Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Meta sfidoi publikishte edhe gazetarët për një ndeshje ping-pongu, si mënyrë për të provuar gjendjen e tij fizike, ndërsa ironizon edhe çështjen e veshjes së tij, duke theksuar se kostumet janë të vjetra për shkak të qëndrimit të gjatë në “riedukim”.
TIRANË- Ish-presidenti i vendit, Ilir Meta ka folur për transformimin e tij fizik, që ka pësuar gjatë paraburgimit. Në një intervistë për emisionin “Opinion”, ai u shpreh se është e vërtetë që është dobësuar, por kjo ka ardhur si pasojë e stërvitjes 4 orë në ditë, ndërkohë shtoi se është shumë më i shëndetshëm dhe i fortë se më parë.
Meta sfidoi publikishte edhe gazetarët për një ndeshje ping-pongu, si mënyrë për të provuar gjendjen e tij fizike, ndërsa ironizon edhe çështjen e veshjes së tij, duke theksuar se kostumet janë të vjetra për shkak të qëndrimit të gjatë në “riedukim”.
Më tej, Meta kritikoi vendimin për të mos lejuar transmetimin live të seancave, duke e konsideruar absurd për një çështje me interes të lartë publik. Ish-presidenti kërkoi që qytetarët të kenë mundësi të ndjekin të plotë procesin, për të dëgjuar si akuzat, ashtu edhe mbrojtjen.
Kreu i Partisë së Lirisë u ndal edhe te çështja CEZ-DIA, ku tha se është trajtuar disa herë dhe madje e cilësoi edhe si “rekord Guinness” për numrin e proceseve. Po ashtu Meta shprehet se në asnjë nga procedurat e mëparshme, përfshirë arbitrazhin në Vjenë dhe hetimet parlamentare nuk është provuar përfshirja e tij.
"Jam i bindur se përshtypja apo çudia më e madhe ishte paraqitja ime në kafazin me “5 yje”. Ndërkohë e gjithë përpjekja e regjimit sorosist u përpoq të shpërqëndronte vëmendjen e publikut gjoja te paraqitja ime shëndetësore dhe madje edhe te gjendja ime “mendore”. Po, është e vërtetë, që jam dobësuar lidhur me peshën trupore, por kjo vjen për arsyen se çdo ditë bëj me intervale 4 orë stërvitje.
Por, jam shumë më i shëndetshëm dhe i fortë se më parë. Meqënëse nuk të kanë lejuar derimë tani për të bërë një intervistë, kërkoju leje të paktën që të bëjmë një ndeshje ping-pongu dhe po fitove një set do të jesh me shumë fat. Po kështu, kostumet janë të vjetra se po bëj gati 2 vite në “riedukim” dhe dorëarti i mirënjohur Altin Mici, nuk i di përmasat e reja.
Por të lutem, përqëndrohuni te thelbi i çështjes, pra ai i vendimit për t’u gjykuar në “kafaz” duke u bazuar në precedentin e një terroristi maroken që ka vrarë dhjetra francezë para një dekade. Pra përjashtimin ekstrem të ndodhur në Francë, GJKKO e kthen në standard “europian” të gjykimit. Pra proceset kundër Nicolas Sarkozy, Alain Jupee, Bernard Tapie dhe 99.99% e qytetarëve francezë, kanë qenë “anormale” për GJKKO-në tonë “speciale”.
Këta harrojnë se gjykata jo vetëm duhet të jetë e paanshme, por edhe duhet të paraqitet edhe në formë (jo vetëm përmbajtje) si e tillë. Pra këta as nuk shtiren që të hiqen si të paanshëm. Së dyti, vendimi për të mos lejuar transmetimin live është absurd, pasi kjo është çështje e interesit publik dhe çdo qytetar që ka interes apo dëshirë duhet ta ndjekë të plotë.
Duhet të dëgjojnë pretendimet e akuzës dhe provat apo faktet e saj, por duhet të dëgjojnë edhe argumentat, provat dhe faktet e paraqitura nga unë dhe avokati im. Cilado palë që nuk respekton rregullat e gjyqit mund të ndëshkohet nga gjykata. Në këto akuza nuk ka asnjë lloj sekreti shtetëror i dashur. Çështja më e përfolur prej 16 vitesh është CEZ-DIA. Është hera e katërt që po gjykohet (rekord guinness). Herën e parë gjyqi kundër Z. Ismailaj dhe 2 menaxherëve çekë ku asgjëkundi nuk ekziston emri im.
