarrfikëse, strukturat vendore, ushtrinë dhe institucionet qendrore. • E gjithë sipërfaqja e landfillit, është mbuluar me mbi 35 mijë metër kub dhera. • Trashësia e shtresës së dheut shkon deri në 2 metra në pjesën e sipërme dhe nga 30 deri në 50 cm në skajet anësore. • Përmes kësaj synohet ndërprerja e furnizimit me oksigjen dhe ndalimi i përhapjes së mëtejshme të zjarrit në thellësi. • Ministria e Mbrojtjes njoftoi paraditen e sotme se zjarri mbetet aktiv në vendin e quajtur “Sotiran”, ndërmjet fshatrave Tragjas dhe Dukat; në një sipërfaqe me shkurre dhe ferra në fshatin Bulticë dhe në fshatin Zgërbonjë po ashtu në një sipërfaqe me shkurre dhe ferra.
6 artikuj për këtë temë.
TIRANË- Ministria e Mbrojtjes ka dhënë përditësime lidhur me situatën e zjarreve në vend. Bëhet me dije se pas 5 ditësh është vënë nën kontroll vatra e zjarrit në Finiq. Në ndihmë për stabilizimin e situatës kanë ardhur edhe dy avionë zjarrfikës nga Greqia.
Ndërkohë në njoftimin e ministrisë thuhet gjithashtu se me ndërhyrjen nga ajri u vu nën kontroll dhe vatra e zjarrit në Poliçan, ku flakët rrezikonin zona të pyllëzuara të paarritshme nga toka. Më tej shtohet se dhe në Elbasan, është bërë i mundur izolimin i vatrës, duke shmangur dëme të mëdha mjedisore dhe materiale.
NJOFTIMI I PLOTË:
Forcat e Armatosura, në bashkëpunim me forcat e tjera operacionale në terren dhe me ndihmën e Mekanizmit Evropian të Mbrojtjes Civile finalizuan me sukses një ditë të vështirë në betejë me zjarret, në territorin e vendit.
Në Bashkinë Finiq, Forcat Ajrore Shqiptare, në bashkëpunim me dy avionë zjarrfikës të ardhur nga Greqia, në kuadër të Mekanizmit Evropian të Mbrojtjes Civile arritën të vënë nën kontroll zjarrin në masivin malor të Shtugarit dhe në zonën ndërkufitare. Koordinimi i ngushtë ndërmjet Qendrës Kombëtare Operacionale të Emergjencave Civile (AKMC) dhe Agjencisë Greke të Mbrojtjes Civile bëri të mundur hyrjen nga pika kufitare të mjeteve ajrore greke dhe realizimin me efikasitet të misionit. Aktualisht, situata në Finiq është nën kontroll dhe e stabilizuar.
Ndërkohë, një tjetër ndërhyrje ajrore u realizua me sukses në Poliçan, ku flakët rrezikonin zona të pyllëzuara të paarritshme nga toka. Edhe në Elbasan, përpjekjet e vazhdueshme të Drejtoria Rajonale e Mbrojtjes nga Zjarri, Forcat e Armatosura dhe strukturat vendore bënë të mundur izolimin e vatrës, duke shmangur dëme të mëdha mjedisore dhe materiale.
Në këto ditë të nxehta, me rrezik të lartë zjarresh në të gjithë rajonin e Mesdheut, siç paralajmërohet edhe nga harta zyrtare e shërbimit Copernicus EMS kërkohet kujdes maksimal nga qytetarët.
Ministria e Mbrojtjes u bën thirrje qytetarëve të tregojnë kujdes të shtuar, të mos ndezin zjarre në natyrë, dhe të njoftojnë menjëherë strukturat përkatëse në rast rreziku.
Të gjitha strukturat e mbrojtjes civile janë në gatishmëri të plotë, në çdo rast nevoje.
ELBASAN- Zjarri në landfillin është vënë nën kontroll ditën e sotme pas 6 ditësh flakësh masive dhe tymi toksik. Kryebashkiaku i Elbasanit, Gledian Llatja në një postim në rrjetet sociale e ka cilësuar situatën në landfill, si një ndër më sfiduese ndër vite.
Llatja shprehet në postim se aktualisht vatra është e izoluar, por jo e shuar plotësisht. Sipas përfaqësueve të forcave zjarrfikësë, 95% e zjarrit është shuar, ndërsa pjesa e mbetur përbëhet kryesisht nga avuj dhe gazra të mbetur nga materialet e djegura dhe uji i përdorur për fikje.
POSTIMI I PLOTË:
Situata në landfill mbetet ndër më sfidueset me të cilat jemi përballur ndër vite.
