Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Numri i përgjithshëm i hidrocentraleve të miratuara nga Ministria e Infrastrukturës dhe Energjisë ka arritur 714. Shifra, rreth dy herë më e lartë, sesa të dhënat e ofruara nga autoritetet, i përgjigjet 259 kontratave përfundimtare dhe 132 marrëveshjeve paraprake, të nënshkruara gjatë dy dekadave të fundit. Aktualisht, qeveria kujdeset të raportojë një shifër më të ulët të numrit të impianteve që prodhojnë energji elektrike nga burime hidrike.
Në janar, Belinda Balluku, ministre e porsaemëruar e Infrastrukturës dhe Energjisë njoftoi publikisht shifrën 4401. Por kjo rezulton të jetë e pasaktë, pasi u referohet vetëm të dhënave të Agjencisë së Trajtimit të Koncesioneve (ATRAKO). Shifra e ATRAKO-s, e cila, sidoqoftë është akoma më e lartë (466), reflekton në masën 90%, kontratat e nënshkruara deri në vitin 2013.
Sipas listës “ATRAKO”2, një iniciativë e Bankës Botërore për transparencë, e zbatuar prej Ministrisë së Ekonomisë, numri i kontratave koncensionare në fushën energjisë prej burimeve hidrike, të nënshkruara deri tani, mes Ministrisë së Infrastrukturës dhe Energjisë dhe kompanive private është 185 dhe i përgjigjet një numri të përgjithshëm prej 466 hidrocentraleve të regjistruara. Regjistrimi i fundit në listë i përket koncesionit për ndërtimin e digës së Kalivaçit, nënshkruar qershorin e shkuar.
Po ku ndodhet pjesa tjetër e hidrocentraleve?
Ato gjenden në listën e kapaciteteve të reja prodhuese të energjisë elektrike, me fuqi të instaluar deri nën 2 MW dhe që nuk janë objekt koncesioni, të miratuara në përputhje me Vendimin e Këshillit të Ministrave3 nr. 822, datë 7.10.2015, “Për miratimin e procedurave të ndërtimit të kapaciteteve të reja…”. Kjo listë, ende jo publike (por e siguruar përmes një vendimi gjyqësor4, pas refuzimit për akses nga Ministria e Energjisë), përfshin 73 kontrata të reja që i përgjigjen 79 hidrocentraleve dhe një regjistri prej 132 propozimesh të pakërkuara për ndërtimin e impianteve për prodhimin e energjisë, të cilat janë miratuar paraprakisht dhe që i përgjigjen 144 hidrocentraleve të tjera.
Në fund të 2015-s, qeveria Rama shmangu metodën e koncesionit për miratimin e hidrocentraleve, por nuk ndaloi miratimin e mëtejshëm të tyre. Qeveria “i privilegjoi” kompanitë private, duke përjashtuar investitorët nga gara me oferta dhe lehtësoi procedurat, duke ia kaluar të drejtën e miratimit ministrit të energjisë e jo komisionit te specializuar të vlerësimit të ofertave. Me anë të VKM 822/2015, HEC-et nën 2 MW i jepeshin kërkuesit të parë, pa ndonjë garë të mirëfilltë mes investitorëve të interesuar, siç ndodh në rastin e HEC-eve, që miratohen nëpërmjet kontratës së koncensionit.
Qysh atëherë, duke përjashtuar 6-mujorin e parë të 2019-s, kur Ministria e Energjisë shpalli ngrirjen e përkohshme të dokumentacionit licencues, intensiteti i miratimit ka qenë i lartë. Vetëm gjatë tri viteve të fundit u miratuan 223 hidrocentrale, afërsisht, gjashtë në muaj. Ndërkohë, procesi i mëtejshëm, kontraktimi i plotë i hidrocentraleve po vijon, deri tani, për çdo tre hidrocentrale të miratuara, ministria ka arritur të nënshkruajë një kontratë përfundimtare.
Viti 2017 rezulton më i ngarkuari, me 60% të numrit të përgjithshëm të hidrocentraleve të miratuara.
Në Listën “ATRAKO”, 2009-a dhe 2013-a, rezultojnë me numrin më të madh të kontratave të nënshkruara. Të tria këto vite (së bashku me vitin 2017) kanë qenë, njëkohësisht vite elektorale.
