Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Koordinatori i Partisë Bindja Demokratike, Astrit Patozi ka komentuar zgjedhjet e 30 qershorit, të cilat u mbajtën dy ditë më parë në të gjithë vendin.
Në një postim në facebook, Patozi shpreh mirrënjohjen për të gjithë ata që që votuan dhe kandiduan për Bindjen Demokratike.
Patozi fton për reflektim dhe reagim të shpejtë të gjitha forcat politike të vendit, por sidomos humbësit, që po brohorasin për fitore, duke i konsideruar ata si përgjegjësit kryesorë për këtë gjendje dëshpëruese të demokracisë në Shqipëri.
Postimi i Astrit Patozit:
SI TA LEXOJMË 30 QERSHORIN?
(Mirënjohje për të gjithë ata që votuan dhe kandiduan për BINDJEN DEMOKRATIKE!)
1- Shqipëria kapërceu pa shumë probleme një ditë të vështirë zgjedhjesh anormale më 30 qershor për meritë të pjekurisë së popullit shqiptar, bashkërenduar me kontributin e çmuar të partnerëve tanë strategjikë, të cilët na ndihmuan sërish të mos e çonim deri në ekstrem marrëzinë tonë politike.
Respekt për ata zgjodhën të votojnë, por edhe për të tjerët që vendosën ndryshe, pa u përplasur me njëri-tjetrin! Nuk ka qenë aspak përgjegjësia e tyre, por e udhëheqësve të gabuar, që Shqipëria hyri në një spirale të rrezikshme krize, e cila për pak shpërtheu më 30 qershor.
Ky ishte i vetmi rezultat pozitiv që prodhuan këto zgjedhje të shëmtuara dhe të cunguara, nga më të pazakontat në botë. Ky ishte i vetmi sukses që u arrit prej tyre, ndonëse menjëherë pas shpalljes së shifrave të para, pamë që të dy përgjegjësit kryesorë për krizën ngritën duart lart gati njëkohësisht për të brohoritur.
Në fakt, të vetmit të humbur realë në këto zgjedhje janë ata që sot po bërtasin për fitore. Një palë, të lumtur nga rezultati plebishitar, në kushtet e mungesës së të tjerëve, ndërsa më qesharakët, duke numuruar si të vetët ata që nuk shkuan fare të votojnë.
Ndaj edhe Shqipëria sot ka dy palë humbësash, ata që mezi lëvizin nga vendi për shkak të mbipeshës se një pushteti të pamerituar, dhe të tjerët, që nuk çohen dot në këmbë, sepse janë bërë kockë e lëkurë nga mungesa e plotë e tij.
2- BINDJA DEMOKRATIKE mori pjesë në këto zgjedhje, e vetëdijshme për sfidën e vështirë që kishte përpara. Ne ishim të padëshiruar nga të dy palët, si nga ata që i trajtuan zgjedhjet si shërbim ushtarak për të mbrojtur partinë në rrezik, ashtu edhe për të tjerët, që u përpoqën t’i prishin ato, qoftë edhe duke i përplasur shqiptarët me njëri-tjetrin.
Ata që kishin në dorë të gjitha hallkat e procesit nuk lanë gjë pa bërë që të na e vështirësonin rrugën dhe të na dëmtonin. Për ta ne ishim ferrë nëpër këmbë, që nga dita e parë e fushatës, e deri në numërimin e votës së fundit. Ndërsa të tjerët ,nxorën ushtrinë e vet në çdo qendër votimi që të përgjonin cilindo opozitar që do t’i “tradhtonte”, duke shkuar për të votuar kundër Edi Ramës pa lejen e tyre.
Një Zot e di se ku e gjenin fuqinë për kaq shumë energjinë negative! Qeveria, e cila duhet të ishte interesuar që procesin ta vëzhgonin të vetmit sy opozitarë në garë, të vetmin hall kishte që ne të mos ishim fare aty. Kurse ata të tjerët, sikur atë forcë që përdorën për të rrethuar qerndrat e votimit ta kishin shfrytëzuar kundër saj në zgjedhje, me siguri që do t’i kishin hapur shumë më tepër punë qeverisë.
Por, ndërkohë, ne jemi plotësisht të bindur se kemi marrë vendimin e duhur. Edhe një mijë herë të ktheheshim prapa, do të kishim bërë po të njëjën gjë. Sepse zgjedhjet janë i vetmi instrument për të ndryshuar qeverisjen në një vend demokratik, sado problematike që ato të jenë. Dhe zgjedhjet e 30 qershorit ishin të tilla, kryesisht për shkak të bojkotit, por edhe të papërgjegjshmërisë së afyre që kontrollonin dhe numëronin çdo votë.
Ndaj mirënjohje për të gjithë ata shqiptarë, që në kushte krejtësisht të pafavorshme dhe në një klimë tensioni, kur të gjithë partitë me pushtet i kishim qartësisht kundër, zgjodhën të dalin dhe të votojnë për BINDJEN DEMOKRATIKE!
Faleminderit shumë të gjithë kandidatëve për kryetarë dhe për këshilltarë bashkie, që na përfaqësuan me dinjitet, kudo ku ata konkurruan! Falë tyre ne kemi sot një rezultat relativisht të mirë, me gjithë trysninë e madhe gjatë fushatës dhe deformimet gjatë procesit të votimit dhe të numërimit.
