Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Kryeministrja e Danimarkës, Mette Frederiksen, vizitoi ditën e sotme Tiranën. •Ajo u takua me kryeministrin Edi Rama, me të cilin zhvilloi edhe një konferencë për mediat. •Frederiksen, deklaroi se Shqipëria është një aleate e rëndësishme në NATO, ndërsa shprehu mbështetjen ndaj vendin tonë në hapat e mëtejeshëm. •Nga ana tjetër, Rama deklaroi se Shqipëria ka pësuar rritje të turistëve danezë ndërsa i sygjeroi homologes së tij, që ta promovonte vendin tonë në rrjetet sociale. •Kreu i Qeverisë, u pyet për zhvillimet në PD. •Edhe pse nuk komentoi çështjen e vulës, Rama tha se të gjitha partitët do marrin pjesë në zgjedhje, duke hedhur poshtë aludimet se opozita rrezikon të mbetet jashtë 14 Majit.
4 artikuj për këtë temë.
TIRANË- 'Nuk ka parti që nuk do futet në zgjedhje'- deklaroi sot kryeministri Edi Rama në konferencën e përbashkët me kryeministren e Danimarkës. Rama u pyet nga gazetarja e 'Syrit' se nëse është i shqetësuar që opozita rrezikon të mos regjistrohet në zgjedhje. Rama deklaroi se në dijeninë e tij, të gjitha partitë do futen në zgjedhje.
Ambrozia: A jeni të shqetësuar që partia më e madhe rrezikon të hyjë në zgjedhje?
Rama: Mua nuk më rezulton që nuk do ketë parti që nuk do hyjnë në zgjedhje, të gjithë do hyjnë e do hyjnë si çeço. Se në zgjedhje nuk hyhet për njërin apo tjetrin por për qytetarët. Do ishte mrekulli sikur dhe ne të ishim si Danimarka e të kishim atë që ka Danimarka, por për të bërë këtë ëndërr realitet do duhet të marrim disa hapa.
TIRANË- Kryeministri Edi Rama nuk komentoi asnjë lëvizje që po ndodh nga kahu opozitar. Gjatë konferencës së përbashkët me kryeministren e Danimarkës, Rama u pyet nga gazetarët për vulën e PD-së dhe gjyqin në Apel. Kreu i Qeverisë nuk i komentoi ngjarjet që kanë ndodhur, duke shtuar se nuk flet për këto tema në prani të miqve që vijnë nga jashtë.
'Unë nuk flas në prani të miqve që vijnë nga jashtë, apo nuk ndaj në konferenca që janë në marrëdhënie me Shqipërinë'- tha Rama.
TIRANË- Në një konferencë për mediat me kryeministrin Edi Rama, kryeministrja e Danimarkës Mette Frederiksen, tha se me kreun e qeverisë diskutuan për shumë projekte të përbashkëta. Ajo shprehu vlerësim për arritjet e Shqipërisë, duke shtuar se do ta mbështesin vendin tonë në hapat që do marrë.
‘Shqipëria është një partner mjaft i vlerësuar për Danimarkën dhe ju jeni një aleat mjaft i vlerësuar i NATO-s. Unë shpresoj se ne të ndërtojmë një partneritet edhe më të plotë dhe jam e sigurt për këtë. 10 ditë më parë shënjuam edhe 1 vjetorin Luftës në Ukrainë dhe kjo ishte një nga temat tona kryesor. Ju keni reaguar mjaft qartë në Këshillin e sigurimit, jeni bashkuar me sanksionet që në fillim. Por kështu është një pjesë mjaft e fortë e çeljes së negociatave. Unë e di që ju keni kapacitetin për ta bërë këtë dhe ne ju mbështesim në drejtim tuaj këtu, më vjen keq për gjerat që po përjetoni në Shqipërinë për shkak të luftës. Na duhet të punojmë së bashku edhe për këto çështje. Na duhet një bashkëpunim më i fortë ku vjen fjala për emigracionin. Jeni një zë shumë i fortë kur vjen fjala për vlerat evropiane.’- tha Mette.
TIRANË- Kryeministri Edi Rama deklaroi se Shqipëria ka rritje të numrit të turistëve danezë. Këtë e tha gjatë konferencës së sotme të zhvilluar së bashku me kryeministren e Danimarkës. Me shaka, Rama i tha se e kanë pritur me mot danez, pa diell.
'Dua ti them se ne shikojmë rritje të numrit të turistëve danezë në Shqipëri. Janë rritur vit pas viti, ndërkohë që shohim interesim të sipërmarrjes daneze. Dhe me projekte të tjera, në fushën e energjisë dhe tregtisë. Duke qënë personazh jo pak i rëndësishëm në rrjetet sociale, duke pasur të rinj në rrjetet sociale të ketë influencuar në rritjen e turizmit danez në Shqipëri, edhe pse koha e qëndrimit e saj është e shkurtër... bëmë çmos që ta prisnim në një kohë daneze, pra mos të kishte shumë diell që të ndihej si në shtëpinë e vet. Jam i lumtur që je këtu pasi vizita u shty, nuk e konsideroj vizitën e fundit, mesa unë kuptoj ti do fitosh zgjedhjet në Danimarkë.'- tha Rama.
