Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Gjatë konferencës për 30-vjetorin e partneritetit mes vendit tonë dhe komisionit, Gjyqtari Oliver Kask ka deklaruar se ndryshimi i kodit zgjedhor para zgjedhjeve është një metodë që nuk mund të përdorët më.
TIRANË- Komisioni i Venecias ka kërkuar ditën e sotme që partitë politike mos të ndryshojnë Kodin Zgjedhor sa herë që ka zgjedhje në Shqipëri. Gjatë konferencës për 30-vjetorin e partneritetit mes vendit tonë dhe komisionit, Gjyqtari Oliver Kask nga Komisioni i Venecias, ka deklaruar se ndryshimi i kodit zgjedhor para zgjedhjeve është një metodë që nuk mund të përdorët më. Në fjalën e tij, Kask teksa e krahasoi situatën me ndeshjet sportive, theksoi se rregullat duhet të vendosen nga të gjitha skuadrat dhe jo vetëm nga një ekip.
“Nuk do të ishte një sport argëtues nëse rregullat e një ndeshjeje ndryshoheshin para çdo loje. Askush nuk do të kuptonte çfarë po ndodh dhe askush nuk do t’i besonte, veçanërisht nëse rregullat nuk do të vendoseshin nga disa burokratë të FIFA-s, por nga njëra prej ekipeve. Po kështu edhe në zgjedhje, stabiliteti i ligjit zgjedhor është një nga elementët kyç për të garantuar besimin në proceset zgjedhore”, tha Kask.
President i Këshillit për Zgjedhje Demokratike njëherësh anëtar i Komitetit për Çështjet Ligjore dhe të Drejtat e Njeriut në Asamblenë Parlamentare të Këshillit të Europës Pablo Hispan nënvizoi sot nevojën për hartimin e një Reforme Zgjedhore gjithëpërfshirëse në Shqipëri.
"Stabiliteti i sistemit zgjedhor është shumë i rëndësishëm për të garantuar besimin te procesi zgjedhor në mënyrë që rezultatet e zgjedhjeve të jenë të pranuara gjerësisht. Mendimet e Komisionit të Venecias kanë përcaktuar se legjislacioni për zgjedhjet aktualisht në Shqipëri në parim është i përshtatshëm për të kryer zgjedhje, nëse do zbatohet si duhet dhe me besimin e duhur. Ndaj reforma zgjedhore duhet të sigurojë që dispozitat ligjore të zbatohen”, tha Hispan.
Nga ana e PS-së, Damian Gjiknuri deklaroi se në ditën në vijim Kuvendi i Shqipërisë do të miratojë një komision të përbashkët me bashkëkryesim ku është rënë dakord edhe lidhur me përfaqësimin e barabartë mazhorancë-opozitë. Gjiknuri theksoi se mbeten për tu adresuar shumë nga rekomandimet e ODIHR-it, që nuk u adresuan reformën e kaluar.
“Venecia ka qene bashkudhëtar i përhershëm i reformës zgjedhore. Giani Buquicchio ka thënë qe Shqipëria ka qene klient i përhershëm. Unë e shoh me doza ironike. Fakti qe pas çdo reforme ti drejtohemi Venecias si pacient nuk vete shërohemi por kërkojmë mjek. Odihr të gatshëm të sjell ekspertë për të asistuar dialogun. Objektivi është Stabilitet zgjedhor dhe ligj zgjedhor para zgjedhjeve. Uroj që mos jemi më pacientë të pashërueshëm të Komisionit të Venecias. Do të kemi përfaqësim të barabartë por do të ketë përfaqësim edhe nga paritë e vogla që janë pjesë e Kuvendit, por nuk janë pjesë e grupeve parlamentare. Kjo duke ruajtur një balancë të pastër edhe për sa i përket ekuilibrit mazhorancë-opozitë duke krijuar premisat për konsensus”, tha Gjiknuri.
