Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Seanca e parë plenare në Kuvendin e Shqipërisë për vitin 2026, nisi me tensione dhe kaos, pasi deputetët e Partisë Demokratike "pushtuan" foltoren. • Ndërkohë, Kryetari i Kuvendit Niko Peleshi mbajti fjalën e tij, por demokratët vijuar me zhurmë dhe duke hedhur akuza të ashpra ndaj qeverisë lidhur me skandalet e fundit. •Teksa opozita kishte "pushtuar' foltoren, Peleshi tha se tashmë Shqipëria ndodhet në fazë të re, lidhur me procesin e anëtarësimit në BE. •Ai theksoi se integrimi i vendit kërkon konsesus të gjerë dhe theksoi se objektivi socialistëve është mbyllja e negociatave teknike në vitin 2027. • Ndërsa, Kryedemokrati Sali Berisha tha se qeveria po mbron një personazh që është bërë famoz në botë për vjedhje me Edi Ramën. • Nga Kuvendi, Berisha u shpreh se prania e Belinda Ballukut në Kuvend, është provokacioni më i ulët ndaj shqiptarëve dhe i bëri thirrje Ramës të paraqitet vetë në Kuvend dhe mos të fshihet pas të tjerëve. • Me tone të ashpra foli edhe Kreu i Grupit Parlamentar të PD-së Gazment Bardhi, ku iu bëri thirrje socialistëve që të mos bëhen bunker i korrupsionit. • Gjithashtu Kreu i Grupit Parlamentar të PS, Taulant Balla u shpreh se mazhoranca nuk do të ndalet nga puna e saj pavarësisht qëndrimeve të opozitës. • Balla tha se ftesa e Trump për Bordin e Paqes është një lajm i mirë për Shqipërinë duke shtuar se opozita sërish nuk i ndali akuzat në lidhje me këtë rast. • Në fund, Balla i bëri thirrje opozitës që të bashkëpunojnë për reformat ose në të kundërt mazhoranca do të vijojë punën.
8 artikuj për këtë temë.
TIRANË- Kreu i Grupit Parlamentar të PS-së, Taulant Balla tha se ftesta e presidentit Trump, ndaj Ramës për t'ju bashkuar Bordit të Paqes, është një moment pozitiv dhe krenarie për Shqipërinë. Gjatë fjalës së tij në Kuvend, Balla tha se opozita duhet ta vlerësojë këtë moment për Shqipërinë.
Ai tha se Rama është partner i besueshëm i SHBA. Në fund, ai tha se opozita është e mirëpritur për të bërë reformën administrative dhe territoriale, ndërsa shtoi se nëse nuk paraqitet në komision do të bëjë ndryshime.
“Kuvendi i Shqipërisë sot mblidhet në këtë sesion të dytë, në një moment pozitiv dhe krenarie për Shqipërinë është ftuar të marrë një rol të paimagjinueshëm më parë, ftesa e presidentit të SHBA, Donald Trump, që e ka ftuar personalisht kryeministrin Edi Rama, t'i bashkohet një organizmi të ri ndërkombëtar, Bordit të Paqes. Do të vlerësoja maksimalisht që edhe PD, ajo që ka mbetur dikur nga PD, ta vlerësojë këtë moment për Shqipërinë. Fatkeqësisht, edhe për këto ngjarje, edhe ndaj këtij lajmi të mirë për Shqipërinë, u ngrit përsëri armata e qyqarëve. Nga e shtuna në darkë, filluan të bërtasin, në fillim thanë nuk ka ftesë, kur doli ftesa, thanë janë të gjitha vendet anëtare të OKB, pastaj thanë ftesa duhej e personalizuar.
Nuk është fare rastësi që nuk janë asnjëri prej krryeministrave dhe presidentëve të tjerë të Ballkanit Perëndimor. Situata degradoi në kampin e qyqarëve, kur me porosi të bufit, filluan të dalin në televizione, sa u detyrua edhe trampisti Tritan Shehu te televizioni i Xenit të na shajë SHBA. Nuk jemi vetëm pse jemi vend anëtar i NATO-s, por se Rama është partner i besueshëm i SHBA. Kohë për të humbur me ju, ne kemi zero. Doni të bëni reformën administrative dhe territorialen? Jeni të mirëpritur, nëse javën tjetër nuk vini në komision, do të bëjmë ndryshimet", theksoi Balla./Dosja.al
TIRANË- Kreu i Grupit Parlamentar të PS-së, Taulant Balla iu drejtua opozitës duke i thënë se nëse deri javën e ardhshme nuk paraqiten në Komision do bëj ndryshimin e vendimit. Gjatë fjalës së tij në Kuvend, Balla tha se kjo vlen edhe për reformën zgjedhore. Ai tha se Edi Rama është partner i besueshëm i SHBA.
“Një lajm i mirë për Shqipërinë për emrin e Shqipërisë, për emrin e shqiptarëve kudo në botë. Por armata e qyqarëve nisën të bërtasin. Në fillim thanë nuk ka ftesë, na jepni ftesën, pastaj thanë janë të gjithë vendet anëtare të OKB. Më pas na thanë se ftesa është e njëjtë edhe për presidentin e Argjentinës dhe më pas edhe për presidentin e Paraguajit. Nuk është rastësi që nuk janë asnjë prej kryeminitrëve të Ballkanit Perëndimor. Situata degradoi në kampin e qyqarëve ku me porosi të qyqit nisën të dalin edhe në TV.
