Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Nënkomisioni parlamentar për përzgjedhjen e kandidatëve për anëtarë të Këshillit të Lartë Gjyqësor dhe Këshillit të Lartë të Prokurorisë nga radhët e avokatëve shtyu vendimarrjen, pasi opozita kontestoi raportin e përgatitur nga Sekretari i Përgjithshëm i Kuvendit.
TIRANË- Nënkomisioni i posaçëm paralamentar nuk arriti të merrte një vendim të hënën për listën e emrave që kandidojnë për anëtarë në dy organet drejtuese të drejtësisë – Këshilli i Lartë Gjyqësor dhe Këshilli i Lartë i Prokurorisë – nga të cilët do të përzgjidhen 2 anëtarë të rinj për secilin këshill.
Deputetët mund të vendosin me konsensus që të rikthejnë në garë emrat e skualifikuar nga Sekretari i Përgjithshëm i Kuvendit, por vendimi u shty për të premten pas debateve mbi raportin e paraqitur nga ai.
Sekretari i Përgjithshëm, Genci Gjonçaj lexoi para deputetëve raportin e verifikimit dhe arsyet ligjore që sipas tij janë bërë shkak për skualifikimin nga gara të 6 kandidatëve nga të dy listat, por argumentet e tij nuk i bindën anëtarët e opozitës.
Në raportin e tij, Gjonçaj ka skualifikuar nga gara kandidatët Përparim Kalo, Alban Alimema, Fatos Lazimi, Entela Shehaj (Memishaj), Saimir Vishaj dhe Albana Tushe, me arsyetimin se ata nuk plotësojnë kriteret ligjore, kryesisht pasi nuk justifikojnë punën e pandërprerë si avokatë në 10 vitet e fundit apo për ‘detyrime tatimore”.
Verifikimi ka konstatuar se ka mungesë të pagesës së sigurimeve shoqërore për periudha të caktuara për kandidatët Alimena dhe Tushe.
Ushtrimi i një detyre tjetër në institucione të administratës publike apo në institucionet e drejtësisë po ashtu është bërë shkak për skualifikim, duke skualifikuar Kalon dhe Lazimin.
Në rastin e Kalos, raporti quan si ndërprerje në ushtrimin e profesionit të avokatit periudhën që ai ka shërbyer si anëtar i Gjykatës Kushtetuese për 1 vit e 6 muaj. Për Lazimin konstatohet puna e tij si këshilltar juridik në Autoritetin Hekurudhor dhe konflikti ligjor me profesionin e avokatisë.
Memishajn është skualifikuar për mosplotësimin e kriterit të vjetërsisë në profesionin e juristit për 15 vite, ndërsa Vishaj për shkaqet që lidhen me të qënit si kandidat më herët nga radhët e pedagogëve.
Kryetari i grupit parlamentar demokrat, Gazment Bardhi pretendoi se Sekretari i Përgjithshëm i Kuvendit kishte shkelur afatet kushtetuese për hartimin e raportit, kishte kryer veprime ekstraligjore për verifikimin e tyre dhe kishte përdorur dy standarde në zbatimin e kritereve të kualifikimit.
“Njërin kandidat (Fatos Lazimi) e ke skualifikuar sepse punonte këshilltar pranë autoritetit hekurudhor dhe Erind Mërkurin që punon këshilltar në Kuvend dhe në disa institucione ekzekutive e ke kaluar,” iu drejtua ai Gjonçajt duke i sjellë një shembull.
Gjonçaj sqaroi se rastet nuk ishin njësoj dhe se kandidati i skualifikuar ligjërisht nuk mund të ushtronte dhe profesionin e avokatit nëse punonte në shërbimin civil.
Po ashtu, Bardhi vuri përgjegjësinë mbi Gjonçajn për tejkalimin e afateve kushtetuese të hartimit të raportit, pasi Avokati i Popullit e ka përcjellë listën zyrtarisht që në datën 24 janar dhe është dorëzuar në Kuvend pas 4 muajsh.
Lidhur me afatet, Gjonçaj sqaroi se ato ishin tejkaluar që në procedurat e kryera nga Avokati i Popullit dhe se shtyrja në Kuvend lidhej me futjen e një kandidati në listë, i cili kishte fituar gjyqin ndaj Komisionit ad-hoc të verifikimit.
“Dokumentacioni duhej të paraqitej në fund të muajit tetor 2023 nga Avokati i Popullit, por erdhi me 24 janar,” tha Gjonçaj, duke shtuar se po ashtu në datë 2 maj, Avokati i Popullit ka sjellë raport shtesë për kandidatin Sajmir Kola në zbatim të vendimit të Gjykatës Administrative të Apelit.
Por, Bardhi sërish akuzoi Gjonçajn se ka shkelur dispozitat ligjore duke “pezulluar” procesin në pritje të futjes së këtij kandidati të ri në garë.
Zbatimi i kriteteve për skualifikimin e disa kandidatëve, siç ishte mospasja prej tyre e sigurimeve shoqërore të pandërprera, u kontestua gjithashtu nga Bardhi.
