Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Në deklaratën e tij, Berisha u ndal veçanërisht te takimi i kryeministrit me shqiptarët e diasporës, duke e akuzuar Ramën për qëndrime dhe politika, sipas tij, në dëm të interesit kombëtar dhe orientimit perëndimor të Shqipërisë.
TIRANË- Kreu i Partisë Demokratike, Sali Berisha ka akuzuar ashpër kryeministrin Edi Rama, duke e cilësuar atë armiku më i egër i kombit shqiptar pas Enver Hoxhës. Në deklaratën e tij, Berisha u ndal veçanërisht te takimi i kryeministrit me shqiptarët e diasporës, duke e akuzuar Ramën për qëndrime dhe politika, sipas tij, në dëm të interesit kombëtar dhe orientimit perëndimor të Shqipërisë.
Ai e akuzoi kryeministrin edhe për korrupsion dhe keqmenaxhim të fondeve publike, duke e cilësuar “hajdutin më të madh të të gjitha kohërave”. Në vijim të deklaratës, Berisha u ndal te marrëdhëniet rajonale dhe politikat e Shqipërisë në Ballkanin Perëndimor, duke kritikuar nismën e “Ballkanit të Hapur”, të cilën e quajti projekt që, favorizonte hegjemoninë e Serbisë në rajon dhe cenonte interesat e Kosovës.
Ai akuzoi gjithashtu Ramën për qëndrime të gabuara ndaj Kosovës, përfshirë, sipas tij, nisma dhe deklarata që kanë ndikuar negativisht në marrëdhëniet mes dy vendeve dhe në proceset eurointegruese të rajonit. Berisha përmendi edhe çështjen e sanksioneve ndaj Rusisë dhe zhvillimet pas luftës në Ukrainë, duke pretenduar se qëndrimet e qeverisë shqiptare kanë qenë të papërshtatshme në raport me aleatët perëndimorë.
“Të dashur qytetarë dhe qytetare. Jam sot këtu për të deklaruar në emër të Partisë Demokratike sa vijon. Sot, në takimin me shqiptarët e diasporës, mori fjalën Edi Rama, armiku më i egër i kombit shqiptar pas Enver Hoxhës. Ai është armik i egër i interesit kombëtar, i vokacionit perëndimor dhe vetë ekzistencës së shqiptarëve si komb. Njëkohësisht, është dhe hajduti më i madh i të gjitha kohërave i fondeve dhe pasurive publike të këtij vendi. Një ndër analistët më të shquar të Evropës e ka quajtur Edi Ramën për shërbimet që i ka bërë Serbisë si kryeministrin më të mirë të këtij vendi pas Nikolla Pashiç. Aq e vërtetë është se, aq e vërtetë është se pas Enver Hoxhës, që deklaronte me krenari se Kosovën ja lamë serbëve, Edi Rama në këto vite pushteti, është tradhtari më i madh i Kosovës dhe kombit shqiptar. Fill pas ardhjes së tij në pushtet, Edi Rama, si argati i Vuçiçit, u angazhuar direkt në projektin e ndryshimit të kufijve dhe ndarjes së Kosovës. Pas dështimit të këtij projekti antishqiptar, ai bashkë me patronin e tij Vuçiç dhe veglën e tyre Zajev, themeluan në samitin e Novi Sadit, Minishengenin Ballkanik apo Ballkanin e Hapur. Në hartën zyrtare të kësaj aliance trilaterale Beograd-Tiranë-Shkup, Republika e Kosovës paraqitej e integruar tërësisht brenda hartës së Serbisë së Madhe. Kjo aleancë që de facto dhe de jure sanksiononte hegjemoninë politike dhe ekonomike të Serbisë në rajon, rikthimin në një farë mënyre të mini-Jugosllavisë të dominuar nga Serbia, u mbështet haptas dhe fuqishëm nga Sergej Lavrov dhe përfundoi në koshin e turpit të historisë pasi u hodh poshtë nga vendet e tjera të rajonit dhe Bashkimi Evropian.
