Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ai përgëzoi Partinë Demokratike të Shqipërisë për këtë kapitull të ri të përtëritjes dhe modernizimit dhe uroi shumë suksese në përpjekjet tuaja për këtë vizion largpamës për të ardhmen e Shqipërisë, një e ardhme e mbështetur në reforma demokratike, në besueshmëri institucionale dhe në integrimin evropian.
TIRANË- Deputeti i parlamentit grek Vassilios Giogiakas përcolli përshëndetjet e kryeministrit grek Mitsotakis në Kuvendin e PD-së. Gjatë fjalës së tij, ai shprehu mbështetjen për PD-në dhe integrimin europian. Ai përgëzoi Partinë Demokratike të Shqipërisë për këtë kapitull të ri të përtëritjes dhe modernizimit dhe uroi shumë suksese në përpjekjet tuaja për këtë vizion largpamës për të ardhmen e Shqipërisë, një e ardhme e mbështetur në reforma demokratike, në besueshmëri institucionale dhe në integrimin evropian.
"I nderuar zoti kryetar, të nderuar miq të Partisë Demokratike të Shqipërisë, zonja dhe zotërinj. Është nder i veçantë që jam sot këtu me ju në Tiranë, në Kuvendin Kombëtar të Partisë Demokratike. Më lejoni, së pari, t’ju përcjell përshëndetjet e përzemërta të partisë Demokracia e Re dhe të kryetarit të saj dhe kryeministrit Kyriakos Mitsotakis. Ky kuvend përfaqëson një zgjedhje të vetëdijshme politike për pjesëmarrjen e madhe demokratike. Në të gjithë gamën e partive të së djathtës dhe të qendrës, bëhet thirrje për të bashkëpunuar me brezin e ri, duke shoqëruar përgjegjësinë publike me reforma dhe me besueshmëri institucionale, me inovacion dhe bashkëpunim, si dhe me orientim drejt integrimit evropian.
Përpjekjet tuaja për organizimin e strukturave, për modernizimin e komunikimit politik dhe për forcimin e angazhimit të qytetarëve lëvizin pikërisht në këtë drejtim. Si anëtar i familjes së madhe demokrate, ne ndajmë parime të përbashkëta. Këto janë angazhimi për pluralizmin politik, shtetin e së drejtës, institucionet e pavarura dhe llogaridhënien. Këto parime janë themeli i stabilitetit, begatisë dhe kohezionit social në Evropën Juglindore. Greqia vazhdimisht ka mbështetur perspektivën evropiane të Shqipërisë. Ne e kemi mbështetur progresin në procesin e aderimit drejt Bashkimit Evropian, veçanërisht ecjen përpara të negociatave në grup-kapitujt kryesorë. Këto zhvillime konfirmojnë se e ardhmja evropiane e Shqipërisë mbetet realiste dhe e arritshme, duke na dhënë mundësinë të vazhdojmë të punojmë në mënyrë të qëndrueshme për zhvillimin e institucioneve dhe arritjen e një konsensusi të gjerë demokratik.
Njëherazi, rruga evropiane nuk është vetëm një proces teknik, por është thelbësisht një proces i konsolidimit demokratik dhe pjekurisë institucionale. Në fusha të caktuara, si pavarësia e gjyqësorit, transparenca, lufta kundër korrupsionit dhe forcimi i institucioneve në një sistem kontroll-balancash, këto janë shtylla thelbësore për çdo vend kandidat që aspiron të bëhet anëtar i familjes evropiane. Në këtë drejtim, është e rëndësishme që partitë demokratike të vazhdojnë të mbështesin procesin, dhe integriteti institucional duhet të mbetet në themel të qeverisjes demokratike. Zgjedhjet e drejta dhe të lira janë shtylla thelbësore e çdo procesi demokratik dhe e pjekurisë demokratike. Ato tregojnë se sa i rëndësishëm është fitimi i besimit të publikut dhe sigurimi i pavarësisë së administratës.
