6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Komisioni i Etikës ka përjashtuar nga Kuvendi për ditë, Sali Berishën dhe Flamur Nokën, ndërsa për 5 ditë Edi Palokën e Belind Këlliçit. •Noka u shpreh se regjimi i tanishëm është i kalbur dhe se ora e revolucionit po vjen. •Këlliçi tha se po kërkohej përjashtimi i tij për shkelje të etikës ndërkohë që nuk kishte folur fare gjatë seancës plenare. Ai theksoi se të nesërmen opozita do të mbante sërish protestë para Kuvendit •Maxhoranca kërkoi përjashtimin e tyre me 10 ditë pas përplasjeve të ndodhur në seancën plenare të 13 shkurtit. •Ndërkohë që Opozita protestonte jashtë Kuvendit, Berisha dhe deputetët bllokuan foltoren e u përplasën me socialistët. •Opozita është shprehur se do të mbajë një tjetër protestë në seancën plenare që pritet të zhvillohet nesër, në orën 10:00.
5 artikuj për këtë temë.
TIRANË- Deputeti i Partisë Demokratike, Saimir Korreshi e ka cilësuar "absurd" vendimin e Kuvendit për të përjashtuar 4 deputetët Sali Berisha, Flamur Noka, Belind Këlliçi dhe Edi Paloka nga seancat plenare. Për mediat, jashtë sallës së Kuvendit, ai u shpreh se s'mund të përjashtohen deputetët vetëm se kanë përdorur fjalët "orgji" dhe "McGonigal" pasi Rama përdor fjalë shumë herë më të rënda në parlament.
"Sekretariat turpi, sekretariat palaço. Mori vendim absurd për përjashtimi me 10 ditë të zotit Berisha dhe Noka dhe 5 ditë për zotin Paloka dhe zotin Këlliçi. Te materialet për Berishën kishin një video skandaloze të marrë nga facebooku i tij kur ai përmendte vetëm një fjalë "orgji McGonigal". U thashë hapni fjalorin se çfarë do të thotë fjala orgji. Këta e kanë mendjen te e keqja. Nuk do të thotë asgjë më tepër se festa që bëhej për nder të Perëndisë Dionis. Kaq thotë fjalori shqip. Në atë seancë deputetu Berisha fillimisht është provokuar nga një deklaratë absurde nga Denaj ku i kërkonte komisionit të Etikës përjashtimin e tij. Video nuk tregon fare nëse Berisha është apo jo në ambjentet e parlamentit. Video nuk ka as ambjente parlamenti, as orar.
Nëse për togfjalëshin "orgji McGonigal" mund të dalin të gjithë, për atë çfarë ka thënë Edi Rama dhe gjithë të tjerët ai parlament duhet mbyllur dhe duhet hapur pas 100 vitesh. Së dyti për zotin Noka, i ka fryrë bilbilit. PS ka hyrë me daulle në parlamentin shqiptar. Këlliçi paska marrë mjete dhune, sëpatë dhe hanxhar janë mjete dhune, por doli që ishte stativ dhe ja ulën me 5 ditë. Me çfarë sysh e panë, me xham apo pa xham? Paloka vetëm se ka kaluar nga foltorja dhe ka shkuar në banjo. Këtu nuk ngrihesh dot në këmbë se merr karton të kuq. Shteti si duket ka mbetur pa lekë, atje ku është fshehur Rama i duhen lekë dhe hajt t'ua heqim deputetëve, të heqim zërin opozitar. Po të heqim nja 20 deputetë vjen Rama në Kuvend.Po na dhunohet fjala e lirë.Ka tallje më të madhe se Rama që nuk vjen në Kuvend? Kontrollojini rrogën se mos i ka kaluar 100%. Kush nuk vjen në parlament i hiqen 150 mijë lekë. Kontrollojeni se mbase ja jep Lindita", tha Korreshi.
TIRANË-Komisioni i Etikës dhe Votimit është mbledhur ditën e sotme për të marrë vendimin në lidhje përjashtimin nga Kuvendi të kryetarit të Partisë Demokratike, Sali Berisha; sekretarit të Përgjithshëm Flamur Noka dhe dy deputetë Belind Këlliçi dhe Edi Paloka.
Nga mbledhja e sotme, Komisioni vendosi përjashtimin për 10 ditë nga punimet e Kuvendit, Sali Berishën dhe Flamur Nokën. Ndërkohë, për Edi Palokën dhe Belind Këlliçin ka vendosur përjashtimin e tyre me 5 ditë nga punimet e Kuvendit.
