Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Pas ngritjes së Prokurorisë së Posaçme Anti Korrupsion, Këshilli i Lartë Gjyqësor ka emëruar ditën e djeshme ka emëruar gjyqtarët që do të jenë anëtarët e Gjykatës së Posaçme. Në një njoftim për mediat bëhet me dije se pas emërimit të këtyre gjyqtarëve, sot fillon funksionimi i Gjykatës së Posaçme të Shkallës së Parë për Korrupsionin dhe Krimin e Organizuar dhe i Gjykatës së Posaçme të Apelit për Korrupsionin dhe Krimin e Organizuar.
“Këshilli vendosi caktimin e përkohshëm pranë Gjykatës së Posaçme të Shkallës së Parë për Korrupsionin dhe Krimin e Organizuartë dymbëdhjetë gjyqtarëve të Gjykatës së Shkallës së Parë për Krimet e Rënda, për të cilët vijon procesi i rivlerësimit kalimtar apo nuk ka ende një vendim përfundimtar për konfirmimin në detyrë”, shtohet më tej në njoftim.
NJOFTIMI I PLOTË
Këshilli i Lartë Gjyqësor, zhvilloi mbledhjen e radhës në të cilën miratoi vendimin për fillimin e funksionimit të Gjykatave të Posaçme për Korrupsionin dhe Krimin e Organizuar, si dhe disa vendimeve të tjera individuale për sistemimin në pozicion të gjyqtarëve të Gjykatave për Krimet e Rënda, të cilat nga dita e nesërme pushojnë së funksionuari si të tilla. Vendimet e sotme janë një hap i rëndësishëm në vijueshmërinë e reformës në drejtësi, drejt realizimit të pritshmërive që publiku ka ndaj Këshillit të Lartë Gjyqësor e ndaj sistemit gjyqësor në tërësi.
Me vendimmarrjet e sotme, Këshilli plotëson arkitekturën institucionale dhe mekanizmin kushtetues që e bën luftën e përbashkët kundër korrupsionit dhe krimit të organizuar edhe në nivelet më të larta të shtetit, një përpjekje reale dhe të mundshme.
Sipas vendimmarrjes së Këshillit, më datë 19.12.2019, fillon funksionimi i Gjykatës së Posaçme të Shkallës së Parë për Korrupsionin dhe Krimin e Organizuar (GJPSHPKKO) dhe i Gjykatës së Posaçme të Apelit për Korrupsionin dhe Krimin e Organizuar (GJPAKKO).
Në vijim, Këshilli vendosi caktimin në pozicion të gjashtë gjyqtarëve në detyrë të Gjykatës së Apelit për Krimet e Rënda, pranë Gjykatës së Posaçme të Apelit për Korrupsionin dhe Krimin e Organizuar, si më poshtë vijon:
Caktimin e përhershëm të gjyqtares Albana Boksi;
Caktimin e përhershëm të gjyqtares Nertina Kosova;
Caktimin e përhershëm të gjyqtares Saida Dollani;
Caktimin e përhershëm të gjyqtarit Dhimitër Lara;
Caktimin e përhershëm të gjyqtarit Sokol Binaj;
Caktimin e përkohshëm të gjyqtares Nure Dreni, për të cilën vijon procesi i rivlerësimit kalimtar.
Gjithashtu, Këshilli vendosi caktimin e përkohshëm pranë Gjykatës së Posaçme të Shkallës së Parë për Korrupsionin dhe Krimin e Organizuartë dymbëdhjetë gjyqtarëve të Gjykatës së Shkallës së Parë për Krimet e Rënda, për të cilët vijon procesi i rivlerësimit kalimtar apo nuk ka ende një vendim përfundimtar për konfirmimin në detyrë, si më poshtë vijon:
Gjyqtare Daniela Shirka;
Gjyqtare Etleva Dede;
Gjyqtare Flora Haredinaj;
Gjyqtare Ilirjana Olldashi;
Gjyqtare Irena Gjokaj;
Gjyqtare Marsela Balili;
Gjyqtare Miliana Muçaj;
Gjyqtar Ardit Mustafaj;
Gjyqtar Bib Ndreca;
Gjyqtar Fran Prendi;
Gjyqtar Klodian Kurushi;
Gjyqtar Sandër Simoni.
