Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Alibeaj udhëzon nisjen e procesit të ristrukturimit të organeve drejtuese në nivel lokal në të gjitha degët e PD-së për të përmbyllur procesin e plotësimit të vakancave.
TIRANË-Deputeti i Partisë Demokratike, Enkelejd Alibeaj, ka nisur punën për ristrukturimin e degëve në kuadër të zgjedhjeve lokale të 14 majit. Kjo lëvizje vjen pas mos gjetjes së gjuhës së përbashkët me grupin e Sali Berishës për të dalë me 1 kandidat në zgjedhjet lokale të vitit 2023.
Alibeaj udhëzon nisjen e procesit të ristrukturimit të organeve drejtuese në nivel lokal në të gjitha degët e PD-së për të përmbyllur procesin e plotësimit të vakancave në nivel seksioni, grupseksioni dhe/ose kryesi dege brenda datës 15 Dhjetor 2022.
Alibeaj kërkon plotësimin e vakancave në nënkryetar dhe Sekretariatin e degëve; Kryetar dhe sekretar Grupseksioni; Koordinator për organizimin e FRPD; Koordinator për organizimin e LDG; Kryetar dhe sekretar Seksioni. Po ashtu, ai në çdo qark propozohet ngritja e një Këshilli Koordinues të Qarkut që është përgjegjës për ndjekjen e procesit të ristrukturimit.
‘Dosja.al’ ka siguruar draftin e plotë:
UDHËZIMI I PLOTË :
PARTIA DEMOKRATIKE E SHQIPËRISË
KRYESIA E PARTISË
Nr. ___ Prot.
Tiranë, më _/_/2022
UDHËZIM
NR. __, DATË 04.11.2022
Në mbështetje të neneve 30 e vijues dhe nenit 45 të Statutit të Partisë Demokratike, si dhe në përputhje me vendimin e datës 18 Dhjetor 2021 të Kuvendit Kombëtar “Për miratimin e programit organizativ të Partisë Demokratike”, Kryesia e Partisë në mbledhjen e datës 4 Nëntor 2022, me qëllim plotësimin dhe vitalizimin e organeve drejtuese të Degëve të PDSH-së; dhe promovimin e anëtarëve të gatshëm për të marrë përsipër përgjegjësi për sfidat e ardhshme elektorale dhe politike të PDSH-së,
UDHËZON:
1. Nisjen e procesit të ristrukturimit të organeve drejtuese në nivel lokal në të gjitha Degët e Partisë, duke përmbyllur procesin e plotësimit të vakancave në nivel seksioni, grupseksioni dhe/ose kryesi dege brenda datës 15 Dhjetor 2022, sipas këtij kalendari:
Nënkryetar dhe Sekretariati – brenda datës 20 Nëntor 2022;
Kryetar dhe sekretar Grupseksioni – brenda datës 1 Dhjetor 2022;
Koordinator për organizimin e FRPD – brenda datës 1 Dhjetor 2022;
Koordinator për organizimin e LDG – brenda datës 1 Dhjetor 2022;
Kryetar dhe sekretar Seksioni – brenda datës 15 Dhjetor 2022.
2. Dega e Partisë do të kryejë organizimin territorial të strukturave në nivel Seksioni, Grupseksioni dhe Dege, pas vlerësimit të situatës, performancës dhe vakancave të krijuara, sipas rregullave të përcaktuara në këtë udhëzim. Dega e Partisë merr masa që procesi i ristrukturimit të jetë gjithëpërfshirës.
3. Dega e Partisë për çdo qendër votimi (QV) mëmë duhet të ketë minimalisht një seksion, ku plotësohet secila me kryetarin dhe sekretarin përgjegjës për QV. Në territorin përkatës të një QV mëmë mund të ketë sipas rastit, më shumë se një seksion i cili mbulon një territor gjeografik të mirëpërcaktuar dhe/ose një komunitet, sipas ndarjes në QV e zgjedhjeve të fundit.
4. Dega e Partisë përcakton ndarjen dhe numrin e nevojshëm të grupseksioneve, ku plotësohet secila me kryetarin dhe sekretarin përgjegjës për Grupseksion. Një Grupseksion mbulon si rregull një territor që nuk ka më shumë se 10 QV mëmë dhe jo më shumë se 5000 votues faktik sipas pjesëmarrjes në zgjedhjet e fundit. Ky numër mund të jetë i ndryshëm në rastet kur respektohet ndarja sipas njësive administrative, traditës, kulturës, homogjenitetit të territorit, si dhe shtrirjes gjeografike. Territori i Grupseksionit duhet të jetë gjeografikisht i pandërprerë dhe të bëjë pjesë në vetëm 1 ZAZ. Si rregull, ndarja e territorit në Grupseksione në zonat urbane, për aq sa është e mundur, duhet të përkojë me konceptin e “ish lagjeve”, ndërkohë në zonat rurale, për aq sa është e mundur, duhet të përkojë me konceptin e “njësisë administrative”.
