"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Kryeministri Edi Rama, në një konferencë për shtyp ka folur në lidhje me qeverisje e tij për 5 vite e gjysmë dhe për djegien e mandateve të opozitës.
Në fjalën e tij Rama u shpreh se opozita e ka humbur logjikën dhe nuk ndërmerr më veprime në favor të qytetarëve, pasi i ka zënë frika e drejtësisë së re. Gjithashtu Rama i ka dhënë fund aludimeve për zgjedhje të parakohshme.
“Përgjegjesia jonë është të vazhdojmë drejt deri në zgjedhjet e ardhshme. Jeta parlamentare për ata që lanë mandatet mbaroi për këtë legjislaturë, por jo ajo politike. Mazhoranca do të vazhdojë të punojë, duke shërbyer me përulësi njerëzve cilado partie qofshin. Dallimi është se ata që ikën do të përpiqen të përçajnë sa më shumë, kurse ne do të përpiqemi të bashkojmë sa më shumë,“-tha Rama.
Kreu i qeverisë e ka cilësuar vendimin e opozitës për djegien e mandateve si akt kamikaz pasi sipas tij, ky vendim rrezikon çeljen e negociatave. (Lexo këtu)
Më tej, kryeministri Edi Rama shtoi se e vetmja mënyrë bashkëpunimi me opozitën është ulja në një tryezë dialogu. (Lexo këtu)
Gjatë fjalës së tij, Rama nuk la pa adresuar akuzat e kundërshtarëve politikë karshi tij, duke dhënë edhe një rast abuzimi të politikanëve.
Pjesë nga fjala e kryeministrit Edi Rama
Ky është një nga ato momente ku përtej fjalëve që thuhen dhe konfliktit politik po synohet përçarja e zgjedhësve. Duhet të përpiqemi të shohim sa më qartë dhe të reflektojmë sa me thellë. Në mënyrë që të kuptojmë dhe të kuptohemi sa më mirë. Opozita ka konsumuar një akt të panjonur, i paparë dhe i padëgjuar por jo i pashpjegueshëm. Jam zgjedhur kryeministër i Shqipërisë dy herë. Një herë me kualicion dhe herën e dytë si shumicë absolute. Kujtojmë që opozitës i dhamë të gjitha portofolet që kërkoi.
Herën e parë zgjedhet nuk u kontestuan. Paqja zgjati sa ëndrra e një nate vere. Avazi që sot ka një kulm të ri. Shqipëria ka plot halle dhe probleme. Unë nuk jam as i rënë nga qielli dhe nuk jam i pakontestueshëm. Jam tërhequr dhe kam thënë edhe më fal. Jam tërhequr duke bërë hapa mbrapa kur kam kuptuar se kanë të drejtë ata që ankohen dhe protesojnë. Kam bërë çmos që t’u gjendem atyre që më kontaktojnë. Për mua nuk është qejf dhe as nevojë për të shtyrë kohën, sepse koha është ajo që më mungon më shumë. Sulmohem për ditë edhe për natë jo vetëm nga gojëpërdalët e opozitës por nga çdo lloj tipash deri në fis edhe në farë. Kam hyrë edhe në një borxh të pashlyeshëm me fëmijët e mi dhe me nënën time. Kurrë nuk e kam menduar që të ngre gishtin e pushtetit ndaj kujt më ka goditur dhunshëm. Ua kam kthyer me fjalë madje ndonjëherë e kam humbur edhe sensin e masës. Asnjëherë nuk i kam thënë ‘kriminel me duart me gjak’ Berishës apo ‘horr bulevardi’ presidentit Meta apo Monikës ‘hajdute me çizme’. Sarkazma dhe ironi po, por asnjëherë sulme verbale e lëre më të tjera ndaj personit të tyre.
Lëre pastaj të kem shantazhuar ndonjë pronar mediash që shfryjnë për ditë në drejtimin tim. Di që është shumë vonë që një njeri si unë të bëhet çun i mirë me të gjithë, dhe shumë herët që të bëjë plakun e urtë. Ata që më kanë zgjedhur mi kanë ditur huqet madje mi kanë parë edhe atletet me kostum.
