"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Sot u bë prezantimi i rekomandimeve për Reformën Territoriale, mbledhje e shoqëruar me debate dhe tensione. Partia Socialiste po shkon drejt refuzimit të kërkesës së Partisë Demokratike dhe pjesës tjetër të opozitës për të shtuar numrin e bashkive. • Këtë gjë e bëri të qartë dhe prezantimi nga eksperti i Partisë Socialiste Artan Shkëmbi tek Komisioni i Reformës Territoriale. Ai tha se PS-ja i qëndron hartës aktuale me 61 bashki dhe 12 qarqe e nuk do ta pranojë kërkesën e Opozitës për shtimin e bashkive. Artan Shkëmbi paraqiti situatën e ndryshimeve territoriale duke vënë theksin te krijimi i një zone funksionale ndërsa tha se procesi është i ngjashëm me atë të vitit 2014. Akuzave të opozitës se procesi është i njëanshëm, ai iu përgjigj duke thënë se ky është një debat për politikanët. • Mbledhja u shoqërua me debate ku deputetja e Partisë Demokratike, Dhurata çupi tha se raporti është keqardhje. Ish-ministrja Anila Denaj iu përgjigj duke thënë se raporti është hartuar nga ekspertë ndersa Baftjar Zeqaj tha se PS do të vazhdojë me reduktimin e numrit të bashkive. • Deri më tani PD kërkon një hartë të zgjeruar me 33 njësi të qeverisjes vendore të shtuara duke e çuar numrin e bashkive në 94 dhe uljen e qarqeve nga 12 në 6 dhe përcaktimin e tyre si rajone. PS deklaroi se mund ta ndryshonte hartën aktuale ndërsa pranon negociimin vetëm me grupin e Alibeajt që kërkon gjithashtu 94 bashki.
4 artikuj për këtë temë.
TIRANE- Sot u publikua raporti i ekspertëve të Partisë Socialiste për Hartën Territoriale ku u refuzua kërkesa e opozitës për të shtuar bashkitë. Mbledhja u shoqërua me debate ku deputetja e Partisë Demokratike, Dhurata çupi tha se raporti është keqardhje. Ish-ministrja Anila Denaj iu përgjigj duke thënë se raporti është hartuar nga ekspertë ndersa Baftjar Zeqaj tha se PS do të vazhdojë me reduktimin e numrit të bashkive.
DEBATI I PLOTE:
Dhurata Çupi: Raporti juaj nuk thotë asgjë, le të fitojë PS sipas asaj që ka votuar vetë në 2014. Vazhdoni të talleni me shqiptarët se mbani për tre muaj një tryezë. Jam e keqardhur për këtë raport. Raporti juaj është përkthimi i deklarates së Ballës.
Anila Denaj: Të katërt ekspertët vetëm sa na japin rekomandime. Ne s’mund të hedhim baltë, ju këtë e keni bërë shumë mirë në katër muaj.
Baftjar Zeqaj: Mazhoranca ka ushtruar të drjetën e saj kushtetuese. Erdhi dhe dha kontributin e saj në këtë tryezë. Ne nuk kemi parë një përqendrim të problematikës nga opozita. Pasi opozita kërkoi ndryshime të hartës territoriale dhe është ajo që ka për detyrën të na bindi për këtë gjë dhe problematikën që ka për ndërhyrje territoriale.
Anila Denaj: Unë besoj se nuk erdhi asnjë problematikë e shtjelluar dhe ku mund të bazohenim. Unë besoj se jemi duke shkuar drejt uljes së bashkive në 36. Nuk e di nëse do ndodhi, por jam i bindur që shumë shpejt do shkojmë me më pak se njësi vendore. Kjo nuk është dëshira ime, por nevojë./Dosja.al
TIRANE- Partia Socialiste po shkon drejt refuzimit tëe kërkesës së Partisë Demokratike dhe pjesës tjetër të opozitës për të shtuar numrin e bashkive dhe reduktimin e qarqeve të vendit. Gazetarja e ABC News, Esiona Konomi, raporton se në raportin e ekspertëve të PS që do të konkretizohet i prezantuar në Komisionin e ditës së sotme, PS del me qëndrimin se nuk ka kohë për të ndryshuar ndarjen territoriale pasi zgjedhjet janë shumë afër.
