Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Blushi theksoi se Tirana, është qartësisht dëshmia më konkrete se çfarë barbarie ndaj hapësirave publike ka kryer Edi Rama, vetëm vitet e fundit, pa llogaritur periudhën kur ai ishte Kryetar Bashkie.
TIRANË- Sekretari i Përgjithshëm i Partisë së Lirisë, Tedi Blushi ka deklaruar se aksioni që nisi kryeministri edi Rama në Theth dhe po shpërndahet në mbarë vendin kundër çadrave dhe çative pa leje, nuk është asgjë tjetër veçse shmangie nga vëmendja e krimeve barabare urbanisitike. Blushi theksoi se Tirana, është qartësisht dëshmia më konkrete se çfarë barbarie ndaj hapësirave publike ka kryer Edi Rama, vetëm vitet e fundit, pa llogaritur periudhën kur ai ishte Kryetar Bashkie.
Ai theksoi gjithashtu edhe zonën e ish-Bllokut, që është një shembull i qartë se si vendimet e KKTU kanë thyer kriteret e lartësisë dhe intensitetit të ndërtimit, të përcaktuara në planin urbanistik. Më tej Blushi tha se Edi Rama nuk po çliron hapësira publike, por ai ka vetëm një plan për pushtimin e tyre. Sipas tij Edi Rama është e vetmja “tokë e xanun” në Shqipëri, me pushtetin që vodhi sërish në mënyrë kriminale me terrorin elektoral në 11 Maj.
Deklarata e Blushit:
Kryendërtuesi i paligjshëm Edi Rama, i cili shembi Partinë Socialiste me aksionin korruptiv dhe klientelist “një pallat, një votë” për të ndërtuar në vend të saj ngrehinën kriminale të “Rilindjes”; Lideri i mafies së betonit që nisi karrierën politike duke shkatërruar çdo simbol të trashëgimisë historike e kulturore të Tiranës, për të vijuar barbarinë e tij me rrafshimin antikushtetues të Teatrit Kombëtar, shtëpive karakteristike, kinemave publike dhe hapësirave të gjelbërta, për t’i zëvendësuar me kulla shumëkatëshe që qelben era kokainë dhe ku lahen paratë e pista të korrupsionit të përbindshëm të tij; Grabitësi më i babëzitur i tokave shtetërore që u falen si plaçkë private oligarkëve, klientëve, gazetarëve të regjimit dhe gaztorëve të pushtetit të shpallur prej tij si gjoja “investitorë strategjike”;
Zaptuesi më i pangopur i pronave të ligjshme të qytetarëve dhe sidomos të komuniteteve fetare që ende pas 12 vitesh në pushtet nuk kanë marrë as tokat dhe pronat e tyre; Vjedhësi i bregdetit dhe bukurive më përrallore të Shqipërisë; Ai që e shndërroi Këshillin Kombëtar të Territorit dhe Ujërave në zyrë noteriale shpronësimesh kriminale dhe legalizimi të shfrenuar të betonit të mafias; Prej 28 vitesh në politikë dhe 12 si Kryeministër, i damoksur si shkatërrues i hapësirave, ky simbol i paligjshmërisë dhe uzurpator i tokave publike e private, kurrë nuk mund të udhëheqë një aksion shtetëror, të moralshëm dhe ligjor për çlirimin e tyre.
Aksioni që nisi në Theth dhe po shpërndahet në mbarë vendin kundër çadrave dhe çative pa leje, kundër koteceve dhe gardheve, kundër lokaleve e ndërtesave në proces legalizimi, në fakt nuk është asgjë tjetër veçse shmangie nga vëmendja e krimeve barabare urbanisitike që vet Kreu i Organizatës ka bërë ndaj qyteteve, fshatrave, bregdetit, maleve, pronave shtetërore dhe të qytetarëe, me firmë dhe me vulë të tij, deri duke i ndarë ato si shpërblim për bandit elektorale me të cilat grabit zgjedhjet, për organizatat mafioze dhe kartelet më të rrezikshme ndërkombëtare, Ndrangheta e Sinaloa.