Seanca e fundit parlamentare, e cila u zhvillua jashtë rendit, u shoqërua me episode të shumta tensioni, ku nuk mungoi as bllokimi i Foltores nga deputetët e opozitës, e po ashtu as krijimi i zhurmave me bilbilë për të ndaluar fjalët e socialistëve.
TIRANË- Deputeti i Partisë Demokratike, Belind Këlliçi ka deklaruar në një prononcim për mediat se është përjashtuar nga Parlamenti për futjen e një pajisje për mbajtjen e telefonit. Sipas tij, këtë pajisje nuk e ka futur në mënyrë të paligjshme por e ka gjetur aty.
'Të ju tregoj se për çfarë jam përjashtuar unë. Pretendohet nga Komisioni i Etikës që unë kam futur këtë pajisje, që është një pajisje për të mbajtur telefonin, është kauçuk, dhe e kam gjetur brenda sallës së parlamentit nuk e kam futur unë. Këta 7 kolegët paskan parë video që unë kam futur fshehurazi këtë pajisje kaq të rrezikshme për shëndetin e Edi Ramës dhe të Lindita Nikollës në seancë. Ftoj të nxjerrin videon ku e kam futur unë fshehurazi, dhe se çfarë dëmi shkakton një pajisje e thjeshtë që shërben vetëm për të mbajtur telefonin. Unë përjashtohem për herë të dy brenda tre javësh nga Kuvendi, në një seancë ku unë nuk flas, unë akuzohem se kam fyer, kam shkelur kodin e etikës, ndërsa unë nuk kam folur në seancë.
Akuzohem se kam bllokuar foltoren, kur ndërkohë kryetarja e parlamentit thonte se foltorja, mikrofoni nuk funksionon, ka një gabim teknik dhe pasi na lanë 20 minuta në errësire. I gjithë shqetësimi është se këtu nuk ka qytetarë shqiptarë që nuk e kupton, që Edi Rama nesër të vijë në parlament dhe të tentojë të mos ketë opozitën aty, për të bërë debat për rastin e McGonigal. Do apo nuk do Lindita Nikolla, apo Edi Rama kësaj afere do ti shkohet deri në fund dhe opozita do të flasë. Kjo është një manovër e turpshme dhe po tentohet të na mohohet fjala. E vetmja gjë që kemi është fjala dhe ne nuk heqim dorë. Unë si i ri mbi të gjitha, edhe pse do të jem edhe për 1 muaj në parlament, aq sa do të kem mundësinë do të qëndroj fort për të thënë të vërtetat e të gjithë atyre shqiptarëve, e 750 mijë qytetarëve që na kanë votëbesuar në zgjedhjet e fundit dhe atyre dhjetëra mijëra qytetarëve që takoj çdo ditë që duan të dëgjojnë të vërtetën dhe duan transparencë.
Do apo nuk do Edi Rama, nesër në orën 10:00 do të ketë një protestë tjetër, para parlamentit, brenda dhe jashtë parlamentit. Nëse është burrë dhe është i papërlyer ai dhe i vogli i tij në Bashkinë e Tiranës, të vijnë dhe të japin sqarime për këtë çështje, çfarë problemi ka. Këta që ke frikë të hapësh frigoriferin se të dalin në ekran, ke frikë të ecësh në rrugë se i sheh diku, ke frikë të ecësh se të mbysin çdo hapësirë publike, këta janë zhdukur nga ekrani. Nuk ka logjike të një qytetari të thjeshtë që ta kuptojë se e gjitha kjo bëhet për të shantazhuar opozitën, për të na mbyllur gojën dhe për të mos bërë transparencë në opinionin publik për këtë rast skandaloz që prek shtetin tonë dhe sigurinë kombëtare të SHBA. Të mos shqetësohen, vendimi aty do të jetë marrë me siguri, do jemi përjashtuar, kemi kryer vepër penale, por të paktën jam krenar që akuzohem për këtë pajisje e nuk akuzohem dot as për ndonjë incenerator, apo aferë, as për vrasjen e Ardit Gjoklajt as për leje ndërtimi në qendër të Tiranës dhe beton. Pa merak këtu na kanë, ne nuk do të heqim dorë.'- tha Këlliçi.
TIRANË-Sekretari i Përgjithshëm i Partisë Demokratike, Flamur Noka ka reaguar pas mbledhjes në Komisionin i Etikës. Noka është shprehur se ky është një skenar i përgatitur nga Rama që ti mbyllë gojën, dhe për të eliminuar opozitën. Ai është shprehur i sigurt që as Nikolla, as Rama, as të tjetër nuk do të ja arrijnë të mbyllin zërin e opozitës.
