Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Më tej ministri foli me homologun e tij edhe në lidhje me integrimin europian, të cilën e quajti një dinamikë pozitive për rajonin. Sipas tij rihapja e ambasadave respektive në të dy kryeqytetet synon pikërisht realizimin në praktikë të këtij vullneti.
TIRANË- Ministri i Jashtëm, Igli Hasani ka mbajtur ditën e sotme një konferencë të përbashkët me homologun e tij boshnjak Elmedin Konakoviç. Gjatë fjalës së tij Hasani u shpreh se potenciali i zhvillimit të marrëdhënieve dypalëshe është ende i pashfrytëzuar.
Më tej ministri foli me homologun e tij edhe në lidhje me integrimin europian, të cilën e quajti një dinamikë pozitive për rajonin. Sipas tij rihapja e ambasadave respektive në të dy kryeqytetet synon pikërisht realizimin në praktikë të këtij vullneti. Ministri Hasani shtoi se është një hap që tregon vëmendjen e ndërsjellë dhe dëshirën për t’i ngritur në një nivel të ri dhe për t’i zhvilluar më tej marrëdhëniet midis vëndeve tona, në të gjitha fushat me interes të përbashkët. Hasani shtoi se Shqipëria mbështet tërësinë territoriale dhe sovranitetin e Bosnjes, ndërsa kujtoi se Shqipëria është bashkë-sponsorizuese e rezolutës së OKB për gjenocidin në Srebrenicë.
Fjala e plotë:
Pas takimeve të njëpasnjëshme që kemi pasur së fundi, në kontekste të ndryshme ndërkombëtare dhe tryeza europiane, ishte kënaqësi të mirëprisja sot në Tiranë, në një vizitë zyrtare, Ministrin e Punëve të Jashtme të Bosnjë-Hercegovinës, Elmedin Konakovic, të cilit i shpreha dëshirën që kontaktet dhe puna jonë me partnerët boshnjakë të mos jetë gjë e rrallë dhe as të mos i lihet rastësisë.
Për këtë, të jeni i sigurt, i dashur Dino, se mikpritja jonë nuk do të mungojë asnjëherë. Me Ministrin Konaković, zhvilluam bisedime të sinqerta dhe të frytshme, shqyrtuam dhe vlerësuam ecurinë e marrëdhënieve midis dy vendeve tona, dhe konstatuam se, potenciali i zhvillimit të marrëdhënieve dypalëshe është ende i pashfrytëzuar siç duhet. E pra, vendosëm disa piketa të punës sonë të mëtejshme dhe diskutuam drejtimet për hedhjen e shinave të thellimit dhe zgjerimit të bashkëpunimit dypalësh.
Vullneti ynë është që të ecet sa më shumë përpara. Rihapja e ambasadave respektive në të dy kryeqytetet tona synon pikërisht realizimin në praktikë të këtij vullneti. Është një hap që tregon vëmendjen e ndërsjellë dhe dëshirën për t’i ngritur në një nivel të ri dhe për t’i zhvilluar më tej marrëdhëniet midis vëndeve tona, në të gjitha fushat me interes të përbashkët.
Proçesi i integrimit europian, ishte një tjetër kapitull i rëndësishëm i bisedimeve tona. Shpresojmë se jemi brenda një dinamike pozitive të integrimit të vendeve tona në Bashkimin Europian. Shqipëria vlerëson dhe mbështet përpjekjet e Bosnjë-Hercegovinës dhe hapat e hedhur në këtë drejtim, të cilat së fundi kanë dhënë rezultat konkret në procesin e integrimit të Bosnjë-Hercegovinës. Statusi i vendit kandidat dhe vendimi dhe rekomandimi i Komisionit për çeljen e negociatave, është jo vetëm një stimul i fuqishëm, por edhe konfirmim i patjetërsueshëm në rrugën e afrimit me Bashkimin Europian. I shpreha kolegut Konaković vullnetin dhe gatishmërinë për të mbështetur edhe më tej avancimin e Bosnjë-Hercegovinës në rrugën e saj drejt BE-së përmes shkëmbimit të përvojës dhe asistencës teknike.
