Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Presidenti Ilir Meta ka dekoruar ditën e sotme disa personalitete të shquara të Tiranës. Më titullin “Mjeshtër i Madh” Meta ka dekoruar muzikantin Zamir Këlliçi, si dhe violonçelistin Kujtim Vorpsi. Me titullin “Për Merita të Veçanta Civile” Meta ka nderuar pedagogen Mirela Bogdani dhe Klodiana Toptani. Meta në fjalën e tij tha se vlerat kulturore të Tiranës janë shumë të rëndësishme dhe duhet të bëjmë çmos për t’i ruajtur ato. Ndër të tjera Meta tha se arritjet e këtyre artistave dhe personaliteteve na kanë bërë krenarë dhe se duhet që të gëzohemi për arritjet e tua.
Njoftimi:
Presidenti i Republikës, Sh.T.Z. Ilir Meta vlerësoi sot, me anë të një ceremonie të veçantë, disa personalitete të shquara kryeqytetase dhe veprimtarë aktivë të Shoqatës “Tirona Intellectum” dhe Shoqatës “Tirana”.
Me Titullin e lartë “Mjeshtër i Madh”, Kreu i Shtetit dekoroi muzikologun Zamir Këlliçi, me motivacionin “Për kontributin e tij të shquar si muzikolog, krijues, estet, publicist, studiues e botues i shumë veprave të historisë së muzikës dhe enciklopedive të artit e kulturës. Për rolin e tij të veçantë në arshivimin e dokumentacionit dhe vlerave kombëtare artistike dhe historike të traditës sonë operistike, teatrore dhe muzikës popullore”,
si dhe violonçelistin Kujtim Vorpsi, “Për kontributin e tij si muzikant i spikatur dhe udhëheqës artistik i shumë pjesëve instrumentale, rapsodike dhe simfonike. Për talentin interpretues e krijues në instrumentin e violonçelit, si dhe veprimtarinë e pasur koncertale e solistike edhe si pedagog, duke krijuar një shembull për brezat e rinj”.
Ndërsa me Titullin “Për Merita të Veçanta Civile” u dekoruan nga Kreu i Shtetit pedagogia dhe intelektualja e spikatur, zonja Mirela Bogdani, me motivacionin “Për kontributin e shquar e kurajën qytetare në dobi të interesit dhe identitetit etno-kulturor të komunitetit tiranas; për aftësitë e larta drejtuese në krye të shoqatës ‘Tirona Intellectum’ në ruajtjen e përsosjen e vlerave të traditës dhe trashëgimisë historike, kulturore e arkitekturore të qytetit të Tiranës, si dhe në nxitjen dhe përsosjen e vlerave demokratike të shoqërisë shqiptare”;
si dhe zonja Klodiana Toptani, “Për meritën dhe kontributin e shquar në ruajtjen e pasurisë kulturore, historike, shpirtërore dhe monumentale të kryeqytetit, veçanërisht për përkushtimin dhe vizionin për ta kthyer Kalanë e Tiranës në qendër të kulturës, artit dhe kujtesës historike të vendit, duke e shndërruar atë në një nga atraksionet kryesore turistike që pret e përcjell qindra e mijëra vizitorë vendas e të huaj”.
Në fjalën e Tij përshëndetëse drejtuar intelektualëve, artistëve dhe veprimtarëve të kryeqytetit, Presidenti Meta ndër të tjera u shpreh:
“Disa javë më parë kujtuam së bashku 101-vjetorin e shpalljes së Tiranës, kryeqytet i Shqipërisë!
Vlerësuam punën dhe kontributin e shumë gjeneratave për ta shndërruar kryeqytetin në avangardën e progresit tonë shoqëror, ekonomik edhe kulturor!
Shumë gjëra kanë ndryshuar në këtë qytet, përveç tipareve njerëzore të banorëve të Tiranës, si mikpritja, respekti i ndërsjellët, bujaria, dashuria për punën dhe profesionin, për artin, për traditat, për këngët e për vallet, si dhe aftësia e pashembullt e tiranasve për të përthithur e integruar gjithë diversitetin kulturor të kombit tonë!
Ndaj jam i lumtur që jemi sërish bashkë për të vlerësuar disa personalitete të shquara të jetës kulturore, artistike dhe veprimtarë të jetës publike në kryeqytetin tonë.
Padyshim numri i familjeve dhe i personaliteteve të Tiranës është i pafund.
Por sot kemi veçuar për të vlerësuar propozimet e Universitetit të Arteve dhe Shoqatës Tirana për violonçelistin e talentuar Kujtim Vorpsi, si dhe muzikologun e njohur zotin Zamir Këlliçi, përfaqësues të denjë të traditës kulturore të familjeve të shquara tiranase si dhe dy personalitete të muzikës dhe kulturës sonë!
