Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Kryetarja e Komisionit të Medias Ina Zhupa renditi shkeljet që ka bërë Këshilli Drejtues ndër vite. Zhupa gjatë fjalës së saj theksoi se procedura e paligjshme e zgjedhjes së Drejtorit të Përgjithshëm të RTSH-së, ishte “derdhja e kupës” për këtë institucion.
TIRANË- Komisioni i Medias ka nisur sot procedurat për shkarkimin e Këshillit Drejtues të RTSH-së. Në mbledhjen e sotme Partia Demokratike ka rënë në dakordësi më Partinë Socialiste që Këshilli Drejtues i institucionit të shkarkohet i gjithi.
Kryetarja e Komisionit të Medias Ina Zhupa renditi shkeljet që ka bërë Këshilli Drejtues ndër vite. Zhupa gjatë fjalës së saj theksoi se procedura e paligjshme e zgjedhjes së Drejtorit të Përgjithshëm të RTSH-së, ishte “derdhja e kupës” për këtë institucion.
“Është gjetur me shkelje të rënda dhe nga Kontrolli i Lartë i Shtetit. Unë me lejen tuaj dhe për shkak se këto janë me inciale, do kërkoja t’i lexonit në mënyrë individuale. Të jeni të bindur që të gjitha janë me shuma konkrete për shkelje që nga Këshilli Drejtues, orkestra sinfonike, te pagat, e me radhë të cilat janë shkelje që i kanë kushtuar edhe para buxhetit të shtetit. Duhet thënë që Këshilli nuk ka pasur asnjë reagim nga shkarkimet e padrejta që janë bërë nga puna që sot janë në gjyqe. Nëse këshilli do zbatonte kompetencat e veta, kjo gjë do të ishte shmangur. Nuk mund të fshihen që nga fakti që një drejtor “X” bëri një zgjedhje se ata kishin të drejtë ta shkarkonin. Është në shkelje të kuadrit ligjor për funksionimin e tij duke cenuar imazhin e transmetuesit publik. Bazuar në nenin 115 trë rregullores Kuvendit, ne ju ftojmë të vëmë në lëvizje këtë nen për shkarkim të anëtareve me ligj. Të miratojmë këtë raport për të vazhduar hapin e procedurës për të shkaktuar 9 anëtarët e ngelur të këshillit drejtues, kryetarin dhe 8 anëtarët. Të ndjekim procedurën ligjore dhe tu japim të drejtën për tu dëgjuar vetëm apo me avokat si të kenë dëshirë para këtij komisioni për ti dhënë të drejtën dhe në më pas për ti shqyrtuar”, tha Ina Zhupa.
Ndërsa nga Partia Socialiste foli Evis Kushi, ku theksoi se propozimi i Komisionit të Medias do t’i dërgohet kryetares së Kuvendit, Elisa Spiropali, e cila do t’a dërgojë në seancë plenare për miratim.
“Dua të prezantoj qëndrimin e deputetëve të maxhorancës që nuk bazohet vetëm në një ngjarje por qëndrim i konsoliduar, Bazohet në të gjitha argumentet faktet provat dhe të gjitha elementët që i kemi të parashtruara në raport. Nuk ka asnjë diskutim që këshilli drejtues në mënyrë të përsëritur ka shkelur ligjin dhe statutin, gjithë kuadrin ligjor. Në mënyrë të përsëritur. Ngjarja e fundit për zgjedhjen e drejtorit ishte pika e fundit që derdhi gotën pro shkelje dhe problematika, ka pasur në mënyrë të përsëritur dhe nuk është hera e parë që i vëmë në dukje por në çdo mbledhje që kemi zhvilluar për çështje për veprimtarinë e këtij institucioni. Ka pasur vërejtje nga të dyja krahët. Për sa i takon rastit më të fundit siç e përmendët, nuk janë respektuar hapat e procedurës, janë skualifikuar kandidatë që plotësonin kriteret. Nuk është respektua vota e fshehtë e të tjera. Është e dokumentuar që shumë prej anëtarëve të këtij këshilli janë në konflikt interesi. Nuk ka ndodhur në asnjë institucion që mos të prezantohet raporti. Këshilli drejtuesi i RTSH ka eliminuar dhe shmangur, të mos ushtrojë një detyrim me kushtetutë dhe ligj për të prezantuar raportin vjetor”, tha Kushi.
Në fund u miratua me unanimitet nga Komisioni i Medias kërkesa për shkarkimin e anëtarëve të Këshillit drejtues të RTSH.
Zhupa: Nga sot do të nisim procedurat për shkarkimin e anëtarët e këshillit drejtues të RTSH, raporti final do hartohet nga dy relatorë, një nga mazhoranca dhe një nga opozita. Nesër nisin dëgjesat për anëtarët e këshillit të RTSH, sipas rendit alfabetik.
Kushi: Duhet të fillojmë një proces të rishikimit të kuadrit ligjor, ka qënë një rast i përsëritur dhe duhen marrë masa. Mendoj edhe të rishikojmë ligjin ose statutin ose kodin e etikës, të shohim në detaje të gjithë kuadrin ligjor për të parandaluar shkelje të tilla në të ardhmen”.
Deputeti socialist Petro Koçi në fund të fjalës së tij theksoi nevojën për reformë të thellë për Këshillit Drejtues të RTSH-së.
“Ka nevojë për një reformë më të thellë. Formula aktuale është politike dhe ka nevojë për një tjetër, për mënyrën si propozohen dhe votohen në Parlament anëtarët e këshillit drejtues. E meta kryesore është formula politike. Duhet rishikuar formula. Procedurat për shkarkimin dhe zgjedhjen e këshillit të ri drejtues të RTSH do të kërkojë kohë. Kjo reformë do t’i takojë Parlamentit të ri”, tha Koçi.
KOSOVË- Kryetari i AAK-së, Ramush Haradinaj ka deklaruar se nuk është i kënaqur me rezultatin e zgjedhjeve të 9 shkurtit. N...
lumir abdixhiku KOSOVË- Kryetari i Lidhjes Demokratike të Kosovë, Lumir Abdixhiku ka falënderuar ditën e sotme qytetarët...
Emmanuel Macron, Vjosa Osmani, Prindon Sadriu dhe Brigitte Macron PARIS- Presidentja e Kosovës, Vjosa Osmani një ditë pas zgjedhjeve në...
Berisha TIRANË- Kryetari i Partisë Demokratike Sali Berisha gjatë një konference shtypi prezantoi ish-drejtuesin e fushatës së...
selia e ps TIRANË- Kryeministri Edi Rama ka mbledhur sot drejtuesit politikë të qarqeve ku në fokus të bisedimeve në takim i...
Christopher LaCivita TIRANË- Drejtuesi i fushatës elektorale të Presidentit Amerikan Donald Trump, Christopher LaCivita do të drejtoj&e...
Konferenca TIRANË- Kryedemokrati Sali Berisha ka prezantuar sot drejtuesin e fushatës elektorale të PD-së në Shqip&eu...
Ilir Bejtja TIRANË- Ish-zëvëndësministri i Energjisë dhe Industrisë, Ilir Bejtja është paraqitur ditën e sotm...
albin kurti KOSOVË- Lëvizja Vetëvendosje nga rezultat e deritanishme të publikuara nga KQZ kryeson me 41% të votave. Por pavar&eu...
christopher lacivita TIRANË- Christopher LaCivita, drejtuesi i fushatës elektorale të presidentit amerikan, Donald Trumpo do të jet&eum...
