Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Zjarret kanë përfshirë sërish ditën e sotme Shqipërinë. • Gjatë 24 orëve të fundit janë raportuar disa vatra zjarri. • Sipas Ministrisë së Mbrojtjes gjatë 24 orëve të fundit janë evidentuar 21 vatra zjarri, nga të cilat 18 janë shuar dhe 3 janë ende aktive. • Sipas njoftimit, në qarkun Vlorë, në malet mbi fshatin Dhivër, bashkia Finiq, zjarri vijon të përhapet mbi zonat Cerkovicë, Llupsat dhe Shëndre, në një sipërfaqe pyjore me pisha dhe bimësi të ulët. • Mësohet se në qarkun Berat, në zonën e ish-Uzinës Mekanike Poliçan, vijon zjarri dhe në terren ndodhen 7 automjete zjarrfikëse, 40 efektivë të MZSH nga Poliçani, Berati dhe Skrapari, 20 forca bashkiake si dhe 1 automjet zjarrfikës me ekipin nga FA. • Ministria e Mbrojtjes thotë se forcat po punojnë për izolimin e plotë të zjarrit me kujdes të shtuar për shkak të zonës. • Gjithashtu bëhet me dije se në qarkun Fier në fshatin Lofkënd, bashkia Mallakastër, zjarri ka përfshirë një sipërfaqe me pisha, me përhapje për shkak të erës. • Ndërkohë, forcat në terren po punojnë për izolimin e tij. • Edhe në Patos zjarri po vijon të përhapet me shpejtësi, duke shkrumbuar një sipërfaqe të madhe me pisha. • Gjithashtu në terren ndodhen forcat e Emergjencave Civile, shërbimet zjarrfikëse të dy bashkive, si dhe punonjës të tjerë të angazhuar në përpjekje për të vënë nën kontroll flakët. • Po ashtu ka nisur edhe ndërhyrja nga ajri me një helikopter duke dhënë ndihmë të konsiderueshme në izolimin e vatrave aktive. • Autoritetet theksojnë se po bëhet maksimumi për të mos lejuar përhapjen e mëtejshme të flakëve, me qëllim ruajtjen e kësaj pasurie natyrore me rëndësi për ekosistemin lokal. • Ndërkohë edhe Ministri i Mbrojtjes, Pirro Vengu, ka ndjekur nga afër operacionin për shuarjen e zjarreve që kanë përfshirë sipërfaqe të gjerë me pisha dhe bimësi të dendur në fshatrat Lofkënd dhe Drenie, në zonën mes Bashkisë së Patosit dhe asaj të Mallakastrës. • Gjithashtu një vatër zjarri ka përfshirë pasditen e sotme fshatin Vjollcë të Mirditës. • Flakët janë favorizuar edhe nga era e fortë dhe kanë përfshirë një sipërfaqe të madhe me pisha. • Forcat zjarrfikëse janë nisur drejt zonës, por ndërhyrja është e vështirë për shkak të terrenit të thepisur.
10 artikuj për këtë temë.
MIRDITË- Një vatër zjarri ka përfshirë pasditen e sotme fshatin Vjollcë të Mirditës. Flakët janë favorizuar edhe nga era e fortë dhe kanë përfshirë një sipërfaqe të madhe me pisha.
Gjithashtu forcat zjarrfikëse janë nisur drejt zonës, por ndërhyrja është e vështirë për shkak të terrenit të thepisur. Pavarësisht përpjekjeve të pandërprera, flakët nuk janë izoluar.
PATOS- Zjarri në Patos po vijon të përhapet me shpejtësi, duke shkrumbuar një sipërfaqe të madhe me pisha. Gjithashtu në terren ndodhen forcat e Emergjencave Civile, shërbimet zjarrfikëse të dy bashkive, si dhe punonjës të tjerë të angazhuar në përpjekje për të vënë nën kontroll flakët.
Po ashtu ka nisur edhe ndërhyrja nga ajri me një helikopter duke dhënë ndihmë të konsiderueshme në izolimin e vatrave aktive. Autoritetet theksojnë se po bëhet maksimumi për të mos lejuar përhapjen e mëtejshme të flakëve, me qëllim ruajtjen e kësaj pasurie natyrore me rëndësi për ekosistemin lokal.
Ndërkohë edhe Ministri i Mbrojtjes, Pirro Vengu, ka ndjekur nga afër operacionin për shuarjen e zjarreve që kanë përfshirë sipërfaqe të gjerë me pisha dhe bimësi të dendur në fshatrat Lofkënd dhe Drenie, në zonën mes Bashkisë së Patosit dhe asaj të Mallakastrës.