Tirana, është qartësisht dëshmia më konkrete se çfarë barbarie ndaj hapësirave publike ka kryer Edi Rama, vetëm vitet e fundit, pa llogaritur periudhën kur ai ishte Kryetar Bashkie. 1.9 milion m2 sipërfaqe leje ndërtimi e dhënë në vitin 2024 nga 521 mijë m2 të dhëna në vitin 2017. 139 kulla të miratuara në vetëm 10 vite – shumë prej tyre në shkelje të planeve urbanistike. Mbi 70 vendime të pa-zbardhura nga KKTU, jashtë çdo standardi transparence. Kulla pranë çdo shkolle, monumenti historik, hapësirë e gjelbër publike, pa asnjë llogaridhënie.
Ndërtime që pasohen nga shpronësime të dyshimta dhe shpeshherë në shkelje të ligjit, mungesë konsultimi dhe manipulim të ligjit për interesa klienteliste, e vërtetuar kjo edhe me vendime gjykatash.
Ndërkohë që në Tiranë janë mbi 70 mijë apartamente bosh dhe një çifti të ri me të ardhura mesatare i duhen 70 vite punë për të blerë një apartament në periferi, “boom”-i i kullave vijon me ritme të pandalshme, projekte që tejkalojnë 40-katet, duke përfshirë ndërtimet masive edhe në zona historike apo pranë monumenteve të mbrojtura. Zona e ish-Bllokut, është një shembull i qartë se si vendimet e KKTU kanë thyer kriteret e lartësisë dhe intensitetit të ndërtimit, të përcaktuara në planin urbanistik. Bashkia Tiranë parashikonte zhvillimin e zonës me godina nga 5 deri në 9 kate, ndërsa KKTU me firmë të Edi Ramës ka miratuar 12 leje ndërtimi kullash me intensitet më të lartë.
Një shembull domethënës është edhe kulla 41-katëshe pranë Universitetit të Sporteve, që bie ndesh me Planin e Përgjithshëm Vendor, që lejon ndërtime deri në 9 kate Në asnjë kryeqytet europian nuk lejohet ndërtimi i 30-katëshëve pranë monumenteve të shek. XVIII–XIX, ndërkohë të gjithë banorët e Tiranës janë dëshmitarë çdo ditë se çfarë ka ndodhur me zonën pranë Sahatit, ish-Teatrit Kombëtar, Bankës Kombëtare dhe stadiumit “Arena Kombëtare”, ku janë ndërtuar ose janë në proces projekte shkatërrimtare për të ardhmen e kryeqytetit.
Sot Tirana nuk ka më plan urban dhe pothuajse aspak hapësira publike, por ka vetëm një plan për shndërrimin e saj total në lavanderi të pastrimit të parave të pista të korrupsionit të përbindshëm dhe krimit të organizuar vendas dhe ndërkombëtar.
Falë uzurpatorit më të madh të hapësirave publike në historinë e Shqipërisë, Tiranës së sotme nuk i ka mbetur pothuajse asgjë nga ajo e 30 viteve më parë. Mbyllja e pamëshirshme e hapësirave jetësore për banorët e Tiranës, paraliza e lëvizjes qytetare, biznesit të vogël dhe të mesëm nga mafia e betonit, ngushtimet dhe devijimet e qëllimshme të rrugëve dhe nyjeve të trafikut, vetëm për t’i shërbyer një grushti klientelist dhe oligarkësh të lidhur me pushtetin e kanë renditur kryeqytetin, në qendrën urbane me cilësinë më të keqe të jetës në Europë dhe ndër të fundit në botë sipas statistikave më serioze.