'Me urdhër të Ramë Gonigalit, vazhdon skenari për ti mbyllur gojën, për të eliminuar opozitën. Këta mendojnë se duke përjashtuar pa asnjë shkak, pa asnjë arsye deputetët e opozitës, dhe duke i bërë qejfin Ramë Gonigalit mendojnë se i shërbejnë demokracisë. Por të luftosh opozitën, të vazhdosh të marrë urdhra për ta likuiduar atë si pjesë të skenarit, kjo është vetëm vrasje e opozitës. Të jeni të sigurtë, as zonja Nikolla, as Ramë Gonigali, as të tjetër nuk do të ja arrijnë të mbyllin zërin e opozitës. Ne, demokratët, qytetarët e këtij vendi na kanë votuar aty për ti mbrojtur ata, për të folur dhe për fjalën e lirë. Pa fjalën e lirë, një parlament nuk mund të ekzistojë, ai quhet monist. Edi Rama vërtetë mendon të instalojë monizmin, por ne kemi për detyrë që të përfaqësojmë 750 mijë votuesit dhe të çojmë zërin e tyre në parlament. Sa herë që zëri i tyre nuk do të na lejojë të shkojë në parlament, sa herë që ne do të na bllokojnë fjalën, siç ka ndodhur rëndom këtyre kohëve, ne do të gjejmë metoda për të folur dhe përcjellë mesazhet tona.
Asnjë nen i rregullores nuk është thyer në parlament. Unë këtu mund të ju bëj me dije kohën kur nuk dhunohej opozita dhe kur funksiononte demokracia. Me vuvuzela, me bilbila, protestonte për të drejtat e veta opozita. As nuk shpallej armik, as nuk tentohej të likuidohej, as nuk persekutohej, as nuk tentohej të bëheshin gjyqe publike siç donin të na bënin sot ne, as nuk merrej vendim në emër të popullit siç donin ta bënin sot këta, por respektohej, opozita është pasuri kombëtare."- tha Noka.
TIRANË- Sekretari i Përgjithshëm i Partisë Demokratike Flamur Noka dhe deputeti demokrat Belind Këlliçi kanë dalë para anëtarëve të Komisionit të Etikës në Kuvend, i mbledhur për të shqyrtuar kërkesën e deputetëve socialistë për të përjashtuar me 10 ditë 4 deputetë me argumentin e prishjes së seancës plenare të ditës së hënë. Noka dhe Këlliçi u futën live nga rrjet social 'Facebook'. Ata dëgjohen të thonë se nuk kanë shkelur etikën e se kjo që po bëhet është në kundërshtim me ligjin.
Flamur Noka:Sot mundoheni të tregoni që kjo është monizëm luftë për të asgjësuar opozitën, është PS, ja ku e ke me video me zë dhe me figurë e ke për të kërkuar të drejtën e fjalës pra kjo është, ne po kërkojmë të na jepet fjala që dhe jo ne të na ndërpritet fjala dhe ju jeni deputetë si dhe unë dhe e keni ndjek që sa herë merret fjala ndërpritet. Ata që më kanë votuar kërkuan që unë të flas, nëse do të na mbyllni gojën duke na shpallur armik tani do të na përzini nga parlamenti, ne kemi një detyrë të përcojmë zërin e opozitës dhe të mbrojmë fjalën e lirë, se demokraci pa liri nuk ka. Ajo është skllavëri se ai shefi juaj komandon me telefon kryetaren tuaj ne jemi gati të pranojmë gjithcka po opozitarizmi do ta mbrojmë me cdo kushte. Në këtë parlament fjala e lirë ka vdekur nëse ju mendoni që duke na përjashtuat, deri javën tjetër di ti përjashtoni të gjithë po e keni gabim se nuk jeni në lartësinë e votës së qytetarëve të këtij vendi. Ju jeni përfaqësues të në sulltani po parlamenti do të jetë me deputet që pavarësisht dëshirës së sulltan Surrelit, nëse më thoni ligjin që kemi thyer si deputet e pranojë pastaj po si shpjegohet gjithë ky mllef kur Rama na thoshte si gjiriz ju pse duartrokisnit.
Sali Berisha tha një që është reale video me po rgjira që janë reale, cfarë bëri që dihet parlamenti të marrë masa, e keni gabim se revolucioni demokratik po troket, ju duket shaka po kështu do filloj, jeni regjim i kalbur vetëm demokraci kjo nuk është. Ligjin dhe Kushtetutën e njoh më mirë se ju, etikën e kam respektuar dhe nuk kam fyer, nuk e zgjidhni me mashtrime. Po ju vjen fundi po do jepni llogari.
Belind Këlliçi: Unë e di shumë mirë se etikën nuk e kam shkelur, unë kam dalë vetëm LIVE në Facebook, mesa di unë kjo nuk është thyerje rregullash. Vazhdoni bëni si të doni.