E vërteta është e thjeshtë, sa i përket kësaj çështje, duhet thënë se Edi Rama është partner i besueshëm i SHBA. Sa i përket objektivave , dëgjojeni, kohë për të humbur me ju kemi zero. Doni të bëjmë reformën ejani. Nëse deri javën e ardhshme nuk paraqiteni në Komision do bëjmë ndryshimin e vendimit. Edhe për reformën zgjedhore nëse nuk vinin deri në javën e ardhshme…Tre gjëra mbajini mend zgjedhjet e ardhshme lokale, zgjedhjet e përgjithshme”, tha ai./Dosja.al
TIRANË- Seanca e parë parlamentare për vitin 2026 është mbyllur, pas 30 minutash nga nisja e saj. Ajo është shoqëruar me debate dhe tensione.
Kreu i Grupit Parlamentar të PD-së është përplasur me Kryetarin e Kuvendit, Niko Peleshi. Edhe Kreu i Grupit Parlamentar të Partisë së Lirisë, Tedi Blushi tha se Peleshi është provokatori më i madh pas Ramës./Dosja.al
TIRANË- Kreu i Grupit Parlamentar të Partisë së Lirisë, Tedi Blushi deklaroi se prania e zv/kryeministres Belinda Balluku në Kuvend, është një provokim ndaj opozitës. Gjatë fjalës së tij në Kuvend, Blushi u shpreh se Kryetari i Kuvendit, Niko Peleshi është provokatori më i madh pas Ramës.
“Po bëni provokim jo ndaj opozitës, por ndaj qytetarëve. Nuk mund të bëheni mburojë e korrupsionit. Niko je damkosur sot pas Ramës si provokatori më i madh. Prania e ballukut në sallë kur duhet ti ishte dorëzuar drejtësisë, është krim nga ana juaj”, tha Blushi./Dosja.al
TIRANË- Kreu i PD-së, Sali Berisha tha se qeveria po mbron një personazh që është bërë famoz në botë për vjedhje me Edi Ramën. Nga Kuvendi, Berisha u shpreh se prania e Belinda Ballukut në Kuvend, është provokacioni më i ulët ndaj shqiptarëve. Lideri demokrat i bëri thirrje Ramës të paraqitet vetë në Kuvend dhe mos të fshihet pas të tjerëve.
Berisha:Ju mbroni një personazh që është bërë famoz në botë për vjedhje me Edi Ramën. Mos provoko qytetarët. Provokacion i ulët ndaj qytetarëve shqiptarë. Prania e Lubisë në parlament provokacioni më i ulët ndaj shqiptarëve. Po të jetë burrë le të vijë ai tjetri, mos të fshihet pas Lubisë./Dosja.al
TIRANË Kryetari i Kuvendit, Niko Peleshi ka mbajtur e tij në fillim të sesionit të ri parlamentar, ku deklaroi se do vazhdojë ta kryejë detyrën e tij me paanësi. Teksa opozita kishte "pushtuar' foltoren, Peleshi tha se tashmë Shqipëria ndodhet në fazë të re, lidhur me procesin e anëtarësimit në BE. Pelshi theksoi gjithashtu se integrimi i vendit kërkon konsesus të gjerë dhe theksoi se objektivi socialistëve është mbyllja e negociatave teknike në vitin 2027.
“Si kryetar i Kuvendit do të vazhdoj të ushtroj detyrën me paanësi. Europa ka qenë fokus kryesor i veprimtarisë sonë, Shqipëria është në fazë të re, nga proces integrimi në proces anëarësimi. Kjo kërkon konsues të gjerë. Objektivi ynë është i qartë, mbyllja e negociatave teknike në vitin 2027. Kuvendi mban gjallë ekuilibrat kushtetuese. Mbështetja ndaj drejtësisë mbetet e palëkundur.
Sesioni që nisim sot, e para agjenda e integrimit europian, diplomacia parlamentare, mbikëqyrje më e fortë, një kuvend i hapur, 24/7. Na pret një volum i madh pune, është privilegj dhe përgjegjësi, ta afrojmë Shqipërinë me Europën. Kuvendi duhet të jetë më europian në etikë. Ju uroj punë të mbarë dhe suksese në këtë seksion parlamentar”, tha Peleshi./Dosja.al
TIRANË- Seanca e pare plenare për vitin 2026 ka nisur me tensione në Kuvend. Kreu i Grupit Parlamentar të PD-së, Gazemend Bardhi është përplasur me Kryetarin e Kuvendit, Niko Peleshi. Bardhi i është drejtuar Peleshit, duke i thënë se ka shkelur ligjin dhe se po bëhet mburojë e të korruptuarve.
"Ke shkelur ligjin, po bëhesh “mburojë” e të korruptuarve" tha Bardhi./Dosja.al
TIRANË- Seanca e parë plenare në Kuvendin e Shqipërisë për vitin 2026, ka nisur me tensione. Deputetët e Partisë Demokratike kanë "pushtuar" foltoren. Kryetari i Kuvendit Niko Peleshi ka nisur fjalën e tij, por deputetët e opozitës kanë vijuar me zhurmë./Dosja.al