FINIQ- Ministria e Mbrojtjes ka njoftuar se situata në Finiq po shkon drejt normalizimit, pas një operacioni të gjerë dhe të koordinuar për shuarjen e vatrave të zjarrit që përfshinë zonën. Falë ndërhyrjes ajrore me helikopter të Forcës Ajrore dhe angazhimit të pandërprerë nga toka, flakët janë vënë nën kontroll.
Në operacion gjithashtu morën pjesë 28 efektivë me 8 automjete zjarrfikëse nga shërbimet e Mbrojtjes nga Zjarri të bashkive Finiq, Sarandë, Delvinë, Konispol, Gjirokastër dhe Dropull, 30 trupa të Forcave të Armatosura të Shqipërisë me 3 mjete zjarrfikëse, si dhe 5 punonjës të shërbimit pyjor dhe 40 vullnetarë.
Aktualisht, puna nga toka po vijon për të shuar plotësisht çdo vatër që mund të riaktivizohet në orët në vijim, veçanërisht në fshatrat Dhivër, Shëndre dhe Cerkovicë. Banorët në këto zona kanë filluar të kthehen gradualisht në shtëpitë e tyre, ndërsa autoritetet mbeten në gatishmëri të plotë.
DEVOLL- Një vatër zjarri ka përfshirë një sipërfaqe toke në fshatin Cangonj të Devollit. Konkretisht zjarri ka rënë në barishte, ku ndodhej dhe një kasolle, e cila u shkrumbua totalisht.
Gjithashtu në vendngjarje aktualisht janë tre mjete zjarrfikëse së bashku me banorë të fshatit, të cilët po ndërhyjnë për shuarjen e flakëve. Në vendngjarje ndodhet edhe policia e cila do të kryejë hetimet lidhur me shkaqet e rënies së zjarrit.
VLORA- Flakët kanë përfshirë fushën e mbetjeve në qytetin e Vlorës ditën e sotme. Pamjet e sigururara nga Dosja.al tregojnë tymin e dendur që ka mbuluar zonën duke shqetësuar banorët dhe rrezikuar shëndetin e tyre.
Rasti i sotëm është hera e tretë që ndodh gjatë këtij viti, ndërsa dyshimet paraprake janë se zjarrvënia është e qëllimshme.
Bëhet me dije se flakët kanë djeguar edhe një eskavatorët që punonte në fushën e mbetjeve. Po ashtu mësohet se flakët po favorizohen edhe nga era.
VLORË- Fusha e mbetjeve në Vlorë është përfshirë sërish nga flakët. Siç shihet edhe në pamje re tymi dhe flakë kanë mbuluar zonën e cila edhe më parë është përfshirë nga flakët. Gjithashtu bëhet me dije se flakët kanë djeguar edhe një eskavatorët që punonte në fushën e mbetjeve.
Po ashtu flakët po favorizohen edhe nga era e dotë dhe janë shpërndarë në të gjithë hapësirën ajrore dhe i janë drejtuar zonave të banuara të qytetit.
PATOS- Vatra e zjarrit në zonat e Drenies dhe Gjinoqarës po vazhdon të përhapet me shpejtësi. Situata ka dalë jashtë kontrollit dhe po shkrumbohet një pjesë e madhe.
Gjithashtu bëhet me dije se ekipet zjarrfikëse dhe forcat në terren janë angazhuar për izolimin e flakëve. Por ndërhyrja është e vështirësuar, për shkak të terrenit të thyer dhe erërave të forta.
TIRANA- Ministria e Mbrojtjes ka njoftuar sot se gjatë 24 orëve të fundit janë evidentuar 21 vatra zjarri, nga të cilat 18 janë shuar dhe 3 janë ende aktive. Sipas njoftimit, në qarkun Vlorë, në malet mbi fshatin Dhivër, bashkia Finiq, zjarri vijon të përhapet mbi zonat Cerkovicë, Llupsat dhe Shëndre, në një sipërfaqe pyjore me pisha dhe bimësi të ulët.
Mësohet se në qarkun Berat, në zonën e ish-Uzinës Mekanike Poliçan, vijon zjarri dhe në terren ndodhen 7 automjete zjarrfikëse, 40 efektivë të MZSH nga Poliçani, Berati dhe Skrapari, 20 forca bashkiake si dhe 1 automjet zjarrfikës me ekipin nga FA. Ministria e Mbrojtjes thotë se forcat po punojnë për izolimin e plotë të zjarrit me kujdes të shtuar për shkak të zonës.
Gjithashtu bëhet me dije se në qarkun Fier në fshatin Lofkënd, bashkia Mallakastër, zjarri ka përfshirë një sipërfaqe me pisha, me përhapje për shkak të erës. Ndërkohë, forcat në terren po punojnë për izolimin e tij.
