LIVE UPDATES
Politike

Një vit nga marrëveshja në Shtëpinë e Bardhë, Grenell flet në emër të Trump: Biden s’do të përfshihet, vazhdon të

8 Shtator 2021, 15:02 Nga DOSJA
Një vit nga marrëveshja në Shtëpinë e Bardhë,

SHBA– Ish-i dërguari special për dialogun Kosovë-Serbi, Richard Grenell i ka kushtuar një shkrim 1-vjetorit të marrëveshjes Kosovë-Serbi në Shtëpinë e Bardhë. Grenell thotë se tashmë pas 1 viti, Presidenti aktual i SHBA, Joe Biden po merr një drejtim ndryshe nga Donald Trump dhe nuk po përfshihet më në çështjet e Ballkanit. Madje shton se Biden ka harruar që rajoni ende ekziston.  Ai thekson se Biden po injoron vazhdimisht Shqipërinë, Kosovën, Serbinë, ndërsa flet në emër të ish-presidentit Donald Trump kur thotë se Prishtina zyrtare duhet të bëhet pjesë e nismës “Open Balkan”. 

 

SHKRIMI I PLOTË:

Një vit më parë, më 4 shtator, bota festoi nënshkrimin e Marrëveshjes së Normalizimit Ekonomik Kosovë-Serbi në Zyrën Ovale të Shtëpisë së Bardhë. Presidenti Trump bëri bashkë presidentin serb Aleksandër Vuçiç dhe kryeministrin e atëherëshëm të Kosovës, Avdullah Hotin. Të dy kanë ndërmarrë kështu një hap të madh drejt zgjidhjes së konfliktit të tyre historik.

Ishte vizioni i Donald Trump për Kosovën dhe Serbinë që solli normalizimin e marrëdhënieve të tyre ekonomike. Presidenti Trump besonte se konflikti i perceptuar po ndikonte tek vendet e punës dhe tek zhvillimi i ekonomisë. Ai gjithashtu besonte se strategjia e dialogut të vazhdueshëm politik, takime të udhëhequra nga europianët, nuk po funksiononte. Fatkeqësisht për Ballkanin, Administrata e Bidenit mori qëndrimin e kundërt. Presidenti Joe Biden vazhdon të injorojë Kosovën, Shqipërinë, Serbinë dhe të gjithë rajonin dhe ka vendosur që ai thjesht të mos përfshihet. Ai nuk ka të dërguar presidencial për negociatat dhe nuk ka diskutime apo plane për rajonin brenda Shtëpisë së Bardhë. Nuk ka vizita të nivelit të lartë të planifikuara nga zyrtarët amerikanë dhe asnjë datë që liderët e Ballkanit të vijnë në SHBA

Ekziston, megjithatë, një pajtim total nga Biden me procesin e Bashkimit Evropian (BE) në Bruksel. BE -ja është përgjegjëse për strategjitë e rizhvillimit të Ballkanit dhe normalizimin e bisedimeve. Dhe siç e kemi parë nga ritmi i diskutimeve, nuk ka asgjë që pritet të funksionojë së shpejti. 

Por Presidenti Trump ende beson se secila palë duhet të vazhdojë zbatimin e Marrëveshjes së Normalizimit Ekonomik 2020, pavarësisht mungesës së udhëheqjes nga Biden. Administrata Trump besonte se hapat drejt normalizimit ekonomik do të dobësonin fuqinë dhe rëndësinë e çështjeve të nxehta dhe emocionale politike që palët kishin. Vizioni i Presidentit Trump po funksiononte. Palët kishin rënë dakord të ndërtonin një rrugë dhe linjë hekurudhore. Trump ende beson se secila palë duhet të njohë diplomat dhe certifikatat e njëra-tjetrës dhe të bashkohet me “zonën mini-Shengen” të nisur nga Serbia, Shqipëria dhe Maqedonia e Veriut në tetor 2019.

Ndoshta më e rëndësishmja – për njerëzit në terren, palët e përfshira në negociata, dhe për historinë dhe të ardhmen e rajonit – Trump beson se palët gjithashtu duhet t’i përmbahen angazhimeve të tyre për të përshpejtuar përpjekjet për të gjetur dhe identifikuar eshtrat e personave të zhdukur nga lufta e cila përfundoi dy dekada më parë.

Por hapja historike e krijuar nga marrëveshja Trump e 4 Shtatorit 2020 ka një dispozitë që tashmë është shpërdoruar nga Administrata e Biden. Ka qenë acaruese të shohësh sesi Biden i ka injoruar paralajmërimet e mia në fillim të këtij viti se përfundimi se moratoriumi 1-ëvjeçar do të rikthejë fushatën e çnjohjes që ka nisur Serbia kundër Kosovës. Ai angazhim 1-vjeçar ka mbaruar dhe palët nuk janë më të detyruara ta mbajnë atë zotim. Është tepër zhgënjyese që Joe Biden nuk arriti as të zgjasë zotimin e tyre. Duket sikur ai ka harruar që Ballkani madje ekziston.

Vjet në Shtëpinë e Bardhë u arrit marrëveshja mes Kosovës dhe Serbisë. Me ndërmjetësimin e Donald Trump, Kosova dhe Serbia, firmosën veç e veç për Normalizimin Ekonomik.

Marrë dhe përkthyer thefederalist.com

(k.m/dosja.al)

Iftar dhe politikë, a u prek Muaji i Ramazanit nga politikanët?

View Results

politike politike donald trump joe biden marreveshja serbi kosove richard grenell donald trump joe biden marreveshja serbi kosove richard grenell

Sondazh

Poll

Privatizimi i ish-klubit ‘Partizani’, dëshmon Qirjazi: MM më kërkoi firmën, bëra ç’ishte e ligjshme

Privatizimi i ish-klubit ‘Partizani’, dëshmon Qirjazi: MM më kërkoi firmën, bëra ç’ishte e ligjshme