“Është dhoma e avokatisë ajo që vërteton nëse kandidatët e ushtrojnë këtë profesion dhe jo ndërprerjet disamujore të pagesës së sigurimeve”- tha ai, duke e quajtur tejkalim ligjor kërkesën e Gjonçajt për vërtetimin e pagesës së sigurimeve.
Gjonçaj këmbënguli se ai kishte ndjekur praktikën e mëparshme dhe se roli i tij ishte për të verifikuar dhe saktësuar vërtetësisë e dokumentacionit të paraqitur nga kandidatët.
“Kam bërë kryqëzimin e të dhënave në deklarimet e tyre me organet kompetente,” tha ai duke shtuar se “një punë e ligjshme nga një e paligjshme vërtetohet vetëm mbi bazën e sigurimeve shoqërore”.
Bardhi propozoi që të gjithë emrat e skualifikuar të futeshin në listën e kandidatëve që do të thirren në seancë dëgjimore nga ky nënkomision, nga e cila do të përzgjidhen dhe emrat që do të votohen në seancë plenare.
Sipas tij, skualifikimi për shkak të shkëputjes së deklarimit në sigurime shoqërore në periudha të shkurtra nuk ishte bindës, pasi lidhej me periudhën e pandemisë së covid 19.
“Fakti që s'ka paguar sigurime për një periudhë nuk tregon se ka ndërprerë profesionin e avokatit,” tha ai.
Ndërsa në rastin e Përparim Kalos, i skualifikuar sepse kishte ushtruar detyrën e anëtarit të Gjykatës Kushtetuese për një periudhë të shkurtër, Bardhi kërkoi nga kolegët deputetë që të mos shihej si kriter ndalues.
“Ai i ka shërbyer vendit në një kohë kur po ngriheshin organet e reja të drejtësisë, kjo s'ka pse ta penalizojë,” tha Bardhi.
Deputetët e PS-së dhe PD-së tentuan të gjenin konsensus për miratimin e listës duke biseduar me dyer të mbyllura për disa minuta, po më pas vendosën që të këtë vendim ta merrnin ditën e premte.
Në listën e kandidatëve të kualifikuar nga Sekretari i Përgjithshëm nga e cila do të përzgjidhen 2 anëtarët e rinj në KLGJ, në vendin e parë renditet avokatja Eris Hysi e ndjekur nga Erind Mërkuri, Erind Gërmenji, Albens Tabaku, Klodian Gjermeni, Artan Reçi, Bledar Bajri dhe Saimir Kola.
Ndërsa listën e kandidatëve për dy vende në KLP e kryeson Erind Mërkuri ndjekur nga Erind Gërmenji, Albens Tabaku, Artan Reçi, Bledar Bajri e Saimir Kola.
Dispozitat ligjore parashikojnë që 4 kandidatët për 2 vende vakante në KLGj dhe 2 në KLP i nënshtrohen votimit në seancë plenare pasi zgjidhen nga kjo listë me konsensus politik (4 vota pro) nga 5 anëtarët e nënkomisionin të ligjeve që ngrihet për këtë synim.
Kur mungon konsensusi, emrat nga lista zgjidhen me short dhe nëse Kuvendi dështon në 3 votime radhazi që të zgjedhë me 84 vota anëtarët e rinj të KLGJ-së e KLP-së, quhen automatikisht të emëruar ata që shorti i ka zgjedhur për raundin e tretë./Reporter.al
Wisner TIRANË- Investimet e huaja nga Shtetet e Bashkuara të Amerikës janë në tendencë rritjeje, por ka ende shumë poten...
Argita Malltezi TIRANA- Vajza e ish-kryeministrit Sali Berisha, Argita Malltezi, është shprehur, për emisionin "Now" në Euronews A...
Argita Malltezi TIRANË - Argita Malltezi, vajza e kreut të PD-së, Sali Berisha, është shprehur mbrëmjen e sotme se kreu i SPA...
Artan Hoxha TIRANË - Gazetari Artan Hoxha ka komentuar mbrëmjen e sotme intervistën e kryeministrit Rama në emisionin "Report" të ...
Argita Malltezi TIRANË - Vajza e liderit të opozitës Sali Berisha, Argita Malltezi, ka folur mbrëmjen e sotme mbi zhvillimet e fundit p...
Elisa Spiropali TIRANË - Ministrja e Shtetit për Marrëdhëniet me Kuvendin, Elisa Spiropali ka folur mbrëmjen e sotme për inve...
Luçiano Boçi TIRANA- Nënkryetar i Partisë Demokratike, Luçiano Boçi i pranishëm në emisionin Open...
Ervin Salianji TIRANA- I ftuar në emisionin “5 Pyetjet” deputeti demokrat Ervin Salianji ka folur për intervistën e kryemin...
Edi Rama TIRANË- Kryeministri Edi Rama ka bërë një postim në lidhje me raportimet që dy media europiane kanë bë...
Sali Berisha TIRANA- Kreu i Partisë Demokratike, Sali Berisha, tha sot gjatë fjalës së tij para mbështetësve se prova e ...
