Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Diplomatë dhe donatorë perëndimorë kërkuan, gjatë një konference të përbashkët, arritjen e standardeve europiane për mbrojtjen sociale, larg korrupsionit, dhe punësim për të rinjtë, si një mjet kryesor në luftën kundër varfërisë dhe pabarazive.
TIRANA- Në Tiranë autoritetet publikuan sot strategjinë e re të mbrojtjes sociale për 5 vitet e ardhshme, që synon të mbështesë fëmijët, gratë, të rinjtë dhe familjet në vështirësi. Diplomatë dhe donatorë perëndimorë kërkuan, gjatë një konference të përbashkët, arritjen e standardeve europiane për mbrojtjen sociale, larg korrupsionit, dhe punësim për të rinjtë, si një mjet kryesor në luftën kundër varfërisë dhe pabarazive.
Përmes skemave të mbështetjes financiare, strategjia e re e mbrojtjes sociale deri në vitin 2030 publikuar sot synon zbutjen e varfërisë për njerëzit në nevojë si dhe përmirësimin e jetesës së personave me aftësi të kufizuara, për t’i mbrojtur ata nga rreziqet dhe krizat. Drejtuesi i Delegacionit të BE-së në Shqipëri, ambasadori Silvio Gonzato, tha se anëtarësimi në BE nuk ka të bëjë vetëm me përshtatjen e ligjeve europiane, por edhe me besimin në vlerat e përbashkëta si bashkëjetesa e drejtë shoqërore, duke vendosur njeriun në qendër të çdo kujdesi, si të drejtat e tij njerëzore, kushtet e punës dhe mbrojtjen sociale.
“Si kudo në Europë, edhe qytetarët shqiptarë presin të kenë shërbime publike cilësore, të arritshme, efikase dhe pa korrupsion. Qëllimi është të ngrihet një sistem bashkëkohor i mbrojtjes sociale, me përfitime të njëjta për gjithë qytetarët e Shqipërisë dhe sidomos për ata më të pambrojturit, që janë në rrezik, me paaftësi të ndryshme në qytete dhe zona të largëta. BE mbështet këtë strategji me financim të drejtpërdrejtë, duke nxitur politikat kundër papunësisë, duke mbështetur punësimin e të rinjve, mbrojtje sociale, shkollim, shërbime punësimi për grupet në rrezik, në varfëri dhe në përjashtim social”, tha ambasadori i BE-së Gonzato.
Autoritetet shqiptare të kësaj fushe pohuan se strategjia e re është një udhërrëfyes në fushën e mirëqenies sociale, me synimin që askush të mos mbetet pas, por kushdo të mund të ngrejë një jetë në mirëqenie, në kushte të barabarta pa dallim gjinie, statusi ekonomik e social apo bindjesh politike.
“Kemi një dokument që do të shërbejë për zbutjen e varfërisë si dhe fuqizimin e mëtejshëm shoqëror, ekonomik e politik edhe të grave. Strategjia e re kombëtare për mbrojtjen sociale 2024-2030 është ambicioze dhe sjell disa risi, të cilat do të kontribuojnë drejt vizionit tonë të përbashkët”, tha zonja Koçiu.
Në strategjinë e publikuar sot sigurohet mbrojtje për fëmijët në radhë të parë, si dhe vajza e djem, burra e gra, që të përballin sfida e vështirësi nga aftësitë e kufizuara e deri te varfëria dhe përjashtimi social.
"Mbrojtja sociale është një e drejtë njerëzore, dhe nuk ka të bëjë me bamirësinë, dhembshurinë, por lidhet me parimet themelore të barazisë dhe mosdiskriminimit, pjesëmarrjen, transparencën dhe llogaridhënien. Strategjia e re flet drejtpërdrejt për qëllimet kryesore si fundi i varfërisë, barazia gjinore, dhe një seri problemesh të tjera dhe jemi të kënaqur që autoritetet angazhohen përmes kësaj strategjie, që të trajtojnë këto çështje në vazhdim”, thotë koordinatorja e përhershme e OKB-së në Shqipëri, Fiona McCluney.
Sipas përfaqësuesit të UNICEF-it në Shqipëri, Murat Shahin, kjo strategji e re është fillimi për më shumë ecuri në rrugëtimin europian të Shqipërisë, sepse ajo sjell një vizion të fuqishëm sa i takon mbështetjes së fëmijëve si dhe kujdesit për ta
“Ne shpresojmë të vendoset modeli i BE-së për garantimin e fëmijëve për të trajtuar varfërinë dhe përjashtimin social, dhe ky është një fillim i ri për vendin”, tha zoti Shahin. Ai kujtoi se nga viti 2015 Garancia Europiane për Fëmijët përmban programe të investimeve për ta, për t'iu larguar varfërisë dhe përjashtimit social, kujdes shëndetësor dhe shkollim falas, si dhe mbështetje shtesë gjatë fëmijërisë së tyre.
Shëndetësia, arsimi dhe mbrojtja sociale marrin afërsisht gjysmën e buxhetit të shtetit shqiptar, shpenzimet publike për mbrojtjen sociale, siç pohojnë autoritetet, kanë një prirje për t’u rritur, ndërsa shkalla e varfërisë është në rënie. Shqipëria renditet ndër vendet me përqindjen më të lartë të personave me aftësi të kufizuar në rrezik për varfëri dhe përjashtim social./ VOA
Sali berisha TIRANË- Keu i Partisë Demokratike Sali Berisha gjatë fjalimit të tij mbrëmjen e sotme para mbështetësve&nb...
pamje nga takimi TIRANË-Mbrëmjen e 11 korrikut opozita ka thirrur një protestë kombëtare e cila do të zhvillohet në bule...
Ervin Salianji TIRANA- Ka vijuar mes debatesh seanca e dëshmisë së ish-drejtori të AMP-së, Ardi Veliu në Komisionin heti...
Tonin Marinaj TIRANË- Grupi Parlamentar i Partisë Demokratike i ka bërë një kërkesë zyrtare zyrtare Prokurorit të P...
Mbledhja TIRANË- Komisioni për të dhënat e TIMS ka nisur ditën e sotme me debate. Socialistët në nisje të sean...
Mbledhja TIRANË- Komisioni për të dhënat e TIMS ka nisur ditën e sotme me debate. Socialistët në nisje të sea...
fredi beleri TIRANË- KQZ do të zhvillojë të enjten seancën publike në orën 11:00, ku do të shqyrtohet vlefshmë...
Salianji TIRANË- Komisioni për të dhënat e TIMS ka nisur ditën e sotme me debate. Deputeti i PS-së, Xhemal Qefalia gjatë...
seanca TIRANË- Po zhvillohet ditën e sotme mbledhja e radhës e Komisionit Hetimor për rrjedhjen e të dhënave të sistemit...
TIRANË- Gjykata e Posaçme ka shtyrë për më 11 korrik, ora 10:00, seancën për informacion 2 mujor të kreut të PD...