Njoftimi:
Gjatë 24 orëve të fundit janë evidentuar 21 vatra zjarri, nga të cilat 18 janë shuar dhe 3 janë ende aktive.
Vatrat aktive:
Qarku Vlorë - Malet mbi fshatin Dhivër, bashkia Finiq. Zjarri vijon të përhapet mbi zonat Cerkovicë, Llupsat dhe Shëndre, në një sipërfaqe pyjore me pisha dhe bimësi të ulët.
Në terren për izolimin e plotë janë angazhuar: 34 efektivë me 10 automjete zjarrfikëse nga MZSH-të e Finiqit, Sarandës, Delvinës, Konispolit, Gjirokastrës, Himarës dhe Dropullit, 30 forca vullnetare, forca bashkiake, të pyjores si dhe 30 efektivë të FA me mbështetje ajrore po nga Forcat e Armatosura.
Qarku Berat – Zona e ish-Uzinës Mekanike Poliçan, ku në terren ndodhen 7 automjete zjarrfikëse, 40 efektivë të MZSH nga Poliçani, Berati dhe Skrapari, 20 forca bashkiake si dhe 1 automjet zjarrfikës me ekipin nga FA. Forcat po punojnë për izolimin e plotë të zjarrit me kujdes të shtuar për shkak të zonës.
Qarku Fier – Fshati Lofkënd, bashkia Mallakastër: Zjarri ka përfshirë një sipërfaqe me pisha, me përhapje për shkak të erës. Forcat në terren po punojnë për izolimin e tij.
Në operacionet për shuarjen e zjarreve u angazhuan: 41 automjete zjarrfikëse dhe 314 forca operacionale, të ndihmuar nga Forcat e Armatosura me 30 efektivë, 3 automjet zjarrfikëse me ekuipazh dhe mbështetje nga ajri.
Sipas parashikimeve nga IGJEO, sot nuk priten reshje.
Sa u përket zjarreve, sot pritet rrezik i lartë në qarkun Fier, rrezik i ulët në Kukës, Dibër, Korçë dhe rrezik i moderuar në qarqet e tjera.
Agjencia Kombëtare e Mbrojtjes Civile mbetet në gatishmëri të plotë për koordinimin e mëtejshëm të forcave në terren dhe mbështetjen e çdo strukture me qëllim mbrojtjen e qytetarëve dhe pasurisë së përbashkët.
POLIÇAN- Një 63-vjeçar me probleme të shëndetit mendor është proceduar penalisht nga policia, pasi dyshohet se ka dyshohet se ndezi zjarrin që u përhap në të gjithë zonën e pyllit.
Konkretisht thuhet se 63-vjeçari ka ndezur zjarrin në territorin e Kombinatit Mekanik në Poliçan dhe si pasojë e përhapjes së flakëve është djegur një sipërfaqe pyjore.
"Specialistët e Seksionit për Hetimin e Krimeve në Stacionin e Policisë Poliçan referuan materialet në Prokurori, ku nisi procedimi në gjendje të lirë për shtetasin M. S., 63 vjeç, banues në Poliçan, me probleme të shëndetit mendor, pasi dyshohet se në territorin e Kombinatit Mekanik në Poliçan ka ndezur zjarr dhe si pasojë e përhapjes së flakëve është djegur një sipërfaqe pyjore. Materialet procedurale iu referuan Prokurorisë së Beratit, për veprime të mëtejshme.", thuhet në njoftimin e policisë.
Aktualisht flakët janë aktive vetëm në pjesën e pyllit, larg Uzinës së armëve dhe magazinave me lëndë plasëse. Bëhet me dije se reparti i Mbrojtjes nga Zjarri dhe Shpëtimit i Bashkisë Poliçan ka rinisur punën për shuarjen e flakëve që në orët e para të mëngjesit të sotëm.
BERAT- Vatra e zjarrit në pyllin e Poliçanit vijon të jetë aktiv edhe ditën e sotme. Aktualisht flakët janë aktive vetëm në pjesën e pyllit, larg Uzinës së armëve dhe magazinave me lëndë plasëse.
Bëhet me dije se reparti i Mbrojtjes nga Zjarri dhe Shpëtimit i Bashkisë Poliçan ka rinisur punën për shuarjen e flakëve që në orët e para të mëngjesit të sotëm.
Një tjetër vatër zjarri në vend vijon të jetë aktive, ajo në Gjinoqarë të Bashkisë Patos. Sipas raportimeve, për shkak të terrenit të vështirë, forcat zjarrfikëse nga qyteti, si dhe Mallakastra, po operojnë për shuarjen e flakëve me aparatura shpine. Ndërkohë era e fortë dhe bimësia e dendur kanë favorizuar përhapjen e flakëve me shpejtësi.