5. Koordinator për organizimin e FRPD apo Koordinatore për organizimin e LDG, mund të jetë sipas rastit Kryetari në detyrë i FRPD apo Kryetarja e LDG, ose një person tjetër i caktuar nga Dega e Partisë.
6. Në çdo Qark ngrihet Këshilli Koordinues i Qarkut që është përgjegjës për ndjekjen e procesit të ristrukturimit. Këshilli Koordinues i Qarkut ka në përbërje: deputetë, drejtues të strukturave lokale të partisë, Anëtarët e Kryesisë qëndrore dhe të Këshillit Kombëtar, si dhe individë me reputacion dhe kontribut në degët përkatëse.
7. Këshilli Koordinues i Qarkut mblidhet menjëherë dhe koordinon krijimin e Grupeve të Punës në çdo degë. Gjatë procesit të organizimit, Grupi i Punës në secilën Degë merr masa organizative dhe fton të bëhen pjesë e këtij procesi duke marrë përsipër përgjegjësi, potencialet më të mira dhe më të afta njerëzore të PD-së në territorin përkatës.
8. Dega e Partisë në mbledhjen e parë merr këto masa për organizimin e procesit:
a) Merr vendim për territorin që do të mbulojë çdo Seksion/Grupseksion sipas kritereve të përcaktuara në këtë udhëzim, duke respektuar përfshirje sa më të madhe të burimeve njerëzore në procesin e organizimit si dhe shmangien e konfliktit të interesit. Në çdo rast, vendimi për territorin që do të mbulojë çdo Seksion/Grupseksion bazohet tek parimi i kontrollit sa më efikas të territorit dhe të efiçencës së punës.
b) Përcakton kalendarin e proceseve në nivel Seksioni, Grupseksioni dhe/ose Dege. Kalendari i procesit të organizimit mbanë në konsideratë afatet e përcaktuara në pikën 1.
9. Kryetar Seksioni/Grupseksioni janë banorë të territorit që mbulon Seksioni/Grupseksioni përkatës. Ata duhet të jenë njerëz me eksperience politike, aktivë në aksionin politik të PDSH-së në të paktën dy vitet e fundit, me njohje shumë të mirë të territorit ose me reputacion të lartë në komunitetin ku banojnë. Dokumentacioni i plotësimit të strukturës në Seksione/Grupseksione mbahet në 2 kopje. Një kopje e dokumentacionit zgjedhor depozitohet pranë Degës së PD-së, një kopje dorëzohet pranë Drejtuesit të Këshillit Koordinues të Qarkut.
10. Ngarkohen Sekretari i Përgjithshëm, Sekretariati Organizativ, dhe Degët e PD-së, për ndjekjen dhe zbatimin e këtij Udhëzimi.
DREJTUESI I PARTISË- Enkelejd ALIBEAJ
Sali Berisha TIRANË- Kryetari i Partisë Demokratike, Sali Berisha komentoi emigrimin e shqiptarëve drejt Britanisë së Madhe. N&eum...
Alfred Rushaj TIRANË- Alfred Rushaj heq dorë nga mandati i deputetit të Partisë Demokratike. Vetë Rushaj nuk ka bërë asn...
Komisioni TIRANË- Ditën e sotme në Komisionin e Veprimtarisë Prodhuese u votua në unanimitet finalizimi i marrëveshjes me Ban...
Njoftimi: Partia Demokratike,se bashku me opoziten e bashkuar, shoqerine civile dhe mergimtaret ne diaspore ,pas konsultimeve te shumta do te paraqese ne PRI...
Luçiano Boçi TIRANË- Për një moment, deputeti i Partisë Demokratike, Luçiano Boçi është tensionua...
Takimi i Partise se Lirise TIRANË- Përfaqësues të Partisë së Lirisë, shpalosën ditën e sotme propozimet e...
Sali Berisha TIRANË- Kryedemokrati Sali Berisha ka zhvilluar pasditen e sotme një takim me prindërit e fëmijëve që shkonin n&...
Takimi TIRANË- Ambasadorja e SHBA-së në Organizatën e Kombeve të Bashkuara, Linda Thomas-Greenfield takoi ditën e sotme ...
Edi Paloka TIRANË- Deputeti i Partisë Demokratike, Edi Paloka duket se ka qenë një prej emrave të propozuar për të garua...
Edi Rama TIRANË-Kryeministri Edi Rama ka reaguar pas tensioneve që janë krijuar ditët e fundit në veri të Kosovës. Kreu ...