Kjo perspektivë që kemi zgjedhur, përveçse ndihmon që të kuptojmë më mirë njeri-tjetrin, ajo na ndihmon edhe për të na afruar më shumë. Dhe në këtë kontekst, integrimi ekonomik rajonal, përmirësimi i ndërlidhjes dhe tregtisë mes nesh, si edhe me Bashkimin Europian, luajnë një rol të veçantë shtytës dhe mbeten prioritet i rëndësishëm që sjell përfitime të qarta dhe të dobishme për ne dhe qytetarët tanë.
Gjatë bisedës që pata me kolegun Konaković, konstatuam sërish se Shqipëria dhe Bosnjë – Hercegovina ndajnë një qasje të njëjtë në drejtim të forcimit të bashkëpunimit rajonal, dhe në këtë kuadër, i shpreha mikut tonë boshnjak kërkesën për një rivlerёsim të qëndrimit lidhur me anëtarësimin e Kosovës në nismat rajonale, apo edhe për lehtësimin e disa problematikave që kanë të bëjnë me shkëmbimet ndërnjerëzore Bosnje-Hercegovine-Kosovë. Si vende fqinje në rajon, por edhe si realitete gjeopolitike të shekullit të ri në funksion të paqes dhe stabilitetit në hapësirën tonë të përbashkët, por edhe në një kontekst më të gjerë, lypset që Kosova të këqyret në një optikë bashkëkohore, realiste e pragmatike.
Prekëm edhe çështjet shqetësuese të sigurisë, paqes dhe stabilitetit në rajon, por edhe më gjerë, në Ukrainë dhe në Gaza. Konstatuam se pikëpamjet tona për rreziqet dhe përballimin e tyre në Ballkanin Perëndimor janë të njëjta, ose të përafrueshme në mënyrë të konsiderueshme me palën boshnjake.
Pata rastin t’i përsëris kolegut dhe mikut tim boshnjak mbështetjen e plotë për tërësinë territoriale dhe sovranitetin e Bosnjë Hercegovinës. Dhe së fundi, në muajin maj, Shqipëria mbështeti dhe bashkë-sponsorizoi rezolutën OKB-së për “Ditën Ndërkombëtare të Reflektimit dhe Përkujtimit të Gjenocidit të Srebenicës në 1995”. Mesazhi ynë është shumë i qartë, një ngjarje e tillë nuk duhet të përsëritet kurrë më.Ju faleminderit!
Këlliçi TIRANË- Anëtari i Kryesisë së PD-së, Belind Këlliçi për mes një postimi në llogarin...
argita malltezi TIRANË- Argita Malltezi, vajza e liderit të opozitës, Sali Berishës ka organizuar një konferencë për me...
TIRANË- Paraditen e sotme grupi parlamentar i Partisë Socialise ka zhvilluar një mbledhje të kryesisë. Mbledhja vjen një dit&eum...
fredi beleri GREQI- Media greke "Kathimerini" ka shkruar një artikull për ish-kryebashkiakun e zgjedhur të Himarës, Fredi Belerin dhe ...
fredi beleri FIER- Është shtyrë seanca në Gjykatën e Fierit për Fredi Belerin, i cili ka kërkuar lirimin me kusht nga qe...
fredi beleri FIER- Në Gjykatën e Fierit mbahet sot seanca për Fredi Belerin, i cili ka kërkuar lirim me kusht. Beleri ka mbërritu...
kuvendi TIRANË- Është shtyrë për nesër seanca e posaçme plenare për ndryshimet në qeveri. Deputetët so...
kuvendi TIRANË- Pasditen e sotme në orën 18:00 do të mbahet seancë e jashtëzakonshme plenare. Kjo seancë plenare d...
Berisha TIRANË- Kreu i Partisë Demokratike, Sali Berisha ka mbajtur edhe mbrëmjen e sotme fjalimin e tij para mbështetësve t&...
Berisha TIRANË- Kreu i Partisë Demokratike, Sali Berisha ka mbajtur edhe mbrëmjen e sotme fjalimin e tij para mbështetësve t&...
