Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Replikat e forta u zhvendosën mes vetë demokratëve. Noka i quajti të shitur mbështetësit e Alibeajt, ndërsa Bardhit i kujtoi vrasjen e Pjerin Xhuvanit. Ky i fundit u shpreh se ka qenë Berisha ai që u ka kërkuar deputetëve të mos votojnë pro ngritjes së Komisionit për Investimet Strategjike.
TIRANË- Kuvendi i Shqipërisë ka rikonfirmuar për një mandat tjetër, Gentiana Sulën në krye të Autoritetit për Informimin mbi dokumentet e ish sigurimit të Shtetit. Me 105 vota pro, 1 kundër dhe 1 abstenim, Sula mori ‘OK’-n e Kuvendit të Shqipërisë për të dytën herë. Për 5 vite të tjera, ajo do të drejtojë Autoritetin e Dosjeve. Për rrjedhojë, kandidatura e Simon Mirakajt, emër i propozuar nga ish-kryeministri Sali Berisha e që hapi mjaft debat u rrëzua. Po ashtu, sot me 108 vota kaloi edhe përbërja e dy Komisioneve, për Reformën Zgjedhore dhe Territoriale. Vendimi është marrë në fund të seancës plenare të Kuvendit që u mbajt sot e zgjati për thuajse 10 orë. Dy bashkëkryetarët do të jenë Benet Beci dhe Dhurata Çupi, ndërsa veç tyre, grupi do të përbëhet nga 16 anëtarë, nga 8 si tek maxhoranca, ashtu edhe tek opozita. Duke përfshirë këtu PD dhe aleatët, por vetëm Oerd Bylykbashi është i vetmi përfaqësues i kryedemokratit Sali Berisha. Ndërsa me shumicë votash u rrëzua ngritja e Komisionit Hetimor për Investitorët Strategjikë.
Debate të ashpra ka pasur nga interpelanca mes deputetes së Partisë Demokratike, Ina Zhupa dhe ministres së Kulturës, Elva Margariti. Zhupa tha se tashmë edhe procesi kërkimor është në duart e fondacionit kërkimor. Deputetja shtoi se edhe ky proces që i takon shtetit, tashmë po ja kalojnë privatit, ndërsa Margariti nga ana tjetër mohoi se aty do të bëheshin ndërtime e resorte. Më pas, Deputetja e Partisë Demokratike nxorri një foto nga zona e Pemës së Thatë në Ksamil dhe tha se aty janë bërë ndërtime pavarësisht se duhet të ishte një zonë e mbrojtur. Zhupa tha se aty janë ndërtuar biznese e se u është hapur rruga për resorte.
Kryeministri Edi Rama pati një debat me demokraten Jorida Tabaku për mirëqënien në vend, duke rënë dakord për herë të parë edhe me Sali Berishën. Sot, Rama pranuar se Shqipëria ka çmimin më të lartë në rajon dhe se bordi që është krijuar për vendosjen e çmimeve të karburanteve, është komunist. Po ashtu, sot për herë të parë, Rama pati dhe përplasjen e parë me kryetarin e Partisë Demokratike, Sali Berisha. Edhe pse deri më tani, edhe pyetjet që gazetarët i kanë bërë për të, i ka injoruar. Berisha tentoi të merrte fjalën në Kuvend, por kryetarja e Parlamentit, Lindita Nikolla nuk ia lejoi. Berisha e konsideroi një turp, ndërsa Rama iu kthye duke i thënë se ishte një person i padëshirueshëm. E më pas iku nga Kuvendi.
E pikërisht nga ky moment, replikat e forta u zhvendosën mes vetë demokratëve.
Sekretari i Përgjithshëm i Partisë Demokratike, Flamur Noka u shpreh se grupi i PD-së që mbështet Enkelejd Alibeajn urdhërohen nga vetë Rama dhe se janë opozita e emëruar. Noka tha se ata anëtarë të PD-së nuk zbuluan asgjë të re as me Komisionin e Inceneratorëve e për rrjedhojë, s’kishin pse të nisnin një të dytë për Investimet Strategjike. Ai iu drejtua Gazment Bardhit dhe i tha se është bërë deputet mbi gjakun e një personi, referuar vrasjes së Pjerin Xhuvanit në Elbasan, ngjarje e ndodhur vetëm katër ditë para zgjedhjeve të 25 prillit. Ndërsa Bardhi akuzoi Berishën e tha se ai u ka dërguar mesazh deputetëve që të mos e votojnë Komisionin Hetimor për Investimet strategjike. Ai tha se Komisioni për Investimet Strategjike u rrëzua pasi një ministër mund të përfundonte pas hekurave, duke përmendur se Berisha po mbron Olta Xhaçkën. Përplasja vazhdoi, e më pas kulmoi me largimin e deputetit të PD-së Edmond Spaho nga seanca. Ky i fundit u përjashtua pasi përdori termin ‘bastardë’ për anëtarët e maxhorancës, gjë që solli penalizimin e tij dhe heqjen e pagës së një dite.
Edmond Spaho TIRANË- Deputeti i Partisë Demokratike Edmond Spaho është përjashtuar nga seanca parlamentare ditën e sotme. Ven...
TIRANË- Ish-kryeministri Sali Berisha ka hedhur akuza të forta ndaj qeverisë dhe kryeministrit Edi Rama duke u shprehur se e ka mbushur Kuvenin m...
Pamje nga takimi në Ambasadë TIRANË- Ambasadorja Amerikane në Shqipëri, Yuri Kim ka organizuar një takim me ish-ministrat e J...
Taulant Balla TIRANË- Kreu i grupit parlamentar i Partisë Socialiste, Taulant Balla kërkoi nga opozita që të mos dalë kund&eu...
Taulant Balla TIRANË- Kreu i grupit parlamentar i Partisë Socialiste, Taulant Balla kërkoi nga deputetja e Partisë Demokratike Jorida T...
Agron Gjekmarkaj TIRANË- Deputeti i Partisë Demokratike, Agron Gjekmarkaj kërkon nga Qeveria që të shpallin Vatikanin si partner s...
Erion Brace TIRANË- Deputeti i Partisë Socialiste, Erion Braçe kërkoi nga qeveria që të rregullojë çmimin p&eum...
Dashnor Sula TIRANË- Depueti i Partisë Demokratike Dashnor Sula ka akuzuar kolegët e Opozitës se nuk flasin për çmimet e k...
Dashnori Sula TIRANË- Deputeti i Partisë Demokratike Dashnor Sula ka treguar çmimet e produkteve bazë. I pranishëm në Kuve...
Eduard Shalsi TIRANË- Deputeti i Partisë Socialiste, Eduard Shalsi e quan Sali Berishën lider mediokër. Gjatë fjalës së ...