Të nderuar miq,
Tirana përbën asetin më me vlerë të mendimit të përparuar, energjisë rinore dhe kapaciteteve krijuese dhe intelektuale, në të gjitha fushat e jetës, në arsim, në shkencë, në art, në sport, në kulturë dhe folklor.
Komuniteti i Tiranës është ndër më të shquarit. Ne të gjithë gëzohemi për arritjet e kryeqytetit, ashtu sikurse ndjehemi të trishtuar nga shembja dhe braktisja, për fat të keq edhe e shumë vlerave të çmuara monumentale dhe historike të tij.
Në këtë betejë të gjatë, midis ruajtjes së traditave monumentale më të mira dhe shkatërrimit, do të doja të theksoja se gjithmonë jam gjendur dhe gjendem pranë shqetësimit më të thellë qytetar dhe intelektual të komunitetit tuaj, por edhe të mbarë opinionit publik.
Do të dëshiroja dhe njëherë të theksoja rëndësinë për kauzën e të gjithë atyre që tregojnë të ardhmen, duke ruajtur vlerat më të mira të trashëgimisë sonë së pasur.
E vlerësoj faktin, që në këtë përballje shoqata ‘Tirona Intellectum’ e drejtuar nga aktivistja e shquar, pedagogia Mirela Bogdani dhe shumë aktivistë të tjerë shoqërorë, ka qenë përherë në ballë të manifestimeve, tubime, të debateve dhe protestave për mbrojtjen e kësaj pasurie të paçmuar kulturore të jetës shpirtërore të kryeqytetit dhe të vendit tonë.
Kryeqytetit nuk i mungojnë gjithashtu qytetaret aktive, si Klodiana Toptani, e cila me përkushtim dhe vizion, luftoi për ta kthyer kalanë e Tiranës në qendër të kulturës, artit dhe kujtesës historike të vendit, përmes organizimit të aktiviteteve dhe eventeve të shumta, që zhvillohen aty nën kujdesin e veçantë të saj.
Ndaj është kënaqësi, që këto të dyja qytetare kaq aktive, ti nderojmë me titullin fisnik, ‘Për merita të veçanta civile’ duke i inkurajuar edhe më tej në rrugën e jashtëzakonshme, të mbrojtjes së vlerave të kryeqytetit dhe pasurisë historike, etno-kulturore e shpirtërore të Tiranës”.
(I.A/dosja.al)
Rama është propozuar për president nga disa deputetë socialiste, mendoni se:
TIRANË– Zv/ndihmës sekretari amerikan i Shtetit, Matteë Palmer ka komentuar kandidimin e Tom Doshit në zgjedhjet e 25 prillit.Pas takimit online me kryemin...
TIRANË– Zv/ndihmës sekretari amerikan i Shtetit, Mattew Palmer është bërë njësh me ambasadoren e Shteteve të Bashkuara të Amerikës, Yuri Kim, përsa u përk...
TIRANË– Zv/ndihmës sekretari amerikan i Shtetit, Matthew Palmer ka dhënë detaje pas bisedimeve që ka pasur me Presidentin Ilir Meta, kryeministrin Edi Rama...
KOLONJË– Kryeministri Edi Rama ka njohur një ekip turistësh që kishin ardhur nëkëtë periudhë pranverore që të eksploronin Shqipërinë. I ndodhur në Ko...
TIRANË- Kryetari i Partisë Demokratike, Lulzim Basha ka theksuar faktin që Shqipëria ka nevoj për ndryshim. Në një video të postuar në Facebook, Basha ka s...
TIRANË– Partia Demokratike u ka bërë thirrje qytetarëve që të mos e lejojnë kryeministrin Edi Rama që të futet brenda ‘dyerve’ të tyre. N...
TIRANË– Kryeministri Edi Rama ka përgënjeshtruar edhe njëherë denoncimet e paraardhësit e tij Sali Berisha në lidhje me vaksinat. I pranishëm në Kolonjë, n...
KOLONJË– Kryeministri Edi Rama e ka shfrytëzuar takimin e tij me kandidatët për deputetë në Kolonjë për të sulmuar edhe njëherë tjetër Opozitën. I pranishë...
KOLONJË– Ministrja Olta Xhaçka u shpreh se do t’i bëhet kryeministrit Edi Rama si rodhe. E pranishme në takimin me kandidatët për depute...
KOLONË– Kryeministri Edi Rama mblodhi sot në Kolonjë kandidatët për deputetë të kësaj zone, nga ku kërkoi mandatin e tretë. Minutazhin që foli, kreu i qeve...
