Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Meta tha se kandidatët e koalicionit janë zgjedhur nga vetë qytetarët të cilët pas 14 majit do të sjellin ndryshim, pasi opozita dëshiron më të mirën për pushtetin vendor.
DELVINË- Kryetari i Partisë së Lirisë, Ilir Meta ka deklaruar se ‘Rilindja’ ka çuar vendin në shpopullim dhe nuk po mbështet të rinjtë. Nga prezantimi i kandidatit të koalicionit ‘Bashkë Fitojmë’ për Bashkinë Delvinë, Ilir Mehmeti, Meta tha se kandidatët e koalicionit janë zgjedhur nga vetë qytetarët të cilët pas 14 majit do të sjellin ndryshim, pasi opozita dëshiron më të mirën për pushtetin vendor.
Po ashtu Meta ka theksuar se qeveria e Edi Ramës nuk dëshiron që t’i shërbejë qytetarëve por vetëm kryebashkiakë që firmosin ‘fët e fët’ dhe kallëzohen në prokurori duke mos mbyllur as mandatin. Në fund Meta tha se një e treta e kandidatëve të kryeministrit Rama nuk arritën të shkojnë në fund të mandatit sepse ose kishin nga 3 emra, ose përfunduan në prokurori për korrupsion ose akuza të tjera.
"Dy janë shtyllat kryesore të shpopullimit të Shqipërisë, programi i mirëstrukturuar që zbaton prej vitesh sekti i Rilindjes, një është braktisja e plotë e bujqësisë, e blegtorisë. Së dyti është zhdukja e të gjithë institucioneve dhe shërbimeve, dhe natyrisht mosmbështetja e të rinjve dhe të rejave. Dhe besoj se Delvina pikërisht është prekur si shumë bashki të tjera për këtë arsye, që nuk janë një rastësi, por që janë tërësisht të qëllimshme dhe të programuara. Në mënyrë që nga këto treva, që janë ndër trevat më patriotike, që kanë mbajtur peshë të madhe në të gjithë historinë e kombit tonë, se siç është rasti i Delvinës, është edhe rasti i Kolonjës. Janë edhe shumë treva të tjera, që sot janë tërësisht të braktisura, të harruara qëllimisht. Dhe kjo kërkon një ndëshkim të menjëhershëm në 14 Maj, në mënyrë që jo vetëm të ndëshkojmë këtë braktisje, këtë harresë, këtë lënie pas dore të qëllimshme të Delvinës, por njëkohësisht të rikthejmë shpresën, por dhe të zgjedhim njerëz të aftë, që ato resurse të jashtëzakonshme që ka patur Delvina dhe që ende i ka, t’i vërë në lëvizje dhe të sjellin mirëqenie. Ne jemi krenarë si koalicioni “Bashkë Fitojmë” që kemi respektuar vullnetin e qytetarëve dhe të anëtarëve në procesin e përzgjedhjes së kandidatëve dhe jemi krenarë që edhe sot jemi këtu së bashku, edhe me kandidatët tanë të mrekullueshëm të Sarandës me Ardit Cikulin, të Konispolit me z.Shero, etj për të mbështetur një kandidat që ju e njihni shumë mirë, një administrator të shkëlqyer, një inxhinier të aftë, një ekspert edhe të çështjeve të pushtetit vendor, siç është z.Ilir Mehmeti.