“Për momentin të ruhen 61 bashki, për më tutje të bëhet një studim i plotë. Nuk ka kohë tani për ndërhyrje, në vijim mund të shkrijmë apo coptojmë bashki”, thuhet në raport, duke sjellë PS në qendrimin e parë që kishte, atë për të mos e ndryshuar hartën administrative të miratuar në vitin 2014.
Deri më tani PD kërkonte një hartë të zgjeruar me 33 njësi të qeverisjes vendore të shtuara duke e çuar numrin e bashkive në 94 dhe uljen e qarqeve nga 12 në 6 dhe përcaktimin e tyre si rajone. PS deklaroi se mund ta ndryshonte hartën aktuale ndërsa pranon negociimin vetëm me grupin e Alibeajt që kërkon gjithashtu 94 bashki./Dosja.al
TIRANE- Ka nisur mbledhja e Komisionit të Posaçëm Parlamentar për Reformën Territoriale. Në mbledhjen e sotme pritet të bëhet miratimi i procesverbaleve për mbledhjet e datës 20 shtator dhe 3 tetor si dhe të paraqitet raporti paraprak i ekspertëve të mazhorancës. Në mbledhjen e sotme, ekperti i PS, Artan Shkëmbi paraqiti situatën e ndryshimeve territoriale duke vënë theksin te krijimi i një zone funksionale ndërsa tha se procesi është i ngjashëm me atë të vitit 2014. Akuzave të opozitës se procesi është i njëanshëm, ai iu përgjigj duke thënë se ky është një debat për politikanët.
“Nëse miratimi i reformës territoriale u votua në 2014, zbatimi i saj u bë pas zgjedhjeve lokale të vitit 2015. Në qeveri jo rastësisht ekzistonte dhe pozicioni Ministri i Shtetit për pushtetin lokal. Ky institucion u angazhua në ndjekjen e të gjitha zhvillimeve të pushtetit lokal, duke koordinuar të gjitha autoritetet vendase dhe partnere ndërkombëtare në realizimin e një pune konkrete në funksion të reformës territoriale të vitit 2014. Asokohe u krijuan projektet STAR 1 dhe STAR 2. U vendos buxhet në vitin 2015 për reformën territoriale, e cila u alokua përmes agjencisë për reformën territoriale, duke u angazhuar në mos ndërprerjen e shërbimeve në asnjë prej 61 bashkive të reja që u miratuan nga Kuvendi, duke përgatitur të gjithë proçesin e transferimit dhe zbatimit të ndryshimit të hartës territoriale. Po ta shohësh procesin e zhvilluar tanimë është i ngjashëm si ai në vitin 2014. Sot jemi në kushtet kur hedhim hapin e tretë, por ne na mungon hapi i parë dhe i dytë. Kjo pamundëson rishikimin e hartës territorial dhe e kemi të vështirë të gjykojmë se si të ecet më tej. Ne jemi këtu në më shumë se tre muaj. Kemi dëgjuar shqetësimet që ka patur opozita. Janë shqetësimet të natyrshme. Opozita pretendon se miratimi i reformës është i njëanshëm për arsye politike, që reforma është e dështuar, apo që shpenzimet administrative janë rritur, apo që shërbimet janë përkeqësuar, autonomia financiare e cënuar, kompentencat e bashkive të vogla, banorët janë larguar nga bashkitë për mungesë përfaqësie…etj. Sigurisht ne si ekspertë nuk na intereson të shikojmë me këtë sy se sa këto deklarime i afrohen realitetit dhe sa një pjesë e tyre është deklarim politik. Ne duhet të japim opinionin tonë për këto vlerësime. Debati politik ju takon juve në këtë drejtim. Ajo që vlen për t’u përmendur është se edhe pas 7 vitesh, s’ka asnjë studim të plotë që të vlerësoj reformën territoriale, nëse do kishim do i ishim referuar atij dhe s’do kishte hapësira për debate”, tha Shkëmbi.
Diskutimi për miratimin e reformës territoriale vazhdon. PD kërkon një hartë të zgjeruar me 33 njësi të qeverisjes vendore të shtuara duke e çuar numrin e bashkive në 94 dhe uljen e qarqeve nga 12 në 6 dhe përcaktimin e tyre si rajone. PS është tërhequr nga qëndrimi fillestar për të mos ndryshuar hartën aktuale ndërsa pranon negociimin vetëm me grupin e Alibeajt që kërkon gjithashtu 94 bashki./Dosja.al