Prej datës 1 korrik, një vatër zjarri në landfillin e Elbasanit ka përfshirë një sipërfaqe të konsiderueshme, duke u përhapur me shpejtësi për shkak të erës dhe temperaturave ekstreme. Për të gjashtën ditë radhazi, të gjitha kapacitetet tona njerëzore dhe logjistike janë në terren, duke punuar pandërprerë për neutralizimin e plotë të flakëve.
Mbi 100 forca të angazhuara dhe dhjetëra mjete janë vënë në dispozicion, falë bashkëpunimit të ngushtë mes strukturave vendore dhe qëndrore. Aktualisht, vatra është e izoluar, por jo e shuar plotësisht. Puna do të vazhdojë me përkushtim maksimal derisa situata të jetë tërësisht nën kontroll.
Për shkak të disa vatrave të tjera aktive në zona pyjore, është dashur të zhvendosim një pjesë të kapaciteteve nga landfilli për të përballuar emergjencat paralelisht.
Në këtë moment kritik, dua të shpreh mirënjohjen e thellë për të gjitha strukturat e përfshira, për përkushtimin dhe sakrificën në vijën e parë të rrezikut.
Po ashtu, kërkoj ndjesë ndaj qytetarëve të Elbasanit për shqetësimet e shkaktuara nga tymi dhe ndotja gjatë këtyre ditëve të nxehta.
Në bashkëpunim të ngushtë me të gjitha strukturat vendore dhe qëndrore, po vijojmë me angazhim të plotë në terren për menaxhimin e situatës dhe rikthimin sa më të shpejtë të normalitetit.
Raportohet se ditën e sotme në zonën e vendngrumbullimit të mbetjeve në Elbasan nuk ka pasur më flakë. Në operacionin për fikjen e zjarrit u angazhuan forcat zjarrfikëse, strukturat vendore, ushtrinë dhe institucionet qendrore. Ndërkohë bëhet me dije se e gjithë sipërfaqja e landfillit, është mbuluar me mbi 35 mijë metër kub dhera. Trashësia e shtresës së dheut shkon deri në 2 metra në pjesën e sipërme dhe nga 30 deri në 50 cm në skajet anësore. Përmes kësaj synohet ndërprerja e furnizimit me oksigjen dhe ndalimi i përhapjes së mëtejshme të zjarrit në thellësi.
Qytetarët që jetojnë afër vatrës së zjarrit ishin shprehur se për shkak të tymit po përballen me probleme si frymëmarrjen dhe shqetësime të tjera shëndetësore. Dy ditë më parë qytetarët protestuan për katastrofën mjedisore që po ndodh në qytetin e tyre. Banorët fillimisht u mblodhën pranë Prokurorisë së Elbasanit dhe më pas marshuan drejt Bashkisë së qytetit. Ata kërkuan përgjegjësi nga institucionet për menaxhimin e kësaj krize dhe për masat që duhen marrë për të parandaluar rrezikun që zjarri i mbetjeve po u sjell.
ELBASAN- Pas gjashtë ditësh zjarri masiv dhe shtëllungash tymi toksik të dëndura, flakët në landfillin e Elbasanit janë vënë në kontroll. Raportohet se ditën e sotme në zonën e vendngrumbullimit të mbetjeve nuk ka pasur më flakë. Në operacionin për fikjen e zjarrit të dyshuar të qëllimishëm u angazhuan forcat zjarrfikëse, strukturat vendore, ushtrinë dhe institucionet qendrore.
Ndërkohë bëhet me dije se e gjithë sipërfaqja e landfillit, është mbuluar me mbi 35 mijë metër kub dhera. Trashësia e shtresës së dheut shkon deri në 2 metra në pjesën e sipërme dhe nga 30 deri në 50 cm në skajet anësore. Përmes kësaj synohet ndërprerja e furnizimit me oksigjen dhe ndalimi i përhapjes së mëtejshme të zjarrit në thellësi.
Qytetarët që jetojnë afër vatrës së zjarrit ishin shprehur se për shkak të tymit po përballen me probleme si frymëmarrjen dhe shqetësime të tjera shëndetësore. Dy ditë më parë qytetarët protestuan për katastrofën mjedisore që po ndodh në qytetin e tyre. Banorët fillimisht u mblodhën pranë Prokurorisë së Elbasanit dhe më pas marshuan drejt Bashkisë së qytetit. Ata kërkuan përgjegjësi nga institucionet për menaxhimin e kësaj krize dhe për masat që duhen marrë për të parandaluar rrezikun që zjarri i mbetjeve po u sjell.
BERAT- Zjarret kanë përfshirë prej disa ditësh disa zona të vendit, ndërsa së fundmi dy vatra të reja janë shënuar në qarkun e Beratit.