Në këtë fushatë të vështirë dhe krejtëisht të pabarabartë ne u futëm mes daulleve të një feste imagjinare, nga njëra anë, dhe kapsollave të një revolucioni të rremë, nga ana tjetër, duke shlyer detyrimin tonë, si një forcë politike e përgjegjshme dhe serioze.Të cilin do ta përsëritim sa herë që të ketë zgjedhje në Shqipëri dhe kurdo që ato të mbahen.
3- Por tani që rreziku i një konflikti civil ka kaluar, është koha për një reflektim të thellë të të gjithëve. Shqipëria duhet të ndahet sa më shpejt të jetë e mundur nga ky sistem i degraduar politik, i cili prodhon kriza dhe konflikt.
Ne mendojmë se vendi ka nevojë për një ujdi të madhe dhe për një kontratë të re sociale, e cila duhet të nisë me rrëzimin e kryetarokracisë, si arsyeja kryesore që ka sjellë korrupsionin, abuzimin e pushtetin, lidhjet e politikës me krimin dhe pabarazinë në këto nivele të frikshme për një vend demokratik.
Me pak fjalë, ne na duhet një reformë kushtetuese, e cila duhet të zhbëjë menjëherë ndryshimet e 2008-ës, duke çliruar listat e deputetëve dhe e çdo niveli tjetër përfaqësimi nga humori dhe interesi i kryetarit të partisë dhe duke e zhveshur kryeministrin nga pothujase pathyeshmëria e tij në parlament.
Këto duhet të jenë zgjedhjet e fundit, që organizohen dhe numurohen nga militantë fanatikë të partive, të cilët janë shndërruar në profesionistë të vjedhjes së votës. Jemi të bindur se edhe vetë partitë, që kanë përfituar deri më sot, do të çlirohen shumë kur një ditë do të shpëtojnë prej tyre.
BINDJA DEMOKRATIKE i qëndron fort idesë se vijimi dhe aplikimi i reformës në drejtësi është një prioritet kombëtar, i cili nuk duhet të ndryshojë, pavarësisht vështirësive dhe deformimeve të qëllimshme ose jo të saj. Sepse ne kemi bindjen se pandëshkueshmëria e zyrtarëve të lartë është thelbi i shumë plagëve dhe fenomeneve negative të tranzicionit tonë të gjatë dhe se vetëm ndërprerja e kësaj pabarazie fyese të shqiptarëve para ligjit mund të sjellë efekte të shpejta për shoqërinë dhe shtetin e së drejtës në këtë vend.
BINDJA DEMOKRATIKE fton për reflektim dhe reagim të shpejtë të gjitha forcat politike të vendit, por sidomos humbësit, që po brohorasin për fitore, duke i konsideruar ata si përgjegjësit kryesorë për këtë gjendje dëshpëruese të demokracisë në Shqipëri.
Për sa na takon, jemi të gatshëm, kurdo që të na kërkohet, për të dhënë kontributin tonë modest në funksion të kësaj nevoje të fortë kombëtare, që i kapërcen shumë interesat e ngushta të partive.
Reagimi i Patozit vjen 2 ditë pas përfundimit të zgjedhjeve lokale, ku opozita nuk mori pjesë. PD tanimë nuk ka asnjë pushtet dhe kjo ka sjellë reagimin e Olldashit, Jozefina Topallit dhe disa kritikëve të tjerë të Bashës në PD. Ndërkohë që zgjedhjet lokale iu dhuruan PS, e cila megjithëse ishte 21.6% me pjesëmarrje, mori 60 bashki pa garë.
(a.m./dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Pas deklaratës së Elisa Spiropalit, e cila thumboi presidentin Ilir Meta, ku u shpreh se: ,”Amanet mushkat se Baba Xhikja na la!”, ka reaguar sekre...
TIRANË- Analisti i njohur Andi Bushati duke iu referuar një shprehje të kryeministrit Rama, “shqiptarëve nuk ju ngrihet”, është shprehur se të gjithë ata q...
TIRANË- Djali i Sokol Olldashit, Glauk Olldashi ka komentuar situatën në Partinë Demokratike në përfundim të zgjedhjeve të 30 qershorit. Në dallim nga Bash...
Tiranë: Zgjedhjet e 30 qershorit ende nuk janë certifikuar nga ndërkombëtarët. Dosja.al ka siguruar disa foto ku shfaqen momente që janë mbushur në mënyrë të pa...
TIRANË- Krerët e bashkive të djathta kanë zhvilluar një takim sot me liderin e opozitës Lulzim Bashën në selinë e Partisë Demokratike.Kryebashkiakja e Shko...
TIRANE- Presidenti Ilir Meta iu përgjigj pyetjes së gazetarit të Top Channel, Muhamet Veliu, se pse nuk e takoi zyrtaren amerikane, Leyla Moses-Ones. Presidenti...
TIRANE– Kryeministri Edi Rama, në fjalën e tij para punonjësve të Policisë dhe drejtuesve të rendit, tha se kriminaliteti ka rënë në vend, falë punës së Policis...
Tiranë- Për 60 minuta, Ilir Meta doli sot kundër të gjithëve, kundër ambasadorëve ndërkombëtarëve, kundër George Sorosit, kundër Ramës, zgjedhjet i quajti një t...
TIRANE- Kryeministri Edi Rama i ka dhuruar dekoratën e mirënjohjes së kryeministrit, efektives së plagosur në protestën e 13 nëntorit, Ina Nuka. Rama tha se 60 ...
TIRANE– Kryeministri Edi Rama ka dalë në një konferencë nga Ministria e Brendshme, ku ka takuar drejtuesit e Ministrisë së Brendshme. Bashkë me Ramën është edhe...