Ndërsa nga ana e PD-së, Oerd Bylykbashi ka deklaruar se zgjedhjet në Shqipëri janë kthyer në një sëmundje autoimune për sistemin. Deputeti demokrat theksoi se ky sistem zgjedhor duhet të ikë dhe jetë një sistem diskutimi, ndërsa solli në vëmendje problemet kryesore nga shitblerja e votës te përdorimi i institucioneve shtetërore.
“Sistemi zgjedhor duhet të kthehet në një sistem diskutimi. Ky sistem duhet të ikë. Shtetit dhe partia janë një. Partia shtet po përfiton nga pushteti që ka, jemi 35 vite pas. Shitblerja e votës është një problem sot. Përdorimi i përdorimeve shtetërore për interes të partisë shtet. Jemi para parimit të rënies së shtetit të së drejtës. Njerëzit nuk kanë besim të administrata zgjedhore. Vota e diasporës është një problem gjigand. Mosbesimi shoqëron këtë proces në çdo hallkë. A do të ketë vullnet politik për një reformë zgjedhorë të mirë dhe duke mbajtur përgjegjësi për ato që nuk kanë shkuar mirë”, tha Bylykbashi.
Kreu i Komisionit Qendror të Zgjedhjeve Ilirjan Celibashi ka kërkuar që reforma zgjedhore të adresojë disa çështje kyçe, si financimi i partive politike e deri te garantimi i mundësisë për të votuar në banesë për personat me probleme shëndetësore.
"Në kuadër të organizimit dhe funksionimit të partive politike dhe financimi të fushatave zgjedhore të partive politike ngelet që të shikojmë se çfarë do të duhet të bëjmë me financimin e palëve të treta që angazhohen dhe mbështesin subjekte të caktuara politike. Duhet rregulluar ky aspekt. Duhet të zgjidhim çështjen e votuesve që nuk mund ta ushtrojnë këtë të drejtë. Kanë të drejtën e votës por nuk mund të dalin nga banesa për arsye shëndetësore. Kjo është e papranueshme sidomos tani kur ne ia çojmë fletën e votimit edhe shqiptarëve në Australi, ndërsa ata që e kanë shtëpinë e tyre sipër ose në krah të qendrës së votimit nuk votojnë dot se nuk dalin nga banesat për shkaqe shëndetësore”, tha Celibashi./Dosja.al
Ted Blushi TIRANË- Sekretari i Përgjithshëm i Partisë Liria, Ted Blushi deklaroi se arrestimi i Ilir Metës ishte një rrë...
Eriselda Sefa TIRANË- Apeli i Gjykatës së Posaçme ka urdhëruar Prokurorinë e Posaçme që të rihapë...
Ilirjan Celibashi TIRANË- Kreu i Komisionit Qendror të Zgjedhjeve Ilirjan Celibashi ka kërkuar që reforma zgjedhore të adreso...
Takimi TIRANË- Kandidati i pavaruar për Bashkinë e Tiranës, Florjan Binaj ka zhvilluar një takim me partitë politike. N&...
foto ilustruese BRITANI E MADHE- Gazeta britanike The Canary ka publikuar një artikull, ku nxjerrë në pah lidhjet midis politikanit To...
Hanna Suchocka TIRANË- Presidentja e Komisionit të Venecias, Hanna Suchocka ka vlerësuar hapat e bërë nga Shqipëria drejt ref...
Ilir Meta TIRANË- Presidenti i Partisë së Lirisë Ilir Meta ka kërkuar heqjen e masës së sigurisë. Bëhet ...
Elman Abule TIRANË- Biznesmeni Elman Abule është paraqitur në Gjykatën e Posaçme Kundër Korrupsionit dhe Krimit të...
Erion Veliaj TIRANË- Seanca e radhës paraprake për kalimin ose jo për gjykim të dosjes së Erion Veliajt do të mbahet sot...
foto ilustruese KOSOVË- Gazeta amerikane Bloomberg, shkruan se marrëveshja e paqes prej 20 pikash që Presidenti i SHBA-së Donald T...