Bëhet me dije se një nga zjarret është regjistruar në fshatin Mbrakull në Poliçan, ku flakët kanë përfshirë një sipërfaqe të madhe me pisha. Përhapja e zjarrit është favorizuar nga era e fortë që fryn dhe temperaturat e larta, ndërsa ndërhyrja e zjarrfikësve është bërë e vështirë për shkak të terrenit të vështirë malor.
Vatra tjetër e zjarrit është regjistruar në fshatin Virjon, ku flakët dyshohen se kanë nisur për shkak të një defekti në linjën elektrike. Përhapja e zjarrit ka rrezikuar tre banesa dhe parcela me dru frutorë, por nga ndërhyrja e shërbimit zjarrfikës me dy mjete dhe gjashtë efektivë u arrit vënia e situatës nën kontroll.
FINIQ- Vatra e zjarrit në zonën mes malit të Malçanit dhe Grazhdanit në Finiq vijon të jetë aktive prej 5 ditësh. Ditën e sotme ka nisur ndërhyrja nga ajri, në përpjekje për të parandaluar përhapjen e flakëve.
Në përpjekje për shuarjen e zjarrit janë angazhuar edhe forca tokësore të ardhura nga bashkitë Konispol, Delvinë dhe Himarë, si dhe 30 ushtarë të dërguar nga Ministria e Mbrojtjes.
Gjithashtu bëhet me dije se pritet të mbërrijë edhe një avion zjarrfikës “Canadair” nga Greqia, që do të ndërhyjë nga ajri për vënien në kontroll të vatrës së zjarrit. Flakët janë përhapur dhe favorizuar edhe nga temperaturat e larta dhe era e fortë që fryn në zonë.
TIRANË- Ministria e Mbrojtjes ka raportuar se gjatë 24 orëve të fundit kanë qenë aktive 24 vatra zjarri. Sipas njoftimit nga këto 24 vatra vetëm 6 vatra janë ende aktive. Këto vatra zjarri janë evidentuar në bashkitë e Elbasanit, Finiqit, Delvinës, Selenicës, Vlorës, Tiranës, Vorës, Krujës, Hasit, Matit, Malësisë së Madhe, Kurbinit, Korçës, Poliçanit dhe Gjirokastrës.
Aktualisht mbeten aktive vatrat në vendgrumbullimin e mbetjeve në bashkinë Elbasan, ku edhe sot vijon puna për shuarjen e plotë të vatrës. Gjatë ditës së djeshme u punua kryesisht me hedhjen e inerteve dhe kapsulimin e mbetjeve, ndërsa një grup ekspertësh ishte në terren për matjen e ndotjes së ajrit.
Në zonën midis fshatit Grazhdan dhe fshatit Malçan situata paraqitet më e qetë dhe intensiteti i zjarrit ka rënë. Vatra po monitorohet në distancë nga 2 automjete zjarrfikëse me 6 efektivë dhe punonjës të Shërbimit Pyjor në fshatin Malçan.
Në vendin e quajtur “Sotiran”, ndërmjet fshatrave Tragjas dhe Dukat është raportuar vatër zjarri në një sipërfaqe me shkurre dhe ferra. Në vendngjarje ndodhen efektivët e Shërbimit Vendor të MZSH të bashkisë Vlorë me 1 automjet zjarrfikës dhe 3 efektivë, të cilët po punojnë për shuarjen e flakëve.
Në fshatin Bulticë në një sipërfaqe me shkurre dhe ferra. Terreni i pafavorshëm e bën të vështirë ndërhyrjen me mjete zjarrfikëse. Sot, forcat operacionale me ndihmën e 40 forcave nga FA do të vazhdojnë punën për vënien nën kontroll të zjarrit. Në zonën malore mes fshatrave Gjinaj dhe Domaj zjarri ka rënë në një sipërfaqe me pyll pishe. Terreni i vështirë dhe era favorizojnë përhapjen e flakëve, ndaj puna për shuarjen vazhdon.
Në fshatin Zgërbonjë zjarri ka rënë në një sipërfaqe me shkurre dhe ferra. Sot në mëngjes ka rifilluar operacioni për shuarjen e zjarrit me 2 automjete zjarrfikëse dhe 7 efektivë. Zjarret janë regjistruar kryesisht në sipërfaqe me shkurre dhe bimësi të ulët, ku si pasojë janë djegur rreth 7 hektarë. Në tre raste në fshatin Marqinet (bashkia Vorë), në rrugën “Perlat Rexhepi” (njësia administrative Nr.5, bashkia Tiranë) dhe në fshatin Bulgarec (bashkia Korçë) – zjarri ka përfshirë dy banesa dhe një ndërtesë, duke shkaktuar dëme materiale.