Më tej, Këshilli, në kushtet e pushimit së funksionuari të Gjykatave për Krimet e Rënda, vendosi transferimin e gjashtë gjyqtarëve, konkretisht Fehmi Petku, Gjovalin Përnoca, Gurali Brahimllari, Idriz Mulkurti, Dhurata Haveri (të gjykatës së apelit) dhe Luan Hasneziri (i gjykatës së shkallës së parë), pranë disa gjykatave të apelit apo të shkallës së parë me juridiksion të përgjithshëm, duke filluar nga data 19.12.2019 dhe deri në përfundimin për ata të procesit të rivlerësimit kalimtar përpara Kolegjit të Posaçëm të Apelimit, ku në rast të konfirmimit në detyrë nga ky i fundit, gjyqtarëte transferuar gëzojnë të drejtën e zgjedhjes për t’u transferuar në çdo pozicion që do të jetë i lirë në atë moment apo që pritet të bëhet i lirë brenda gjashtë muajve, respektivisht në gjykatat e apelit apo të shkallës së parë me juridiksionin të përgjithshëm.
Në përfundim po për shkak të pushimit të funksionimit të Gjykatave për Krimet e Rënda, Këshilli vendosi edhe transferimin e gjyqtarit të Gjykatës së Shkallës së Parë për Krimet e Rënda z.Dritan Hallunaj, pranë Gjykatës së Rrethit Gjyqësor Tiranë, detyrë ushtrimin e të cilës e fillon pas përfundimit të mandatit 5-vjeçar si anëtar i Këshillit të Lartë Gjyqësor, i zgjedhur nga radhët e gjyqtarëve të gjykatave të shkallës së parë të Tiranës. Gjatë kësaj periudhe, duke qënë se vijon të ruajë statusin e magjistratit, ky gjyqtar duhet të jetë i caktuar në një pozicion në sistemin gjyqësor.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KORÇË- Të tjera detaje tronditêse janë mësuar nga vrasja e 45-vjeçarit Flamur Duci në Korçë. Burime nga Policia e këtij qyteti bëjne m...
KORÇË- Një ngjarje e rëndë ka ndodhur sot në Korçë, pasi 45-vjeçari Flamur Duci është gjetur i vrârë pranë lokalit të tij. Duci kishte...
TIRANË- Pas ditëve me diell, sot rikthehen sërish reshjet e shiut në vendin tonë.Vranësirat do të intesifikohen gjatë pasdites ku pas mesnatës priten reshj...
TIRANË- Këto janë titujt kryesorë në mediet online më të rëndësishme në Shqipëri.(a.m/dosja.al)Tirana është boshatisur për ditët e pushimit. Cilën nga rite...
KORÇË- Një 45-vjeçar është gjetur sot i pajetë në Korçë pranë lokalit të tij në fshatin Mbroje. Dosja.al ka mësuar detaje të reja dhe ...
TIRANË- Këshilli i Lartë i Prokurorisë diten e djeshme ka zhvilluar intervistat me kandidatët për kreun e Strukturës së Posaçme Anti Korrupsion (SPA...
TIRANË- Debati për Teatrin Kombëtar pritet të kthehet sërish në kushtet kur Bashkia e Tiranës duket se nuk ka në plan të heqë dorë nga projekti për prishje...
TIRANË– Ish-deputeti demokrat Ervin Salianji është dënuar me 1 vit burgim sot nga Dhoma Penale e Gjykatës së Tiranës për akuzën e kallëzimit të rremë, por ...
TIRANË– Ervin Salianji, ish-deputeti i Partisë Demokratike, i cili ditën e sotme u dênua me një vit burg nga Gjykata e Tiranës, në lidhje me dosjen “Babale...
TIRANË– Gazetari Blendi Fevziu ka bërë shaka dhe humor me ish-deputetin Ervin Salianji, i cili ditën e sitme u dënûa me një vit bûrg nga Gjykata për dosjen...
