"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Qori u shpreh se partia e tij "Lëvizja Bashkë" ka një program politik të majtë dhe si përparësi, përfshirjen e shoqërisë në zgjidhjen e problematikave.
TIRANË- Kryetari i "Lëvizjes Bashkë", Arlind Qori ka folur ditën e sotme lidhur me zgjedhjet e ardhshme parlamentare, të cilat janë vetëm 40 ditë larg. Qori u shpreh se partitë e vjetra i kanë ezauruar forcat e tyre dhe kanë humbur dimensionin e seriozitetit dhe të raportit organik me shoqërinë. Sipas tij, arsye të tjera që do i dëmtojnë rivalët e tij kryesorë në garë, janë legjitimiteti dhe morali politik.
“Çdo gjëje i vjen fundi. Fatmirësisht edhe të keqes i vjen fundi. 35 vjet janë shumë. Partitë e vjetra i kanë ezauruar forcat e tyre, kanë humbur dimensionin e seriozitetit dhe të raportit organik me shoqërinë. Sot partitë e vjetra, PS-ja dhe PD-ja, janë tërësisht ilegjitime, në kuptimin që asnjë njeri që takon në rrugë nuk të thotë që unë votoj me bindje për to. Unë mendoj që kësaj radhe kanë për të qenë shumë herë më pak se kurdoherë tjetër, sepse kriza e legjitimitetit politik dhe moral të këtyre partive sa vjen e theksohet,” tha Qori.
Ai u shpreh në intervistën në Radio Televizionin Shqiptar se partia e tij "Lëvizja Bashkë" ka një program politik të majtë dhe si përparësi, përfshirjen e shoqërisë në zgjidhjen e problematikave.
“Ne duam ta transformojmë shtetin në një shtet zhvillimor, që mëkëmb shëndetësinë, arsimin, kujdesin social, vendos minimumin jetik. Gjithashtu jemi për një shtet të së drejtës, që me seriozitet lufton korrupsionin, evazionin fiskal, informalitetin në punë e shumëçka tjetër. Mirëpo asgjë nga këto nuk është e realizueshme nëse shoqëria nuk merr pjesë. Për ne politika nuk është thjesht komandë nga lart-poshtë, por është përfshirje, pjesëmarrje në jetën politike, sociale, ekonomike, sepse pa përfshirjen e qytetarëve edhe idetë më të mira do të mbesin në baltovinën e burokratizmit politik dhe të neglizhencës, siç jemi mësuar. Partitë e tjera kanë qenë gjithmonë të heshtura, të mekura kur ka qenë puna për të folur për oligarkinë ekonomike, për të denoncuar kapjen e shtetit nga oligarkia ekonomike. Ne jemi e vetmja parti që shtrojmë për zgjidhje çështjen e të drejtave në punë. Punëtorët janë me qindra mijëra në Shqipëri dhe janë totalisht të braktisur nga shteti. Ligji më pak i zbatuar sot në Shqipëri është Kodi i Punës,” u shpreh Qori.
Për kryetarin e Lëvizjes Bashkë, këto zgjedhje të përgjithshme kanë nxjerrë edhe një herë në pah “hipokrizinë” mes kundërshtarëve të tij të mëdhenj dhe paqartësinë programore të partive të reja. Sipas Qorit, shtylla që mund të tronditet pas garës politike do të jetë ajo e drejtësisë. Ai u shpreh se ndarja e sotme qeveri-opozitë është një ndarje fiktive. Sipas tij, një pjesë e mirë e partive opozitare hera-herës bashkëqeverisin me Partinë Socialiste, sidomos kur vjen puna te ligjet e rëndësishme. Qori shtoi më tej se ekziston një probabilitet shumë i lartë që pas zgjedhjeve, PD dhe PS, nëse do të kenë së bashku një shumicë kushtetuese, do të ndryshojnë ligjet e reformës në drejtësi, duke zhdukur institucionet e reja të drejtësisë.
“Mua më çudit fakti që në fletën e votimit ka për të pasur 9 parti që deklarohen se janë të djathta, 1 parti si Partia Socialiste që deklarohet përtej së majtës dhe së djathtës dhe 1 parti që deklarohet e së majtës, që është Lëvizja Bashkë. Mua vërtet më çudit pse ato 9 partitë e tjera nuk kanë gjetur gjuhën e përbashkët për të hyrë në një koalicion.
Ndarja e sotme qeveri-opozitë është një ndarje fiktive, sepse një pjesë e mirë e partive opozitare hera-herës bashkëqeverisin me Partinë Socialiste, sidomos kur vjen puna te ligjet e rëndësishme. Ka një probabilitet shumë të lartë që pas zgjedhjeve, PD dhe PS, nëse do të kenë së bashku një shumicë kushtetuese, do të ndryshojnë ligjet e reformës në drejtësi, duke zhdukur institucionet e reja të drejtësisë,” tha ai .
Takimi Kurti-Rexhepi PRISHTINË- Kryeministri në detyrë i Kosovës, njëherësh kryetar i Lëvizjes Vetëvendosje (LVV) &...
Takimi TIRANË- Kreu i Partisë Demokratike, Sali Berisha gjatë fjalës së tij në takimin me të rinjtë e FRPD-së ...
Berisha TIRANË- Kreu i Partisë Demokratike, Sali Berisha gjatë fjalës së tij në takimin me të rinjtë e FRPD-së...
edi rama TIRANË- Kryeministri Edi Rama tha sot gjatë një aktiviteti në shkollën "Besnik Sykja" në kryeqytet se brenda kë...
Berisha TIRANË- Kreu i Partisë Demokratike, Sali Berisha gjatë fjalës së tij në takimin me të rinjtë e FRPD-së...
edi rama TIRANË- Kryeministri Edi Rama është i pranishëm ditën e sotme gjatë një aktiviteti në shkollën ...
Berisha TIRANË- Kreu i Partisë Demokratike, Sali Berisha ka zhvilluar ditën e sotme një takim me të rinjtë e FRPD-së. Gj...
ilir beqaj TIRANË- Prokuroria e Posaçme ka mbyllur hetimet për dosjen "SASPAC" dhe ka dërguar për gjykim ish-ministrin e Shë...
Këlliçi TIRANË- Drejtuesi politik i PD-së për Tiranën, Belind Këlliçi ka reaguar në lidhje me një pos...
Foto ilustruese KOSOVË- NATO ka thënë se siguria e Ballkanit Perëndimor është jetike dhe se s’do të lejohet të...