Shumëkush harron se ku ishim në një vend ku sekreti më i madh publik ishte vjedhja si sport kombëtar. Nga shkumësat e shkollave tek ilaçet e spitaleve. Ishte krimi si hije e jetës publike. Vrasësit dhe përdhunuesit nxirreshin për të shoqëruar deputetët, deri tek vrasjet ordinere poshtë ballkonit të Kryeministrisë. Madje vrasjet nën dritaren e kryeministrisë. Ky është momenti që ta them sa më troç: Shqipëria që unë dua, nuk është kjo që kemi se po të ishte kjo unë s’do të isha këtu. Kjo Shqipëri është shumë larg nga asaj që kishim. Ata që kërkojnë kokën time sot, dje ia futën kokën popullit mes këmbëve të keq qeverisjes.
Qeveria jonë është e kritikueshme sa të duash por e dëgjon popullin e saj. Ku ishte adresa e shtetit për ata pa emër, pa kushërinj dhe pa krushq? Shqipëria që unë dua, ata lanë mandatet se nuk kanë mbrapa popullin por hijen e frikës së drejtësisë së re. Kjo është një goditje që mund të rezultojë fatale për çeljen e negociatave me BE-në në qershor. Kemi qenë gati për të dialoguar në funksion të forcimit të demokracisë. Por nuk është në funksion të demokracisë ndërprerja e mandateve. Fatkeqësisht ata e dinë se humbjen e zgjedhjeve vendore e kanë të pashmangshme. Bota demokratike e ndërkombëtare e ka dënuar me gjuhë shumë të rëndë. Logjika e opozitës është logjikë humbësish, e kanë humbur arsyen nga dëshpërimi.
Ky është reagimi i parë i Ramës pas dorëzimit të mandateve dhe protestës së opozitës ditën e sotme, kohë kur kryeministri zhvilloi një takim me kryeparlamentarin Gramoz Ruçi dhe kreun e grupit të PS, Taulant Balla. (Lexo këtu)
Opozita e bashkuar ka zhvilluar protestën e paralajmëruar përpara Parlamentit ku mijëra qytetarë iu bashkuan një proteste paqësore. (Lexo këtu) Opozita kërkon rrëzimin e Kryeministrit Rama dhe ngritjen e një qeverie tranzitore e cila do të organizojë zgjedhjet lokale dhe ato qendrore.
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryeministri Edi Rama në një deklaratë për shtyp të mbajtur për ditën e sotme, ka adresuar edhe akuzat e shumta që vijnë në adresë të tij.“Sulmohem...
Deputetët e Partisë Demokratike, Flamur Noka dhe Edi Paloka kanë komentuar deklaratën e kryeministrit Edi Rama për mediat me anë të një statusi në Facebook.Depu...
TIRANË- Kryeministri Edi Rama gjatë fjalës së tij në deklaratën për ka folur edhe në lidhje me kundërshtarët e tij politikë.Rama ka ironizuar thirrjet e kr...
TIRANË- Kryeministri Edi Rama në një deklaratë për shtyp ditën e sotme disa orë pas protestës së opozitës dhe djegies së mandateve është shprehur se para z...
Deputetja e Lëvizjes Socialiste për Integrim, Kejdi Mehmetaj, me anë të një postimi në rrjetet sociale ka publikuar vendimin e gjykatës, që sipas saj çer...
Deputetja e LSI-së, Kejdi Mehmetaj ka folur për protestën e opozitës dhe për djegien e mandateve të deputetëve. E ftuar në “Report tv”, Mehmetaj u shpreh se ajo...
Deputeti i Partisë Demokratike, Myslim Murrizi shpjegon arsyet përse nuk do të dorëzojë mandatin e tij të deputetit në kundërshtim me vendimin politik të PD. N...
Ministri i Mjedisit, Blendi Klosi, është shprehur sot se zgjedhjet lokale do të bëhen edhe nëse Partia Demokratike dhe LSI nuk marrin pjesë.I ftuar në studion e...
BRUKSEL- Ish-Ministri për Evropën dhe Punët e Jashtme Ditmir Bushati po merr pjesë në punimet e Asamblesë Parlamentare të OSBE-së që po zhvillohen në Vienë.Gja...
Kryetari i Grupit Parlamentar të PS, Taulant Balla është shprehur se pavarësisht përpjekjeve të opozitës nuk e ndalin dot krijimin e strukturës së institucionev...
