Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Sula më tej tha se drejtimi i mësuesve dhe shkollave mbetet në dorë të militantëve dhe funksionarëve të strukturave të partisë socialiste.
TIRANË- Drejtuesja e departamentit të Arsimit në PD, Lili Sula në kuadër të festës së mësuesit ka mbajtur një deklaratë për mediat ditën e sotme. Suli gjatë fjalës së saj u shpreh se buqetat e 7 Marsit janë shprehje e mirënjohjes ndaj figurës së mësuesit.
Ajo më tej u shpreh se të jesh mësues sot do të thotë që pas 6 vite studimesh madje edhe kur diplomohesh me notën 10, të ngel portali i partisë. Sula më tej tha se drejtimi i mësuesve dhe shkollave mbetet në dorë të militantëve dhe funksionarëve të strukturave të partisë socialiste. Gjithashtu ajo shtoi se qeveria gjatë këtyre 11 vitsh nuk e ka pasur prioritet arsimin dhe nuk e ka vlerësuar mësuesin.
Fjala e plotë:
Buqetat e 7 Marsit janë shprehje e mirënjohjes për çdo buqetë të bukur jetësh që vit pas viti ushqehen me kurajë dhe frymëzim prej figurës së Mësuesit. Profesioni që krijon gjithë profesionet sot e ka humbur dritën që e udhëheq mësuesin në mësimdhënie në klasë e në shkollë, në komunikim me fëmijët e kolegët, sepse prej vitesh mësuesi nuk gëzon statusin e misionarit të ndriçimit të brezave dhe emancipimit të shoqërisë.
Të jesh mësues sot, do të thotë që pas 6 vite studimesh, madje edhe kur diplomohesh me notën 10, të ngel portali i partisë. Kjo sepse përzgjedhja nuk bazohet në meritokraci, sepse qeveria sot i kontrollon politikisht mësuesit më shumë edhe se në vitet e fundit të diktaturës, madje, deri tek rrjetet sociale. Drejtimi i mësuesve dhe shkollave mbetet në dorë të militantëve dhe funksionarëve të strukturave të partisë socialiste; të ngel portali i partisë, sepse, edhe kur fitohet në gjykatë e drejta e rikthimit në profesion, pasi të kanë pushuar nga puna, patronazhistët nuk ta njohin të drejtën e ushtrimit të mësuesisë dhe të heqin nga sistemi.
Gjatë këtyre 11 viteve, kjo qeveri nuk e ka pasur prioritet arsimin dhe nuk e ka vlerësuar mësuesin, çka duket qartë në mashtrimin për buxhetin 5% të PBB për arsimin, që i pati premtuar mësuesve, që në fakt është vetëm 2,3% -buxheti më i ulët në rajon, i ngjashëm me vendet e botës së tretë. Kjo duket qartë në pagën përçmuese që marrin mësuesit tanë – pagën më të ulët në rajon e të pakrahasueshme me vendet e BE-së, në trajtimin pa dinjitet njerëzor e profesional, sa shpesh mësuesit denigrohen e përdoren për të mbushur sallat e takimeve politike të partisë shtet.
Te gjitha keto shenja u dukën qartë pas rezultateve rrënuese të testimit ndërkombëtar PISA, që pasqyroi gremisjen e thellë të arsimit, për të cilën jo vetëm që institucionet përgjegjëse nuk u shprehën publikisht e nuk njohën asnjë përgjegjësi, por e drejtuan gishtin tek mësuesi, sepse liria e mësuesve nuk ekziston më për të shprehur dhe kërkuar të drejtat e tyre dhe, për më tepër, mësuesin mund ta mbash nën presion.
