Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Gjatë fjalës së sotme në protestëm Këlliçi tha se Rama është një firkacat që i fshihet të vërtetës dhe se e ka vendosur vendin në rrezik.
TIRANË- Deputeti demokrat Belind Këlliçi ka deklaruar se kryeministri Edi Rama dhe kryebashkiaku Erion Veliaj janë gati duke i nxjerr sytë njëri-tjetrit në aferat që janë futur. Gjatë fjalës së sotme në protestëm Këlliçi tha se Rama është një firkacat që i fshihet të vërtetës dhe se e ka vendosur vendin në rrezik.
"Rama ik! Ta dëgjojë Rama deri në Vlorë. Ju vini në Tiranë, ai ia mbath. Një frikacak që i fshihet të vërtetës. Ai ia mbathi, miqtë e mi, Shqipëria është në rrezik. Shqipëria që duam e këtyre këtu ngjitur, vrau Shqipërinë tuaj. Edi Rama dhe Erion Veliaj janë gati duke i nxjerrë sytë njëri-tjetrin nga aferat ku janë futur të dy. Shqipëria e vërtetë ka aromën e varfërisë. Shqipëria ka pamjen dhe mundin e fermerëve. Ne e kemi shembullin para syve prej ditësh. Ky e shihni ndershmërinë tek Edi Rama? Ju pyes me sinqeritet. Ku do i gjeni paratë për të mbushur tryezën? Shqipëria nuk është e varfër, e ka vjedhur ky. Poshtë babëzia, poshtë hajdutësia. Rroftë rinia," tha Këlliçi ndër të tjera.
Fjala e plotë e Këlliçit:
Ju vini në Tiranë, ky ia mbath nga Tirana. Vetëm për mos t’ju parë, sepse i dhembin sytë kur ju sheh në shesh! Një frikacak që i fshihet të vërtetës, që i ikën popullit të tij. Vetëm për t’ju penguar, ka urdhëruar mësuesit të qëndrojnë në punë edhe pse viti shkollor ka përfunduar. Iku dhe mori kërpudhën e tij me vete. Një burrë shteti do të qëndronte këtu dhe do t’i shihte në sy qytetarët, do t’i dëgjonte shqetësimet e tyre. Por ky ia mbath se i tillë është!
Miqtë e mi, Shqipëria jonë sot është në rrezik. Shqipëria e vërtetë, ajo e shumicës reale, e qytetarëve të zakonshëm, po asfiksohet, po meket, po mpaket çdo ditë nga ajo që u shpall prej rilindjes, si Shqipëria që duam. Shqipëria që duam, e këtyre këtu ngjitur, vrau në fakt Shqipërinë e shqiptarëve. Shqipëria që duan këta, Shqipëria e Edi Ramës, e Veliajt, e Belindës, e Elisës, e Ben Ahmetajt, e Taulant Ballës, e Fridës, e Çuçit, e Ulsiut, e Agaçit, mund të jetë vërtetë e bukur. Idilike. Vjen aromë parfumi të shtrenjtë francez, mbahet me rroba të kushtueshme të markave italiane, ka shijen e restoranteve më ekskluzive nga Dubai e deri tek ato këtu në Tiranë, ka komfortin e vilave të luksit në bregdet, ka rehatinë e makinave qindra mijra euroshe, ka adrenalinën e udhëtimeve të klasit të parë, ka sigurinë e parave me shumicë, e apartamenteve te mbushura me para cash. Kjo Shqipëri e këtyre dhe e njerëzve që i rrethojnë, nuk ka të sharë. Po ky vend, ky domen, ky venom i dinjitarëve më të korruptuar të globit sipas çdo raporti serioz ndërkombëtar, nuk u krijua falë gjenialitetit apo talentit të tyre. Kjo botë e tyre, erdhi në jetë, u rrit, dhe po majmet çdo ditë, mbi Shqipërinë e shumicës së shqiptarëve, mbi Shqiperine tone, duke i marrë asaj çdo ditë, pasuritë, buxhetin, asetet dhe mundësitë që ofron.
Kjo bandë e cila sot është në krye të qeverisë, është dhe pronarja e vërtetë e inceneratorëve, ata janë ndërtuesit e vërtetë të kullave; investitorët strategjikë janë këta të dy, Rama dhe Veliaj, ata që shkatërruan kulturën, që e bënë teatrin gropë, shitën Butrintin, larguan mjekët, të rinjtë dhe zanatçinjtë. Edi Rama dhe Erion Veliaj janë gati duke i nxjerrë sytë njëri-tjetrit nga të gjitha aferat e pista ku kanë futur duart. Nuk ka komitet ekspertësh e as bord çmimesh. Janë këta të dy, të cilët e kanë blerë Partinë Socialiste me paratë e lejeve të ndërtimit dhe po e mbajnë peng me paratë e inceneratorëve. Dhe ja ku jemi sot! Shqipëria jonë, Shqipëria e shumicës ka shijen e braktisjes, të vetmisë, sepse përditë vetëm ikin specialistë, profesionistë, të rinj e të reja. Shqiperia e vertete ka aromën e varfërisë, pasi të ardhurat e ulëta, pensionet, pagat e vogla, ndihmat e papërfillshme nuk dalin më për të marrë as gjysmën e ushqimeve bazike. Imagjinoni se çfare lufte me jetën bëjnë sot të papunët. Shqiperia jone sot ka pamjen e mundit dhe prodhimit të fermereve që hidhet se nuk kanë ku e shesin, dhe kostoja u ka marrë atyre edhe dinjitetin.