Edi Rama u bë publikisht avokati më i turpshëm, më i zellshëm i Aleksandër Vuçiç dhe i Rusisë së vogël në Ballkan pas agresionit rus në Ukrainë. Ndërkohë që Bashkimi Evropian dhe NATO vendosën sanksione ndaj Rusisë, Edi Rama kalonte nga samiti në samit duke hequr çdo maskë dhe insistuar që Serbisë, patronit të tij Vuçiç, të mos i kërkohej zbatimi i sanksioneve ndaj Rusisë, me argumentin absurd se Beogradi nuk mund t'i zbatojë ato, madje është më mirë të mos i kërkohet dhe të mos i zbatojë. Më tej, pa asnjë tagër, ai mori përsipër projektin e Asociacionit të Komunave Serbe, i cili synonte rikthimin e shtetit serb në territore të gjëra të Kosovës dhe asgjësimin e pavarësisë së saj. Edi Rama këtë projekt e mori direkt të firmosur nga patroni i tij, Aleksandër Vuçiç. Edi Rama u tregua armik i egër i shqiptarëve të Kosovës. Mbase ai do ishte i pari në Evropë që propozoi dhe vendosi sanksione ndaj qeverisë dhe Republikës së Kosovës. Duke deklaruar dhe deklaroi se veriu i Kosovës është toka e askujt dhe se Kosova rrezikonte të kthehej në kohën e bronzit dhe më vonë kërkoi publikisht dhe loboi haptas për mos heqjen e vizave për shqiptarët e Kosovës nga Bashkimi Evropian dhe kjo edhe pasi vendimi ishte marrë. Puthadori i Beogradit hyri në historinë botërore si i pari kryeministër që ngriti padi në gjykatë ndaj kryeministrit të një vendi tjetër, si në rastin konkret, ndaj Ramush Haradinajt, kryeministrit të Kosovës, dhe vetëm e vetëm sepse ky i fundit mbronte integritetin territorial dhe sovranitetin e vendit të tij nga planet Rama-Vuçiç.
Edhe pas aktit terrorist në Banjskë, në vend që të dënonte me forcë falangat e Beogradit, Rama kërkoi menjëherë, brenda orë, konferencë ndërkombëtare për Kosovën, duke tentuar në këtë mënyrë të përfshinte Rusinë në tryezë në krah të Aleksandër Vuçiç dhe kundër interesave të shqiptarëve në Kosovë dhe rajon. Ai nuk gjeti një fjalë të vetme të ngushëllonte fjalët e dëshmorit të dheut që ra në Banjskë në mbrojtje të territorit të Kosovës. Së fundmi, Edi Rama mund të shpallet Pashiç Emeritus i Serbisë, pasi në politikat e tij ka tejkaluar edhe platformën e Vaso Çubrilloviçit për dëbimin e shqiptarëve nga Shqipëria. Shifrat janë alarmante. Nga viti 2015 deri në vitin 2024, vetëm në hapësirën e Shengenit janë larguar 1,990,000 shqiptarë. Së bashku me emigrantët në vende të tjera, janë rreth 45% e popullsisë të larguar nga vendi. Ndërkohë, në vitet 2007-2014, numri i shqiptarëve në Shqipëri u rrit çdo vit. Edi Rama është armik i lirisë së shqiptarëve, sepse sipas të gjitha dokumenteve dhe raporteve ndërkombëtare, ai ndërtoi për interesa të pushtetit të tij në Shqipëri narkoshtetin e parë dhe të vetëm në Evropë, duke damkosur në këtë mënyrë Shqipërinë dhe kombin shqiptar. Duke u lidhur me kartelet e drogës, ai shndërroi procesin zgjedhor në një farsë zgjedhore, asgjësoi shtetin ligjor dhe së fundi, me mburojën kundër vjedhjeve të tij dhe bashkëpunëtorëve, familjarëve të tij, ai po mbyll dyert e integrimit të Shqipërisë në Bashkimin Evropian,“ tha Berisha./Dosja.al
TIRANË- Deputeti i Partisë Demokratike, Oerd Bylykbashi, deklaroi se rritja e çmimeve të naftës dhe produkteve të tjera baz&eu...
Karburantet TIRANË- Bordi i Transparencës është mbledhur ditën e sotme duke përcaktuar çmimet e reja që do t...
Eva Baçi TIRANË-Samiti i Diasporës i organizuar nga kryeministri Edi Rama nuk ka shkuar sipas planeve. Kjo pasi në një prej pane...
Leonidha Hristo TIRANË- Gjykata e Posaçme kundër Korrupsionit dhe Krimit të Organizuar ka dënuar me 4 vite burgim ish-krye...
Foto Ilustruese TIRANË- Kuvendi miratoi të enjten me 76 vota të mazhorancës socialiste një nismë ligjore të mbështe...
Edi Rama TIRANË- Kryeministri Edi Rama foli sot për “Paketën e Maleve”,, duke e quajtur si një instrument për zhvillim...
elvis roshi KAVAJË- Struktura e Posaçme ka kërkuar pushimin e hetimeve për 6 episode të shpërdorimit të detyr&eu...
Edi Rama TIRANË- Kryeministri Edi Rama ka folur në lidhje me drejtësinë në vend, të cilët e ka quajtur të pava...
Edi Rama TIRANË- Kryeministri Edi Rama ka dekalruar se imazhi i Shqipërisë në botë ka ndryshuar për mirë. Gjatë...
Edi Rama TIRANË- Kryeministri Edi Rama ka deklaruar se emigrantët shqiptarë janë pjesë e forcës transformuese të ve...