Arsimi i të gjitha niveleve po degradon me shpejtësi dhe këtë rrokullimë bashkë me nxënësit e jetojnë çdo ditë mësuesit, një pjesë të të cilëve i kanë nxjerrë nga sistemi e të tjerë rrezikojnë të dalin për shkak të shpopullimit masiv, uljes së numrit të nxënësve nëpër klasa. Mësuesit detyrohen të plotësojnë sistemin SMIP pa pasur kompjuterë, laptopë, tabletë, pa pasur laboratorë smart, sepse me gjithë tam-tamet e qeverisë për infrastrukturë digjitale, ajo mungon. Mësuesit i kërkohet sot të plotësojë pa fund shkresurina e formularë, duke ia devijuar misionin nga ai diturimit të nxënësve në atë të burokratit.
Profesioni i mësuesit, profesioni më fisnik për misionin e formimit dhe emancipimit kombëtar, gjatë këtyre viteve, është dega e studimit më pak e kërkuar nga maturantët, madje kërkohet nga maturantët me mesatare më të ulët. Degët e studimit që diplomojnë mësues për ciklin fillor, mësuesit e klasës së parë, figura aq të dashura që qëndrojnë në kujtesën e gjithsecilit, janë thuajse të mbyllura, sepse nuk ka studentë. Degët e studimeve që diplomojnë mësues të shkencave ekzakte dhe humane ne universitete rajonale janë drejt mbylljes, sepse nuk ka studentë. Rreth 100 degë studimi në universitete rajonale gjenden në prag të mbylljes, 80 prej të cilave diplomojnë mësues, gjë që së shpejti do të përballemi me mungesën e mësuesve për lëndët e shkencave ekzakte dhe ato humane, si dhe me mungesën e mësuesve të ciklit të ulët etj. Vetëm gjatë viteve të fundit, vendit tonë i mungojnë afro 9 000 mësues në arsimin parauniversitar.
Kjo qeveri i mashtroi mësuesit e ardhshëm ende pa filluar studimet; këtë vit akademik, qeveria ia mohoi bursën studentëve që ndjekin degë të mësuesisë, duke i dhënë atyre, pa hyrë ende në udhën misionare të këtij profesioni, leksionin më të mbrapshtë për të mos u bërë mësues. Figura dhe statusi i mësuesit është bjerrë dhe ka rënë, sepse ka rënë e vërteta dhe kur ndodh kjo, do të thotë se ka rënë gjithçka. E vërteta, arsimi, Shqipëria, duhen shpëtuar dhe qeveria duhet rrëzuar. Ky është misioni i nxënësve dhe mësuesve të këtij vendi: O sot, o kurrë!
enkelejd alibeaj TIRANË- Deputeti demokrat, Enkelejd Alibeaj ka dalë në një deklaratë për mediat, ku u shpreh se sot n&...
foto nga kuvendi TIRANË- Seanca plenare e ditës së sotme në Kuvend ka zgjatur 33 minuta. Zonjat deputete morën buqeta ...
kuvendi TIRANË- Si në çdo seancë edhe në seancën e sotme, mazhoranca ka votuar e vetme projektligjet në Kuvend. Teksa...
Agron Shehaj TIRANA- Deputeti i opozitës, Agron Shehaj pas përfundimit të seancës plenare, komentoi miratimin për shtyerjen e...
gazment bardhi TIRANË- Nënkryetari i Partisë Demokratike, Gazment Bardh ka folur për mediat pas përfundimit të seancës....
Elisa Spiropali TIRANA- Ministrja e Shtetit për Marrëdhëniet me Parlamentin, Elisa Spiropali, ka mbajtur fjalë në Kuvend duke urua...
kuvendi TIRANË- Seanca plenare e ditës së sotme në Kuvend ka zgjatur 33 minuta. Gjatë seancës ligjet u miratuan vetëm m...
KUVENDI TIRANË- Gjatë seancës së sotme plenare deputetët e mazhorancës kanë kaluar me shpejtësi edhe projektligjin...
kuvendi TIRANË- Seanca e sotme plenare është zhvilluar nën tensione nga deputetët e opozitës të cilët kan&eum...
gazment bardhi TIRANË- Teksa nënkryetarja e Kuvendit Ermonela Felaj po drejton votimin e çështjeve në rend të dit&eum...