Herën e dytë në Arbitrazh (Vjenë) ku studio ligjore që mbrojti shtetin shqiptar, Clifford Chance, përveç një reagimi zyrtar para përfundimit, është shprehur zyrtarisht pas gjyqit në letrën drejtuar Ministrit Gjiknuri dhe Drejtorit të OSHEE, Adrian Çela, se ishte shumë e keqardhur që u keqpërdor nga mediat emri i të nderuarit Kryetar i Kuvendit dhe se nuk ekziston asnjë evidencë për ndonjë marrëdhënie jotransparente midis tij dhe administratorëve të DIA-s.
Herën e tretë, çështja DIA është hetuar si pjesë e hetimit të Komisionit Parlamentar për CEZ-in në vitin 2016, ku ka qenë i ftuar si dëshmitar edhe kallëzuesi im i mëvonshëm në tetor 2017 kur unë isha President i Republikës. As në këtë Komision Hetimor Parlamentar, ky person nuk më ka përmendur fare mua, por ka akuzuar përfaqësues të PD, jo vetëm për CEZ, por edhe për CEZ-DIA, madje duke ju referuar Z. Ismailaj dhe amerikanes Rebecca Gaskin.
Po kështu, në atë kohë ka akuzuar publikisht Partinë Demokratike se donte ta vriste. Çuditërisht pas kallëzimit ndaj meje në tetor 2017, si punonjës i OSHEE (2012-2014 ishte Drejtor i DIA-s), pas tre javësh kërkon statusin e dëshmitarit të mbrojtur duke shkruar në kërkesën e tij se një i dënuar me burgim të përjetshëm kishte dalë disa herë nga burgu natën për ta vrarë, por meqënëse nuk e kishte gjetur, ishte kthyer prapë në burg në të gdhirë.
Vetë prokurorja Donika Prela, në 2019, është shprehur se dëshmia e tij është indirekte, pra e pabesueshme për dhënien e statusit të dëshmitarit të mbrojtur. Por për prokurorin special, Z. Kraja, statusi i tij si kallëzues i “besueshëm” ishte i mjaftueshëm për të nisur një hetim tashmë 7-vjeçar të ri edhe pse CEZ-DIA ishte gjykuar njëherë në Shqipëri dhe ishin dhënë dënime fajësie.
Çuditërisht, po ky prokuror në vitin 2016 kishte mbyllur hetimet pas padisë zyrtare të Kontrollit të Lartë të Shtetit për faljen nga Rama të 479 milion eurove CEZ-it. Kjo padi, përveç auditimeve të specializuara të KLSH, bazohej edhe në konkluzionet e një studioje shumë të njohur ligjore franceze “Derains & Gharavi”, e cila ishte paguar nga Qeveria Berisha për të bërë një bilanc të llogarive midis CEZ-it dhe Qeverisë shqiptare (OSHEE) për të kuptuar gjendjen e detyrimeve reciproke dhe rrugët e zgjidhjes së marrëveshjes. Ky prokuror as denjoi ta thërriste KLSH në cilësinë e kallëzuesit sipas të dhënave të mia," tha Meta./Dosja.al
Foto ilustruse FIER- Melsi Bogdani u zgjodh ditën e sotme, kreu i ri i Këshillit Bashkiak të Fierit. Këshilli Bashkiak i Fierit&nb...
Një qytetar duke votuar në zgjedhjet e shkurtit më 2025 Kosova do t’i mbajë zgjedhjet parlamentare për herë t...
Genc Gjokutaj TIRANË- Avokati i Sali Berishës, Genc Gjokutaj i ka quajtur dëshmitë e Taulant Ballës sot në GJKKO n&...
Mirela Kumbaro TIRANË- Ministria e Arsimit, Mirela Kumbaro ka dalë nga zyrat e SPAK, pas 4 orësh që nga hyrja e saj në ambientet e...
Aleksandar Vuçiç SERBI- Presidenti i Serbisë, Aleksandar Vuçiç ka folur rreth nismës “Ballkani i Hapur”,...
Aleksandar Vuçiç SERBI- Polemikës së zhvilluar për një kohë të gjatë në Shqipëri, nëse nis...
Foto ilustruse SARANDA- Kryetarja e Komisionit të Kulturës, Turizmit dhe Diasporës, Ina Zhupa ka denoncuar ndotjen mjedisore e cila po b&eum...
Jamarbër Malltezi TIRANË- Dhëndri i kreut të PD-së, Sali Berisha, Jamarbër Malltezi, i cili është edhe i pandehur ...
Foto ilustruse TIRANË- Kreu i Grupit Parlamentar të PS, Taulant Balla ka përfunduar dëshminë e tij në GJKKO pë...
Kuvendi i Kosovës KOSOVË- Ushtruesja e detyrës së presidentit të Kosovës, Albulena Haxhiu, e ka shpallur 7 qershorin si dat&e...