Me shërbimin më të keq shëndetësor, me fuqinë blerëse më të ulët dhe me ndotjen më të lartë të ajrit. Ky është rrethimi dhe kapja e programuar e kryeqytetit, mbyllje e perspektivës së tij dhe të banorëve. Ky Kryeministër që krenohej bashkë me bedelin e tij në krye të bashkisë së Tiranës, që merrnin medalje ndërkombëtare, të blera me paratë e inceneratorëve, për gjoja shndërrimn e Tiranës në një nga qytetet më të gjelbërta të Europës, tani kërkon të na mbushë mendjen se nën hundën e tij, Tirana qenka kthyer plot me çadra e kioska pa leje.
Edi Rama që në AND-në e tij ka vlerë pabesin, i udhëhequr nga parimi “të vrasim natën e të qajmë ditën”, natën jep leje për ndërtimin e kullave pa leje, ndërsa ditën qurravitet ekraneve të blera për hapësirat pa leje, kur ndërkohë ka 28 vite në politikë e 12 si Kryeministër që vetëm zapton e vjedh toka, por i qan zemra për trotuaret e Tiranës që i ka holluar më shumë se një fletë cigareje. Asnjë shqiptar i ndershëm, i lirë dhe patriot nuk mund të mashtrohet nga aksionet për shembjen e çadrave e bujtinave pa leje, dhe as nga Narkoshteti me dy standarde, që shemb një bujtinë në Theth për të ndërtuar një kullë në Tiranë.
Edi Rama nuk po çliron hapësira publike, por ai ka vetëm një plan për pushtimin e tyre. Edi Rama është i vetmja “tokë e xanun” në Shqipëri, me pushtetin që vodhi sërish në mënyrë kriminale me terrorin elektoral në 11 Maj.
Ai nuk po modernizon qytetet dhe zonat turisitike, por po bëhet gati t’i kthejë ato në në makete betoni për interest e tij klienteliste. Partia e Lirisë u bën thirrje me vendosmëri të gjithë shqiptarëve të rezistojnë në mbrojtje të pronave të tyre të ligjshme, që synohen të grabiten pabesisht nga Edi Rama. Edi Rama është e vetmi “ndërtim pa leje” që i ka zënë frymën Shqipërisë, që duhet shembur një orë e më parë, i vetmi “çiban” që i ka dëmtuar imazhin vendit, që duket shkulur një orë e më parë. Faleminderit!
Belinda Balluku ATHINË- Zv.Kryeministrja, njëherësh Ministre e Infrastrukturës dhe Energjisë, Belinda Balluku, ka marë pjes&e...
Edi Rama SHBA- Agjencia amerikane, Bloomberg, i ka kushtuar një artikull ngjarjeve të fundit në vendin tonë, konkretisht aksioni ...
Fredi Beleri TIRANË- Eurodeputeti Fredi Beleri ka reaguar lidhur me prishjen e objekteve në zonën e Thethit. Beleri e ka cilësuar situ...
Rama BERAT- Kryeministri Edi Rama gjatë fjalës së tij në takim me përfaqësues të start up-eve në Berat ka...
Rama BERAT- Kryeministri Edi Rama gjatë fjalës së tij në takim me përfaqësues të start up-eve në Berat ka folu...
Edi Rama BERAT- Kryeministri Edi Rama tha se ndaj institucioneve shtetërore ka çdo ditë sulme kibernetike nga Irani. Duke folur nga Berati...
Rama BERAT- Kryeministri Edi Rama gjatë fjalës së tij në takim me përfaqësues të teknologjisë, inovacionit, dh...
Rama BERAT- Kryeministri Edi Rama ditën e sotme ka zhvilluar një takim me përfaqësues të teknologjisë, inovacionit, dhe ...
Foto TIRANË- Kryeministri Edi Rama përmes një postimi në "Fcaebook" ka bërë me dije se një shkollë e re me standart...
Kuvendi i Kosovës KOSOVA- Presidentja e Kosovës, Vjosa Osmani, ka paralajmëruar se do t'i drejtohet Gjykatës Kushtetuese në jav&eu...