Sepse është shumë e rëndësishme që të kemi në konsideratë, se pushteti vendor është një pushtet i përditshëm, me të cilin interesat tuaja janë jetike dhe natyrisht që vetëm njerëz me integritet, me vizion mundet t’ju shërbejnë juve me atë përkushtim që ju meritoni, por edhe tu japin zgjidhje problemeve, por edhe të vënë në lëvizje të gjithë ato potenciale dhe resurse që Delvina i ka patur dhe ende i ka. Kudo në Qarkun e Vlorës, kandidatët tanë janë mbizotërues, janë superiorë, nga Selenica në Konispol. Sepse dallimi në radhë të parë është tek qëllimi. Qëllimi ynë ka qenë të zgjedhim më të mirët, dhe që të mos gabojmë le t’ua lëmë anëtarëve apo simpatizantëve dhe më pas t’i drejtohemi popullit. Qëllimi i palës tjetër ka qenë, “Edhe një hu po të vëmë, këta do ta votojnë se nuk dinë të bëjnë gjë tjetër”. Prandaj i caktojnë në minutën e fundit, prandaj i caktojnë ashtu siç i caktojnë. Dhe mos harroni Edi Rama, edhe para katër vitesh, kur ishte i vendosur që t’i emëronte, jo të bënte zgjedhje, ju e dini shumë mirë se çfarë kandidatësh vendosi. 1/3 e kandidatëve të bashkive që ai emëroi, nuk e mbyllën dot mandatin, sepse kishin nga 3 emra, sepse shkuan në prokurori për korrupsion dhe për çështje të tjera, sepse nuk ekziston në mentalitetin e tij dhe të Rilindjes si qëllim kryesor, shërbimi ndaj qytetarëve, shërbimi ndaj komunitetit.
Ata duan vetëm kryetarë bashkie që firmosin “fët e fët”, dhe pasojat i dinë dhe i vuajnë qytetarët.
Prandaj të gjithë të shkojmë në 14 Maj të votojmë që Delvina të hyjë në rrugën e pakthyeshme të Ndryshimit, njëherë e përgjithmonë si e gjithë Shqipëria, që Delvinës t’i rikthehet shkëlqimi i dikurshëm, sepse ajo e ka traditën, e ka historinë, ajo e ka të gjithë potencialin e duhur, edhe njerëzor, por duhet ti japim besimin dhe unë jam i bindur që ju duke zgjedhur Ilir Mehmetin, i jepni mundësinë atij, që ai të afrojë djemtë dhe vajzat më të mirë dhe më të kualifikuar të Delvinës. I jepni atij mundësinë që ai të përgatisi projektet të cilat do të mbështeten pa asnjë diskutim dhe ne do ti japim vëmendjen e merituar dhe mbështetjen e merituar Delvinës, në mënyrë që Delvina të mos ketë vetëm një histori të lavdishme, por të ketë edhe një të ardhme të shkëlqyer siç e meritojnë delviniotët. Fitore për Delvinën dhe për të gjithë Shqipërinë më 14 Maj," tha Meta.
ELBASAN- Kryeministri Edi Rama nga Elbasani ka folur për ecurinë e punëve në Tropojë. Rama u shpreh se prej 4 vitesh që e kan&eu...
Edi Rama ELBASAN- Kryeministri Edi Rama ka sulmuar rivalin e Gentian Llatjas në Elbasan Luçiano Boçin. Gjatë një takimi m...
Edi Rama ELBASAN- Kryeministri Edi Rama është shfrenuar me premtimet elektorale në Elbasan. Duke prezantuar kandidatin për kryebas...
Edi Rama ELBASAN- Kryeministri Edi Rama ka komentuar deklaratat në rrjet për këngën e zgjedhur nga ai për fushatën elekt...
Ilir Meta TIRANË- Kreu i Partisë së Lirisë Ilir Meta ka publikuar foto nga turi i takimeve të fushatës zgjedhore dhe kre...
Kamëz KAMËZ- Ferit Gjokola jeton prej vitesh në një shtëpi private në rrugën OSBE në Kamëz, por ai nuk ës...
Sali Berisha SARANDË- Kreu i Partisë Demokratike Sali Berisha ka deklaruar se kryeministri Edi Rama po tenton që të dërgojë m...
Sali Berisha TIRANË- Kryedemokrati Sali Berisha i është përgjigjur kryeministrit Edi Rama, i cili u kërkoi banorëve të K...
Erion Veliaj dhe Bardh Spahia TIRANË- Fushata e zgjedhjeve lokale ka sjellë dhe përplasje, këtë herë, jo mes kandidatëve...
Ilir Meta SARANDË- Kreu i Partisë së Lirisë Ilir Meta ka deklaruar se sjellja e Rilindjes me Sarandën e Butrintin ka qenë e...