Hidrocentralet e fundit i përkasin një kontrate koncensionare të nënshkruar qysh në vitin 2002, mes Ministrisë së Industrisë dhe Energjetikës dhe shoqërisë italiane “Essegei” s.l.r për shfrytëzimin e 25 hidrocentraleve vendore, të ndërtuara gjatë periudhës komuniste, shumica e të cilave ishin dëmtuar përgjatë viteve dhe në vitin 2000, shumica e tyre ishin nxjerrë jashtë përdorimit.
Deri tani autoritetet kanë anuluar vetëm tre hidrocentrale (të miratuara paraprakisht, por jo të kontraktuara) dhe kanë premtuar se do të prishin në mënyrë të njëanshme 27 kontrata jo funksionale5 që u përgjigjen 80 hidrocentraleve. Nuk ka asnjë informacion publik, nëse një premtim i tillë po zbatohet, qoftë dhe për një kontratë të vetme, por Ministria e Energjisë ka theksuar më shumë se një herë se aksioni 4-mujor mbi verifikimin e zbatimit të kushteve të kontratave koncensionare, në gjysmën e parë të 2019-s, synoi përmbushjen e detyrimeve kontraktuale e jo anulimin e tyre.
Po çfarë parashikon të bëjë Ministria e Energjisë me kontratat jofunksionale? A do të rikontraktohen kompani të reja, me qëllim përmbushjen e këtyre detyrimeve? Kjo mbetet për t’u parë. Deri tani nuk ka ende një iniciativë konkrete.
Një eksperte e Grupit të Oponencës pranë AKBN-së (Agjencia Kombëtare e Burimeve Natyrore) shprehu shqetësimin se tani ekziston rreziku për fragmentarizim të mëtejshëm të rrjedhave ujore, duke zvogëluar kapacitetet instaluese në favor të një numri më të madh kontratash. Sipas ekspertëve, fragmentarizimi i rrjedhave është i padobishëm dhe përfitimi ekonomik prej tij është më i vogël sesa dëmi social apo mjedisor që shkakton.
Kështu, në total, numri i hidrocentraleve të miratuara është 714. Ky rekord vjen në një kohë kur konfliktet mes grupeve të interesit po shtohen; planet e menaxhimit të baseneve ujore ende nuk janë miratuar dhe kur transparenca e Ministrisë së Infrastrukturës dhe Energjisë po zbehet në funksion të një propagande me shkëlqim të rremë.
(Marrë nga Porta Vendore)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Qeveria mund ti lërë më shumë kohë në dispozicion biznesit për t’u përgatitur për ligjin e ri të faturës elektronike. Ligji ishte parashikuar të hy...
GREQI- Një djalosh shqiptar, me banim në Greqi mund të thuhet se është adoleshenti më fatlum, pasi ka triumfuar në provimet e maturës në shtetin fqinj.Ai tani m...
TIRANË- Biznesi në Tiranë operon në një mjedis të vështirë, pasi bashkia e kryeqytetit renditet në katër qytetet në rajon që aplikon ngarkesë të lartë fisk...
TIRANË- OSHEE ka njoftuar sot të gjithë banorët e Tiranës se nesër dhe pasnesër në disa zona do të kenë ndërprerje të energjisë elektrike. Sipas operatorit...
TIRANË- Monedha e përbashkët ka shënuar rritje në tregun vendas ditët e fundit, pas rënies që ajo pësoi në fillim të gushtit, duke reflektuar në këtë mënyr...
TIRANË- Duke nisur nga dita e sotme, 26 gushti, universitetet publike e private në Shqipëri filluan shkarkimi e të dhënave për të gjithë ata maturantë që a...
Në mbarë globin ka diferenca të raportit gjinorë në faza të ndryshme të jetës. Shqipëria u rendit ndër vendet me normë të lartë të djemve të lindur në raport me...
TIRANË- Drejtoria e Përgjithshme e Transportit Rrugor ka treguar një tjetër risi për patentat. Sipas një njoftimi në mediat sociale DPTRR shkruan se tashm...
TIRANË- Kërkesa për dyqane ka shënuar rënie në gjashtë muajt e parë të 2019-s, duke reflektuar shtimin e vazhdueshëm të ofertës, tkurrjen e konsumit, ndrys...
TIRANË- Qeveria shqiptare ka pezulluar vendimin që detyronte kompaninë “Bankers Petroleum”, që t’i paguante shtetit 12 miliardë lekë të reja, ose 104 milio...