Po aq e rëndësishme është edhe mbrojtja e rolit të opozitës në çdo demokraci parlamentare, duke përfshirë të drejtën për shprehje politike dhe pjesëmarrje paqësore në proceset demokratike. Procesi i të drejtave themelore dhe standardet evropiane përbëjnë rrugën kryesore për përputhjen e të gjithë indikatorëve, në mënyrë që të sigurohet përputhja me legjislacionin e BE-së. Në këtë drejtim, të drejtat e pakicës greke në Shqipëri vazhdojnë të mbeten një çështje e rëndësishme për Greqinë dhe për BE-në. Respekti i të drejtës së pronës, i të drejtës së arsimit dhe pjesëmarrja e plotë në jetën publike lokale përbëjnë një pjesë thelbësore të kuadrit të vlerave evropiane. Të dashur miq, në kushtet e shtimit të pasigurive në mjedisin global, stabiliteti në Evropën Juglindore, qëndrueshmëria demokratike dhe horizonti i qartë evropian na bëjnë të kuptojmë se ju besoni thellësisht në vlerat evropiane dhe demokratike, të cilat luajnë një rol thelbësor në ruajtjen e së ardhmes.
Dëshiroj të përgëzoj Partinë Demokratike të Shqipërisë për këtë kapitull të ri të përtëritjes dhe modernizimit. Ju uroj shumë suksese në përpjekjet tuaja për këtë vizion largpamës për të ardhmen e Shqipërisë, një e ardhme e mbështetur në reforma demokratike, në besueshmëri institucionale dhe në integrimin evropian. Më lejoni edhe një herë t’ju përcjell përgëzimet e kryeministrit të Republikës Helenë dhe kryetarit të Demokracisë së Re, zotit Kyriakos Mitsotakis, dhe t’ju uroj punime të mbara. Ne mbështesim forcimin e lidhjeve mes partive tona, popujve tanë dhe vendeve tona. Faleminderit edhe një herë për mikpritjen e ngrohtë. Faleminderit shumë," tha deputeti i Parlamentit Grek, Vassilios Giogiakas./Dosja.al
Volkmar Klein TIRANË- Ish deputeti i CDU-së, Volkmar Klein, gjatë fjalës së tij përshëndetëse në Kuvendin Komb...
Thomas Kunze TIRANË- Drejtori për Shqipërinë të Fondacionit KAS të CDU, Thomas Kunze u shpreh se Partia Demokratike mbe...
TIRANË- Lista e kandidatëve për Këshillin e ri Kombëtar të Partisë Demokratike, ku mes qindra anëtarëve t&eu...
Dolors Montserrat TIRANË- Dolors Montserrat, Deputete e Parlamentit Europian dhe Sekretare e Përgjithshme e Partive Popullore Europiane,&nbs...
Bob McEwen TIRANË- Ish-kongresmeni, përfaqësues i Partisë Republikane të SHBA-së, Bob McEwen në fjalën e tij para ...
Stephen Harper TIRANË- Stephen Harper, Presidenti i IDU, bashkimit më të madh politik në botë dhe ish-kryeministër i Kanadas&...
Andrej Plenkoviç TIRANË- Kryeministri i Kroacisë, Andrej Plenkoviç ka përshëndetur Kuvendin Kombëtar të Partis...
TIRANË- Kuvendi kombëtar i Partisë Demokratike, forumi më i lartë vendimmarrës nisi punimet në pallatin e Kongreseve. Punim...
Sali Berisha TIRANË- Kreu i Partisë Demokratike, Sali Berisha ka mbërritur në Pallatin e Kongreseve, aty ku po mbahet Kuvendi Komb...
TIRANË- Partia Demokratike mbledh sot Kuvendin Kombëtar në orën 10.00. Gjatë punimeve të Kuvendit, drejtuesi i Grupit Parla...