Shqipëria e shumicës ka vështirësinë e pamundësisë për të mbyllur muajin, për të mbushur makinën me naftë, për të shlyer kredinë, për të paguar ujin, dritat e internetin, apo tarifën e universitetit. Ne e kemi shembullin para syve tanë prej ditësh për të kuptuar se ku jetojmë dhe pse jemi në rrezik. Shqipëria e vërtetë është ajo 90 vjeçarja në azil që s’ka kush kujdeset për të dhe që nuk tërheq dot 600 mijë lekët që i ka kursimin e jetës. Shqipëria që duan këta, Rama me Veliajn, është ai ministër, ish-ministër, apo ortak në krim, që ka ato 30 milionë dollarët që figurojnë në emër të së moshuarës, për të cilat ajo nuk di asgjë. Shqipërinë e vërtetë që po asfiksohet, që e ka lakun në fyt mund ta shpëtojmë vetëm ne, vetëm njerëzit që ngrihen në këmbë. Ju që jeni sonte këtu, e shumë të tjerë që do të na bashkohen. Shqipëria duhet dhe do të shpëtohet, sepse kjo është një çështje që na përket të gjithëve ne. Ndaj sot, nga ky shesh, i them çdo socialisti të ndershëm: Ku e shihni ndershmërinë tek Edi Rama? Tek asfalti më i shtrenjtë në Europë?
Tek inceneratorët? Te përgjimet e BILD-it dhe Antimafias italiane? I pyes me sinqeritet, ku e shihni ngjashmërinë me Edi Ramën? A keni ju avion privat për të takuar fëmijët në mërgim? Sa i ka rritur rrogat dhe pensionet tuaja? Sa rrugë ka ndërtuar dhe ku janë? Ku është rindërtimi? Mashtrime të gjitha! Në Ukrainë nafta kushton më lirë, në Europë po ashtu. Ku do i gjeni paratë për të mbushur tryezat, makinën – kush ka! Me çfarë rrogash do e përballoni jetesën? Të dashur miq, Shqipëria nuk është e varfër. E ka varfëruar ky! E ka vjedhur ky, cep më cep! Nuk la lumë pa shkatërruar, pyll pa prerë, tokë në bregdet pa vjedhur; nuk la oborr e lulishte në Tiranë pa e betonizuar. I pangopur me paratë tuaja, me taksat, djersën dhe mundin tuaj. Ndaj, kurre mos thoni me ç’me duhet mua. Shpetimi i vendit tone, tashme është kthyer ne detyrë kombëtare. Ta ndalim me qëndresë! Të gjithë bashkë! Poshtë babëzia! Poshtë hajdutëria! Rroftë rinia! Rroftë Shqipëria!"
Albana Vokshi TIRANË- Deputetja e Partisë Demokratike Albana Vokshi u shpreh se nuk do të ndalen deri në rrëzimin e qeverisë ...
Edi Rama dhe Belinda Balluku TIRANE- Kryeministri Edi Rama është i pashqetësuar nga protesta e Partisë Demokratike poshtë zyrë...
Shkëlzen Berisha dhe Julian Deda TIRANË- Sali Berisha, përveç bashkëshortes Lirie, ka me vete edhe djalin e tij, Shkelzënin...
Agron Shehaj TIRANË- Deputeti Agron Shehaj ka deklaruar se Partia Demokratike është alternativa e vetme për vendin. Gjatë pr...
Eva Metaj TIRANË- Studentja Eva Metaj ndodhet në protest ditën e sotme, pikërisht ditën kur duhej të ishte duke hedhur kapele...
Dhurata Çupi, Grida Duma, Ervin Salianji dhe Dashnor Sula TIRANE- Edhe pse e kritikojnë për drejtimin e Partisë, deputetët e Pa...
Sali Berisha dhe dhurata TIRANË- Kryedemokrati Sali Berisha ka marrë një dhuratë sot gjatë protestës së Partisë De...
Pamje nga protesta TIRANË- Protesta e thirrur nga ish-kryeministri Sali Berisha ka mbushur gjithë Bulevardin. Mijëra qytetarë jan&...
Entela Dvorani TIRANË- Avokatja Entela Dvorani ka kërkuar që kryeministri Edi Rama të bisedojë me të. E pranishme në pro...
Foto nga video SHKODER- Dega e Partisë Socialiste në Shkodër ka nxjerrë një tjetër version për pjesëma...
